احبك كحب الرسول لعائشه ♥️ ✨(3)
بقلم يسرا محي الدين يونس 💙 🖇️..
جرعتنا من القران(الم نشرح لك صدرك💓ووضعنا عنك وزرك💓الذي انقض ظهرك💓ورفعنا لك زكرك💓فإن مع العسر يسرا💓ان مع العسر يسرا💓فإذا فرغت فانصب💓والي ربك فارغب💓).
بعد المغرب كدا بعد جهزنا البيت وفرشناهو❤️ اعمام ملاذ جو ومعاهم أحمد، ابوهم متوفى ربنا يرحمو..
كنت لابسه فستان زهري فاتح ورافعه شعري كعكه مزبطه حواجبي وعامله غلوس بس ماعامله شي تاني..
ملاذ :مالك سمحه كدا اسي العروس منو فينا؟!..
انا : ضحكت وقلت ليها العروس الحيلبسوها الدبله يختي..
ملاذ كانت آيه من الجمال ماشاءالله طلعت حلوه شديد🤤♥️ قلت ليها الله يستر محمد مايسيح لينا هنا اليله..😂🔥
ملاذ : انا الح اسيح والله من اسي وريتك اوع تزحي من جنبي.. في زول ضرب باب الغرفه..
ملاذ : اتفضل
أحمد : جاهزين؟!
ملاذ : متوتره شديد يا احمد
احمد : جا عليها وضماها قال ليها احلي اخت واحلي عروسه د الانتي بتستاهلي عرفتي♥️✨ مابغنجو بيك بدون رضاي💔م تتوتري حيحصل خير ب اذن الله..بعديها انتبه لي قال لي الخوافه😂👋
انا : ياهلا..
احمد : شيتك وينو؟!😂
انا : ملصق في يدي هو؟!!...
احمد : و كمان لميضه..😂 💦
انا :....... 🙂
أحمد : طب ممكن سؤال صغير اذا م فيها ازعاج..
انا : اتفضل😊
أحمد : طرحتك ديك وين!؟
انا : مافيشه لي السؤال؟! 😒
أحمد : عشان بس كنتي احلي بيها..
انا : اتغظته منو طبعا د شنو المتحشر دا😭💔وقلت ليه انا كدا مرتاحه😊.
احمد : لا راحتك يازوله..
ملاذ : ممكن تبطلو رغيكم المامنو فايده دا وتشوفو لي الناس ديل قربو ولا لا عشان انا ح ابول..😊َ.
احمد : ملاذ والدراما 😂😂💔اوك حشوفهم بس انتو خليكم جاهزين، طبعا احمد م سأل ملاز لانها كانت محجبه💓.ونا تنشن بي تاني قلت مالي ومالو واحد متخلف ساي.. صوت الزغاريت علت في الشارع بعديها سمعناها جوه البيت مع كلمه ابشر يا عريس المتردده جا خاشي محمد ماشاءالله الصلاه علي النبي، شكله يهبل عديل ب الجلابيه🤍🔥 ملاذ غطت لي عيوني 😂💦قالت لي ماتشوفيهو..قلت ليها انا كصحبتك ح اغض بصري لكن امشي غطغطي لباقي البنات😂💔مشو علي الصالون واحنا قعدنا مستنين م عارفنهم حيخطبو ولا ح يعقدو ولا ح يعملو شنو؟!..بعد شويتين سمعنا صوت رصاص والصواريخ بتاعت الرجال ديك ملاذ دي دموعها كبت مطرررره ابت تقيف بعديها جا أحمد قاليها عقدنا♥️🔥وخلاص بقا حلالك🤍✨باس راسها وقاليها ان شا الله يقدر يسعدك زي مابنعمل انا وحسام..
ملاذ : كانت بتبكي وقالت لي اصلا سعادتي معاو❣️.
أحمد : عان المعفننه😩😂💦 ان شاء الله يضوي ليك اتخارجي اصلا م عاوزنك..
ملاذ : ضحكت وحضنتو وقالت ليه القا زيك وين انا..
حسام جاها مفحححط قاليها الشماسيه جازفوها واخيرا حتفضي لينا البيت
ملاذ : حسام د م يومك اقسم بالله..
حسام : ضحك وبارك ليها قاليها الواحد م يهظر معاك😂❤️.
بعديها جاتها خالتو حنان ضمتها وطبعا انتو عارفين شعور الامهات في اللحظه دي🥺.. اخدو ليهم بكيه كدا حقت فرح💗..بعديها العريس كبس الناس شغاله فضو الساحه افتحو السكه (الناس ديل ياسر وحسام طبعا) محمد جا قعد جنب ملاذ للحظه حسيتو حيشيلهاا فوق ويدور بيها كان عدم التصديق ظاهر في وشو ماشال عينو منها ابدا مسك يديها الاتنين وطبع فيهم قبله.. م اشتغل بزول وكأنو بقول لينا بحقي والبقرب مني بسلخو "الحلال حلو♥️".
لبسو بعض الخواتم وملاذ كانت مبسوطه شديد.. "فرح الصحاب يمه مانتحرم منه💚✨".
احمد وقف جنب ملاذ وقال لي صورينا العلي الله كانت فيهو درعه وهو طبعا قمحي ملتحي عيونو واسعه وحواجبو غزيره لحيتو مقفله احلى حاجه فيهو، طبعا انا عشان شاماو ف م ركزت معاو كتير😪 ملاذ قالت ليه تتزكر يا احمد لمن قلت ليك محمد م بكزب قام عاين ليها وضحكو في اللحظه دي لقطه ليهم صوره ياخ كان حلوين مع بعض أحمد للاسف حلو وملاذ احلى منو😩❤️.. أحمد قاليها اي طلع راجل ود رجال ولو م كده م كان اديتك ليو، "انتي غاليه عندي♥️✨"..اي هو أحمد كريه واي حاجه بس تعاملو مع ملاذ عجبني شديد واتمنيت ليهم ربنا م يفرقهم من بعض طول العمر.. ❤️🔐.
بعديها طلع محمد جايب مصور صور العرسان واصحاب العريس والدنيا كلها اتصورت الا انا م كان نفسي اتصور😂💔لكن اتصورته مع ملاذ للزكرى بس..
انا : طبعا ياملاذ ماوريتك الجوطه الحاصله دي كلها بسببي 😂🔥لمن كنتو بتتافهو في المطعم انا دعيت ليكم ب الحلال وشكلها كانت ساعه استجابه..
ملاذ : اخ اليوم داك قاسي ماتزكريني بيو😂😭💔.
انا : "عسى أن تكرهو شيئا وهو خير لكم"
ملاذ : فعلا والله..
سبحان الله وبحمده سبحان الله العظيم.. ♥️🌸
