احبك كحب الرسول لعائشه ♥️✨(28)
بقلم يسرا محي الدين يونس 💙🖇️..
جرعتنا(أرءيت الذي يكزب ب الدين💟فذلك الذي يدع اليتيم💟ولا يحض علي طعام المسكين💟فويل للمصلين💟الذين هم عن صلاتهم ساهون💟الذين هم يراءون💟ويمنعون الماعون💟).
ف اخيرا زح لي خشيت لقيت مره جميله كدا و ملامحه حلوه مابتديك احساس انها كبيره شايله كتير من ملامح احمد، فعرفتها دي امه جيت اسلم عليها حضنتني شدييييد وسلمتني بطريقه حلوه..
ريا : اتمنيت اشوفك شديد أحمد بهاتي بيك صباح ومسا..
انا : عاينت لاحمد وابتسمت ليه نظام فضحوك🤣💦..
احمد : هو كمان عاين لي وابتسم😂💔..
انا : قمت قعدت جنبها بقت تسألني بتقري شنو وكدا ونا بجاوبها..
ريا : هي قومي يابتي قومي اخدي راحتك ادوشي وتعالي جايه فترانه من قبيل حايمه في الشمس دي تساعدي في المساكين ربنا يعظم اجرك..
انا : اللهم امين..
احمد : انتي يا امي تاني م راجعه البيت ولاشنو😂؟!
ريا : بري لقيت لي صحبه ظريفه بتونسني وبتها اظرف ارجع بيتك داك براك تاني..
احمد : بعتيني يعني..
ريا : عاد ولدي واااحد ابيعك كيفن؟! تعال لي ياقساي وفتحت ليو يديها..
احمد : طوالي جا في حضنها وهي ادتو بوسه في راسو أنا طبعا كنت جاساهم ب الشباك وااي حلوين يخ😭.
ريا : خلاص طيب انت زاتك ماتقعد معانا بس مرتك هنا البوديك هناك شنو تاني..
احمد : انا زاتي قلت كدا😉.
امي : حبابكم الف والله..
احمد : امي ماتطلسي الناس ديل حيصدقوا وكدا ماكويس..
ريا : قعدت تضحك..
انا : اتدوشت ولبست لي عبايه استقبال وحجبت طرحتي وطلعت ليهم، قعدته في طرف السرير بكل أدب وحياء الدنيا كله فيني ماعارفه جبتو من وين..
امي : براحه كدا همست لي ما اتعرفت عليك؟!..
انا : رديت ليها بنفس الصوت فضيحه نوو بليز..
ريا : مالها يسرا..
امي : لا بس قلته ليها تجيب العصير..
انا : قمت طوالي علي المطبخ..
ريا : ماتتعبوها يخوانا متين جات..
امي : بري انتي شكلك حتخربي لي طبعها البت دي دا دلع عديل كدا..
انا : طبعا جوه المطبخ وسامعه وخجلانه خجل من شنو م عارفه وحاسه العبايه دي لمن امش ليهم حتربط لي رجليني من تحت وح اجي خابطه الارض انا والعصير وح نستحمه كلنااا،،بس شغاله اقول لنفسي اركزي يايسرا وبلاش تخلف معاك حاولت اركز ومافشلته الحمدلله وصلتهم بسلام واديتهم العصير ورجعت مكاني حيث الحياء والادب داك..
ريا : شنو يا سرويه ساكته كدا..
امي : دي لو فتحت فينا حنكها دا تاني م بتقفل بس شكلها اسي خجلانه منك..
انا : طبعا اديت امي نظره عتاب كدا نظام اسي وريتك ماتفضحيني لكن امي ماحتسكت لازم تفضحني لازم😭😭..
احمد طلع قعد مع ابوي وياسر في الصالون،، جا قال لي خالتو ريا خلاص نمش بعد كدا..
امي : م وراكم شي اقعدو اتونسو ساي.. احمد لو عندك مشاوير امشي قضيها وتعال بس خلي ريا معانا..
ريا : لا والله معاي اولاد اختي المرحومه في البيت انا ماسكاهم ف م بقدر اخليهم براهم وهم اصلا م بعرفو شي في البلد دي..
انا : يخس عليك كان تجيبيهم معاك..
ريا : م مشكله بجيبهم معاي المره الجايه اصلا تاني جياتنا حتكتر،،ونتي زاتك قربتي تبقى حقتنا ولا شنو😉؟!!..
انا : شنو القربته!!؟.. انا اسي حقتكم ولو عاوزني امش معاكم اسي بمش🔥..
ابوي : اندهش من كلامي وخت يدو في جبينو بكل تعجب وبعاين فيني..
امي : يلا ياها دي بتي لمن تفتح خشمها🙂🙂.
ريا : ماتت من الضحك وقالت ليهم اجي يخواني؟! ماقالت الا الصح😂❤️.
المهم ضحكو وودعونا شايفه احمد برفع لي في حواجبينو ساي م اشتغلت بيو وكنت حاسه نفسي زي العملت مصيبه كدا ف بعد مشو عاينت لامي وابوي بلجابس وقمت فحطته عشان شكلو في هرشه راجياني اصلا لساني دا م بقعد ساي..
مشيت غرفتي وقفلت النور قلته ح انوم امي جات ضربت لي الباب قلته ليها نعسانه عاوزه انوم قالت لي اي اهربي..ما اشتغلت بيها ابوي جا دق لي الباب قلته لي نفس الشي قال لي كويس بعدين الغداء حيطلعك..
انا : م عاوزه اتغدا اليله..
ابوي : لو بتقدري ماكويس🤣👋🏻.
انا : قربت ابكي طبعا عاوزه اقول ليه انتو حزنانين علي الاكل الباكلو معاكم دا يعني😩لكن كدا حيجر معاي في الكلام وح اطلع ليهو بره ونا م عاوزه كدا ف سكته وبلعتها في حناني لكن دي كانت احره حاجه بلعتها اليوم داك😭😂💔.
نمت فعلاً وصحيت قريب المغرب قمت اتوضيت وصليت بعداك رفعت يديني لربنا بدعي انه امه تتقبلني واتقبلها ودعيت ب انه ربنا يجعل لي احمد احلي قدر في حياتي كلها.. خلصت دعاء كدا تلفوني رن وكان هو المتصل❤️رديت ليو..
انا : الو(جاتني صوت ضحكتو وقلبي هزز💓).
احمد : قلتي لي ماشه معانا ااااااااا...
انا : فرحته شكلك..
احمد : لا هو حرفيا انا م قلت ليك ورح معانا انتي الشلاقه ليك شنو؟!🤣..
