احبك كحب الرسول لعائشه ♥️✨(26)
بقلم يسرا محي الدين يونس 💙🖇️..
جرعه من القرآن(شهر رمضان الذي انزل فيه القرآن هدى للناس وبينات من الهدى والفرقان فمن شهد منكم الشهر فليصمه ومن كان مريضاً أو على سفرٍ فعدة من ايام أُخر يريد الله بكم اليسر ولايريد بكم العسر ولتكملو العده ولتكبرو الله على ماهداكم ولعلكم تشكرون🤍🌙)
رمضان كان فضل ليهو يومين وابوي ماجا طبعا يلا انا م بحس برمضان الا مع ابوي😞🤍لأنه مواضيعنا كتيره فيهو ابوي بخلق الجو حرفيا 💓لمن كنت صغيره كنت بطلع معاهم الشارع😹بس بعد كبرتا أمي رفضت🥲المهم ابوي بعد الفطور م بقعد مع الرجال في الشارع كتير بجي بتونس معانا لانه بنكون مشتاقين ليه وزمن الصلاه بسوقنا انا وياسر معاو التراويح وهو البصحينا للسحور وبحمينا نرجع ننوم لحد مانصلي الصبح حاضر🤍✨قمت اتصلت علي ابوي عشان اقول لي ينزل السودان م ممكن معاو رمضان م بتجازف من دونو..
انا : الو ابوي ماسألتك عن الجيه تاني، انت م حتجي ولاشنو!؟..
ابوي : اسي ماشي اقطع التزكره..
انا : حتحجز متين؟!
ابوي : بكره ان شاء الله..
فرحت فرررح قفلت منو وزِعت للبيت كله وريته ابوي جاي م فضل لي الا ازيع لناس الشارع مشيت قلت لياسر امش اتصرف أحلق شعرك حق الشماسه دا عاين لي ساي م اشتغل بي مشيت وجيتو تاني عدتا ليهو نفس الكلام قال لي والله يايسرا المره التالته بقوم علي شعرك العاجبك دا بصلعو ليك ماتكرهينا ياخ خلي ابوي يقول لي احلقو بعديها انا بتصرف تفيت لي في وشو قلته لي خيابه شديده قام جاي علي جريت منو ومشيت لأمي كمان قلته ليها دي شنو الغباشه دي وين حنتك وين جيهتك حدرت لي قالت لي مااااااشغلتك بي😒حبيت احمسهم لكن لقيتهم م بتفاعلو يخ😭😂💔خليتهم ل الله والرسول، قمته على البيت نضافه شديده تقول نضافه العيد، وانا اصلا العيد عندي ما العيد الحقيقي عيدي يوم ابوي يجي البيت💓زبطتو وفرشتو وبخرتو،خشيت غرفتي مشيت ع مكتبتي شلت ورقه كبيره واقلام ملونه كتبت في الورقه
(مرحب بالفرحه في بيتنا اليله💛✨) ومشيت لصقتها في الباب من بره الكلام دا بليل طبعا وابوي حيصل بكره ياسر بعاين لي ساي وبضحك ما اشتغلت بيهو ولسه مشيت كتبت ملصقات كتيره حلوه وعلقتها انتهيت متأخره وكنت فترانه فتر صليت العشاء ونمت صحيت تاني يوم متأخره شديد من الفتر طبعا قمت متضايقه لاني فوته الصبح💔صليت ومشيت ع امي وياسر عشان اجوط معاهم لشنو م صحوني لقيت ليك ياسر حلق شعرو خفيف خفيف كدا المهم صلحو حبه يعني وامي متحننه ومتجيهه قلته ليهم ماقلنا نووووبه🤣🔥قلته لي امي حنمش نجيبو من المطار امي قالت لينا ماتبالغو ابوكم حيجيكم لحد بيتكم م محتاج تمشو ليهو سيره..
ياسر : انتي بس ادينا عربيتك وتاني م عندك شغله..
امي : لمن تبقا تتكلم كويس انا ح افكر اني اديك حاجه..
ياسر : ماما الحلوه بلييييز..
انا : امي اديني المفتاح ونا بوعدك ولا خدشه صغيره ان شاء الله..
امي : عان بتتكلم زي الواعيه وهي اطيش منو..
انا : وعد الحر دين عليه..
امي : أمري ل الله انا، امشو ربنا يغطي عليكم ويسرا م تتهوري..
انا : زااابط زابط..
قبل داك كلمنا ابوي احنا حنمش المطار ادانا هرشه صغيره كدا مشينا بدري وقعدنا انتظرناهو الشارع كله كنا بنتشاكل انا وياسر هو حالف الا يسوق ونا بقول ليه م وصلت السن م ناقصين محاكم وقصص.. المهم بعد تلت ساعه كدا السودان نوررر وشديييد كمان ابوي اللمبه وصل🤣🔥جا علينا انا حضنتو شديد وبكيت اشتقت ليه ياخي، قلته ليه قدر دا لكن؟! تاني الامارات ليك ببح والله.. الشغل زاتو تخلي،، ابوي حضن ياسر وسلم عليه مشى يدو في شعر ياسر وقال ليه الحركات دي لسه م خليناها ياسر قعد يضاحك زي العوير.. المهم مشينا وابوي قال هو الح يسوق طبعا ونا قعدت مع ابوي قدام ياسر شماني تاني😂💦شبكت يدي بيد ابوي وصورتها كتبت فيها "حبيبي براااااااي الف حمدالله ع السلامه😭❤️"ونزلتها استوري..
امي شافت الاستوري طوالي رسلت لي "براي؟!"..
قلته ليها غرتي ولاشنو؟! عليك الله يا امي انتي كبرتي خلاص خلي الحركات دي..رسلت لي بغير عليو لآخر نفس انتي مالك.. قما شوفت الشات لابوي طوالي قعد يضحك قال لي هو انتو صحي اسي جايني لشنو؟! كان تحرسو البيت وهي تجي💓.. عاينت لياسر قلته ليه سامع.. يعني احنا م مهمين،ابوي قعد يضحك ضحكتو خشت جوه قلبي ياخ اشتقت ليها شديد،،،وصلنا ب السلامه وابوي بقا م فاضي لينا اصلا قعد يتونس مع امي..زي ماعارفين زمان طبيعي محبوسه في غرفتي اسي بقيت مع ابوي بره وهو كل شويتين يقول لي عاوز قهوه من يدك🤤، امي طباخه ماف زول بفوتها بس م بتحب القهوه، ماعلينا المهم رمضانا كبس❤️ومشينا التراويح ك العاده انا وابوي وياسر امي زاتها مشت معانا نفس الروتين الكان زكرتو ليكم ياهو بتكرر بس كل مره بنحس بحاجه مختلفه، وأحمد كل يوم بثبت لي انه ارهب من اليوم القبليه م كان برسل لي فطرتي كيف يابيبي والعولاق دا.. كانت رسايلو عباره عن انه برسل لي مع الفطور "دعيت ليك معاي❤️" زمن التراويح برسل لي "امشي صلي م تتكاسلي💛" زمن السحور برسل لي"الدعوات في الزمن دا مستجابه كتري من الدعوات💙"ب النهار برسل لي "اها ماشه كيف في وردك🤍". رسايلو كلها كانت لطيفه ب الشكل دا في الشهر دا مع انه قبل رمضان قال لي انتي الا احظرك حتى ابدا رمضان مع الناس🤣💔، ملاذ اتحبست وعرسها في
في العيد ان شاء الله احمد وامو مانزلو السودان حسيتهم حينزلو بعد رمضان بس ماحصل سألته لانه اي شي بشبكني مفاجأه مفاجأه، لمن جات العشره الاوآخر أحمد مافوت يوم ما اتصل علي عشان ينبهني اقوم للتهجد شميتو في الاول لانه بقطع لي نومتي، لكن لمن وراني قدر شنو ربنا بحب الناس البصلوها وقدر شنو بكون قريب منهم ودعواتهم مستجابه💛بقيت اقوم قبل مايصحيني هو😂❤
️"التهجد حاجه جميله بجد اوعي تفوتكم♥️". كان معافر معاي اني اقيم العشره ايام كلها قال لي عشان تصادفي ليله القدر والهي خيراً من الف شهر💜..الحمدلله العشره ايام كلها كنت بقيم وبصلي وبدعي وبجد كنت بحس ب اطمئنان فريد كدا في الايام الاخيره دي💗 ولمن بصلي بحس المكان جنبي ملياان ملائكه🤍، هو رمضان كله ملان اطمئنان لو جينا للحقيقه بس كيف الواحد يعيش رمضان صح✅ بدل ما يقضيه كله نوم وتلفون وتلفزيون💔انا احمد ماقصر معاي غايتو واي شي اقول ليه فيه دا كله بفضلك بقول لي لا بفضل ربنا♥️🌸.
في يوم ملاذ قالت لي احمد شكله ح يجي بكره بس م حينزل معانا المره دي للاسف حينزل مع امه 😭والله م تتخيلي اشتقت ليه قدر شنو يايسرا 😩💔قلته ليها اشتقتي ليهو برااك؟! قالت لي بري شكلي م براي واضح اصلا😂🔪.
انا : اها تفاصيل العرس..
ملاذ : تاني يوم بس حنعمل زفافنا ويلا باي👋🏻 باي👋🏻(بصوت فلوله🤣) ،،قلته ليها شكلك م حزينه على فراقنا نهاي عاد محمد دا مالي كل الساحه عندك.. قعدت تتخجل وتتسجم وتترمد لي المهم قلته ليها رقبتك اتخارجي من السودان دا امكن انتي الفقر وحالنا يتصلح😩🤣💦، قعدت تبكي قالت لي يسرا م اتمنيت افارقك في يوم ابدا والله💔قلته ليها ونا كمان بس كله مقدر ومكتوب،، سكتها ب العافيه💔 تاني يوم والهو آخر يوم في رمضان بعد فطرنا شلت مصلايتي ومشيت ع البلكونه اصلي كان الكهربه قطعت قبل ما افرش المصلايه سمعت تلاوه عطره شديييييد بتخش جوه القلب وتخلي الكافر يدمع كلها تأني ووقار💙'' رفعت راسي اشوف دا منو لقيتو.. بصلي ب الناس.. اي كنت قايله نفسي بتهيأ لي ف ركزت لقيتو "احمد" زاتو مع انه ماطرى لي سيره الجيه لكن هو اصلا يخلو للمفاجئات..خشت فيني خلعه بس قلته م بسألو نهاي وبعمل رايحه تاني قلته امكن انا بهضرب مع الكهربه القاطعه دي ركزت لقيتو هو زاتو،، اصلا م بغباني في اي حته لو في الضلام او النور انا ح اعرفو..قمت صليت عشان م افوت الصلاه،،
ما تنسو تعملو تصويت ومتابعة
🔘صلو ع الحبيب.. ♥️🌸.
