احبك كحب الرسول لعائشه♥️✨(34)
بقلم يسرا محي الدين يونس💙🖇️..
جرعتنا من القرآن(سبح لله مافي السماوات والارض وهو العزيز الحكيم🤍له ملك السماوات والارض يحى ويميت وهو علي كل شئ قدير🤍هو الاول والآخر والظاهر والباطن وهو بكل شئ عليم🤍).
ابتسمت ليه ومشيت علي اتجاه المنظر ..
انا : اسي لو وقعت من هنا ح اقوم حيه؟!🌚
احمد : انا عمري العامر دا كله بجي بقيف هنا ماجاتني فكره هبله زي دي بتجيبي الافكار دي من وين انتي؟!😩
انا : م بعرف بس فجأه فكره جاتني وقلتها ليك🐣💔..
احمد : طيب ماتركزي معاها دي افكار شيطانيه ساي..
انا : طيب..
الجرسون جا جاب لينا الطقه ولا اتفاهمت تاني وقعت ليك عض شديد كنت جعانه ياخ بعد ماخلصت اكل وشربت البارد حقي..
انا : Hello👋🏻
احمد : خايف تاكليني بعد دا..
انا : لا الحمدلله شبعت بعدين اساسا انت م حتضهضم لي.
احمد : ربع يدينو في التربيزه وخت وشو فيهم وبقا يعاين لي ومبتسم..
انا : طبعا بتوتور لمن اشوف زول مركز معاي بصوره دي فكسرت التوتر وقلته ليه في شنو؟!!..
احمد : لسه م شال عيونو مني وهو بقول لي اتعرفت في حياتي علي بنات كتار بس م حصل لقيت بت بلمثاليه الفيك دي..
انا : ملامحي اتملت استغراب وقلت لي بكل برائه مثاليه كيف؟!..
احمد : مثاليه في انك بتكوني علي طبيعتك وسجيتك ومابتتصنعي نهائي دي اجمل حاجه فيك يلا♥️✨..
انا : خالتو ريا ازيها؟!!..
أحمد : هاربه طبعا😂😂هو انتي لاقيه الكلام السمح دا وين اصلا لمن تزوغي منو🤣💦..كويسه م عندها عوجه..
انا : بلغها تحياتي عليك الله..
احمد : شايف مهتمه بيها اكتر مني😂❤️..
انا : شامه لي ريحه غيره؟!..في زول بغير من امه؟!😂😂😂.
احمد : بغير من اي حاجه بتحبيها انتي.. بحس وكأنو في مشاركه في الموضوع😩😂💔بس امي حلال عليها ويابختها انها نالت حبك♥️🌸.
انا : حنطول هنا؟!زي الزمن راح كدا..
احمد : لا خلاص ارح.. اصلا حبيت اغير مودك بس عشان م تجيك نفسيات من الامتحانات دي..
انا : بري نفسيات الامتحانات دي دايره ليها سفره عديل بره العالم.. او توديني فوق بين السحاب اقعد اتونس مع النجوم حاجه زي كدا..
احمد : مستهبله شديد انتي ارح ارح🤣👋🏻..
انا : ياخي السلالم😞😭💔م بقدر والله تشيلني بس..
احمد : فرحانه كدا قايله نفسك ريشه ولاشنو؟!..
انا : 😒😒😒.
احمد : لمن اشيلك كدا حنجي واقعين وشكلنا حيكون قاسي احسن انزلي ب ادبك..
انا : لي حنجي واقعين شاكي في قدراتك يعني🌞؟!..
احمد : قدرات شنو يابتت 80 كيلو انزل بيهم اربع طابق؟!!! دا الا اجيب ونش بس ننزلك بيه..
انا : 80كيلو؟؟؟!!!!..هرم انا؟؟!!!..فيل؟؟!!!!...
احمد : دا الشايفو غايتو.. 🤣🔥.
المهم بنتشاكل ونتناقر كدا لحد ما نزلنا..بعد نزلنا شوفت ناس طالعين ب الاصانصير قبلت ع احمد وحسيت اني ح آكلو حي🙂😫💔.
انا : احمد دا الشنو؟! لي ماوريتني انه في الزفت دا بطلعو وبنزلو بيه😭💦.
احمد : 😂😂😂😂.
انا : لا ياخ مستحيل تكون ب السوء دا؟!!😩.
احمد : ماكده بس قبيل كان واقف بجد،،واصلا اشتقت للماضتك وكلامك الكتير دا عشان كدا قررت ننزل بسلم احسن🌚❤️..
انا : انت ما كان تقول لي وريني لماضتك بس ماف داعي للسلالم..
احمد : المره الجايه😂😂😂.
انا : م عافيه ليك😭😭انا والله فترانه شديد اليوم كان ضاغط في الجامعه بزات بعد الامتحان الفقر دا..
احمد : خلاص معليش حقك علي❤️"+قبيل كان ممكن اشيلك واشيل عشره زيك بس لسه م حلال علي اني اعمل كدا عرفتي..ف خلي كل شي في زمنه😉.
انا : هوي م تقعد تغمز لي انا اصلا كنت بدق جرس بس عشان السلالم كتيره وكدا لكن مستحيل ارضى بحركه وهميه زي دي🐸👋🏻.
رجعني البيت ومودي اتغير بجد.. الطلعه طيبت خاطري "أحمد ماف يوم فشل في انه يطيب خاطري ابدا❤🩹"..
بلمساء كنا بنتغدا كلنا مع بعض انا واسرتي الصغيره💕 حرفيا م بنتلم كتير الا لمن ابوي يكون موجود برانا اكتر شي اي زول بياكل براهو م عندنا فكه لبعض🐸💔وبعديها عملت لينا قهوه زابطه زي كدا..وقعدنا نشبع من ابوي دا😩مع انه م حنشبع ابدا عارفين..
انا : ابوي اوع بكره تقول لينا ناطي.. إحنا خلاص قررنا انك م حترجع..
ابوي : والله الامور تسلك حبه كدا بس وجاي نازل ب المره..
انا : ياخي د احلي خبر ولا شنو😩❤️وداسيهو لي؟!..
ابوي : عشان انتي بزات م حتصدقي😂😂لكن بجد خلاص فترته من اني اكون بعيد منكم ،،عاين لي امي كدا وقال لينا ومن مرتي يخوانا😩❤️.
انا : ياسر ياصحبي دا طرد ب البارد نتخارج ولا كيف..
ياسر : شكله كدا🤣🤝🏻لكن انا صابيها بس..
قعدنا نضحك تاني💕.."علاقه امي وابوي عاجباني شديد لانه طاغي عليها الاحترام والحب قبل اي شي.."..
ابوي : صراحه انا اصلا م ح اقدر ارجع اسي،،لانه في زول مهددني عديل.. كلنا اتخلعنا تهديد شنو يا ابوي ودا منو؟!..
ابوي : احمد😂💔 قال لي لو ما اديتني بتك دي ماف ليك اي سفر وانسى حاجه اسمها رجعه للامارات..
انا : احسن شي عشان تقعد لحد ما اتخرج..
ابوي : بلله انتي قلتي كدا..
انا : يبببب..
ابوي : ولا بستناك ولاشي.. المهم تمينا ونستنا بعد رجعت غرفتي قعدته مع نفسي وقلت هل انا جاهزه اني اكون مره احمد؟! يعني اعيش معاو في بيت واحد؟! يعني انفصل من ناس بيتنا واعيش معاهو هو ؟! هل انا جاهزه للكلام دا؟!هل احمد ح يستحمل قله ادبي البعملها لناس بيتنا دي كللها؟!😩 هل ح يدلعني زي ابوي؟!😔 هل ح يكون الزول الصح ب بنسبه لي عشان اكمل معاهو باقي عمري الفضل دا؟!..الاستفهامات دي كلها في راسي م عرفت ح اجاوب عليها كيف ؟!مع اني مقتنعه اني بحب احمد وشديد كمان ولمن اكون جنبو بحس ب امان❤️بس هل هو حيعمل لي الحاجات دي؟!..جيت اتصل ع صحباتي المعاقات ديل تاني قلت ماف داعي ودا قرار شخصي انا الح اعيش مع أحمد الموضوع دا بخصني انا بس،،فكسرت الحنك وبس بعد العشاء صليت صلاة الاستخاره.. لاني م استخرت في احمد ابدا حتى الخطوبه كانت ارتجاليه بدون علم مني في اليوم داك مع انها كانت سبرايز حلو برضو.. المهم صحيت الصباح وكنت حاسه ب اني خلاص عاوزه احمد م حلمت ب اي حاجه بس صحيت مرتاحه شديد ليهو ولشخصيتو ولاي حاجه فيه.. ولاكضبت طوالي اتصلت عليه..
احمد : صباح الهنااااا❤️.
انا : كيفك انت كويس..
احمد : انتي كيف؟!..
انا : كويسه..
احمد : يبقا طالما انتي كويسه انا كويس❤️.اها احكي هببتي شنو مع الصباح دا؟!بسام فاتك صح..
انا : قمت ضحكت..
أحمد : عليك الله تاني..
انا : شنو؟!..
احمد : اضحكي ياخ❤️❤️.
انا : ابيت😂💦المهم اصلا م عندي جامعه اليله..بس اتصلت اوريك حاجه..
احمد : اول مره أعرف انه عندك يوم اوف بحس انه للجمعه بتمشي😂💔..اها احكي سامعك..
انا : امممممممم..
احمد : شوفتي امممم حقتك دي بجي بقطعها ليك في راسك..احكي في شنو؟!..
انا : ماهو شنو؟!يلا انا قررته انه اسمو شنو ؟!اممممم..
احمد :😂😂😂يسراا؟!..انطقي..
انا : م عارفه ياخ اوريك كيف..
احمد : دقيقه انا ح اقول ليك.. خلاص قررتي انك حتوافقي ب العرس صح قبل تخريجك..
انا : واي عرفته كيف😳.
احمد : فاهمك اكتر من امك يابت..فاهمك اكتر منك انا😂♥️.
انا : ياخي والله انت م طبيعي😩😂💦.
احمد : د م موضوعنا.. موضوعي انه العرس الجمعه البعد دي ان شاء الله..
انا : يلا كمان م تشطح انت!!..الحبسه براها عاوزه ليها شهر🐸..
احمد : حبسه شنو؟!عاوزك كدا..هو محتاجه شنو انتي؟!عاوزه تلحقي شنو يعني بس وريني؟!..
انا : دي طقوس ياشيخ لازم حبسه وكدا..
احمد : تباً للطقوس بجي بخطفك أسى دي م عندي شغله بزول انا😩❤️..
انا : احمد حاسه د تهور والله م بقدر امسك اي بيت😞..انا فاشله لمن بهناك..
احمد : معاي ح تنجحي ️بطلي جرسه❤️..
انا : المهم ربنا يجعل الفيهو الخير..
احمد : ياهو دا العاوز اسمعه منك.. حبيبنا قال تفائلو ب الخير تجدوه..
انا : صح كلامك..
احمد : انتي عارفه حاسي اني بحلم واسي امي حتجي تصحيني.. عشان كدا خلي اقوم انجز موضوع العرس دا سرعه قبل ما امي تجي😂😭..
انا :😂😂😂😂💔.
احمد : ما اتحرم من ضحكتك دي💛✨..والمهم اسي اقطعي يلا عندي كلام كتير مع ابوك..قال لي سبحان الله طلع صباح الهنا بجد❤️"
انا : حنك الجمعه الجايه دا م تشطح ليهم بيه م ح يوافقو انا عارفه..
احمد : مش انتي موافقه تاني م شغلتك..
انا : مش انا موافقه ولا لا بس انت مستعجل شويتين..
قفل في وشي😭😭انا الشلاقه لي شنو اصلاً؟!احمد دا زول كلمتو واحده..
🔘صلو علي الحبيب المصطفى ♥️🌸
