احبك كحب الرسول لعائشه ♥️✨ (15)
بقلم يسرا محي الدين يونس 💙 🖇️..
جرعتنا من القران(هل أتاك حديث الغاشيه❤🩹وجوه يومئذ خاشعه❤🩹عامله ناصبه❤🩹تصلي نار حاميه❤🩹تسقى من عين آنيه❤🩹ليس لها طعام الا من ضريع❤🩹).
وصلت البيت قبل ما اقبل علي بابنا قلت كدا اخش علي ناس ملاذ ديل طولت منهم بس حسيت نفسي طقشت لي حاجه اتأكدت انها زول لمن شرقتني ريحه العطر رفعت راسي مالقيت راس ولسه برفع في راسي ع امل انه القى لي راس ف لقيتو قريب من السقف الحمدلله طلع زول وعندو راس والا كان جنيت..بدون مبالغه الولد طويل شديد ماشاءالله لمن عواره والعضلات دي اي وحده اكبر من التانيه المهم حاجه ضخمه كدا.. قمت كوركت فيه قلته ليه انت مابتشوف؟!!!😡،ماراعيت لانه كف واحد منه ممكن ينتهي مني لكن برضو م سكت م بعرف اسكت انا اصلا..
الولد : اي للاسف مابشوف.. انا الله ابتلاني وكفيف انتي المالك؟!..
انا : مغسني طبعا لأنه بعاين لي جوه عيوني بعديها بقول لي اي مابشوف.. 😭😩😂💔.
الولد : عندك عيون اتنين وماشايفاني؟!..
انا : اتفرسته منه وقلته ليه كمان كزاااب😤.
الولد : بعدين انتي زاتك م بتتشافي يعني انا لو كان عندي عيون م ظنيت كان شفتك..
انا : واي دا انا كاتله لي منو بتكلم معاي كدا دا مالو دا.. قمت انفصمت فيه وبصرخ بصوت عالي قلته ليه كزاب وبتشوف والعمى الدايرو دا ان شاء الله تلقاهو زاتو وبعدين مابتشاف دا انا شفافه؟؟؟!.. اها وريني م بتشاف كيف يعني؟! عيونك الشينين ديل تف تف..
الولد : قعد يضحك😂😂😂قال لي بشوف اي بس انتي غياظه عشان كدا حبيت افورك المهم آسف ياستي وغيري اسلوبك حبه عشان ماف زول بجي بطقش ليهو زول عواره.. اكيد م قاصدين احنا الاتنين..
انا : خجلته حبه لكن لسه كنته حاسه نفسي عاوزه اعضيهو فور دمي بجد😭😭😭.
قال لي ياخ آسف ومعليش تاني ونزل، انا لمن نسيت اني عاوزه اخش بيت ناس ملاذ وبقيت واقفه قدام الباب مسافه بعديها ضربت الجرس وجو فتحو لي فتحت لي ملاذ المشتاقه ليها..
انا : يازفته مابتسألي لو ما سألو منك..
ملاذ : والله قبيل كنتي في بالي لكن اتزكرت انك بتكوني في الجامعه ف مامشيت عليك..
انا : اصلك زفته من يومك كدا قومي جيبي لي مويه ابل حلقي دا..
ملاذ : اي سامعاك بتلعلعي بره مع منو؟! انا الشمار حرقني🤣💔.
انا : صلحت قعدتي وقلت ليها تاني اسأليني عليك الله😭😂💔دا منو المسيخ دا شايفاهو طالع من بيتكم؟!
ملاذ : من بيتنا هنا؟!..
انا : اي اطاقشته معاو في باب شقتكم دي..
ملاذ : كدا عامل كيف هو؟!
انا : طويل ومعضل وحقار..
ملاذ : مؤتمن.. اي دا مؤتمن من معضل دي😂💔.
انا : ومن مؤتمن هاذا؟!.
ملاذ : صاحب احمد وجا عندو حاجات جابهم لينا احمد مرسلو..لحقتي اشتبكتي معاو والله انتي يايسرا😹💔.
انا : وكيف بس ما اشتبك معاهو بقله ادبو دي.. وقمت حكيت ليها قلته ليها شايفه عيونو سمحات زي دا من المغسه قلته ليهو عيونك الشينين ديل..
ملاذ : قعدت تضحك قالت لي عاد هو السمحات عيونو بس الولد كله سمح.. انا لمن حسيت نفسي استعجلته وعرسته..
انا : دقيقه بس افتح التسجيل وعيدي كلامك دا تاني عشان اوصلو لمحمد..
ملاذ : يبت هوي بهظر معاك محمد دا كمان بتبدل مالي عيني لمن مدفقه..
انا : ربنا يخليهو ليك..قلت ليها بتبسط لمن اشوف حب حقيقي حاصل😂♥️لانه الشايفه دا كله تقضيه وقت وبرميج بس..
ملاذ : شايفه وين انتي الماحقيقي دا؟!
انا : في الناس الحوليني اصحابي وكدا يعني..
ملاذ : هوي اصلا اصحابك ديل ناس ماجادين في الحياه😂🖐🏻.
انا : اي والله ياخ يوم ح اوديك تتعرفي عليهم..
ملاذ : خلاص تمام لكن اها نرجع لموضوعنا، وبعديها قلتي لمؤتمن شنو؟!..
انا : اقول ليه شنو يعني مافهمتك؟!
ملاذ : حصه رياضيات هي لمن م تفهمي واي من غبائك.. اها من الاخر يعني في النهايه اعتزرتي ليهو ولا لا؟!..
انا : بري هو الاعتزر واتخارج انا مالني..
ملاذ : عان الزفته وبعدا تقولي عليهو قليل ادب قليله ادب انتي دي يختي🤣🖐🏻.المهم رغينا كدا بعديها قالت لي الحجاب فيك دررررعه انا من قبيل بقول انه يسو دي اليله مالها جميله كدا والحاصل شنو؟!واي من التكويزه ومن اي حاجه حلو حلو حلو شديد بجد فيك..
انا : ياداب لاحظتي..
ملاذ : اي من قبيل شايفه حاجه سمحه بس م فهمته الحاصل شنو😂♥️.
انا حكيت ليها الحادث واتأثرت واتفقت معاي في انه اشاره من ربنا، دايما بتحس نفسي احاسيسي عشان كدا ملاذ دي بحبها..
رجعت البيت ونا متيقنه ومبسوطه من قراراتي الاخدتها جديده في حياتي امي لمن شافتني مكوزه اندهشت وقالت لي الهداك يهدي ياسر شاحده ربي..
انا قلته ليهاشاء الله يارب..
اول حاجه عملتها صليت صلاتي كنت في كل سجده بدعي ربنا يثبتني ع الهدايه💙.. بعديها اتصلت لابوي حبيبي، قلته كدا اكشفو جاي جد جد ولا طلس زي كل مره.. رد لي قال لي اقفلي برجع ليك.. جملتو البقولها لي كل ما اتصل ليه❤️ طبعا ياخ بحس براحه نفسيه معاو الراجل دا❤️ وبتكلم معاو بكل اريحيه م خاته ولا ذره حاجز اول شي في البدايه صحباتي قايلنو حبيبي🤣👋🏻لاني مسيفاهو بحبيب قساي💓وبضرب لي كتير في اليوم عشان يطمن علي بعيد لكن م محسسني ببعدو نهائي واقرب لي زول، ابوي دا اكتر اب مثالي شفته في الدنيا ربنا يخليهو لي طول العمر💓.. المهم رجع ليه وقعدته احكي لي تفاصيل اليوم من الصباح لحد ماوريته أني اتحجبته برضو قال لي انتي متأكده؟!
انا : متأكده من شنو؟!
ابوي : من انك اتحجبتي..
انا : اي يا ابوي والله اتحجبته..
ابوي : عشان الحجاب دا حاجه م ساهله م تلبسيهو يوم ويوم تطلعيهو علي كيفك..
انا : ابوي انا عارفه الكلام دا كله ونا اتحجبته عن رضا وعن قناعه..
ابوي : رد لي وصوتو مليان سعاده وفرح قال لي ربنا يثبتك عليو ان شاء الله يابتي ماعارفه فرحتيني قدر شنو لمن م قادر اصدقك..
انا :دقيقه عندي صوره اتصورتها قبيل قمته رسلتها ليو..
ابوي :دخيلو القمر هاذا شنو هاي الحلاوه..
انا : ابوي انت تاني مابترجع البلد خلاص خشمك اتعوج🤣🖐🏻.
ابوي : والله الفرحه الدخلتيني فيها اليله ما اظن تمرق تاني💓..
انا : طيب من زمان لي ماطلبت مني اتحجب..
ابوي : لا م بجبر زول علي حاجه انا، الحاجه لمن تكون مجبور عليها م بتعجبك وممكن تتخلى عنها في اي زمن، لكن اسي مادام جات عن قناعه منك انا مبسوط منك شديد يمكن دي وحده من الدعاوي حقتي استجابت لاني م بفوت ادعي ليكم ب الهدايه في كل صلاه..
انا : الحمدلله انا خلاص طلعت باقي ياسر..
ابوي : لي انتي وامك محسسني انه ياسر دا بتاع بنقو🤣💔.
انا : م بعيد فيو🌚💔.
ابوي : هوي ولدي دا انا واثق فيهو اكتر زول ومابرضا فيو نهاي..
انا : وانا؟!...
ابوي : انتي الكنت خايف منك ومعزباني😂😂💔.
انا : في زول بعزب قلبو يا ابوي.. 🌚♥️؟!..
ابوي : اها قمتي للحنك والله ما ارسل ليك ولاجنيه كان نططي..
انا : قروش شنو بسم الله دا حب في الله ساي كدا..
ابوي : خلاص الحجاب بدا يأثر فيك.. والله ماشاءالله.
انا : اها يا اصلي انت جاي ولا م جاي.. ادينا الاجابه من الاخير كدا عشان الكزب حرام ونت عارف..
ابوي : والله يايسرا انتي بتهدديني عديل كدا دا شنو دا امك ماقاعده تسوي لي كدا🤣🖐🏻.
انا : امي دي م بترضا فيك حت لو كزاب بتمشي ليك لكن انت اسي اديني الزيت..
ابوي : خلاص عشان.. to be Honest..معاك، انا الجمعه دي م بقدر اجي لكن للجمعه الجايه كدا ان شاء الله المهم رمضان دا حيلقاني معاكم..
انا : خلاص خير رمضان م بعيد نهاي انت بس خليك قدر كلامك..
ابوي : خير ان شاء الله😂..
قفلت منه كدا أحمد رسل لي..متين اتحجبتي!!!؟..قلته يوووه حجابي دا عمل تريند ولا شنو🤣👋🏻.. رسلت ليو
انا : خلاص الشمار لحقك..
احمد : اي لحقني لكن م مصدق قلته اتأكد😂💔.
انا : خلاص هاك اي دي حقيقه..
احمد : انا مش قلته ليك بتبقي سمحه اسي بكيتي ناس..
انا : استغربته في جملتو الاخيره وقلت البكا منو ياربي؟! مستحيل يكون اب ضراعات داك م ببكي اساسا..
احمد : م مصدقه ولاشنو..
انا : م فهمتك اساسا البكا منو؟! انت ولا منو🤣👋🏻.
احمد : عليك الله انا الببكيني فيك شنو راسك اليابس دا😭😂💦مؤتمن صحبي سألني منك..
انا : اهاااا الولد القيتو قبيل..
احمد : اي، والله لمن بوصف فيك انا لمن ماعرفتك..
انا : كيف؟! 😂💔.
احمد : شبكني ليك تيمتني ذات الحجاب وبتاع🤣👋.
انا : كزاب انحنا اصلا اتشاكلنا هو ما وراك..
احمد : لا م وراني اتشاكلتو كيف يعني غايتو انتي يسرا بتتشاكلي مع اي شي..
انا : طقشني واتشاكلنا وبس يعني..
احمد : اهااا م حنك المهم هو اسي حابي يتعرف عليك..
انا : ومالو جرا قبيل؟! ماكان يقيف يتعرف علي لي يرسلك انت..
احمد : ماعارف انا المهم هو قال عاوز رقمك وجيت استأزنك كل الحكايه🐸💔.
انا : دقيقه افكر..
احمد : يابت احنا طالبين يدك ولا حاجه عاوز رقمك بس هو🤣🖐🏻.
انا : احمد انت لي محرج كدا🥲🌞💔.
احمد : م محرج بس انتي غبيه😩😂💔.
لاحوله ولاقوه الا بالله.. ♥️🌸
