احبك كحب الرسول لعائشه ♥️ ✨ (13)
بقلم يسرا محي الدين يونس 💙🖇️..
جرعتنا من القران(لا اقسم بيوم القيامه💚ولا اقسم بالنفس اللوامه ايحسب الانسان الن نجمع عظامه💚بلى قادرين علي ان نسوي بنانه💚بل يريد الانسان ليفجر امامه💚يسئل ايان يوم القيامة💚).
انا : لا بجد عزاااااال يامكنه..
بسام : ودا كلامك..😂
انا : اها والعرس متين؟! الربه متين؟! الصبه متين؟!🔥.
بسام : ماعازمك من أسى ماتتحمسي..
انا : كسرت فؤادي هو الداير يحضر عرسك منو؟! 💦لكن ح امش عشان العروس بس لانها تستاهل..
بسام : خت يدو في جبهتو وقال لي نفسي اعرف العازمك منو؟!.. وكان وصلنا البيت قال لي يلا انكشحي انزلي..
انا :يكشحو فيك جاز مالني مملحاك ولا حاجه؟! نزلته وقلته ليه بعيد من حقارتك دي، ربنا يتمم ليك علي خير ان شاء الله ❤️.
بسام : اللهم امين ياخ اي انتو كترو من الدعوات دي..
خشيت البيت وحاسه راسي كابس صداع رهيب م عرفت من شنو مشيت اتوضيت وصليت قعدته مع امي اتونسته معاها شويه بعديها ابوي اتصل واتكلم معانا فيديو ونا طبعا رغيت معاو كتير لانو مواضيعنا كتيره ابوي دا حبه بندولي ياخ مصاحباو اكتر من امي 😂❤️قلته لي ماقربت تجي قال لي قريب ان شاء الله..مشيت غرفتي رتبتها ورقدت نمت تاني م قمت الا العشاء صليت ورجعت نمت تاني..بقيت بحاول اني اصلي في الزمن كتير بفشل بس ماوقفت في المحاوله واحمد ليو يومين م قاعد يرسل لي لكن ما ركزت معاو قلت يكون اتشغل بس بعديها بقيت مع جري الجامعه وتاني نزلو لينا جدول امتحانات الفاينل ونا م كرهت في الحياه دي الا الامتحانات اتصلت ع رنا تزبط لينا موضوع المزاكره ونبدا بشنو واي ماده لانه المره دي م بتتجازف لي براي..قالت لي خلاص نهايه الدوام نمش المكتبه تاني م نرجع البيت لمن نلحق الفايتنا دا المشكله انه كله فايتنا😂💔،وبجد بدينا وبقيت ارجع البيت متأخر ناس بيتنا ديل م بتلاقى معاهم زاتو، خلاص اليوم ديك كان جمعه ونا يوم الجمعه دا عندي ليو غير حت لو عندي زنقه امتحان يوم الجمعه دا بحسو يوم خفيف بلنسه لي وروتيني فيهو ثابت صحيت من الصباح نضفت البيت وبخرتو وشغلت قران🤎مشيت قريت سوره الكهف امي قالت لي ارح اليله حنمش نفطر مع ناس خالتك حنان قلته ليها زابط حتى شلت معاي شيت كدا مافاهماو قلت احمد لو فاضي يشرح لي مع ملاذ لمن مشينا سلمنا عليهم وقعدنا..
ملاذ : غايتو لمن اشوف شيت في يدك م بطمن عليك الله انا القرايه دي ابيتها عديل خلاص ودوني بيت راجلي..🙂
انا : سامعه ياخالتو حنان سامعه؟!
حنان : اي تنتظر اخوها يسافر بعديها تقعد تتجدع وتقل فينا ادبها اسي كلامك دا ماكان تقولي لي احمد لمن في عشان يوديك بيت راجلك..
انا : لمن خالتو حنان قالت كدا اتخلعت احمد سافر؟؟؟!! ولي ماكلمني؟!..
امي : ولدك سافر؟!
حنان : ماولدي ولد ريا لكن ماشاءالله بعاملني زي امه ولد اخلاقو عاليه شديد اتمنيت اولادي يطلعو زيو..
حسام وملاذ اتبادلو نظرات وسكتو حسيتهم غيرانين😂سالت حسكو من القرايه وقال لي فل الفل..
انا : لي احمد سافر فجأه مش قلتي نزل شغل هنا؟!
ملاذ : اي بس أمه تعبت شويه..
انا : ربنا يشفيها ان شاء الله الحاله قال جايبه شيتي معاي يشرح لي..
ملاذ : اي يامصلحجيه مابتسألي منه الا زمن المصلحه اهو لمن اتفاجئتي انه ماف يعني ماكنتي جايبه خبرو اصلا..
انا : وحاه الله وماطالبني حليفه يخوانا انا مبلوله شديد القدامي ماشايفاهو..
ملاذ : اي واضح جدا وعملت لي ب اصابعها الخمسه كدا قالت لي دا كم😂🖐🏻؟!
انا : طيري من وشي يامره محمد.. 😩😂.
ملاذ : احيي🤤قوليها تاني..
انا : بس خليني افضا من امتحاناتي دي وبجي بتم ليك الفارغه الناقصه..
فجأه لقينا امي وخالتو حنان بحمرو لينا وبعاينوو لبعض بتأسف احساس ماربينا داك..
امي : ملاذ ولقت ليها راجل لماها انتي البلمك منو؟!..
انا : والله يا أمي البلوله ع حسب أقوال ابوي لاني م اشتغلت كويس في الامتحانات🤣💔.
امي : البلوله زاتو ماظنيتو ح يتورط فيك..
المهم بعد اخدنا ونستنا طلعنا منهم كان فضل لي اخر امتحان ياخي زهجت زهجه وما كان عندي نفس اقرا ليهو زاتي بس ماعرفت امش وين؟! يعني لو في مكان بتدسو فيهو من الامتحان انا كان اتدسيت اليوم ديك بس للاسف ماف😭😂💔،الصباح بسام جاني قبل ما القمر يختفي ابيت انزل ليهو عمل ازعاج للحله كلها بعديها نزلت واخلاقي في نخرتي القاها من الامتحان ولا من بسام انا؟! 😤💔.
بسام : عشان عارفك زايغه من الامتحان دا قلت اصلي مابفوتك لي اليله..
انا : بسام اسكت مني..
بسام : ابوك وصاني عليك وقال تاني تمشي بدري شديد انتي بتو الفالحه..
انا :....... سكته ساي م رديت علي ومن جواي كنت في وضع ال بسام دا انا اسوي ليه شنو مالو فرحان كدا من الصباح..ساكته لحد ماوصلنا..
بسام : يلا good luck..ونا متأكد لو فردتي وشك دا حتشتغلي كويس..
نزلت و والله م كنت مطمنه نهاي للامتحان دا حاساهو حيجي اكعب من أخلاقي زاتها والحمدلله احساسي م خاب وجا زي ما اتوقعتو واكعب😩😂💔ابوي اتصل لي اول ماطلعت عارفني ممتحنه هو..
انا :ماعارفه يا ابوي لكن اصلا البت مكانها بيت راجلا..
ابوي : خلاص المعلومه وصلت عرفتك اشتغلتي كيف🌞💔.
انا : مش علي حسب اتفاقنا..
ابوي : خليني من اتفاقنا انا شكلي حنزل السودان م قادر عليك كدا..
انا : هو دا الانا عاوزاهو اشتقت ليك بقد😔.
ابوي قفل مني لقيت حسن في وشي قال لي والله ماعارف كيف لكن اشتقنا..
انا : اقسم بالله كميات
حسن : سبحان الله..
انا : وين باقي الحلوين
حسن : هديك صحبتك الهبله ديك مع راجلها الماشادي حيلو دا..
انا : حسن اتكلم كويس😩💦😂💔.
حسن : م قاعد ارتاح ليو نهاي وهي شابكانا حمودي حمودي حزرتها منه مرتين بس هي مابتسمع الكلام..
انا : خلاص قَفِل وصلونا..
حسن : هوي انا بقول للزول الكلام في وشو اصلي ماخايف..
انا : تمام عرفنا ومافضل لي الا الصق ليه خشمو بلصقه..
جو سلمو علينا ورنا قعدت و محمد مشا طوالي عامل فيها مستعجل..
حسن : شفتي يارنا والله احسن تقعدي سنجل زي الفاره الفي وشي دي من تباري السخله دا..
انا : حسن نفسي يوم تفتح خشمك دا وتتكلم زي الناس
حسن : كلامي دا احسن من كلام الناس زاتو، لو وعيتي ليهو يارنا..
رنا : طبعا حساسه شديد طوالي زعلت وعيونها رغرغت..
حسن : عايني يابتي انا والله لو كنتي مرتبطه مع زول كويس ماكنت ح ازعلك واقول ليك خليهو بس اسي انا اخوك وعارف مصلحتك وين؟! وفي النهايه انتي ادرى والله..
رنا : لمن يبدر منه شي كعب انا ح اخليه بس لحد اسي ماشفت منه حاجه كعبه..
حسن : قلت ليك انتي ادري..
انا : حسيت الجو اتكهرب قلت ليهم بمناسبه اخر امتحان لازم طقه كاربه كدا نختم بيها..
حسن : يسرا انتي بتكيفيني عديل🤣👋
مشينا طقينا بمزاج واتصورنا عشان نوثق الغنجه للبقيه🤣💔
حسن : اها البلوله حيجي بيتكم متين؟!
رنا : قعدت تضحك فيني، هم كلهم طبعا عارفين قصتي مع البلوله الهددني بيهو ابوي..
المهم رنا وحسن اطعمجو فيني قدرتهم وطبعا رجعو يتونسو عادي اصلا احنا كدا مابنشيل لبعض❤️لكن طعمجتهم حاره بلعتها بس..
بعد رجعت البيت رسلت لاحمد امه بقت كيف وكدا رد لي طوالي ب يداب فكرتي لي..
انا : تصدق او لا كنت مضغوطه اكتر من حله البرستو..
احمد : مابخارج معاي العاوز يتفقد بتفقد..
انا : امك كيف اسي؟!
احمد : هروب سريع🙂
انا : ماهروب بس م عارفه اقول ليك شنو؟! خلاص حقك علي..
احمد :الاعتراف دا حاجه كويسه😂💔.
انا : فقدتك الصراحه..
احمد : اشتقتي لي يعني..
انا : فقدتك في الشرح كنت عاوزاك لمصلحه ومالقيتك🦦💔.
احمد : شكرا كتير فقدتيني بجد..
انا : مايكون زعلت😂😂😂😭💔.
احمد : مازعلت لكن الحمد لله المالقيتيني.. اها اسي أن شاء الله جايه الأولى..
انا : الاولي شديد كمان انت عوير؟! 🌞🤝🏻.
احمد : ياهو جنك دا😂💦.
استغفر الله العظيم وأتوب إليه.. ♥️🌸
