احبك كحب الرسول لعائشه♥️✨(36)
بقلم يسرا محي الدين يونس 💙🖇️..
حسناتنا(الـم💜تلك ءايات الكتاب الحكيم💜هدي ورحمه للمحسنين💜الذين يقيمون الصلاوة ويؤتون الزكاوة وهم بالآخره هم يوقنون💜).
امي م لقيتها في الاخير شفتها منزويه في كرسي بعيد كدا وبتبكي زي المات ليها زول شايفه ابوي بصبر فيها..
انا : لي لي كدا يا امي؟!عيب كلامك دا انتي عاوزه تبكيني في يوم فرحتي..
ابوي : اتكلمي معاها عليك الله..
امي ضمتني شديد ولسه بتبكي م خلت دعوه طيبه م قالتها لي "بتتجازف بدعوات الامهات يخوانا💙" امي قالت لي فراقك صعب علي شديد ياسرويتي بس دي سنه الحياه كدا امش وربنا يعدل طريقك بس بجد حنفقدك😞..
أحمد جا سلم ع امي وابوي وقال لي ورح ورانا مشوار طويل..انا طبعا م عارفه حنمش وين اصلا هو م وراني مشينا طلعنا في العربيه واحمد ساقها ومشى بينا..
انا : بعد اخدت بكيتي ديك وكنت بين صاحيه ونايمه سألته احمد حنمش وين احنا؟!.
احمد : اليله خاطفك جد جد😂😂😂.
انا : احمد خلي الهظار واشرح لي من حقي اعرف..
احمد : مامن حقك🌚..
انا : كيف يعني م من حقي😩.
احمد :عشان مفاجئه😂.
انا : ياخ حريقه فيك انت ومفاجئاتك دي😭😭.
احمد : حريقه فيني انا انتي متأكده؟!..🙂.
انا : لا طبعا.. حريقه في المفاجئات بس😔..
احمد : وليه هرشتي🤣👋🏻.
انا : عشان م بقدر بدونك 😞❤️..
احمد : يالطيف الطف م امش اعمل حادث عشان شكلي كدا ح افقد السيطره..
انا : خلاص م ح اتكلم معاك😂😭،،بس فهمني حنمش وين؟!د م شارع المطار زاتو+انا انعس زول هسي حتقعد تلف بينا كدا لمتين..
أحمد : قربنا اصبري حبه بس م فضل كتير..
انا غفيت وماصحيت الا ب أحمد بقول لي وصلنا فتحت عيوني شايفه لي بيت حلو شديد وكله انوار بس شكله في حته بعيده وبراهو ماف سكن جنبو وشايفه شجر كتير وفي حاجات زي الزرع كدا بس م واضحين لي عشان الواطه بليل..
احمد : دا بيت المزرعه..عايني ليهو حلو كيف؟!..
انا : اي حلو شديد والانوار والمناور دي الركبها منو؟!..
احمد : اسي مش قلتي نعسانه؟!..
انا : اساسا جاياك من الحلم اسي..
احمد :معليش شوشنا عليك ياخ😂😂..اها اشيلك انتي اول ولا الشنط؟!..
انا : افتكر عندي رجلين وبعرف امش..عليك بالشنط بس وقمته عشان ادخل..
احمد : فجأه لقيت نفسي في الهوا قال لي ما علي كيفك هو..
احمد : قبل يومين عامله لي فضيحه في محل عام على اني م بقدر اشيلك اسي مفروض احوم بيك الدنيا دي كلها ونا شايلك كدا عشان تعرفي بس..
انا : سامعه الشنط قاعده تبكي بره براها امشي جيبها م تسفها وانا نزنلي..
احمد : انتي قايله اي شي ببكي وخواف زيك كدا🤣👋🏻.
انا : المهم نزلني..
احمد : حقو اجدعك انتي عارفه؟! ما انزلك.. وين الريئاكشن حقك م مفروض يكون كدا انا زوجك يابت وين المياعه والنياصه انتي م بت ولاشنو😭😂🔥؟!
انا : احمد الله كم نزلني يخ😭.
احمد : أمري لله انا😩ونزلني مشا يجيب الشنط ونا قعدت الف في البيت حلووووو مطلي ب الابيض ومفروش ب الأزرق والابيض💙🤍 في هول كبير بتفتح في غرفتين ومطبخ الهول فيهو اريكه كبيره كدا وشاشه المهم البيت م ملان شديد وزي مابقولو الاناقه في البساطه..
انا : الديكور حلو شديد يا احمد انت دايما زوقك حلو كدا؟!..
احمد : وكيف زوقي مايكون حلو ومختارك انتي مرتي❤️".
انا :لا زوقك حلو بجد🤣❤️بس الزول العمل التصميم بتاع البيت دا شاطر والله ورهيب عديل..
احمد : لو وريتك منو حتتخلعي..
انا : منو ؟!
احمد : مؤتمن..
انا : 😐معقوله ورجعتو لبعض عادي..
احمد : اي عرف غلطو واعتزر لي..
انا : سامحتو كيف وهو كان عاوز يقصك؟!..
احمد : ربنا بسامح يايسرا انا منو عشان م اسامح..
انا : عشان كنت شايل منو شديد..
احمد : جا قعد جنبي ومسك يديني شال نفس طويل وطلعو وقال لي شايل منو عشان لوهله حسسني امكن افقدك..لوهله حسيت انه انتي ماحتكوني لي لوهله قلت امكن اقدارنا ما لبعض دي اكتر حاجه هزت كياني الفكره دي قلت امكن ربنا جاب مؤتمن في حياتك عشان انا مالخير ليك ونا عاوز ليك الخير بس والله عشان بحبك م ح اكون اناني واشيل منك الخير الجابو ليك ربنا عشان ارضي نفسي عرفتي،وما ممكن اتملكك براك ،،جيتي سالتيني عن مؤتمن كيف معاك م قدرت اقول ليك انه انا المفروض اعرسك م مؤتمن م قدرت اقول ليك انا العاوزك م مؤتمن.. وغلطتي علي فكره اني كنت مكرش عليك ساي من دون اي خطوه ،هنا اذا جاك اي زول طالبك ب الحلال أنا م من حقي أزعل لاني ما عامل شي ولا اعلنت لزول،، كنت شايل حبك جواي ودافنو زارعو جوه اعماق قلبي يايسرا لانو حبي ليك طاهر جدا ونقي شديد،،كنت شايل لي فكره غبيه في راسي انه بعد ابوك يجي واتقدم وان شاء الله ابوك يومي بدي فينا مواسير لمن مؤتمن قرب يقصني😩😂💔المهم ماعلينا ياخ انتي اسي مزكراني مالك انسي الماضي دا وخلينا في الحاضر.. انا : ابتمست وقلته ليه في حاجه عاوزه اقولها ليك،،اعرف انه انت لو كنت اسوأ خيار ب النسبه لي ح اختارك،،كنت ح امش واجي اختارك انت عشان م تقول لي كنت قايل نفسي لخير ليك ولا لشر ليك انا م عاوزه الخير عاوزاك انت.. انت كل الخير ب النسبه لي..♥️🦋.
احمد : قلبي الصغير لا يتحمل😩😩😩.
انا : لا قلبك كبير والله😂.
احمد : انتي بتحبيني اصلا كنتي صح ياوسخه..
انا : م عارفه والله بس غرته شديد لمن عرفت انك حتخطب حتى بكيت ومانمت اعلن اعترافي الآن😔💔..
احمد : واسي احساسك شنو؟!..
انا : حاسه اني متعلقه بيك شديد😞😞وثانيه وحده من غيرك م بقدر اعديها..
احمد : لا لا اوعك تتعلقي😩😩التعلق دا ماكويس..
انا : 😒😒😒.
احمد : عارفك م حتفهمي دقيقه ح اشرح ليك بس افردي وشك دا لانه حلوه وانتي مكشره برضو ونا فترت من حلاوتك دي ياخ😩♥️.
انا : ما اتعلق بيك كيف يعني؟!وامش اتعلق في شنو؟!!عمود،، شجره،،؟!!
احمد : وحاه الله بحبك😂❤️.
انا : نننننننننن..
احمد : عايني يا البحبها قصدي ليك تتعلقي ب ربنا التعلق دا واحد بس وحنخلي لربنا،،في مقوله بتقول من علق قلبه بشيئاً غير الله ربنا ح يزيقو مراره فقد ذلك الشئ الا ان يعلق قلبه بلله مره أخرى..والكلام دا صح ميه في الميه وح اديك مثال قريب كمان مع اننا حنرجع لنفس الاسطوانه لكن لازم اشرح ليك.. زي مثلا في واحد اسمه احمد علي عكاشه اتعلق ليهو بوحده مجنونه كدا اسمها يسرا عمران كانت في بالو الاربع وعشرين ساعه حتى في صلاتو بتزكرها ،،دايمافي بالو وقلبو ياربي اسي بتعمل في شنو؟!ياربي صلت؟! ياربي مشت الجامعه اليله؟!ويابختهم صحباتها بشوفوها كل يوم؟!😞يارب انا اشتقت لصوتها😞؟!وهكذا.. دا التعلق💔.
ف صاحبنا متعلق كدا لحد ماجاتو مكالمه منها علي انه اتقدم ليها زول تكمل معاه باقي حياتها.. حس ب انه في طعنه حاره جاتو في نص قلبو م قدر يستوعب الا بعد مارجع لربو تاني وبكا لربو واعتزر لربو،، فظهرت تاني في حياته من اول وجديد♥️🦋..
انا : دا كله عشاني يا احمد😔..
احمد : اتمرمتط اكتر من كدا م عاوز احكي بس😂😭المهم اسي كلامي دا طلعتي بيهو بشنو؟!..
انا : اني م اعلق قلبي بحاجه غير ربنا♥️🦋حتى لو كانت انت😔🖤..
احمد : حبيبي شديد انتي😞♥️يلا ورح نصلي لازم نبدا حياتنا مع بعض ب ركعتين وندعي ربنا يبارك لينا فيها..
انا : طيب تمام.. اها حنسكن في الحاجة الحلوه دي يعني..
احمد : دي آخر البلد م حنسكن فيها😂بس انا اسي حاليا م عاوز اشوف لي كائن غيرك وم عاوز اسمع لي صوت زول غيرك عاوز نكون برانا هنا بس..
أنا : حنقعد لحد متين البيت دا حلو م عاوزه امشي منه😩..
احمد : حنقعد حكايه خمس يوم وحنسافر ،،وخلاص وقفي رغي واررح نصلي عشان شايفك بتتسائبي من قبيل م تنومي لي في الصلاه..
انا : هي ركعتين ولا تراويح😂.
احمد : خش الحمام اتوضا وجا قال لي اتوضي وغيري انا ح افرش المصالي..
انا : فتحت شنطتي والخبر المؤسف انه شكله نسو يختو لي ملابس لانو العيني عليها دي مستحيل تكون ملابس زول حيلبسها اتمحنت قلته يخوانا انا عاوزه اصلي اسي د شنو الفسوق دا قمت مشيت فتحت شنطه احمد طلعت لي قميص ولبستو الحمد لله طلع اسدالي بتاع الصلاه قاعد لبستو من فوق للقميص وطلعت بره لاحمد..
احمد : بدون مجامله انتي اي شي فيك حلو كدا ليه🥺🥺🥺❤️.
انا : شنو الحلو انا ولا الاسدال؟!..
احمد : الاتنين مكملين بعض❤️ عموما انتي ب اي شي حلوه وبدون شي برضو حلوه..
انا : بدون شي كيف يعني؟!..
احمد : عاين لي بخباثه كدا وقال لي اجي اوريك؟!..
انا : أحمد استغفر الله انحنا ماشين لربنا هسي بطل انحراف..
احمد : قام ضحك قال لي آي آي استغفر الله😂😂وعاوز يكبر...
انا : مع انه مفروض تمش تتضوضا تاني لكن خلاص م حنك كبِر..
احمد : قعد يضحك تاني قال لي بجي بعضيك م ممكن معاك خلي استهبالك دا..
انا : استغفرت وكبرت بعديهو،، احلي حاجه ممكن تلاقيكم في الحياه "تلاوه أحمد💚"حاجه تفتح النفس وتشرح الصدر كلها يقييين ياخي انا لمن دموعي جرت🥺🦋..
بعد خلصنا قال لي يسرا الحياه دي صعبه م سهله وفيها اختبارات وامتحانات كتيره وفيها السمح والشين وفيها يوم ابيض ويوم اسود اسي احنا اليله حلوين مع بعض ومابنرضا في بعض ابدا،، بس حيجي يوم والله لاجابو لكن حيجي يوم ونتزاعل بس عاوز اقول ليك الله يرضا عليك "زيتنا في بيتنا"عارفه يعني شنو الجمله دي يعني ماتطلعي حاجه بتخصنا بره بزات لو كانت مشكله او سوء تفاهم حنقعد برانا نحلو نطير فوق للسماء ونجي خابطين الارض مع بعض ونحلو لكن م حنضيف طرف تالت نهائي م حنحشر زول في مشاكلنا لا امي لا امك لا اي زول حتى صحباتك انتي فاهماني يابت..
انا : اي فاهماك بس لي حنتشاكل اصلا🙂..
احمد : م عارف لانه اساس الحياه المشاكل بس كللها بتتحل طالمل احنا متفاهمين مع بعض.. وربنا يقدرني اسعدك واقدم ليك كل البتستحقيهو واكتر😔❤️يسرا انتي حاجه جميله شديد ظهرت في حياتي فجأه م عارف اشكر ربي كيف عليك،انا ممتن جدا انك في حياتي وربنا يديمك لي طول العمر🥺♥️
