احبك كحب الرسول لعائشه ♥️ ✨ (33)
بقلم يسرا محي الدين يونس 💙 🖇️..
حسناتنا(والطور💚وكتاب مسطور💚في رق منشور💚والبيت المعمور💚والسقف المرفوع💚والبحر المسجور💚ان عذاب ربك لواقع💚ماله من دافع💚).
انا : بنتصور عادي انت كمان،بس م بننزلها فيسبوك او بنزل صور محترمه من دي، اسي ممكن تقفل عشان اتفاهم مع الزفته دي..
احمد : انا البتفاهم معاها عشان تاني م تنزل صوره بدون م تستأذن من صاحبها رسلي لي رقمها..
انا : م برسلو ليك.. وقفلت فيو اتصلت لرنا الهبله دي لازم تحشرني في مصيبه😭💔..
انا : رنا يابتتت انتي جاده؟!..
رنا : مالك؟! في شنو؟!
انا : وكمان بتسألي انتي عارفه اليله احمد ممكن يموتك او انا الح اموتك قبليهو..
رنا : اهاا قصدك موضوع الصوره حزفتها اسي والله، الاولاد تعليقاتهم م حلوه..
انا : الماحلوه حركتك لي م استأذنتي مني..
رنا : قلت مافيها حاجه ياخ..
انا : فيها حاجات كتار اسي أحمد عاوز يقطع راسك ووصفت ليهو بيتكم وجايييك في الشارع قومي اتشهودي وودعي ناس بيتكم ولو عندك وصيه قوليها..
رنا : كزاااابه😭😭😭.
انا : جاده معاك..
رنا : ولشنو وصفتي ليهو بيتنا😭😭.
انا : عشان هو طلب مني..
رنا : والله يايسرا م قصدي شي لمن نشرتها ختيتها حاجه عاديه حنسيهو لي😭مايجي يعمل لي مشكله مع ناس البيت😭😭.
انا : هبله،،ما وصفت ليه لكن طيشك د بس ياهو هو المضيعك المره الجايه استشيريني طيب...
رنا : طيب..واي خوفتيني..
انا : بعدين د شنو الكرور الاماهو في صفحتك دا،،احزفي التافهين ديل كللهم م حتستفيدي منهم اي شي..
رنا : اي ح احزفهم..
انا : يلا اقطعي وشك..
احمد رجع لي قلته ح امش منو وين دا كمان..
احمد : حزفت الشي دا ولا لسه..
انا : حزفتو اي..
احمد : تاني لو كررتها م برحمها..
انا : عارف انك عصبي شديد..
احمد : عارف كويس..
انا : الناس بتحل المشاكل بهداوه مش بعصبيه وكواريك..
احمد : اي شي ممكن احلو بهداوه الا شي بخصك "انتي" دا م برضى فيهو وممكن احرق الدنيا..
انا : بتحرق بس انت م بتعرف شي تاني تعملو🤣👋🏻.
احمد : اي بحرق بس مالك انتي😂🔥،بلمناسبه امي حالفه الا ترجع بس انا قلت ليها تحضر عرسي بعدين تمش..
انا : ع اساس انه عرسك بكره يعني..
احمد : م معروف احتمال كبير😂😂.
انا : والله ماشاءالله ربنا يتمم ليك علي خير🤣..
احمد : يسرا انا جادي والله،، حدي معاك السمستر دا، سنتك الاخيره دي انا بقريك ليها بفتح ليك جامعه ب اسمك في البيت🌝..
انا : في البيت دي م ح اقراها خلاص خليها،اصلا بمش الجامعه عشان صحباتي واصحابي والطقه وكدا بسيعني..🌞🤝🏻.
احمد : يعني طلع دا هدفك البتمش بيهو الجامعه..
انا : اي م ناكره🤣👋🏻.
احمد : انتي م جاده نهائى والله 🤣نفسي اعرف بتقري تخدير كيف؟! التخدير دا عاوز لي زول رزين ورايق..
انا : ويعني انا اسي م رايقه؟!..
أحمد : ابداً🤣..
انا : ثانكس🌞💦.
أحمد : اكزب عليك يعني؟! اقول ليك رايقه ونتي مجنونه😂💔.
انا : 🙂🙂🙂يلا زاتو مع السلامه بكره عندي امتحان..
احمد : امتحاناتك الما بتنتهي دي..
انا : اي والله😩..
احمد : طيب يلا امشي زاكري وبالتوفيق ح ادعي ليك معاي💚"واذا عندك اي حاجه غلبتك رني لي مستعد اشرحها ليك حتى ولو الساعه كانت متأخره انا فاضي ليك في اي زمن..
انا : طيب تمام..
احمد : وما تفوتي صلواتك،، م تفوتي صلواتك،، م تفوتي صلواتك.. لأنه اصلا ما التوفيق الا من عند الله💛..
انا : طيب ان شاء الله..
قفلت منو وقعدته اقرا المغرب لمن اذن قفلت شيتاتي وكتبي مشيت صليت وكسرت الروتين حبه قريت لي صفحتين من القرآن ومشيت عملت لي كبايه قهوه وجيت انتحر تاني..
بعد صليت العشاء نمت وصحيت ولسه م خلصت😭قلته الباقي دا ح اتوكل علي ربنا بس خلاص طاقتي كلها نفدت بس في حاجه فايته علي درسوها ليهم اليوم غبت ومامشيت بدون سبب😭المهم قلته اتصل لاحمد لقيت الساعه2صباحا اتدرددته اتصل عليو لكن اتذكرت كلامو واتصلت طوالي،، عديمه رحمه😂😭💔الغريبه رد من الثانيه الأولى..
انا : صاحي ولاشنو؟!..
احمد : اي صاحي..
انا : البصحيك شنو الزمن دا..
احمد : كنت بصلي💙"..
انا : العشاء؟!..
احمد : د زمن عشا اسي، يابت انتي اتصلتي تحققي معاي ولا اتصلتي لشنو؟!..
انا : في حاجه عاوزاك تشرحها لي..
احمد : جدا اها قولي..
انا : وريتو وبقا يشرح لي لحد ماخلصنا الساعه 3ص قال لي بعدا نومي عشان تصلي الصبح حاضر وماتشبكيني حاله خاصه وبتاع..
انا : طيب تمام😂😭ارتحت حبه بعد شرح لي لانه الدرس دا كان عامل لي هم في قلبي..
الحمدلله نجحت في اني اصحى اصلي الصبح حاضر ورجعت نمت تاني كنت نعسانه شديد بس قبل ما افهم لنومتي ديك حاجه بسام ضرب لي بوري قمت زي المخلوعه اليله بسام لو فاتني الا اكسر حنك الامتحان دا،،المهم اطاقشت سريع سريع ونزلت ليو قال لي جليتي ب بونت بس اسي كنت مستعد للفحطه وتاني م تشوفي الا غباري..
مشيت نزلت الامتحان وطلع كعب بعد الاجتهاد داك كله لكن يعني المهم جازفتو..
رجعت البيت هلكانه واصلا نومي كان مقطع انبطحت في السرير وقلت تباً للقرايه لليوم الاخترعوها فيهو ياخ.. سمعت تلفوني برن وقلت م ح ارد اصلا م فيني حيل اتكلم مع اي بشرر.. رفعت التلفون وشوفت اسمه كدا طوالي الغرفه بقت كلها ورود والحياه احلوت تاني💕💕💕💕💕💕💕💕💕💕💕💕💕💕
احمد : فستقتي..
انا : ياقلب فستقتك..
احمد : انزلي انزلي سرعه..
انا : والله مافيني ولاذره طاقه..
احمد : حرآم يعني امش براي💔 خلاص م حنك ح آكل ليك معاي🤣🤝🏻..
انا : ماشين ناكل؟!!! فيووووو🌪️نزلت ليو مفحطه،،لقيتو قاعد يضحك تحت..
احمد : والله م حصل يوم خيبتي ظني🤣👋🏻.
انا : ارح انجز طلعت وقفلت الباب..
احمد : اها الامتحان كان كيف؟! وماتقولي لي زي الزفت..
انا : خلاص الحمدلله براك عارف..
احمد :😂😂😂 ح تجي الطيش السنه دي انتي..
انا : اي عشان م كنت بتقريني من زمان..
أحمد : ايوااا يعني انا السبب،، ماتنسي انه لسه باقي ليك سنه كامله بعدين اوع تجي تتبكي لي،، مابراجع لاي ناكر جميل انا..
انا : احمد خلاص يقلبي اسي انا جعانه نتفاهم بعدين..
احمد : نفسي اعرف الطاقه النزلتك سرعه كدا دي جبتيها من وين؟!!!🌚
انا : شوفتك ياخ🔥..
احمد : لا ياخ🤣🤣🤣.
طبعا كنت فترانه شايفاهو اتنين اتنين بس الطقه دي نقطه ضعفي للاسف🌞💔..
انا : اها يامان ماشين وين احنا؟!..
احمد : خليك ساكته..
انا : عاوز تخطفني صح؟!
احمد : شاطررره..
مشى بينا لحد ماوقف العربيه جنب مطعم كدا قريب من النيل،، نزل وقال لي انزلي ورح..
انا : وين؟!..
احمد : حنطلع فوق،، طلعنا السلم الاول وتاني بعديهو واحد ونا كل شويه اقول ليه هنا يقول لي لسه لحد ماوصلنا الطابق التالت تقرياً.
انا : قعدت في السلم وقلت ليه احمد اقسم بالله مابقدر خلاص اكتر من كدا تاني الا تشيلني..
احمد : ضحك وقال لي خلاص باقي واحد بس وربي..
وصلنا قال لي تعالي شوفي المنظر دا جيت شفتو وكان خرافي طبعا المبني الجدران حقتو من قزاز ومنظر البحر وفي شجر كدا جنبو والعصافير كان منظرهم جميل شديد..
انا : كنت فاتحه خشمي بزهول قلته ليه بلله احنا في السودان؟!!🤣.
احمد : المكان دا ممكن تقولي عليهو المأوي بتاعي كل م احس اني مضغوط واموري جايطه بجي بتنفس هنا بلمنظر دا،، ف حبيت اعرفك عليهو..
انا : والسلالم دي،،ع فكره انا بجد م عندي طاقه بس عشان جبت سيره اكل في الموضوع..
احمد : كويس اني جبت السيره والا كان م حتجي 🤣🤣🤣+السلالم م بركز معاها لاني بس بكون عاوز اصل الحته دي بزات لو مخنوق..
انا : ظريف شديد والحته حلوه تعدل المزاج والله..
الجرسون جا..
الجرسون : احمد هاك اتفضل بس المدام م بنعرف زوقك ممكن تطلبي عشان نجيب ليك؟!!..
انا : عقدت حواجبي وقلت لاحمد اوع يكون المدام دي انا؟!..
احمد : لا التربيزه..
انا د شنو اسم الناس الكبار دا؟؟!!!🙂..
احمد : كتم الضحكه في خشمو وقال ليه جيب ليها بيتزا خضار ومعاها فيمتو..
انا : انت عرفت من وين انه ديل بحبهم انا؟!..
احمد :حافظ كل تفاصيلك الصغيره والكبيره♥️"..
🔘سَبِحو......................♥️🌸
