احبك كحب الرسول لعائشه ♥️ ✨ (7)
بقلم يسرا محي الدين يونس 💙 🖇️..
حسناتنا يخوانا(الرحمن💚علم القران💚خلق الإنسان💚علمه البيان💚الشمس والقمر بحسبان💚والنجم والشجر يسجدان💚والسماء رفعها ووضع الميزان💚).
احمد : معليش اذا كلامي بقا قاسي عليك بس اعتبريني زي اخوك وبنصح فيك ممكن..
انا :........
احمد : طيب ينفع نكون اصحاب شايفاك مصاحبه البيت كله الا انا..
انا : مفروض تبدا تفكر الا انت لي!؟..
احمد : عشان بقول الحقيقه وكدا، انا والله م بعرف اجامل صراحة يعني والكلام د عامل لي مشاكل.. 😂
انا : م تجامل انت بس ماتدخل في حاجه م بتخصك والامور بتمش..
أحمد : يلا شفتي كمان لمن اشوف زول بعمل في غلط م بقدر م امنعه ابدا م بقدر حاولت كتير بس ماقدرت عايني الرسول قال شنو؟!! (من رأي منكم منكرا فليغيره... الخ)
انا : ماشاءالله يعني اي زول بعمل غلط انت متكفل تحاسبو طوالي..الله يغطيك من العين.
احمد : لا م اي زول😂💦.
انا : وأها؟؟؟!!!....
احمد : الناس القريبه مني يعني..
انا : 😐😐😶.
احمد : مش ساكنه معانا انتي عشان كدا قلت قريبه م تعايني لي بعيونك السمحات ديل، طلع شايف اموشناتي ونظراتي ديك كلها ب المرايه..
ملاذ رسلت لي مسج
ملاذ : عان م تجوني انا مشيت ب الترحيل..كلمتو قال لي اصلا انتو عاملين خطه..
انا : والله بس بعيد مني شويه عشان اتف ليك في وشك.. براك سقته عربيتك وجيتني وتهرش فيني وتتعولق ونا مالي دخل اساسا ايوه م عندي قروش مواصلات لكن كنت ح امش برجليني زي م قال ابوي..
احمد : استغفر الله اسلوبك يفوز..بس برجليني دي عجبتني شديد🤣🔥.
انا : مستحيل اصاحبك ولاي حاجه..
احمد : انتي لي شايفني سيء كدا..؟!
انا : عشان انت سئ اساسا..
احمد : بغض النظر عن انتي شايفاني شنو لكن انا زول مسالم والله يعني من الاول لو قلتي لي براحه بكل زوق تعال بعدين رجعني بجيك، ماف داعي لحركاتكم دي..
انا : راسي سخنننن وبس كنت عاوزه افتح باب العربيه واقع في الزلط ان شاء الله المهم انزل وابطل الاهانه والاتهامات دي.
انا : اقيف هنا بس.. وهو ولا اشتغل بي قلت ليهو اقييييييف ياخي😩😭💔بعديها بديت اجوعر بصوت عاااالي ودموعي نزلو عشره عشره..
احمد : بسم الله يابتت في شنو؟! خاف وقف العربيه في طرف الطريق..
انا : انتو لي بتعملو فيني كدا انا براي مخنوقه😭😭💔.
احمد : خلاص كدا روقي واهدي عشان اعرف الحاصل شنو والخانقك شنو؟! كان في وشو في علامات خوف بجد..
انا : اسي الكان قاعد يشاكل فيني منو كمان عندك نفس تسأل😭😭😭.
احمد : يعني اسي الدموع دي كلها بسببي!!؟🙁
انا : م كلها المهم شايل نصيب الاسد..
احمد : كدا دقيقه دقيقه..
مشا بينا حته هاديه كدا جنب البحر 🌊قال لي انزلي روقي حبه طيب..
انا : قعدته اقشقش في دموعي م كنت عاوزه انزل لكن نزلت..
احمد : كدا استغفري اول شي..
انا : قعدته استغفر ربع ساعه كدا..
احمد : اها كدا كيف؟!
انا : احسن❤️.
احمد : اها يلا طيب اعتبريني صحبتك واحكي لي المضايقك شنو؟!..
انا : قعدته اضحك قلت ليه صحبتي كيف يعني😂😂.
احمد : انتي مستهبله علي فكره مش كنتي بتبكي اسي..
انا : ماخلاص البكيه انتهت، ولا اعيدها ليك تاني..
احمد : حتحكي المضايقك ولا نرجع البيت لانو شكلك تافهه.
انا : شفت اسلوبك!؟😔💔
احمد : انتي لي بتتحسسي من كلماتي انا بزات وباقي الناس لا..
انا : م بعرف امكن عشان انت جادي شويه..
احمد :عاوزاني اضحك واهظر🤣👋.ماعلينا المهم انا عارف انه دموعك النزلت قبل شويه ديك انا م سببها واذا عاوزه تحتفظي بسبب لنفسك حريه شخصيه برضو ماعلينا اسي اتنفسي حبه ونرجع البيت عشان م يقلقو عليك..
انا : ولا بقلقلو علي ولا اي حاجه اصلا هم م معتبرني زول مع الناس🥲💔.
احمد : موضوع الترحيل😂؟!!.
انا : وفي غيرو؟!..
احمد : عايني يا يسرا انتي السبب واسي ابوك بأدب فيك لانو ملاذ قالت لي دي ما اول مره ولا دا اول سواق يعمل فيك كدا.. 😂
انا : لحقت ورتك القواليه اصلا انا بكون لصراصير حمامكم عارفين قصصي كلها ماشاءالله🥲💔.
احمد : المهم دي بتتحل ماتشيلي هم ابوك ب الكتير حيمرمطك اسبوع وبعديها حيلتفت ليك اصلا عاوز يشوفك حتقدري تعتمدي ع روحك ولا لا وبعدين زاتو الكسل ليك شنو..
انا : شلته نفس طويييل وقلته انا بجد م عارفه نفسي مالي؟!
احمد : صليتي الضهر؟!
انا : لا حمشي اصليهو في البيت..
احمد : فهمته لشنو ماعارفه نفسك مالك، اي زول بعيد من ربنا بكون م عارف نفسه مالو..
انا : احمد انت انا مكتوب في جبهتي دي يهوديه ولاشنو🙂؟!..
احمد : ماقلت يهوديه قلت بعيده من ربنا..
انا : بس حسيت اني عاوزه اكورك فيهو واقول ليه خليني في حاااااالي م شغلتك..
احمد : شاف نظراتي ليو م عجبتو قال لي انتي بس ماتضايقي انا بتكلم معاك بوضوح وسبق وقلت ليك م بعرف اجامل يعني دي الحقيقه..
انا : تاني دموعي ترررر جو جارين..
احمد : لا اله الا الله.. طيب خليتك ورح..
انا : قشيت دموعي وقلت ليه لا انا عاوزه اكون قريبه من ربنا..
احمد : طيب بسيط خالص بس كيف تنوي ونا ح اساعدك.. اسي م صليتي لشنو؟!
انا:كنت مشغوله وخلصنا متأخرين ف قلت اصليهو في البيت.
احمد : العصر زاتو أذن ونا سالتك من الضهر ك تيست بس لقيتك بعيده بجد..
انا : حتفضل تزلني كدا لمتين؟! 🥲
احمد : يسرا؟!! .. فرقي بين الزله والنصيحة ع العموم يعني كونو تكوني قريبه من ربنا او بعيده دي حاجه بترجع ليك ومابتخصني زي ماقلتي، وربنا يهديني ويهديك..
انا : اللهم امين..
رجعنا واحنا في الشارع قعد يضحك قال لي قبيل لمن قمتي تجوعري حسستيني خاطفك اقسم بلله🤣👋.
انا : سكته ساي اصلا بالي كان بعيد هل انا بعيده من ربنا لدرجه زول ينبهني معقوله؟!!!!!...
رجعت البيت خشيت غرفتي طوالي وقفلت الباب اتوضيت وصليت الضهر و العصر ورقدت نمت صحيت ع صوت مسج من تلفوني فتحتها لقيت مكتوب فيها "الصلاه ياجميله💚" بعديها انتبهت انه الاذان ب اذن رجعت شفت الرقم تاني لقيتو رقم أحمد.. قلت بلله طلع عندو اسلوب لطيف في الكلام انا كنت قايلاهو وحش متحرك..بعديها اتصل علي الحاج..
ابوي : يسرا كيفك
انا :م بخير طبعا
ابوي :لازم تتأدبي.. 😂
انا : شاكي في تربيتك؟!
ابوي : في مبلغ قلت لامك تديك ليهو الصباح ادتك ليو؟!.
انا : ماف زول اداني ولا فلس احمر..
ابوي : ومشيتي الجامعه كيف
انا : برجليني
ابوي : بطلي استهبال يابتت..
انا :زمن عارفنو استهبال كويس كدا بتقولو لي ليه
ابوي : اذكرك انا ابوك ولاكيف..
انا : لا م تزكرني عارفه، بس يا ابوي زعلته.
ابوي : خلاص بتي الحلوه ماتزعلي،لقيت ليك ترحيل جديد بس انتي ساعديني ب الالتزام طيب.
انا :دايره اقوليهو بعد شنو لكن سكته..
ابوي : طبعا الاخرني اني بشوف ليك في زول مضمون ونا اصلا زي امام تاني م بلقا لكن برضو د جابو لينا هو من معارفه مع انه شاب وكدا لكن م مشكله بثق فيك انا..
انا : 🤣🤣👋ع اساس الرجال الكبار م بتجازفو والله اسي عم أمام دا كان شوووقر دادي زابط بس الاحترام بسري في دمي..
ابوي : يابت دي شنو كلاماتك دي بتجيبي الكلام دا من وين..
انا : مابتعرفش يعني ايه شوقر دادي..
ابوي : يعني ايه؟!
انا : شفته بس زول زيك كدا قدرك ومرطب وامورو واااضحه.. يعني انت اسي شوقر دادي..
ابوي : انتي عارفه انا ح اخلي الشغل القدامي والوراي وبخلي اي حاجه وحنزل السودان عشان اربيك لانه شكله امك فشلت..
انا : بري والله الحجه م مقصره د كله اجتهاد شخصي مني🤣👋.
ابوي : بتتتتت..
انا : عيون البت..
ابوي : الله يهديك
انا : اللهم امين😂
ابوي : وخليك مركزه ع قرايتك م عاوز معدلك ينقص اذا نقص السمستر دا بعرس ليك البلوله طوالي..
انا : يابختو البلوله.. 🤣💔
ابوي : جادي معاك..
انا : حاضر حاضر يا ابوي ماتسمع مني إلا السمح ان شاء الله..
ابوي : ان شاء الله❤️وخلي لي بالك من اخوك وامك..
انا : في عيوني مابتجيهم عوجه، بس اشتقنا ليك..
ابوي : اقرب اجازه لقيتها بجيكم ان شاء الله.
انا : طيب ان شاء الله.
اللهم صلي وسلم على نبينا محمد.. ♥️🌸
