احبك كحب الرسول لعائشه ♥️✨ ( 17)
بقلم يسرا محي الدين يونس 💙🖇️..
حسناتنا(يسبح لله مافي السماوات وما في الأرض الملك القدوس العزيز الحكيم💞هو الذي بعث في الامين رسولا منهم يتلو عليهم آياته ويزكيهم ويعلمهم الكتاب والحكمه وان كانو من قبل لفي ضلال مبين💞 وآخرين منهم لما يلحقو بهم وهو العزيز الحكيم💞).
قبل ما نبدأ اتمنى تعملو فولو وفوت
مشيت رديت لمؤتمن في رسالتو قلته ليه ياهلا..
مؤتمن : اللميضه..😂
انا : لا زات الحجاب طبعا اللميضه دي منو؟!🌞
مؤتمن : م بعرف اسمك ع فكره للان..
انا : عاوزه اقول ليه احمد م وراك لكن اتزكرتو شحتفني كيف قلته اكيد عمل ليهو حركات برضو..
انا : اختار لي اسم انت..
مؤتمن : لي ماسموك؟!
انا : م سموني😔.
مؤتمن : لو قلتي انا اسميك ف ح اسميك ملكه❤️👑..
انا : لي بس ملكه؟!!!
مؤتمن : لانه الستر لباس الملكات منذ فجر التاريخ ف انتي ملكه♥️👑✨.
اها اسمك منو بطلي استهبال..
انا :يسرا..
مؤتمن : ان شاء الله شايله اسمك..
انا : انت شايف شنو؟!..
مؤتمن : مالحقت اشوف.. ونا م بركز مع البنات اصلا..
انا : اصفق ليك؟!..
مؤتمن : by the way حقاره شديد انتي..😩.
انا : ماحقاره والله بس برد ليك ع حسب كلامك😂.
مؤتمن : م قلته ليك م بركز مع البنات نظام انا خطير ومفتري لا عشان ربنا بحاسبني..
انا : اهاااا واسي بتتكلم معي مالك مش ربنا بحاسبك برضوو؟!سؤال انت اسي بجد شلته رقمي وكدا لشنو؟!..
مؤتمن : لانه حسيتك مختلفه❤️..
انا : مختلفه كيف ومن منو؟!
مؤتمن : مختلفه كيف دي انا بعرفها اما من منو من باقي البنات يعني..
انا : يعني بتعرف بنات كتييير..
مؤتمن : دا الطلعتي بيهو من كلامي دا كله؟!😂💔..
انا : ماترد لي علي سؤال ب سؤال..🙂.
مؤتمن : غايتو انتي عجيبه شكلي ح اتعب معاك..
انا : ماحدش جابرك ياعينيا..
مؤتمن : قلبي جابرني والله..
انا : عملته ماشففته الرساله..وعملته ليهو اعاده ارسال في رسالتي"يعني بتعرف بناات كتير" وختيت ليه نقطه تحتها نظام جاوب..
مؤتمن :😭😂مصره تعرفي؟! .. اي ياستي زمان كنت بعرف بس اسي لا..
انا : والزمان بتعرفهم كتار؟!
مؤتمن : اكتر من مابتتصوري🙂😂💔..
انا : صريح شديد🤣👋🏻.
حسيت الزمن اتأخر فقلته ح انوم عشان بكره بسام م يبهدلني طبعا عندي عاده م حلوه م بقول لزول خلاص انا عاوزه انوم او انا طالعه مع السلامه والحنك الباقي لي وهمي دا بقفل الشات بس وبكبرها.. اصلا م عندي شغله بزول..
الصباح بعد جهزته وجيت طالعه لقيت ياسر ماشي المدرسه برضو صحى بدري م عارفه عملها كيف..
ياسر : ومالك متخمخمه شعرك اتقطع مش..
انا : يقطعوك حتت حتت الواحد الله مايهديهو يعني..
ياسر : الواحد الله بهديهو لكن انتي لا..
انا : والكاظمون الغيظ والعافين عن الناس..
ياسر : لا دي قويه خلاص صدقتك🤣🤝🏻.
امي : عقبالك ياولد..
ياسر : ماتشيلي هم يا امي انا مش ح اتحجب.. انا ح اتنقب عديل..
امي : انت ولد منو؟🙂🙂🙂💔.
ياسر : يعني ماعارفه🐸..
امي : كنت عارفه لحد قبل شويه بس اسي ماعرفتك🙂🔥.
انا : ياسر وقف البنقو دا احسن ليك🌝🍃.
ياسر : سارقو من دولابك يادفعه🤣🖐🏻.
امي : هظاركم الغبي دا م بنفع معاي..ونتي يايسرا تعالي اقعدي عاوزاك في موضوع..
انا : جيت قعدته خير يا امي..
امي : المره الامبارح ديك شوفتيها الجاتنا ب العصريه..
انا : شفتها اي عرفتها..
امي : اي بس قالت جاك دايرنك لولدهم..
انا : شنو شنو.. كدا دقيقه بسم الله اقعد كويس ولدهم دا منو دا وشافني وين وديل ناس منو اصلا.. اتهترشته طبعا..
امي : عايني جنك دا ماتفعليهو لي نهائي خليك بت رايقه ورزينه..
انا : امي عليك الله ماتشحتفيني ديل ناس منو وشافني وين اصلا..
امي : ساكنين تحت في العماره الجنبنا لمن نزلتي من الترحيل هي كانت مع ولدها خاشين بيتهم شافك وقال لامو عاوز البت المحجبه دي..
انا : دييم ياااااا شفتي الحجاب دا مكنه عديل..
امي : ختت يدها في جبهتا بتحسر وقالت لا اله الا الله عليك الله فكي الحجاب دا وامشي مخشلعه احسن بقله ادبك دي..
انا : معليش انفعلت🦦..
امي : زفتين مره اقول ليك كلام الاولاد دا ماجاي معاك ك بتتت😠..
انا : سمح😁💔.. اها الولد اسمه منو؟!..
امي : م عارفه والله انا زاتي قال حيجي الجمعه الجايه دي قلته ليه خير ابوها زاتو حيكون موجود..
انا : هوي راجلك م جاي الجمعه الجايه دي ولا شي النوريك من اسي..
امي : راجلك؟؟!؟!🙂.
انا : اوومي م تركزي يوخ😭😭🌞.
امي : بركز.. احسن ليك تحترمي نفسك.. فايده الحجاب شنو؟!..
سمعت بسام بضرب في البوري طوالي فحطته اول مره يجي في زمنو طلعني من بهدله جامده كانت حتجيني..نزلت اثني علي كدا لقيت معاو صحبو قدام.. ركبت ورا وهو زاتو اداني نظره ماف داعي للجنتره اليله سلمت عليهم بكل تهذيب ومسكت شيتي قعدته اقرا بعد مسافتين كدا صحبو شكرو ونزل وعاين لي قال لي ربنا يوفقك قلته ليه اللهم امين ابتسم ومشى.. بسام : والله م عررفتك عديييل ماعرفتك.. 🤣🖐🏻،لمن بتعرفي تمثلي مهذبه كدا ماتبقي عديل جد جد..
انا : افو تمثيل شنو كمان، نحن الدراما دي ماتابعه لينا..
بسام : تاني ماعرفتك..🤣.
انا : نتعرف اسي where the problem 🤷🏻♀️.
بسام : بعيد منك كل حاجه في زول قال ليك الحجاب فيك روعه..
انا : اظن انت طيش زول..
بسام : انا ماقلته لكن انا بسأل فيك لسه..
انا : خلاص سوق براحه احتمال نلقا جبهتي في الشارع وتعفصها..
بسام : اي عارفها طارت منك معليش🤣🔥بجد الحجاب فيك حاجه تانيه♥️🌸.. لو عارف كدا كان سويت ليك حادث زمان بعربيتي دي🌞💔.
انا : عشان نروح فيها ونا منظري يكون زي حق البنات ديلك مش، استغفرك ياكريم..
بسام : ياريت كل زول بياخد العبره زيك..
انا : عليك الله تاني مع الصباح يومي شغل لينا قران بصوت اسلام صبحي او ماهر او اي شيخ تلاوتو عطره عشان فيهو راحه بجد وتحس باقي يومك كله زاااابط لمن تبداهو بقرآن..
بسام : تمام تمام ح انزلهم عشانك، وكان خلاص وصلنا ف نزلته خشيت الجامعه م كان عندي لكشر صباحي جايه قله ادب بس بدري كدا مشيت البينش حقنا لقيت رنا قاعده وباين عليها حزينه شديد لمن جيت رفعت راسها عاينت لي وشايفه دموعها بقت تجري..
انا : يابت بسم الله المات منو؟!!!!..
رنا : قلبي المات يايسرا قلبي💔 ولسه تبكي..
انا : شفتي انا كلام القلوب د م بنفع معي اخخخ يخ لمن خوفته😂😭.. هبله..
رنا : الله يسامحو م عافيه ليه.. م عافيه ليه انا..
انا : اديتها مناديل قلته ليها كدا هاك قشقشي مخاخيتك دي واشرحي لي قلبك مالو؟! ومات كيف يعني والحاصل شنو؟!..
رنا : طلع مابحبني دا الشي الفهمتو💔💔💔،ونا قلبي ميت في حبوووو😪💔.
انا : حمدلله علي السلامه اخيرا وعيتي.. اها عرفتي كيف؟!...
رنا :كزبته عليو قلته لي جاني عريس وناس البيت مقفلين عليه وشايفنو زول محترم وكويس لمن رفضته ابوي قال لي مابتعرفي مصلحتك وح اديك يومين بس وتديني سبب مقنع لرفضك لو مالقيت بعرسك ليه طوالي..اتخيلتو يضايق من الكلام دا ويقول لي ح اتصرف في اليومين دي؟!..
انا : واها قاليك شنو ؟!
رنا : فرح لي😩😭😭😭اتخيلي فرح لي عديل كدا وقال لي مبروك عليك..
انا : ما اتصدمته🤣🤝🏻.
رنا : بس انا اتصدمته😭😭😭😭،قال لي انتي بجد غير يارنا انتي فرق من البنات الارتبطه بيهم كللهم وبت ناس ف انا م ح امسك بيك زمن انتي بزات ولا ح اغش عليك اكتر من كدا ف ربنا يسعدك ويهنيك ان شاء الله..بقت تبكي وتقول لي كلماته دي وقعت ع قلبي زي الرصاص وماعرفت اقول لي شي غير انه طير من وشي وربنا يسامحك ونا م معافياهو ليك..
انا : حسيتها مكسوره فضميتها علي وقلته ليها ولا تزعلي نفسك بكره ربنا برضيك ب الاحسن منه..
رنا : بس انا عاوزاهو هو😞💔.
انا : قربته اقول ليها بفنك اسي بس اتمالكت اعصابي وقلته ليها ربنا عارف ليك الخير وين؟! قومي غسلي وشك حبيبي وخليك قويه ما انتي البكسرك ولد..
رنا : تمام مشينا ع الماسوره غسلت وشها واديتها مويه شربت عشان تهدا بعديها قالت لي قلبي واجعني لسه..
انا : رايك شنو نمشي المسجد تصلي ليك ركعتين وتشكي لربنا لانه هو احن ليك مني ومنك..
رنا :تمام ورح..
سبحان الله وبحمده سبحان الله العظيم♥️🌸.
