*#احبك_كحب_الرسول_لعائشه ♥️ ✨*
*#بقلم_يسرا_محي الدين_يونس💙*
*#الحلقه 《47》*
اليوم البعديهو ابوي كان جاي يوم الهنا والمنا❤️ ابوي خلاص مفارق الغربه وجايينا نشبع منو تاني😭❤️لبسته جاسر البسه الجابها ليهو ابوي هديه قلته يستقبلو بيها لمن جينا طالعين أحمد قال لي يسرا التوب د مربوط فوق نزليهو حبه قلته لي طيب ختيت جاسر فكيتو وجيت اربطو احمد قال لي تعالي انا بربطو ليك بعد ربطو شداني من خصري قال لي نص لكن🔥..
انا : احمد ياشماسي ولدك..
احمد : اصلا هو م مركز معانا..
ابوي طيارتو كانت حتجي الساعه 10صباحا المهم طلعنا وحنا ماشين قلبي لكزني الساعه كانت عشره وحاجه ضربت لامي قلته ليها ابوي جا قالت لي لسه منتظرنو وصلنا البيت وقعدنا حكايه ساعه ابوي م ظهر وتلفونو م بخش معانا ياسر قال حيمش ليه في المطار يشوف الحاصل شنو احمد جا اداني جاسر وطلع معاو كنا متوترين الصراحه ابوي م من عاداتو يعمل كدا بفتح تلفونو طوالي وبجي البيت حتى بقول لينا ماف زول يتعب يجي يجيبني براي بعرف الدرب..اتصلت لاحمد اها يا احمد ابوي مالو الحاصل عليه شنو؟!..
احمد : حسبي الله ونعم الوكيل يايسرا عمي عمل حادث💔..
انا : رجولي بقت م شايلاني وم فاهمه اي شي بس بقول ليه وين؟!ومتين؟! اسي هو كويس يا احمد ابوي كويس؟!😭.
احمد : يسرا اصبري واتحوقلي عمي عمل الحادث وهو ماشي علي المطار في الامارات هناك م هنا اسي هو في المستشفى في العنايه المكثفه وح يدخلوهو عمليه مستعجله وضربو لياسر احنا جايين في الطريق واحمد بردد في لاحوله ولاقوه الا بلله..
انا : يا احمد ابوي م حيجيهو شي صح😭😭😭..
احمد : اي ان شاء الله حيطلع منها سالم بس ادعي ليهو..
احمد قفل مني مشيت لقيت امي في الارض كانت بتتكلم مع ياسر شكلها امي قعدت تبكي وتولول اليله الله يقومك ياعمران لو مشيت انا امش وين؟!حسبي الله ونعم الوكيييييل..
انا : جيتها يمه ابوي محتاج دعواتنا وان شاء الله حيقوم ب السلامه.. قلبي كان بضرب شديد وكنت خايفه بس متصبره عشان شايفه امي م قادره تصبر جاسر بقا ماسك فيني قوي وببكي لحد مانام مشيت رقدتو احمد وياسر جو ياسر عيونو محمره ودموعو جاريه جرا علي امي حضنها
ياسر : ابوي لو صابو شي انا م ح اقدر يا امي لينا سنه م شفناهو..
امي : تف من خشمك ياولد ان شاء الله ابوك حيقوم ب العافيه..
احمد : جا لقاني متوتره شديييد وبعاين ليهم بس اصلي م فتحت خشمي.. احمد مسك يديني قال لي عمي ح يطيب يايسرا م تهمي..
انا : انا ماشه ليهو هسي دي.. ورح نقطع تزاكر..
احمد : دقيقه يخوانا انا ح اتابع مع الدكتور اشوف حالتو كيف اول بعديها لو في سفر تمشو..
احمد بعد محاولات حتى خش معاو احمد ماشي وجاي سامعاهو بقول حسبي الله ونعم الوكيل خلاص هبطت وقعدته في الارض..
انا : قول لينا مالو ورينا ابووووووي مالو يا احمممممد..
احمد : بعد قفل المكالمة خت يدينو في راسو وقال لينا لاحوله ولاقوه الا بلله نزيف في الراس..
انا بعد سمعت كدا حسيت قلبي د زي الاتقطع ابوي لو اتجرح ساي انا بتوجع نزيف في الراس دي احتمال ضعيف يقوم منها امي فتحت بيت عزاء وياسر دا بصرخ احمد هرشهم وقعد اتكلم مع امي وياسر قال ليهم ادعو لي ونا حلفت ماشه بس م قاعده احمد قال لي طيب بعد يخلصو ليه من العمليه كلنا حنمش المطار يايسرا اصبري ،،طبعا احمد عارفني متعلقه ب ابوي قدر شنو ف اكتر زول كان حاسي بي يمشي ويجي يصبرني جا مسكني من يدي قال لي امشي اتوضي مشيت غرفتي اتوضيت جاب لي مصحف قال لي اقري ليهو ان شاء الله يقوم ب العافيه احمد زاتو كان متأثر بس بتصبر قدامي.. صليت ركعتين لاني كنت محتاجه ربي شديد قعدته ادعي واقول يارب ابوي انا بحبو شديد ماتشيلو خليو لينا طول من عمرو مابنقدر نعيش من دونو سهلها عليو وقومو بسلامه ياربي عليك الله قومو ب السلامه.. ابوي واحد م عندي غيرو مسكت المصحف ماقدرت اقرا عديل كدا حيلي مات مهدود رسمي بعاين للكلمات يلا وآمين بنطقهم وم طلعت من غرفتي بس قاعده وبحاول بقرا لابوي احمد جا خش وقفل الباب وعينو في الارض كنت راجيه بس يقول لي ابوي فتح ولا اي حاجه..
انا : يا احمد ابوي صحا؟!فتح؟!.عليك الله بس قول لي فتح😭قول لي فتح يا احمد..
احمد : سكت مسافه وخت يدو في كتفي بعديها قال لي يسرا انا ل الله وانا اليه لراجعون💔..
انا : بعد سمعت جملتو دي قفلت اضنيني وقلته لي م عاوزه اعررررررف م عاوزه اسممممع م عاوزه م عاوزه م عاوزه وبصرخ..
احمد : ضماني عليو شديد وببكي بحرقه قال لي ابوك في زمه الله يايسرا💔..
انا : كزاااااااااااب منافق فكني ابوي م بموووووت عمران م بمووووووت قلته ليك..
احمد : ماف زول مابموت يايسرا قولي لاحوله ولا قوه الا بلله..
انا : ابوي مابموت انا عاوزه ابووووووووووووووي..يا احمد انا عاوزه ابوي اسي عاوزه اتكلم معاو..
م كنت ببكي كنت جاده شديد وبتكلم مع احمد بصوره صارمه انو يجيب لي ابوي واني م مصدقه كلامو دا..
أحمد ختاني في الارض قال لي يايسرا الموت حق..
انا : ايوا الموت حق بس انا عاوزه ابوي..
احمد : يابت انتي م مؤمنه؟!..
انا : مؤمنه يا احمد..مؤمنه احمد انا عاوزه ابوي اسي..وبقيت اضرب فيهو واصرخ اقول ليه كزاب منافق ابوي م مات لمن خشيت في حاله غيبوبه من الصدمه لانها كانت قويه علي شديد💔..احمد شالني ختاني في السرير جاب مويه رشاني بيها قمت مخلوعه قلت ليه ابوي وين؟!انا عاوزه ابوي..
احمد : حسبي الله ونعم الوكيل ياربي صبرها انا م قادر احمد ماسك يديني ببكي وبقول كدا..
انا : يا احمد انت لي بتبكي ابوي لسه م بموت ابوي م بموت قلته ليك قلته ليه الكلام د بصرخه..
احمد : قام اداني كفين لمن راسي صنن بعديها قال لي إنا ل الله وإنا اليه لراجعون عمي يومو تم يايسرا ادعي ليهو ب الرحمه والمغفره هو محتاجك اسي محتاج دعواتك..
انا : يا احمد انت م فاهم ابوي لسه عشان يمش لسه شديد ابوي لسسسسسه م شبعته منو ابوي لسسسسه م شاف جاسر ابوي لسسسه في كلام كتير م قلناهو مع بعض..
احمد : ضماني عليو وقال لي حيلاقي جاسر وحتتمو باقي كلامكم في الجنه ب اذن الله إنتي اصبري الله يرضا عليك..
انا : م بصددددق يا احمد ياخي مستحيل ابوي م بموت قلت ليك😭😭😭😭بس قاعده اقول لي ابوي مابموت ابوي مابموت يا احمد لحد م حسي قطع وبقا في نحيب بس وبقول براحه لانو حيلي اتهد احمد م عجبتو حالتي قام جا داني حقنه منوم.. قال لي في نفسو مابيدي أعمل شنو ياربي صبرها يا الله.. طلع برا لقا ياسر بنطط وبصرخ ياخوانا الحقوني ابوي ماااااااااااااااات💔 ابوي تاني م ح اشوفووووو💔القا ابوي وين انا تاني؟!💔ابوي ليهو سنه م شفتو اناااااا ياناس💔احمد جا مسكو من يدو قال ليهو ياسر حبيبي كلامك د م صح عيب منك ورح اقرا ليهو قران ادعي لي ابوك اسي هو ما راجي منك الكلام دا راجي منك دعوات ابوك يا ياسر اقيف معاو ب الدعوات واقرا ليهو م تخزل ابوك هو محتاجك اسي ادعي لي يثبتو عند السؤال احمد ربت ع كتف ياسر ومشى معاهو للوضايه ياسر صبر شويه اتوضى ومشى فتح المصحف وبقا يقرا.. احمد مشى لامي الصوتها قطع من الكواريك والنحيب كان معاها خالتو حنان عشان تصبرها بس امي م صبرت ولا قدرت...
امي : الييييله مشيت وين ياعمران ؟!يسرا وياسر خليتهم لمنو؟!انا اسوي شنووو؟!مشيت وين ياسيد الرجال مشيت وين وسبتنا لمنو اليله ؟! مش قلته جاي اهو راجنك تعال وينك؟!..
احمد : يمه معليش بس كلامك دا ماصاح اصبري عشان اولادك يصبرو هم اسي صابرين بالعافيه عمي داير دعواتكم عاوز وقفتكم اسي عاوز ناس تدعي ليه انه يثبت عند السؤال عاوز ناس تدعي ليهو بالرحمه والمغفره ح يلقا منو ونتو بتبكو كدا؟؟مشى جاب لي امي مصحف وقاليها اقرو ليهو..
انا : بعد قمت من المنوم فتحت عيوني كدا بس اتزكرت ابوي وقعدته ابكي أنا عاوزه ابووووووووووي يخوانا انا عاوزه اشوفو أنا عاوزه اتكلم معاهو انا اشتقت ليو كيف يعني يمش؟! هو قال لي يابتي انا جاي كيف يعني يمش؟! ابوي كنت بتكلم معاهو الصباح أنا،، يا ابوي لي تجبرني علي فراقك مش قلته م بتجبرني علي حاجه في الدنيا دي مش ياهو دا كلامك البتقولو لي؟!.. احمد سمع صوتي طوالي جاني لقاني واقعه في الارض وببكي بحرقه شديده قعد معاي في الارض ضماني عليو وبقا يستغغر وبقول لي يايسرا استغفري يسرا اصبري.. أنا : م قاااااااااادره اصبر يا احمد ماقااااااااادره دا ابوي البحبو شدييييييييد د حبيبي يا احمد دا ابوي تاج راسي تاني م ح اشوفووووو احمد عيونو مدمعه وماسك دموعو بلعافيه عشان م تنزل قدامي د كله عشان يصبرني بس فشل ونا م قدرت اصبر..احمد كان حاضني شبكت يديني في قميصو شديد وقعدته اقول لي واااااااااااااااااااااي يا احمد انا قلبي واجعني قلبي واجعني شديد يا احمد قلبي واجعني شدييييييد..
احمد : يسرا قولي اشهد ان لا اله الا الله..
انا : يا احمد انا عاوزه ابوي حقيقي انا م بقدر أعيش من دونو م بقدر والله م بقدر..
احمد : قولي اشهد انا لا اله الله..
انا : اشهد ان لا اله الا الله..
احمد : وان محمد رسول الله..
انا : وان محمد رسول الله..
احمد : استغفر الله العظيم واتوب اليه..
انا : يا احمد ابووووووي انا عاوزاهو يخوانا انتو م فاهمني انا بموت من جوه انا م بقدر افارق ابوي ،ابوي انا بحبو شديييييد..
احمد : قولي معاي يايسرا استغفر الله العظيم واتوب اليه..
انا : استغفر الله العظيم واتوب اليه..
احمد : اللهم لا اعتراض في حكمك يا الله..
أنا : اللهم لااعتراض في حكمك يا الله..
احمد : الحمد لله رب العالمين..
أنا : الحمدلله رب العالمين بردد وراهو وصوتي متقطع من البكا.. ابوووووي😭😭يا احمد دا ابووووووي يا احمد انت فاهمني انا م بقدر والله م بقدر بموت انا عايشه عشانو اصلا ابوي دا اكتر حاجه انا بحبها في الدنيا دي احمد انت م فاهمني ..
احمد : شداني عليو قال لي فاهمك يايسرا فاهمك بس ما كتير علي ربنا،،عمي ماغالي علي ربه نهائي يايسرا،،البتسوي فيهو انتي دا كله غلط وماصح دا جزع وانتي زوله مؤمنه عندك من اركان الإيمان ،،الايمان بالقضاء والقدر ونتي م قبيل بتقولي عاوزه ابوك؟! ،،عمي خلاص يومو تمه ايامو انتهت كل زول فينا عندو عمر معين وحيمش ماف زول فاني في الدنيا دي..
انا : قلته ليه يعني حيجي يوم وتمشي انت برضو..
احمد : ان شاء الله يومي قبل يومك لكن ماف زول فينا باقي كلنا ماشين كلنا ضيوف فيها وابديتنا في الاخره..
انا : بقيت اتكلم براحه وبطلع الكلام يلا وآمين خلاص حيلي اتهد كله في البكا قاعده اهمس ليهو قلبي يااحمد قلبي واجعني شديد أنا م قادره اشرح ليك شلت يدو وختيتها اتجاه صدري الشمال قلته ليه حاسي بيهو؟!اناشويه وح اسمعو قاعد يتقطع ب اضاني يا احمد..
أحمد : م كان عارف يعمل لي شنو حاسي بي بس م قادر يصبرني فضل ضاميني عليو شديد وبقول الصبر والسلوان من عندك يا الله صبرها ياربي انا غلبني💔ودموعو حسيت بيها نازله في كتوفي..م حسيت بنفسي تاني صحيت بعد مسافه شايفه مركبين لي اجهزه امي ماسكه لي يدي واحمد ماشي وجاي لمن فتحته عيوني احمد جاني امي بقت ماسكه يدي و
بتقول لي يسرا ابوك مشى الجنه ابوك مات شهيد خلاص كفايه تحزني عليهو كدا قومي يابتي الله يرضا عليك ماتخوفينا عليك انتي كمان..احمد مشى نادا الدكتور وجا الدكتور طلع ناس امي قال زول واحد بس يكون معاي ونا م قادره افتح عيوني كويس شايفه طشاش طشاش بس احمد لمن مسك يدي عرفت انه دا هو..
احمد : يسرا الله يرضا عليك شيلي اجر الصابرين عليك الله حبيبي اتماسكي..
انا : انا ليه هنا؟!..
احمد : انهيار عصبي حاد د الجابك💔..
انا : يا احمد جاسر وينو؟!.كنت بتكلم بصوت ضعيف شديد بتسمع يلا وآمين..
أحمد : مع امي حنان بره..
انا : م عاوزه اقعد هنا يا احمد طلعني..
احمد : انتي شدي حيلك واتماسكي عشان تطلعي..
انا : ابوي تاني م ح يجي صح يا احمد؟!...
احمد : مسك يدي قال لي اي صح وقولي الحمد لله خلاص ربنا اراد كدا ودي اراده ربنا ونتي زوله مؤمنه وعارفه كويس انه ابوك م غالي علي ربنا..
انا : قشيت دموعي وقلته ليه الحمد لله رب العالمين..الحمد لله😞.
احمد : قش لي باقي دموعي قال لي اي ياهو دا بس الدايرو منك انا..
طلعوني من المستشفي لمن رجعنا سامعه الناس كللهم قاعدين يقولو قلنا بتلحق ابوها البت دي💔💔 احمد لمن طقش اضانو كلامهم د شايفاهو اتضايق شديد ودوني غرفتي شايفه مرتبنها ومشغلين فيها قرآن امي وياسر جو حضنوني وبكو معاي قالو لي م تزعلي عليو مات شهيد عارفنك بتحبيهو اكتر مننا لكن اصبري د مراد ربنا..بقدره قادر انا اتصبرته وقمته مشيت اتوضيت وصليت ركعتين ومسكت المصحف قعدته اقرا ليهو قران..احمد كان تحت في الصيوان مع الرجال ومعاهو جاسر جا ضرب لي الباب قلته اتفضل كنت لسه بقرا لقيتو أحمد وشايل جاسر قلته ليه خش.. قفلت المصحف وختيتو
احمد : م حاسه انك ظالمه ليك زول كدا..
انا : ابتسمت قلته لي جيسو حبيبي جيبو طيب..
احمد : اليله يشتكيك عديل مفروض ،،سافهاهو من الصباح..
انا : م بيدي والله يا احمد نسيتو ونسيت انا منو زاتي وفي دمعه جات جاريه في خدي.. أحمد : قش لي الدمعه حقتي وقال لي معليش حتهون كلها فتره وتعدي يقلبي😞..
انا : م حتهون يا أحمد 💔فراق ابوي دا م حيهون علي عمري كله وحيظل كسره جواي للابد..
أحمد : وربنا قادر يجبر كسرك يايسرا ربنا قادر.. قال لي الجثمان ح يجي بكره الصباح بتمنى انك تتصبري وماتخشي في حاله عشان خاطر ابوك الربنا يرحمو وعشان خاطر ولدك الشايلاهو دا وعشان خاطرنا كلنا اتصبري يايسرا ربنا قال "وبشر الصابرين"..قلته ليه ان شاء الله بس عندي طلب واحد امش معاكم الدفن قال لي ماف طريقه قلته لي عليك الله يا احمد قال لي طيب ربنا بكرا يحينا امي جات ضربت لينا الباب قلت ليها خشي
امي :اها اكلتي وبلعتي ادويتك..قلت ليها الحمد لله..جات طالعه قلت ليها تعالي يماما جات طوالي حضنتها كنت شايفه التعب النفسي في عيونها وحسيت ب انه قلبها مقطوع اكتر مني وبعدا شايله همي احمد شال مني جاسر وطلع وفضلت حاضنه امي مسافه قلته ليها حتهون يا امي ربنا يصبرك انا الحمد لله خلاص صبرتا واحتسبت وطالما د مراد ربنا انا راضيه بيهو جداً،امي قالت لي الحمد لله شوفتي د القران القريتيهو طيب قلبك الحمد لله انا زاتي صابره يابتي وندعي ليهو بس هو عاوز دعواتنا هي البتصلو قلته ليها ياسر كيف قالت لي الحمد لله صبر قبيل كان م قادر بس اسي متماسك الحمد لله..
امي طلعت بعديها بمسافه شويه كدا احمد جاب لي جاسر نايم شلتو رقدتو جنبي واحمد طلع..
*🔘حوقلو......... ♥️🌸...*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*
