احبك كحب الرسول لعائشه ♥️ ✨ (4)
بقلم يسرا محي الدين يونس 💙 🖇️..
جرعتنا من القران(طه🧡ماانزلنا عليك القرآن لتشقى🧡الا تذكره لمن يخشي🧡تنزيلا ممن خلق الارض والسماوات العلي🧡الرحمن علي العرش استوى🧡له مافي السماوات ومافي الارض ومابينهما تحت الثرى 🧡).حسام جا قاليهم انا م اخوكم ولا شنو؟! شنو نافني من التصوير وخش معاهم..بعد انتهو من التصوير والجوطه دي اهل محمد قامو طالعين..
محمد : استنو اسوق مرتي..
احمد : علي وين ياخينا؟!
محمد : مش حقتي؟! وكمان بعد البوكس الاديتني ليو داير تتكلم😂💦
أحمد : بس احنا م اتفقنا كدا عاوز تخرخر مش🐸.
محمد : اي بعد الحلاوه الفيها دي لازم اخرخر🤤 ولا اتصرف اسوي اي حاجه المهم اسوقها معاي😭.
الحمد لله ملاذ ما اتعولقت فينا وقالت ماشه معاو لانها بتعملها عادي..
المهم الناس ضحكت ومحمذ واهلو اتخارجو وفضلو ناس البيت والجيران امي جات باركت ليها وقالت لي يسو يلا البيت..الحجه حربيه طبعا اسمها ندي م عرفتكم بيها.
انا : ملاذ يقلبي يلا جاو مع اني م مصدقه لاسي انك عروس🤣💔
ملاذ : انا كمان م مصدقه لكن الحمد لله🥺❤️.
طلعنا انا وامي كان عندي جامعه بكره بس مرهقه شديد فكرته ادكها تاني اتزكرت فاضل لي محاضره وحده بس وحرمان اتأفأفت وسبيت لجامعه ولشي الربطني بيها وجهزت ملابسي مجرد ماختيت راسي في المخده عشان انوم اتزكرت جمله احمد الضايقتني طول اليوم"عشان بس كنتي احلي بيها". قلت يعني هو اسي كان شايفني شينه يعني ولا الفهم شنو قمت من السرير طوالي مشيت علي التسريحه فكيت شعري وعاينت لنفسي في المرايه بعديها مشيت جبت طرحه ولميت شعري ولبستها تنحته في نفسي كدااا قلت هه في الحالتين جميله يلا حريقه تحركم، قلت لنفسي انتي قليله ادب ع فكره ردت لي ب شكرا عارفه فكيت الطرحه ولفيت شعري ورقدت نمت..تاني يوم صحيت الصباح ودموعي في طرف جفوني ع اني ماشه الجامعه (حسيت بيك والله🤣💔)المهم اتأخرته ولمن طلعته السواق قعد يهرش فيني كلعاده..
إمام : عايني يابت الناس انا تاني لو جيتك خلي يحرقو لي عربيتي دي..
انا : عمو إمام والله م ناقصاك عليك الله اصلا انا من قبيل عاوزه ابكي..
إمام : ونا اسوي ليك شنو!! ماتبكي تجي وشك ملان دموع لكن تطلعي في الزمن انتي قايلاني سواقك براك وراي ناس ياخ باخرهم من قبيل بتصلو علي ومجنني كله بسببك انتي يا فايقه نفسي يوم تتزفتي تطلعي بدري..
انا : حسيتها عيب اني اسب لراجل كبير كدا ف سكته..
إمام : المهم أنا اليله بتصل لابوك وبتفاهم معاو(ابوي في الامارات ماهنا) ..
انا : وحتقول لي شنو يعني؟!
إمام : بقول لي م ح اكمل معاك الشهر دا وبتك دي مفروض تمش من البيت لحد الجامعه برجلينها لانها تستاهل..
انا : تانكيو من قلبي..
سكت م اشتغل بي مشيت لقيت المحاضره بدت وبرضو جوطه مع الدكتور بعدين دخلت..
بعد المحاضره انتهت مشيت قعدته لي في بينش بعيد كدا م نفسي اشوف اي كائن قدامي اصلا شكلها مزفته من الصباح.. لكن عندي شله لو دخلته في نفق تحت الارض بطلعوك، حيظهرو اسي بعرفكم عليهم..قاعده في امان الله كدا جاني عبدووش د اتفهه كائن في الحياه يلا، واحد من الشله..
عبدالله : القميل ماخد شاكوش ولا الغزاله رايقه..
انا :🙂 الغزاله رايقه تعال قريب..
عبدالله : عشان ادقا بدون سبب زي المره الفاتت🤣💔دقيقه امش افتش باقي الشباب وين واجيك مسلح انتي دي م بقدر ليك براي يختي..م اشتغلت بيو اساسا كنت قاعده افكر في القصه الح احكيها لابوي لمن يتصل يهرشني في تأخيري دا بس م جاتني قصه زابطه نهاي وابوي ازكا مني بمراحل حيمسح بي الواطه.. بعديها جات الشله الكريمه ماشاءالله م ناقصين ولا زول(عبد الله دا طويل حلبي شماسي قاطع مكسر بنات الجامعه كللهم بقرا طب(سنير) ، مازن دا هادئ شويه بلبس نظارات عندو غمازه وحده خدوري كدا اكتر واحد مهذب في الشله (توب سنير) تخدير معاي، في رنا ورنيم مزز قاطعات رنا بتقرا معاي تخدير ورنيم اشعه م بتفارقو نهاي واخر زول حسن د فردتي شديد يلا مع انه تافه برضو لكن بيستي بصوره خاصه بفهمني وبفهمو صحتو سمحه وحقار شديد بقرا طب مع عبد الله سوا عاملين زي الاسره كدا م بنرضا في بعض ابدا واحلي حاجه م عندنا كابلز نهاي في الشله ، مع انه كلهم مرتبطين الا انا ومازن انا مالي في الارتباط ومازن د زول مسكين ساي باقي الشباب بنادو شيخ الحله،انا برلومه طبعا م تشوفوني مباريه الناس الكبار ديل😂💔م مصاحبه زول من دفعتي الا رنا الهبله دي)يلا التشغيلات بدت..
رنيم : مبدئيا كدا شكلك حاسه ب البوره لانو ملاذ صحبتك عرست امس..
مازن : والله لو شفتي شكلك ونتي هادئه كدا سمحه خلاص دقيقه اصورك..
انا : من يومي سمحه بس معليش انت احوص🙄
عبدالله : ماشاءالله طلع عندك لسان انا قايلو رجع..
رنا : خلاص يسو قومي افردي شنو هو معقوله عشان الهرشه حقت الدكتور ديك بس..
حسن : لا شكله عمك إمام برضو اداها وحده لانو شفتها جايه متأخره (قربت ابشر ليو🙂).
انا : عاينو م تقعدو تستجوبوني زي الفي محكمه كدا ونا اصلا عاوزه شاورما بس😔..
عبدالله :والله عرفتك قال جعانه لكن سكته ساي..
كللهم ضحكو وقالو لي خلاص ورح عازمنك عملو شير ونا بره نظام بواسو فيني وكدا..(الصحاب♥️🔥).
بعد طقينا بمزاج حكيت ليهم القصه حقت ملاذ الفي الكافتريا حسن عاين ل عبد الله وقاليهو تتزكر لمن زنقك اخو قمر في مكان الايسكريم 🤣💔ونت عملت فيها عميان م بتشوف وهي بتساعدك🤣💔.
عبدالله : دي اسمها بديهه التصرف🤣👋ونت نسيت لمن سكوك اخوان رنيم قايلنك حبيبها 😂😭انا لهسي بضحك.
قعدو يضحكو ويكاو في بعض ونا لمحت الولد السمح تاني القيتو في الكافتريا داك.. شايفاو واقف مع اصحابو م صدقت عيوني طبعا وبقيت مركزه عشان اتأكد د هو ولا م هو بس قام ضحك وتأكدته من الغمازات..
عبدالله : طقطق لي في وشي وقال لي النبي ورح ليو امشي اتدردقي قدامو هناك يكون جميل..
انا : شبهتو يخ..
عبدالله : بلله🤣 ومدا لي منديل قال لي خلاص هاك قشي ريالتك السايله دي..
انا : شلت المنديل وشرطو لي في وشو كريه خلاص لازم يغيظني.. 😭😭
حسن : عبدوش كشف هناك واشر ليو ورانا، لقينا مزه عبدالله الجديده واقفه ليها مع ولد سمح كدا، وقال ليو بدل تقعد تتاشاطر فينا هنا دا امش صلح حكومتك الفاكه دي..
عبدالله : اليله ياريم لكن مادقستي ياريم بهرسو ليك اسا هنا.. طبعا عبدوش د متهور.
انا : نهاي ماف داعي ياحسن لتعكير الجو عارف عبدوش د براك م نصيح..
حسن : اصبري هو م عاوزاها اسي ح يصاحب الولد شوفي بس..مشا سلم الولد وسفها هي..لمن جا حسن قال ليه عرفتك والله.
عبدوش : قليله ادب خلي تصبر لي، م فهمتهم بتعولقو في شنو بالي كان مشغول لسه مع السواق الحيشتكيني لابوي دا حسن لاحظ لي..
حسن : مالك انتي يازوله..
انا : وريتهم..
حسن : انتي وهميه!؟؟؟؟ ما اكيد حتقولي ليه يابابا انا قاعده احفر وزاكر اليومين دي ف بساهر وبصحا متأخره وابوك الحنين داك حيشبكك خلاص م تساهري وبتاع ع الاقل تنومي بدري وضميرك مرتاح كن سقطتي تقولي لي انت قلت لي كدا يا بابا..
انا : اقسم بالله ياحسن م منك فايده نهاي🤣.
رنا ورنيم جكاسيهم ضربو ليهم اتشايلوها وعبدوش مشا يزبط امورو مع مززو وحسن برضو اتخارج م بعرف ليه ماشي وين؟! فضلنا انا ومازن بس كلعاده😂💔طلعت شيتي..
مازن : ابيت يايسرا ابيت م بشرح ليك اليله، انا اقسم بالله لو شفت لي بت ربطتها يكون عشان اتحله منك بس، ومن اسألتك الكتيره دي
انا : حرام عليك يامكنه انا اختك ياخي..
مازن : ماهو ماممكن الكشرات كلها تشخري وتجيني انا ادرسك من اول وجديد وكأنو بتديني راتب..
انا : مازن يخ هي جزئيه بسيطه م تقعد تتجنن فينا..
مازن : حظي كعب الجابني تخدير هاتي الشيت دا يابليده.. اها عاوزه يشرحو ليك شنو؟!!
انا : يييييييه زي حقت الشفع ديك وبكل فرح وريتو وبقيت مركزه، ع فكره كل مره الناس بتخارجو ونا بقعد بكرهو عيشتو لاني م بفهم سرعه برضو🥲😂💔ف هو شاميني شديد لكن بعدا عسل وقلبو ابيض يوم م كسفني بلمره اسي لو كان د عبدوش كان فرتق لي مخي واحد واحد 😂🔥
استغفرالله العظيم واتوب اليه.. ♥️🌸
