احبك كحب الرسول لعائشه ♥️✨(19)
بقلم يسرا محي الدين يونس 💙 🖇️..
الرجاء التصويت والمتابعة
حسناتنا(صٓ والقرآن ذي الذكر💚بل الذين كفروا في عزه وشقاق💚كم اهلكنا من قبلهم من قرن فنادوا ولات حين مناص💚وعجبو ان جائهم منذر منهم وقال الكافرون هاذا ساحر كزاب💚اجعل الآلهة اله واحد ان هاذا لشئ عجاب💚).
انا : اطلع شنو انا اصلا م ماشه الجامعه😅.
مؤتمن : وأحمد بهظر معاي؟!
انا : قبيل كنت ح امش بس اسي المحاضره انتهت زاتو..
مؤتمن : وباقي اليوم؟!..
انا : اه م مهم شديد.
مؤتمن : تطلعي ولا اجي اشيلك؟!..
انا : اتكركرته ومشيت قلت اسي م ح اعرف افتح الباب مع عربيتو الخطيره دي قبل م امد يدي جا قال لي دقيقه وفتح لي الباب طلعته وماقادره اوصف ليكم المهم العربيه زابطه شديد والتكيف دا تقول صاله م عربيه قعدته وكنت ساكته ساي،،،طلعت لي شيت قلت امثل اني بقرا اصلا الله يخليني للتمثيل.. قعدته شويه كدا بعديها بقيت اعاين في تفاصيلو حسيتو شخص هادئ حتى في اسلوب كلامو طبعا من نوع الناس البتسوق بيد واحده والتانيه مطلعها بره ولابس فيها ساعه كدا خطفت قلبي ويدو كلها شعر،،، مشغل اغاني عقد الجلاد ومرات بدندن معاهم قال لي ساكته كدا مالك،،، قلته ليهو قاعده اقرا يعني م شايف؟!
مؤتمن : لا شايف شايف.. م كنتي عارفه اني انا الح اجيك صح؟!..
انا : اي خلعتني..
مؤتمن : خلعتك عديل كدا😂♥️.
انا : م عدييييل كدا المهم اتخلعته حبه...
مؤتمن :🤣🤣💔بتضحكي انتي،،،عارفه انا يوم اتطاقشنا كنت بضحك لليوم التاني كل ما اتزكرك بضحك؟!..
انا : مالني نكته ولا حاجه؟!،،
مؤتمن : ردك الفي طرف لسانك دا.
انا : م هو كان المضحك شنو يعني..
مؤتمن : خت يدو في نصو وقعد يحاكي فيني قال لي م بتشوفني دا انا شفافه؟؟؟؟!..
انا : قمته ضحكته..
مؤتمن : ان شاء الله دايما💛وبعديها هو زاتو بقا يضحك قال لي انا كنت ساكت وصنديد ومصر ع موقفي لحدي ماقلتي جملتك دي ياخ ضحكتني والله وفشلت الموقف كله...
انا : بركه الفشلت ليك موقفك😹💔الغنيه انتهت قلته ليه ممكن تشغل قرآن..
مؤتمن : من عيوني💚تحبي تسمعي اي سوره؟!
انا : اتزكرت لمن بسام الفاسق مالقا في تلفونو والا قعد يفتش في النت🌞💔😹،،،،،قلته ليه سوره مريم💙.
مؤتمن : قال لي لو شغلتو م ينفع نتونس..
انا : اكيد طبعا،،،فضلنا بنسمع لحد ماوصلت لمن جيت نازله قال لي رقمي معاك ومابيناتنا اي حواجز لو يوم حصلت ليك محنه زي دي كلميني طوالي،،،
انا : معليش انا الحابه اعتزر
ليك والله اذا عندك شغل صباحي او كدا يكون اخرتك منو..
مؤتمن :لا ب العكس كمان ماف اي شغل ولو في بخليهو عشانك❤️.
انا : قلته ليه المهم شكرا ليك ونزلته..في حاجه لاحظتها فيهو م بركز في وشي ونا بتكلم م بعاين لي ياشاف بفوق لي يانزل راسو في الارض اعتبرتها غض بصر وممكن تقولو كبر في نظري💛،،،،خشيت الجامعه لقيت عبدوش في وشي قال لي شايفك شايفك م تقولي م شفتك.. لكن خطير والله دا ولد وزير ولاشنو؟!
انا : عبدوش اتلما مني عليك الله اسي عندي لاب انتهى كدا ماشه ليو🐤..
عبدالله : اصلا انتهى زي كلامك قبل شويه لقيت رنا حايمه اقصد المطلقه🤣💔.
انا : عبدوش حرام عليك البت متأثره حقيقي يخوانا،،طعمجتكم دي احتفظو بيها لنفسكم د م زمنها كويس وحمرته ليو..
عبد الله : خوفته والله🌞..
انا : عبدوش جاده معاك😤.
عبدالله : خلاص ياخ م بشغلها ليها اها م وريتنا الخام الشفناهو دا منو؟!..
انا : صاحب احمد🙂.
عبدالله : احمد عرفناهو صحبو شنو كمان؟!!..
انا : د كله من بسام😩طلع حقار برضو،،،
عبدالله : م حقار لكن انتي الرجعتي لبلادتك عليك الله انحنا كسلك دا حافظنو اكتر من اسمائنا،، ولمن يحصل معاك شي بتقعدي تلصقيهو في الناس🤣زي مثلا لمن الثياب عمل ليك حركات وجيتي قلتي انا القلته ليك ترسلي ليهو🐸🔥.
انا : صاريهو لي ولا شنو🤣💔.
عبدالله : عليك الله انا لو قعدته اصر ليك اصر لشنو واخلي شنو؟!..
انا :معليش😂💔.
عبدالله : طبعا قبيل لمن نزلتي في بتين جنبي قعدو يتناخسو قالت ليها يومي زول جديد وعربيه جديده.. مع اني م عارف هو دا منو لكن متأكد م الفي بالهم لانه احنا عارفين حياتك البائسه اصلا🤣💔.
انا : خلي يقولو الدايرين يقولوهو،،طززززززز،، نهائي يوم م اشتغلت لي بكلام زول👋🏻..
عبدالله : عشان كدا بتكيف منك والله😩😂🤝🏻، بعديها قال لي اسمعيني اخوك عاوزك في خدمه..
انا : اخوك دي م طمنتني لكن اها قول خير..
عبدالله : صحبتكم الاسمها ندى دي ماتجازفوها لي ياخ😭.
انا : ندى منو بت دفعتنا؟!..
عبدالله : اي
انا : و وين مهاراتك ياشيخ؟! 🤣🤝🏻.
عبدالله : حاولته ياخ بس هي اتقل من الكره الارضيه اسوي ليها شنو؟!..
انا : والله انت شديد وبتعرف تجيب بناتك ديل كيف.. عبدالله : ياخ دي غلبتني عديل كدا و م قدرته ليها،،دا شنو الواحد الا يفضح نفسو معاك يعني🌞💦.
انا : اها ونا المطلوب مني شنو اسي؟!..
عبدالله : جازفي الرقم بس..
انا : هوي هوي انا شغله الناس الماكويسين دي مابتنفع معاي..
عبدالله : شنو ماكويسين وبتاع شايفانا بنتاجر في بنقو لا سمح الله!؟،،،،
انا : اسمعني هنا اسي انا يسرا دي لو سمعت انه في بت ادت رقمي لولد انا م بعرفو ح اخليها؟! خليني مني انت لو سمعت ح تخليها؟! الشينه في حقي م برضاها لزول ياعبدوش..
عبدالله : اي خلاص طلعي لي الداعيه الجواك..يازوله براي بجازفو انتي اصلا م منك فايده..
انا : اي بس🤣🤝، مازن جا اليله🥲؟!
عبدالله : جا وعارفك فوتي محاضرتك🤣عشان كدا طلب مننا م نوريك انه جا بس انا عبدوش م بعرف اكزب الله يحفظني🦦.
انا : عارفو لي قاعد وين؟!..
عبدالله: م عارفو قومي فتشي براك هو انا بساعدك لي زاتو م بعرف مفروض اتف ليك في وشك وامش.. وقام مشى،،،،
انا : كوركت ليه دا كلو عشان رقم ندى ياسخيف،، يازير🤣💦،اتصلت لمازن م برد،،،تقريبا انا افوز ب اكتر اصحاب متنمرين في الحياه 😭فضلته اتصل واتصل لحد مارد لي..
مازن : مازن مات في حاجه؟!..
انا : اي في حاجه بسيطه كدا يشرحا لي وربنا يتقبله قبولا حسنا..
مازن : كرهتيني يابت الناس..
انا : تكبر تنسا..
مازن : شايفاني كبيييير قدر دا تقولي لي تكبر تنسا؟!..
انا :بلييييز مزوني🥲..
مازن : ماهو طيب مشكلتك شنو الفاتك شنو؟!.
انا : لاب Biochemistry
مازن : لاب؟! وان شاء الله عاوزاني اشرحو ليك؟! يابت د لاب انتي فاهمه،، يعني م ينفع تفوتي وم ينفع اشرحو ليك كدا،،،امشي اتفاهمي مع الدكتور بشرحو ليك ولا شوفي قروب م اخدو الحاجه دي انضمي ليهم.
انا : الاستاذ اصعب من السودان دا انت فاهمني عشان كدا ببكي ليك😭😂💔.
مازن : عجبني التشبيه😹💔المهم دا الحل شوفي ليك قروب م اخد انضمي ليهم لو مالقيتي ارجعي لي..
مشيت فتشت لقيت فعلا في قروب ح ياخد نفس الاخدناهو الصباح وانضميت ليه طبعا انا من صعوبيه الاستاذ واول مره افوت لي لاب راسي لمن وقف عن التفكير كتر خير مازن..المهم خلصت متأخره شديد وكنت مصدعه زاتي مشيت لقيت بسام راجيني زي الحاجه السمحه كنت عاوزه احرد الرجعه معاو لكن راسي م خلاني اقل ادبي وادبني هو ف اتكركرت مشيت قال لي السلام عليكم،،، قلته ليه الجواك وضحت خلاص وماتتكلم معاي..
بسام : كدا احترمي حجابك دا وردي السلام..
انا : حمرته ليو شديد وقلته ليه وعليكم😒.
بسام : ياربي هو انا عملته ليك شنو زعلانه كدا🤣.
انا : ولا شي يقلبي ولا شي..
بسام : انا زول كلمتي وحده وم بتراجع عنها قلته ليك م طلعتي في الزمن بتخارج طوالي وكلامي واحد ومابعيدو دايره تزعلي ازعلي..
انا :...........
بسام : 🤣وجيتي كيف عليك الله احكي لي القصه..
انا : لو مهتم كان عرفت..
بسام : 😂😂💔.
ضحك فيني ونا سكته ساي لمن وصلنا اصلا كانت في حفله صداع رهيبه في راسي،،،نزلت وبسام ناداني قلته لي خير؟!
بسام : بكره زفافي علي يسرا تجي؟!..
انا : قووول اقسم😳😳وين وين في اي صاله،،؟! زفت كمان تكلمني طيش زول اه ماعلينا اهم شي الطقه تكون نضيفه،،، فجأه شوفتو بضحك شديد لمن نفسو قرب يقطع م اتطمنت نهاي وحسيت في مقلب في الموضوع..
انا : بساااام😒احلف..
بسام : احلف لشنو؟!🤣غشيتك ساي عاوز افك زعلتك الرابطه بيها وشك دي.. عشان وشك د م وش زعل 🤍 .
انا : نينينينيني.. 🦦.
ضحك لي ومشى ونا طلعت خشيت البيت اترميت في السرير بس تاني م قمت الا المغرب صحيت مخلوعه لاني م صليت العصر صليت وقريت شويه قران ومشيت لامي قلته ليها لي ماصحيتيني اصلي العصر قالت لي ومن وين انا اعرف انك ماصليتيهو قلته ليها بس تاني صحيني واسأليني ماتخليني افوت صلاه ابتسمت لي وقالت لي تمام،، شايفه ياسر جا اتكلم لي امي كلمتين كدا وهي بقت خاشه ومارقه قلت الحاصل شنو بعديها امي جات قالت لي قومي اجهزي اهل الولد قال حيجو اليله،،
انا : يا امي بسم الله ولد شنو؟!
امي :الامه يومتا جاتنا هنا..
انا : طبعا اكيد اليله م الجمعه.. +انا زاتي خليت العرس انتي ماعارفه ساي.
امي : جاي هو وناس بيتهم يتعرفو عليك ويوم الجمعه يخطبو مره وحده..
انا : قلت ليها بتحكي كدا وكأنه عن بت م بعرفها معقوله الكلام دا عني؟!؟ دقيقه انتو بتقررو كلامكم دا متين زاتو..
امي :يسرررا،،،كلمتك يومتا وانبسطي ورقصتي اسي النضمي شنو؟! كنتي قايلاني بهظر ولا شنو،، هو انا في يوم هظرته؟!..
انا : لا والله ابدا ماف يوم هظرتي ..
امي : بس خلاص يلا امشي اجهزي هم بعد شويه كدا حيجوا..
والله الصداع كان لسه كابس راسي وبعد كلام امي دا زاد مشيت لبست عباااااايه اصلا م عندي نفس اتصلته لابوي اشتكي لي قال لي اتكلمو معاي واخدو كلمتهم واليله حيجو يتعرفو عليكم..
