احبك كحب الرسول لعائشه ♥️ ✨ (8)
بقلم يسرا محي الدين يونس 💙 🖇️..
جرعتنا(حم💜والكتاب المبين💜انا انزلناه في ليله مباركه انا كنا منزرين💜فيها يفرق كل امر حكيم💜امرا من عندنا انا كنا مرسلين💜رحمه من ربك انه هو السميع العليم💜).
بعديها فكرت ارسل للولد الكان اداني رقمو م بحب المكالمات ف رسلته ليهو مسج واتس ..
الثياب :ياهلا ب الغلا.. تلفوني نور والله..
انا : عرفتني كيف اسي!؟
الثياب : من البرو ياولعه..
انا : اهاااا، نسيت اني خاته صورتي اصلا..
الثياب : ودي شنو التقله دي يومين كاملين..
انا : قلته لي في سري اصلا م كنت عاوزه ارسل رايك شنو؟!..
الثياب : ع العموم كيف انتي وخبرك.. بكره حتجي الجامعه!؟..
انا : الحمدالله +اي شغاله بكره ..
الثياب : طيب عاوز الاقيك.
انا : تمام ربنا يحينا..
تاني يوم ابوي اتصل علي قال لي الزول دا بره البلد حيصل بعدين المسا اسي اتوكلي امشي وحيبدا معاك من بكره.. طلعت امي لحقتني ادتني القروش وهرشتني اني امس طلعت بدون ما اشيلهم ماعرفت اقول ليها شنو المهم اتشايلتها ومرقته..ياربي دي مصيبه شنو دي هي المواصلات بوين اصلا والحتوديني ياتا، في عز حيرتي دي جات عربيه ضيقت لي الطريق بتكنتك من بدايه الشارع ونا حلفت م ارفع راسي اصلا م بحب الحركه دي.. م بلتفت لاي شي في الشارع سواء اكان لي او ما لي مابلفت بشوف في شنو..
ملاذ : ياوهميه ديل انحنا خلاص وقفي دور الشريفه دا..
انا : عاينت ليها قلت ليها ويعني؟!
ملاذ : فتحت لي الباب قالت لي يعني كف في وشك تعالي اترزعي..
انا : م بجي عشان احمد يقول لي عامله خطه وواقفه في الشارع عشان نجي نسوقك..
احمد : عاين لي وابتسم قال لي صباح الخير، الحقيقه يعني( ابتسامتو صباح خير جد جد) بس عشان انا وهو م بنتفق ح انكر الكلام دا..
انا : خلوني في حالي امشو انتو..
ملاذ : يسراااااااا جرتني وقفلت الباب..
انا : اي اخطفوني..
احمد : 😂😂😂😂💔
انا : ماف شي مضحك..
احمد : بقا يضحك زياده..
ملاذ : ومالو بتاع الترحيل الجديد!؟ شكله في زول حكا ليهو قصصك قبل مايتسمبك🤣🔥.
انا : وه ظريفه.. 😒.
ملاذ : ياخ دا الصباح افردي الوش دا..
احمد : من يوم عرفتها وشها مربوط كدا وعادي تبكي ليك بدون سبب وتسألها تقوليك انت السبب😂😂💔.
انا : ماشاءالله ظريف زيها صحي اخوان بجد🙂✅.
وصلنا جامعتي نزلت احمد قال لي مادام اليله اخر ليك يوم في الشحطه حقت المواصلات وبكره حيبدا معاك الترحيل بعدين ح اجي اسوقك انا..
انا : من اسي اذا م فاضي وعندك شغل ماتجي عشان ماتكرهني..
احمد : اوك طيب😂💔.
دخلت الجامعه قعدته شويه اتصل علي الثياب وصفت ليهو مكاني جا علي..
الثياب : الاموره الحلوه وبعاين لي من فوق لتحت نظراتو م حبيتها كنت لابسه بنطلون وبلوزه فنيليه ماطويله شديد والطرحه في الكتف ك العاده..
الثياب : د اصبح صباح في الدنيا الببدا بوشك دا..
انا : قمت ضحكت قلته لي كسير التلج د حنك قديم الناس خلوهو..
الثياب : مسك يدي وقال لي و الحنك الجديد شنو؟!....
انا : جريت يدي طوالي وم قدرت استوعب زاتو انه مسكها كيف ولشنو لاني م قاعده اسمح بحركه زي دي..
الثياب : ياخي في كافي ظريف بجاي ورح عازمك فيهو قبل ما الدوام يبدا..
انا : النار غلت جوااي وقمت قطعت ليهو كفين حاااارااات لمن حسه ب السعاده تاني اديتو بوكس في بطنو لمن كفكفت يديني بس فجأه اشوف زول بدق معاي لقيتو حسن ياخي خبطناهو خبط دقيناهو دق العيش في الاخير الا حجزت حسن منه عشان روحو ماتطلع لانه بقا ينزف من اي حته.. بعديها حسن عاين لي..
حسن : هو مالو هو؟!!!!..
انا : م قدرت ما اضحك قلت ليه اسي لو بقيت انا الغلطانه..
حسن : حت لو انتي الغلطانه حندقو معاك انتي عويره ولاشنو.. ؟!
حسن : مالو يابت عشان اعرف اتصرف..
انا : قلته ليه مسك يدي م كملته باقي الكلام لقيتو مع الولد في الارض والولد بصارع في روحو.. الاولاد جو حجزوهم واصحاب الثياب جو رفعو وسندو ومشو بيهو الثياب قعد يحمر لينا انا وحسن..
الثياب : والله ما اخليكم،والله ابقا ماراجل لو خليتكم..
انا : عليك الله انت اصلا ماراجل ماتقعد تنبح فينا..
عبدوش وباقي الشباب جو لمن سمعو المشكلهزسألونا من الحاصل ووريناهم..
عبدوش : والله يايسرا لو ماصلحتي لبسك دا اولاد الجامعه ديل كلهم حيتحرشو فيك والمره الجايه امكن لاتلقي حسن لا انا لا زول من الشله جنبك..
انا : اسكت مني لو ما انت القلت لي امش ارسل ليهو..
عبدالله : انا قلته كدا؟!!..
انا : اي انت دا.. واسي البنات ديل كلهم ماشايفهم لبسهم اكعب من حقي دا وبديت اجوط فيو..
عبدالله : عايني انتي ماعندك شغله ب البنات انتي شغلتك بنفسك وبس بعدين انا بقول كدا عشان خايف عليك لكن حقو الواحد يديك في راسك دار دقه عشان تفهمي..
حسن : يعني خلاص عاوزين تشتبكو انتو برضو ناقصين احنا اليله، قام جرا عبدوش وقاليهو خليها اسي هي براها اعصابها تالفه بعدين لمن تروق اتكلم معاها وبصوره الطف من كدا اصلا يسرا م بتحب زول يهرشا..
عبدالله سكت مني بعديها انا قمت فتحت ليهم بيت بكا وابيت امش المحاضرات..
حسن : والله يايسرا اعد لحدي تلاته ماسكتي واتجهتي ع قاعتك، شفتي شجره النيمه دي بمش بقطع لي صوت وبجلدك..
رنا : اصلا انا ح امش اخليها بعدا..
انا : خلاص بمش لكن مابراي😭💔زول يمش معاي من الاولاد.. مازن كان ماف في حسن وعبدوش بس ورنا زاتها مشت خلتني..
حسن : احساس خايفه من الثياب يجي يعضيك واساسا انا قبيل جيت لقيتك عاوزه تكتلي الولد اسي عاوزه تمثلي دور الخايفه..
انا : م ماشه براي بس..
حسن : عبدوش انا داخل محاضره يلا امانه في رقبتك ومشا..
عبدالله : ماتعايني لي بعيونك الكبار ديل اصلا في النهايه م عندك غيري انا الشين دا..
انا : قمته عشان نمش..
عبدالله : قدامي سريع.. طبعا هو بحب دور المسيطر ونا بكره الحركه دي لكن مطره استحملها عشان خايفه😂💔.
ماسكه في عبدوش اليوم كله حتى عندو محاضره لغاها عشاني نهايه اليوم كانت رنا معاي لحد ما احمد جا ومشيت.. طلعت متوتره قلت اسي الثياب حيجي يقطع راسي في الشارع وجريت ركبت العربيه.. ركبته ورا
احمد : انا ماشوفيرك انا ماشوفيرك انا ماشوفيرك..
انا : خلاص فهمنا فهمنا ونزلت ركبت قدام اصلا م كنت عاوزه اطلع راسي لاني خايفه عليهو بجد بس فلان د بفهم شنو؟!..
احمد : عاين لي كدااا قال لي السلام عليكم..
انا : وعليكم السلام وحزن الدنيا كله في وشي..
احمد : ايامك دي سودا ولا شنو😂.
انا : ولي السؤال؟!
احمد : عشان وشك بقول كدا..
انا : اهممممم..اتزكرته الموقف تاني ودموعي جرت..
احمد : اقسم بالله انا ماعارف لكن انا ما السبب..
انا : بقيت اضحك والدموع في وشي قلته ليه ايوه انته ما السبب..
احمد : دي هستيريا اسمها ع حسب كلام الدكاتره النفسيين..
انا : اي عارفه😭😂💔.
احمد : سبحان الله..
انا : سكته مسافه بعديها قلت ليه اليله ممكن اعتبرك صحبتي واحكي ليك..
احمد : نمش المكان الامس؟!
انا : ممكن..
وحنا ماشين في سكات أحمد كسر الصمت وقال لي..
احمد : مبدئيا كدا في زول عاكسك صح؟!
انا : عرفته كيف برضو مكتوبه في وشي..
احمد : لا بس براي عرفتا..
بعد وصلنا قلته ليهو م عاوزه انزل بس وقف العربيه قريبه من البحر..
احمد : طيب.. اها تشربي شنو!؟
انا : ولا شي..
احمد : ولي!؟
انا : ما لي نفس..
نزل طلب ليهو قهوه وجا..
احمد : اها مالك..
انا : قمت حكيت ليهو😭.
احمد : مشكلتك لمن زول يجي ينصحك بتضايقي فعل انه هو غلط الانتي بتعملي دا هو الجايب ليك وحيجيب ليك المشاكل دي كلها..
انا :..........
احمد : انتي عارفه المزعلني انا شنو؟! انه انتي من جوه ماكده من جوه نقيه خالص..يعني بجد ماتستاهلي انك تكوني من قائمه الناس البعصو ربنا💔 انتي مفروض تكوني مع الربنا بحبهم❤️.
انا : لا انت اسي بجد اثبته لي اني كافره بنت كلب ولا ماكده كلامك، ع فكره يعني في ناس بصلو وبصومو وبطيعو ربنا بس كله رياء ونفاق ما من جواهم بدون نيه يعني ما للله، وفي ناس بلبسو كعب وبرتكبو معاصي بس لمن يعملو الحاجات دي بعملوها بنيه خالصه لله تعالي..
احمد : طيب ياستي تعالي اشرح ليك..
سبحان الله وبحمده سبحان الله العظيم♥️🌸
