احبک کحب الرسول لعائشه♥️✨(45)
بقلم یسرا محی الدین یونس💙🖇️..
حسناتنا(یـأيها النبي اتق الله ولا تطع الكافرين والمنافقين ان الله كان عليما حكيما💜واتبع مايوحي اليك من ربك ان الله كان بماتعملون خبيرا💜).
ادعو لبعض يخوانا عشان الحياه تتجازف❤️❤️❤️امسكو في دعاء "ظهر الغيب" دا حاجه زابطه شديد..
بعد خلصت امتحاني لقيت احمد راجيني بره سالني اشتغلت كيف..
انا : الحمد لله الامتحان جا حلو عديل😩💛..
احمد : اول مره تقولي كدا والله ماشاء الله😂💔منتظر جرستك من قبيل..
انا : ماف جرسه اليله..
احمد : حاسه نفسك بتقدري تطلعي ح نمشي مشوار..
انا : مبسوطه وملانه طاقه اشتغلت كويس اقول ليك..
احمد : خلاص قدام..
انا : على وين؟!..
احمد : خت يدو في بطني وقال لي حاجه بتخصو..ح نمش نشتري حاجات البيبي اليله..
انا : ممكن❤️ ياداب فضيت ليهو الايام الفاتت دي الامتحانات شويه وكانت ح تطلع عيني..
احمد : مسك يدي وقال لي فخور بيك شديد والله..عافرتي كتيرر عشانا..
انا : انت كنت ركيزتي زمن المعافره دي ماتنسى..
احمد : م ناسي ولو في اكتر من كدا كان قدمتو ليك تستاهلي كل الحاجات الحلوه أنتي..
وصلنا المكان فيهو كل مستلزمات الاطفال حديثي الولاده حاجاتهم كانت حلوه شديد طبعا انا اخترت ملابس كلها ب اللون الزهري والبينك وكدا احمد قال لي عملتي موجات اعترفي قلته ليه ابداً والله بس إحساسي م حصل خاب❤️قام احمد اختار ملابس ب الون الازرق قال لي عشان اذا جا ولد م اظلمو معاك يا ام تالين..
انا : احمد تالين يعني شنو؟!.
احمد : اوع يكون د اسم بتك الماعارفه معناهو دا..
انا : اذا عارف بس وريني المعنى واذا م عارف ممكن تقول عادي يعني بدون خجله..
احمد : غايتو انتي الله يديك راس.. المهم تالين دي أصلا اصلها يوناني وبليونانيه تعني الفتاه الجميله والمزهره،اما في اللغه العربيه مشتق من كلمه تالي وهو من يتلو القرآن ويرتله🧡"ولا م بتعرفي تالي برضو يعني شنو؟!..
انا : بعرفو م تبالغ + خلاص قفلت ع الاسم رهيب..
أحمد : وتقولي م عملتي موجات..
انا : عنك م صدقته..المهم ان شاء الله تطلع بتشبهني انا😩❤️لو طلعت بتشبهك برجعها طوالي..
احمد : يومي الصباح سرحانه في وشي اسي عاوزه تقولي شنو كمان..
اشترينا كل المستلزمات حتى السرير بتاعو واحمد اشترى لي كل الحاجات البحتاجهم انا خشيت التامن واحمد بقا حالف ملعقه م ارفعها لمن بزهج منه المهم احمد جاتو زي حكايه اسبوع كدا حاساهو متغير وم قاعد ياكل بس بجي بشوفني اكلت ولا لا لمن اعاين في عيونو واضح انه حاصله ليه حاجه بس لمن اسألو بنكر وبتهرب،،قدر م ختيتو قلت ليه احمد الحاصل شنو بقول لي ماف شي اها انتي اكلتي اليله ورح انزلي امشيك ويطلع من الموضوع طوالي لحد م انا حسيت انه طفح الكيل وبقيت م باكل زاتي لمن يسألني بقول ليه اكلته ونا بكشح الاكل ساي قمته هبطته ووقعته احمد جرا بي المستشفى قالو ليه انه فاقده ليها يومين م اكلت.. ادوني الدربات.. لمن فتحت عيوني لقيت احمد في وشي..
احمد : كان قاعد في كرسي مقاصدني وماسك يدي عيونو مدمعه لمن فتحت ابتسم لي قال لي"وفجأه كدا نسيتيني كل مصايبي وبقيتي انتي مصيبتي الوحيده♥️♡"..
انا : رفعت عيني ب العافيه قلت ليه م عاوز تشاركني مصايبك ف لازم احل محلها..
احمد : حبيبي والله اتحلت كانت مشكله بسيطه واتحلت الحمدلله.. لكن فضلتي انتي دي دا شنو العملتي لي في روحك دا مابتاكلي لي؟!..
انا : احمد لا اله الا الله..
احمد : محمد رسول الله..
انا : انا بعني شنو ب النسبه ليك؟!..
احمد : دنيتي كلها انتي..
انا : د كلام م حقيقه اذا انا دنيتك م مفروض تخبي عني مشاكلك..
احمد : حبيبي عارفه انه وضعك م بسمح لي اثقلك ولابذره همايه.. من بكرا ح تخشي التاسع التامن د مرحله خطره الجنين بموت فيه طوالي اذا حصلت لي اي عوائق..
انا : اها ح تحكي الحاصل ليك ولا كيف؟!..
احمد : م ح احكي لانها اتحلت خلاص انسي.. مع انه تعابير وشو كانت مريحه وطولت اني اشوفها كدا..
انا : اشتقت ليك💔..
احمد : قعد في السرير وضماني عليو قال لي عارف حبيبي معليش😞..
انا : انت عارف انه بعدم انك توريني مشاكلك دا اداني احساس اني كيس نايلون طاير في الهوا بلنسبه ليك..
احمد : تصويرك عجيب وقعد يضحك😂💦..
انا : م بتحنكني دا الحسيتو والله..
احمد : شيلي الافكار دي كلها بره راسك واعرفي انه لو ماكنتي في حاله حرجه زي دي م كنت خبيت عليك ولاشي بس انا خايف عليك وعلي ولدنا الفي بطنك دا..
انا : لسه شكلك م حتتزفت توريني الحصل شنو؟!..
احمد : يالطيييف طيب..اصلا هي المشكله في مجال عملي في واحد من الدكاتره المشغلهم معاي اثناء ماهو في العمليه فقد المريض والمريض مات موت الله دا يعني يومو تمه اهلو جو عملو قومه وقعده وعاوزين ديه ولمن قلنا ليهم انتو حلفتو واتوعدتو اولا بعديها العمليه اتعملت نكرو وقالو ح يحرقو المستشفى كلها اصلا هم ناس متخلفين انا م عارف م مسلمين ولا شنو؟!ف كنت خايف علي الدكتور د والله ممکن يغدرو بيهو في اي زمن بدون رحمه..
انا : واسي الحصل شنو؟!..
احمد : اتفاهمت معاهم ورضو ب الديه واندفعت وخلاص حلو عن سمانا اخيراً..اها انتي البخليك م تاكلي يومين شنو؟!م عاوز اسباب سخيفه انتي عارفه انو جواك روح تانيه..
انا : ماف اسخف من تصرفك..+انت اصلا بتحب جناك وخايف عليو انا اكتلني بعد الديهو ليك عليك الله..
أحمد : م بسالك والله🤦🏻♂️💔.
المهم قعدته نفسنته فيه وزعلته لحد ما قعدته شويه كدا بعدين فكيتها اصر لي عشان آكل قلته ليه عاوزه بيتزا خضار ونا عارفه انه هو مانعني من الاكل الجاهز نزل جابها لي لمن مشينا البيت قعد يأكل فيني قلته ليه الا ياكلها معاي قال لي ياخ باكلك انتي زاتك لو عاوزه،، فعلا رجع احمد البعرفو ووشو مافيهو هم وغم ف صدقتو❤️.. امي اتصلت عليه قالت ليه يسرا دي اذا خشت التاسع تقوم تجيبها لينا..
احمد : قبل علي قال لي ياها دي المواضيع المابحبها ضروري تمشي يعني اسي😩💦.
انا : اكيد طبعا..
احمد : ياخ خلاص كل الح تعملو ليك امك انا ح اعملو ليك وتقعدي معاي ينفع؟!..
انا : لا م ينفع ياشيخ لازم اولد في بيت امي..
احمد : لكل قاعده شواز اكسري القاعده السخيفه دي وصبيها معاي احسن ليك 😩💦..
بعد تحانيس منه وقرب يمش يبوس لامي رجلينها حتى بعديها رضت لي انه يجيبني في آخر اسبوعين طبعا انا طول فتره حملي دي كنت زهجانه ومنفسنه وبتشاكل معاو كل خمس دقايق بقول ليه تاني م تتكلم معاي..اظن م بتم لي خمس ثواني كدا بس عينو تقع في عيني هو بقوم بضحك ونا بضحك وراهو وبروح برستيج الزعله حقتي.. احمد استحملني في كل احوالي ونا كويسه ونا حزينه ونا منفسنه ونا مجنونه ونا مكتئبه ونا مبسوطه احمد عرف يتعامل معاي في كل ظروفي ديل وبنجاح كمان❤️".
جا اليوم الموعود يوم ولادتي كنت في بيت ناس امي واحمد جا ودانا المستشفي ابوي اتكلم معاي ودعا لي بعديها خشيت انا كنت اكبر جرسه اليوم ديك وحاسه اني ح افارق الحياه وم ح اشوف ولدي وماسكه يد احمد ابيت افكها احمد قال ح يخش معاي رفضو ليهو ونا كنت شايفه دموعو احمد دموعو م بتنزل الا لمن اكون موجوعه قاعد يقول لي حاسي بيك ولو علي اشيلو كله انا الالم دا لو بقدر اشيله منك ويجي فيني انا💔حرفيا الم الولاده لا يطاق حاجه كدا صعبه شديد م بتتوصف ولا انا تعبت بزياده م عارفه المهم بعد معافره وهلاك وخلاص حيلي كمل سمعت صوت صغير ببكي معلناً خروجه للحياه م كنت قادره افتح عيني ادوني درب فيهو مسكن ومعاه شويه ادويه فتحت عيني لقيت احمد شايل ليهو حاجه صغيره في يدو ملفوفه ببشكير احمد قال لي عايني ليهو حلو كيف..جيت مفحط الحقك قبل ماتسميهو تالين..
انا : قمته ابتسمته وعاينت ليه ياخي حلو شديد حاجه كدا كلبوظه وطالع نسخه من احمد شايل عيوني بس..
احمد : ماتزعلي علي تالين لسه حنجيب دسته بتاعت بنات..
انا : احمد بعد الشوفتو دا انا تاني سوسيو م بلديهو ليك..الممرضه ضحكت فيني وطلعت خلتنا..
احمد : سوسيو د شنو يابت جداده انتي؟!😂😂.
انا : اي دسته السمعتها منك دي ادتني احساس اني جداده🦦..
احمد باسني في راسي وقال لي معليش❤️آسفين ع كل التعب التعبناهو ليك انا وولدي..واخد لينا صوره مع بعض كانت لحظه جميله جدا احساس بقينا تلاته❤️..
قلته ليه اديني اتعرف عليو احمد قال لي دقيقه قبل م اديك ليهو شالو ووقف بيهو فوق احمد قال في راس الطفل" اعوذ بكلمات الله التامه من كل شيطان وهامه ومن كل عين لامه"..جاب راس الطفل بناحيه اذنه اليمني وكبر
"الله اكبر الله اكبر**الله اكبر الله اكبر"
"اشهد ان لا اله الا الله**اشهد ان لا اله الا الله"
"اشهد ان محمد رسول الله**اشهد ان محمد رسول الله"
"حي علي الصلاه***حي علي الصلاه"
"حي علي الفلاح***حي علي الفلاح"
الله اكبر الله اكبر*لا اله الا الله.
وجاب ناحيه اذنو اليمين واقام الصلاه..بعديها اداني ليو..
شلتو وم مصدقه لسه بشوف في بعدم استوعاب وهو حاجه كدا حلوه شديد عيونو حلوات وكل شي فيه حلو شعرو كتير لحد مغطي جبهتو..
انا : شايلاهو وبتبسم كدا قلت لاحمد احساس حاجه مني حته مني..
احمد : حته مننا❤️".
امي جات خاشه قلت لاحمد شيلو مني ح آكلو انا م قادره احمد قال لي انا زاتي ح آكلو المشكله،،امي قالت لينا ادوني ليو انا وخلو عوارتكم دي😂💦امي باركت لينا وادتني ابوي اتكلمت معاو ابوي قال لي ح تسموهو منو؟!قلت ليه احمد ح يسميهو انا كنت مجهزه اسم البت..
عاينت لاحمد قلته ليه ح تسميهو منو؟!..
احمد : ح اسميه" جاسر♥️".
انا : وجاسر يعني شنو؟!..
احمد : يسرا انتي لو عارفه معنى اسمك اظن لي تكوني ماشاء الله..
انا : احمد م تفضحني😩😂💦.
احمد : جاسر يعني القوي والشجاع الصامد المثابر المقدام الذي لا يخشى احد💙🔥..وبقولو جاسر لاصحاب القامات الطويله ونتو عارفنو حيطلع زي ابو طبعا🌚 قعدنا نضحك😂❤️..
ابوي قال لي اسمه جميل ان شاء الله يشيل اسمه🧡"وقال لي في هديه ح ارسلها ليو ان شاء الله قلته ليه عليك الله يا ابوي تعال انت زاتك بلا هديه معاك😩😂.
🔘استغفروو.............♥️🌸.
