احبك كحب الرسول لعائشه♥️✨(42)
بقلم يسرا محي الدين يونس💙🖇️...
جرعتنا(الـــم🤍الله لا اله الا هو الحي القيوم🤍نزل عليك الكتاب بالحق مصدقا لما بين يديه ومنزل التوراه والانجيل🤍 من قبل هدي للناس وانزل الفرقان ان الذين كفرو بئايات الله لهم عذاب شديد والله عزيز ذو انتقام🤍).
ملاذ : ومالك صوتك د م عاجبني زي البتبكي كدا؟!..
انا : اي مبسوطه بيو دي دموع فرح😭❤️..
ملاذ : ربنا يديمو ليك ان شاء الله💛✨.
قعدنا نتونس انا ولوذ ياخي اشتقت ليها شديد فرحتني ب انها حامل في الشهر الاول❤️قلته ليها شكلك كدا م حتكملي قرايه انتي دي😂💦وحكيت ليها دراماتي الصباح في اني م عاوزه امش الجامعه.. قالت لي ياريت لو الواحد بصحا الصباح كدا بلقا نفسو اتخرج😩😭💔قلته ليها ياريت ياخ😂💦..
انا : ح اقعد ارغي معاك كدا حلتي ح تحرق وح يرجعوني بيت امي..
ملاذ : والله م قادره اصدق انك ماسكه بيت اسي عملتيها كيف؟!🤣💔.
انا : عشان خاطر احمد دا ح امسك الدنيا مش بيت..♥️🔥..
ملاذ : اجشش لكن م بسالك دي انتي المابتعرفي الحب 😂؟!..
انا : اي م كنت بعرفو بس عرفني ليو هو..❤️.
ملاذ : ماشاء الله والله اتطورتو شديد😂🤍.
سالتها من محمد وقالت انه كويس مافيهو عوجه وحياتهم حلوه شديد💛💛قلته ليها ان شاء الله دايما كدا..
بعد خلصت مكالمتي مع ملاذ نزلت حلتي ومشيت صليت العصر م قمت من مصلايتي الباب ضرب.. مشيت فتحتو..
أحمد : قولي والله..
انا : لي في شنو ؟!..
احمد : انا قلت ليك شنو؟!..
انا : 🤦🏻♀️نسيت..
أحمد : اوع تفتحي تاني قبل ماتعرفي في منو بره تمام م اعيدو ليك..
انا : حسيت د انت ف فتحت الباب❤️..
أحمد : عارفك نسيتي زاكرتك الضعيفه دي مابتحنكيني🤣💔..
انا : اصلا ماف حاجه ح تجيني م عارفه الخوف د كله لشنو؟!..
احمد : وما اخاف عليك كيف بس؟!.. انا لو علي اطبقك كدا واشيلك جوه جيبي دا عشان تكوني في عيوني❤️في كل زمان ومكان..
انا : تطبقني د منديل انا؟!🦦💔..
احمد : ياريت😂💦..+اها ح تخليني معلق كدا في الباب لمتين؟!..
انا : بقروش..
أحمد : شنو البقروش؟!..
انا : اني ازح ليك من الباب يعني.. تدفع وبزح ليك..
احمد :🤣🤣انتي عارفه انه انا لو عملت ليك كدا بس ح تجي واقعه🤣👋🏻.. قرب مني قال لي قروش بس م ينفع حاجه تانيه؟!..
انا : زحيت منه وقلته لي قروش بس..
في زول جا نازل من السلم طوالي زحيت ليو قلت ليه اتحشر طيب ح ننفضح😩😂💦..
احمد : م عندي حاجه لزول انا..
انا : وعشان عارفه كدا عشان كدا خليتك تخش قبل ماتتهور..
أحمد : و الوراك اني كنت ناوي اتهور منو؟!..
انا : نظراتك الخبيثه دي..
احمد : م هينه تاريك😂😂اتزكرت جبت ليك معاي حاجه،،وطلع لي سنيكرز من جيبو..
انا : ياسلااام ياخ😭جيت اشيلها جراها مني فوق..وهو طويل مني ف م حصلتها..قلته ليه جيبها ياخ😭.
أحمد : مافي حاجه ساي..
انا : كيف يعني مش انت اصلا جبتها لي😩.
احمد : مافي حاجه ساي الزمن دا يازوله اسي جاي اخش في الباب بس قلتي لي بقروش كمان دايراني اديك دي ساي عويره ولاشنو؟!..
انا : خلاص ح اديك قروشها جيبها..
احمد : م عاوز قروش انا م شحاد زيك..
انا : القاعد تسوي فيهو د اسمه شحده برضو..
احمد : انتي عاوزاها ولا لا بس..
انا : جيت اجرها منه قلت اغفله لكن برضو رفعها فوق وقال لي مف ليك..
انا : خلاص شيلها ابلعها ياخ😩💦.
احمد : اسي انا قلت ليك صلحي حال السودان ولا قلت ليك حرري فلسطين؟!ادفعي ضريبتها بس وبديك ليها..
انا : ضريبتها شنو طيب🥲؟!..
أحمد : اي د السؤال العاوزو..
انا : اها ياخ خلصنا..
احمد : قبله صغيره فقط..
انا :طيب تعال جيب خدك الشين د..
أحمد : ما في خدي لكن؟!عاینی لیها کویس دي سنيكرز ما ماربيلا یازوله..
انا : أحمد خليتها م عاوازاها😩😭😭..
احمد :😂😂😂..خلاص طیب هاک خدی جیت ابوسو فی خدو باسنی فی شفایفی..
انا : یعنی انت اصلاً منحرف كدا؟!..
احمد : منحرف دي تمشي تقوليها للشماسه الفي الشارع انا هنا قره عينك لمن اعمل ليك كدا ولا كدا معناها تعزيني عرفتي..
انا : م عرفتا،،اسي حتديني الاسنيكرز ولا حتقعد تخرخر برضو..
احمد : نفسي اشيل وحده تانيه لكن بعدا ح تقومي تدقيني ف هاك😂😂👋🏻.
انا : كويس انك عارف انه بعدا الدق ح يبدا..
احمد : اها عملتي شنو وعديتي باقي اليوم كيف براك..
انا : انت م خليتني براي لكن..
احمد : اي خليتك مع ذكر الله🤍..ان شاء الله اشتغلتي بيهم وم جهلتيهم..
انا : اجهلهم كيف وهي اي مسج احلي من التانيه وح تذيد لي من حسناتي..
احمد : مرتي الفالحه ياخ❤️ اها طبختي شنو؟!..
انا : حاجه بتحبها..
أحمد : طبختي روحك ولاشنو😩♥️..
انا : اي م شايفني اسي بتكلم معاك من الحله🌚💔.
أحمد : 😂😂😂مشى علي المطبخ وفتح الحلل لقاني عامله سلطه اسود ودمعه فراخ.. يلا هو بموت في حاجة اسمها سلطه اسود❤️لمن انا بغار منها😩💔 م تركزو انا اصلا بغير من اي حاجه هو بحبها معاي،،بحس انه مفروض يحبني انا بس براي🦦..
بعد م اتغدينا ابوي اتصل علي فيديو قعد اتونس معاي ورغي مع احمد لمن خليت ليه التلفون ومشيت التلفون سخن وهم لسه بنضمو م عارفاهم بقولو في شنو غايتو كم مره سمعتهم بقطعو فيني بس عملت رايحه.. جهزت لبستي للجامعه ورقدت نمت..احمد صحاني بدري للصلاه صلينا جيت انوم قال لي والجامعة امشيها ليك انا؟!..
انا : والله يا احمد فترانه..
احمد : ووالله م عندنا فيك شغله.. قومي اجهزي ساي انا خلاص حفظت دراماتك دي..
انا : اتأفأفت وقمته جهزت.. احمد كان بضحك فيني م عارفه المضحك شنو؟!..
بعد خلصت دوام امي اتصلت علي قالت لي خلي احمد يجيبك لينا تعالو زورونا وامشو اشتقنا ليك شديد.. كلمته م رفض ومشينا طوالي امي قربت تطير من الفرحه لمن شافتني قالت لي تعالي شوفي غرفتك ونتي مافي ماحلوه كيف💔؟!حاساها شويه وحتسالني منك💔..قالت لي لمن اشتاق ليك بجي بقعد فيها وببكي..قلته ليها عليك الله الببكيك شنو يا امي اهوني قاعده حيه ارزق متى م احتجتو لي بجيكم.. واحمد د زاتو ادوهو صنه كدا بس وحيجيبني ليكم براو🤣💔..
امي : اوع يكون م بتسمعي كلام راجلك يايسرا..
انا : معقوله يا امي انا زوله مطيعه ياخ..
امي : انا بعرفك وبعرف قله ادبك.. بس اعرفي انه لو جابك لينا م بستلمك وتشوفي ليك حته تمشيها تلمك..
انا : اجي يا امي اسي مش قلتي بتبكي وشنو عشان انا ماف🤣💔..
امي : بس اعرفي لو جابوك بمشكله م بتلزميني لانه راسك قوي وم بتسمعي الكلام..
انا : م تخافي انا واحمد م بنختلف❤️..
امي : ان شاء الله يارب.. بتمنى والله اشوفك ست بيت ناجحه وام عظيمه..
انا : قلته ليها زيك كدا يعني..
احمد كان قاعد يتونس مع ياسر بعد شويتين جا قال لي يلا ح نمش..
امي : ماتقعدو تتغدو..
احمد : نقعد المره الجايه اسي ماف طريقه والله فلانه دي بكرا عندها جامعه..
امي : جرسه طبعا..
احمد : جرسه شديد..
انا : لمن تجو تقطعو في زول حاولو اقطعو فيه وهو بعيد شويه منكم..
امي واحمد ضحكو قالو لي دي م قطيعه اساسا🤣💔ف قال لي امي لمن يكون عندها يوم اوف ح اجيبها ليكم تبيت معاكم..امي قالت ليه طيب💛..ياسر قال ليه ماتجيبها ولا اي حاجه اسي خلينا انا وامي مبسوطين والهوا ضاربنا..حمرته ليو ساي المعفن لاقيني وين هو؟!..
في نفس اليوم د بعد رجعنا بليل حوالي الساعه اتنين كدا قمت صحيت احمد قلته ليه انا جعانه.
احمد : رد لي بصوت نعسان كدا قال لي ديك بطنك ودي بطني وانتي الجعانه انا مالني..
انا : يرضيك تنوم كدا ونا جعانه..
احمد : قام قعد وقال لي لام برضيني ورح نشوف ليك حاجه تاكليها قام وقمت وراهو مشى فتح التلاجه قال لي اطلع بطاطس اعمل ليك شيبس؟!..
انا : لا م عاوزه..
احمد : اها وعاوزه شنو طيب؟!..
انا : عاوزه اندومي..
احمد : شنو؟!😨اندومي اجيبو ليك الساعه 2ص من وين يابت الناس..
انا : م شغلتي انا والله المهم عاوزه اندومي🦦..
أحمد : حسبي الله ونعم الوكيل😩..قال لي طيب استنيني بمش وبجيك احتمال القاهو واحتمال لا من اسي خليكي عارفه عشان بعد شويه م تقعدي تبكي فيني..
انا : ح انزل معاك..
احمد : لا طبعا الجو بارد والزمن متأخر خليك هنا..
انا : حنستو وهرشني قال لي م حتنزلي يعني م حتنزلي نزل وقفل الباب ب المفتاح من بره جاني بعد نص ساعه لقاني نمت..
احمد : والله م بخليك اليله بعد م بشتنتيني كدا كمان تنومي..صحاني قال لي قومي ورح أعملو ليك تصحصحي مسافه بعمل فيهو وشايل تلاته كيس اندومي في يدو..
انا : ياسلام لقيتو من وين..
احمد : لقيتو واقع في الشارع😒..ارح قدامي،،هو شاميني طبعا لاني قطعت ليهو نومتو🤣💔😭.
انا بين نايمه وصاحيه وأحمد بعمل فيهو وبناغم فيني عشان م انوم..المهم بعد ماخلص وجابو لي قلت ليه اكل معاي قال لي م جعان انا المهم انتي اكلي❤️..وكدا بس فضلي لي حاجه في الصحن دا اليله..
انا : لو م اكلت معاي م باكل..
احمد : ياناس انا م بحبو اكلو غصب يعني😭.
انا : طيب م حنك أكلته زييين.. بعديها قلته ليه خلاص شكرا ليك..
احمد : تاني في حاجه؟!..
انا : لا..
احمد : يلا ورح نومي بعدا..
مشيت نمت غطاني ب المفرش وطفا النور بعد شويه قمت رفعت راسي لقيتو ماف قلت ياربي احمد مشى وين؟!..طلعت بره سامعه لي صوت تلاوه حلوو ولقيت د أحمد بصلي💙"..قعدته وبقيت اسمع فيه ياخي تلاوتو راحه نفسيه.. بعد صلى اتلفت علي قال لي ما جاييك نوم ولا شنو؟!..
انا : امممم..
احمد : طيب تعالي ورح صلي معاي امشي اتوضي والبسي اسدالك وتعالي..
انا : مسكت يد احمد وقلته ليهم نادوهو.. ماف زول بقدر يسالني اليله..
ياسر : يا امي انتي شايفه ولا انا شايف براي..
امي : والله شايفه معاك يا ياسر قله ادب شديده🤣.
احمد : في شنو يخوانا مالكم؟!..ما شايف شي غلط حاصل😂😂😂وقعدنا نضحك..
ياسر اتصل ع حسام قال ليه الكعبه جات تعال اجرد حسابك..
انا : م عجبني اسلوبك يا ياسر 😩😂😭💦.
بعد شويتين جونا خالتو حنان وحسام ..
حنان : يسرا واحمد الواحد الا يلقاكم صدفه..جيت مهروله لمن عرفتكم جيتو سلمت علينا ولومتنا احمد قاليها بس يسرا لو خلصت امتحاناتها ح نلف عليكم كلكم نجي نقعد معاكم عديل..
حسام : انا احسن اسكت..
انا : والله ياحسام انا بقيت زوله عندها بيت وجامعه ومسؤليات كدا كتيره خلاص م تلوم اختك ساي.. طبعا احمد بعاين لي بطرف عينو زي الكضابه كدا..
حسام : ونظرات احمد دي بتقول شنو؟!😂💦.
انا : بري احمد دا م تركز معاو أحوص ساي..
احمد :😨😨..
كلهم قعدو يضحكو وأحمد غلبو اليقولو لي..
حسام : والله يا احمد انت زاتك نسيتنا شكله العرس دا نفع معاك عديل لمن بعتنا..
احمد : انتو م فاهمين اي حاجه عليكم الله اسكتو ومن جواهو قاعد يقول انا نوم م قاعد انوم مع الناس..
حسام : لا لا لا الترطيبه واضحه في وشك ومن قبيل تضحك ساي اسي انا زاتي لمن قررت اعرس..
احمد : اوعك تعرس ياحسام نصيحتي ليك..
حسام : لي يعني؟!!. يسرا انتي قاعده تعملي شنو للكائن دا🤣💦.
احمد : عاين لي وقال من قبيل ساكت ليك وم عاوز أتكلم لكن بعد ماقلتي انا احوص لازم افتك بعدا..
ياسر : اي ياخ دق الصفايح وطلع الفضايح..
انا : ياسر م شغلتك فيني🤦🏻♀️..
احمد : اليله بوريهم بس اليله😂🤝🏻 يخوانا الزوله دي بتقوم الساعه اتنين صباحا وبتتمنى لي اشياء مافيشه يا احمد قوم جيب لي اندومي يا احمد قوم جيب لي صاروخ يا احمد قوم جيب لي مرفعين..
انا : مرفعين دا شنو😩🤣💦..
احمد : بعرف ليك انا؟!دي طلباتك انتي🐸🔥.
انا : الزول د كزاب م تصدقوهو😂😭😂😭😂💔المشكله انه الناس كلها قعدت تضحك والكلام اتدبس فيني حقيقي..
خالتو حنان قالت لي عاوزين قهوتك السمحه ديك لينا زمان منها يخ قمته عملتها ليهم ❤️وتمينا باقي ونستنا ❤️كانت لمه جميله جدا ناقصه ملاذ وابوي وخالتو ريا بس..
زمن صلاه المغرب خش خالتو حنان قالت راجعه البيت وياسر واحمد وحسام ماشين الصلاه احمد قال لي بجيك بكره بسوقك اصلا كان اليوم خميس.. قلته ليه لا تعالني السبت..
احمد : السبت عندك جامعه نسيتي؟!..
انا : اي بمش من هنا تعال سوقني من هنا..
احمد : لا لا لا كدا م ينفع دي فوضى.. بجي بكرا بسوقك بس😩😂💦.
انا : امشي عديل تاني م تجي زاتو..
ياسر وحسام قالو ليه ما تخف علينا ياعنتر الصلاه ح تفوتنا.. احمد قاليهم خلاص اها طلعنا صر لي وشو بعديها همس لي "ح أشتاق ليك❤️".. ياسر قال ليه سمعتها🐸..أحمد قال ليه انت اصلا شوك حوت واوع تهبش لي مرتي والله بختلف معاك 😩😂🔪..
بعد صليت قمت علي البيت رتبتو هو اصلا نضيف ومرتب لكن م بعرف اقعد ساي في بيتنا مشيت لامي في المطبخ قلته ليها ونتي البونسك منو؟!بتقعدي براك كدا.. قالت لي بري بتصل علي سيد ريدي وبونسني ولدو م فاضي لي من الكوره والجمبات وبتو عرست ونستنا الله يخليهو لي هو بس..
انا : عمران يا آصصصلي😂❤️..زكرتيني عاوزه اضرب ليه..
امي : انتي لسه كلام الشماسه د م خليتي..
انا : امي عليك الله "اصلي" دي كلمه كويسه عديل وماحقت شماسه زاتو..
امي : ختت لي يدها في نصها وقالت لي واها حق الشماسه شنو؟!..
انا : بري تسألي ياسر ولدك انا م بعرفش..
امي : قلتي عاوزه تضربي لابوك❤️..اضربي ليه انا زاتي م اتكلمت معاو اليله..
ضربت ليو فيديو واتونسنا بعديها قمت مشيت غرفتي حسيت راسي زي الافيني كدا بس عملت رايحه..
الصباح لمن جينا نشرب الشاي قلت لامي ياسر دا شكله خرش لينا حاجه في العصير دا لاني راسي لافيني من امس..
ياسر : عليك الله انا لو عندي زاتو بديكم منها انتي قايله الناس بلقوها واقعه ولاشنو؟!..
امي : انا والله ونسه الجمبات دي م بتنفع معاي ولا بتفتحوها لي هنا دي صفره بتاعت ناس محترمين ودا بيت ناس وانتو عيال ناس م تنسو الكلام دا.. دا شنو دا ياخي..
ياسر : م تنسي انك بت ناس يايسرا🐸💦.
امي : بقوم بخليكم..
ياسر : لا يانبع الحنان الا وزعلك..
🔘سبحوووو....♥️🌸
