*#احبك_كحب_الرسول_لعائشه ♥️ ✨*
*#بقلم_يسرا_محي الدين_يونس💙*
*#الحلقه 《50_الاخيـــــــــــــــــــرة》*
يوم ونا بشوف في الاستوريهات لقيت ملاذ منزله صوره ليها هي ومحمد ومعاهم مقل ونور محمد شايل نور وملاذ شايله مقل ياخي حلوييين لمن عواره😭♥️ دعيت ليهم ربنا يحفظهم🤍✨ جاسر قاعد يلعب جنبي قلته ليهو شوف الناس ديل حلوين كيف عان البنوتات ديل هادئات وكيوتات كيف؟!.. احنا الله يحلنا من قله ادبك عاين لي ساي😂💔قلته ليهو خلاص ورح نتصور ابتسم لي واتحمس كان عمرو سنه ونص جبت الميكاب بتاعي اصلا م كان عندي موضوع في اليوم دا ف اتمكيجت زييين وحممته جاسر ولبستو جيمسوت لونو بصلي ونا عندي فستان بصلي حلو كدا لبستو ولفيت حجابي واتصورنا واتهابلنا واتعاورنا جاسر بقول الا هو الحيمسك التلفون ويصور وم بعرف يصور اصلا😭😂💔المهم احمد جا لقانا بنتعاور كدا قلته ليهو زح اوع تقرب ح تحرق لينا الصور قال لي اصلا م جاي عليكم ومالكم عاملين زي زريبه البصل مالقيتو ليكم لون غير دا تلبسوهو😂💦احمد قال لي اليله حيكون حرقتي الحله طبعا🐸قلته ليهو طبخت اول مره اليله منزلاها من الظهر ضحك فيني قال لي د كله عشان التصوير.. قال لي اها صليتي العصر؟!..كتمت فيني انا والله نسيت عديل م بعرف اكزب طبعا ف ح اعترف طوالي بس المشكله هو المغرب زاتو خلاص فضل ليهو دقيقتين ويأذن..
احمد : م سامعاني ولا شنو بسأل فيك صليتي العصر؟!.
انا : لا م صليتو نسيت..
احمد : عارفه انه المغرب ح يأذن اسي خليك في حتتك دي ماشي اجيب لي سوط وجاي..شال مني جاسر ومشى ونا الخوووف😭قلته معقوله احمد ح يجلدني بجد؟! لانو ملامحو وهو بتكلم م كان فيها هظار طوالي جريت أقعد ليهو كيف يعني؟!مشيت اتوضيت وصليت المغرب اذن ف صليت العصر والمغرب مع بعض خلصت صلاتي وقاعده بسبح في المصلايه حسيت بزول جا قعد جنبي خوفته تاني وم قدرت ارفع راسي اعاين ليه بس جسيتو براحه كدا لقيتو د احمد ويدينو فاضين يعني م شايل سوط قلته خلاص ح يكفتني معناها😭😂💔..
احمد : شكلك بيش ونتي م قادره تعايني لي..
انا : كيف يعني م قادره اعاين ليك وعاينت ليه فيه عيونو..
احمد :كنت لابسه اسدال الصلاه قام مد يدو علي وشي كدا عشان يجر لي الخمار لقدام لانو عندي سبيبات ظاهرات انا طوالي غطيت وشي بيدي كنت قايلاهو حيكفتني😭..
احمد : القال ليك انا عاوز اكفتك منو هسي😂😂💦..
انا : اي ياخ خلاص بعترف خوفته منك..
احمد : بتخافي مني انا وم بتخافي من ربنا يايسرا💔.
أنا : احمد والله نسيت بس المره دي..
احمد : ماف حاجه اسمها نسيت الحاجه دي اولويات يعني انتي اسي فضلتي جلستكم حقت التصوير المامنها فايده دي علي فرض ربنا💔..
انا :..............
احمد : ولا م صح كلامي؟!
انا : صح..
احمد : خلاص عاوزه تبقي مارقه وزوله دنيا يعني؟!..
انا : لا🙂خلاص م ح افوت صلاه تاني ب اذن الله بوعدك😔خلاص م تزعل مني كفايه يخ..
احمد : انا زعلي هين القاسي زعل ربنا💔،،مسك يديني قال لي يسرا انا عاوز ربنا يحبك زي ما انا بحبك عرفتي❤️ ف م تزعلي ربنا بليز ماتعملي حاجات بتزعلو عشان يزعل منك حاولي ارضيهو دايما ربنا م ناقص منك حاجه في الدنيا دي اقعدي براك وشوفي النعم الربنا ماديك ليها وماني عليك بيها اذا قعدتي حسبتي النعم العندك حتحمديهو الف مره وم حتفوتي اي صلاه+اصلا انتي المحتاجه لربنا هو م محتاج ليك.. انا : تمام يا احمد ان شاء الله م ح افوتهم❤️..قلته ليهو جاسر وينو؟! قال لي نام.. قلته الحمد لله عندي حاجات كتيره عاوزاك تشرحهم لي..
احمد : فتران والله الا ارتاح شويه بعدين..
أنا : م اشكال المهم تشرحهم لي بعد ترتاح.. قال لي طابخه شنو؟!
انا : سلطه اسود و.. قاطعني قال بشرحهم ليك اسي دا😩😂♥️..
تاني يوم كان الجمعه صحيت بدري نضفت البيت ورتبتو وبخرتو احمد قاعد يحلق قلته ليه م نفسك تعطر لينا البيت بصوتك ونت بتقرا م عاوزه افتح السماعه عاوزين نسمع بصوتك قال لي جداً أنا اصلا ح اختم اليله❤️ جيبي مصحفك وتعالي مشى اتوضى وجا فرشنا المصالي كان واقف في سوره البلد قعدنا نقرا هو يقرا سوره وانا بقرا سوره لمن يجي دورو تقول اقول ليه كمل انت براك أنا عاوزه اسمع تلاوتك دي😩♥️..المهم بعد خلصنا قال لي قريتي سوره الكهف اليله قلته قلته ليهو بدري أول م صحيت❤️🌸..
رفعت المصالي والمصاحف أحمد قال لي في زول محترم شديد اليله..قلته ليهو جاسر صح م سامعه صوتو اكيد قاعد يهبب ليه في حاجه مشيت الغرفه لقيتو شايل تلفوني وبلعب بيهو قلته ليهو عرفتك اديني ليو بدون اشتباك عليك الله.. مسكو قوي وهز لي راسو ب لا التلفون ضرب قمت شلتو منو لقيت امي المتصله م خلاني ارد لحد م الخط فصل وبقا يكورك فيني قلته ليهو هاك ابلعو قام شالو مني وجدعو في الحيطه💔الشاشه اتكسرت💔م عرفت اعمل ليهو شنو🙂قلته ليهو ح اشيلك اجدعك نفس الجدعه دي عشان تاني م تعمل كدا..قعد يحمر لي شلتو وعملته فيها اني عاوزه اجدعو بجد خاف طبعا وبعديها بدا يصرخ حلو الوحيد في الحياه ونا م استحملت الصوت المزعج ف استسلمت ونزلتو أحمد جا لقانا ساكتين وبنعاين لبعض قال لي نازل اتمشى شويه عاين لجاسر قال ليهو تمش معاي ولا تقعد مع ماما جاسر طوالي رفع ليه يدينو يعني شيلني انا قلته ليهو ولا تخيرو اصلا انحنا متشاكلين شيلو بس..
احمد : كيف الكلام دا اسي في ام وولدها بتشاكلو😂💦؟!. مالكم؟!..
انا : شلت تلفوني واديتو ليهو قلته ليه دي عمايل ولدك ونا تلفوني يصلني سليم بس م بعرف..
طلعت مشيت المطبخ وخليتهم احمد جا شايلو قاعد يقول ليه قول لماما معليش..هو طبعا م بعرف بتكلم قال ليهو خلاص اديها بوسه عشان تعبر ليها عن اسفك الشديد قمته ضحكت قلته ليه دا والله اسفايه وحده م عندو احمد قال لي اي من الصباح كايسين علي الضحكه دي❤️"..اها ياجاسر يلا ادي ماما بوسه قربو مني جاسر باسني في خدي مع انه ملاهو لي كله رياله كان بياكل في حلاوه😩لكن بلعتها ليهم😂💦احمد قال لي يلا دوري انا قلته ليه خلاص هاك الخد النضيف جاسر انتهى من المنطقه دي طبع قبله ع خدي❤️"وقال لي اها لسه زعلانه مننا؟!قلته ليه م ح اتفاهم معاكم لحد ماتصلحو لي تلفوني احمد قال لي ح اجيب ليك واحد جديد م مشكله..بنتونس كدا الباب ضرب كنت ماشه افتحو احمد قال لي خليك مع حلتك ومشى فتحو هو طلعو ديل امي وياسر جو نورونا🤍مشيت سلمت عليهم امي قالت لي مالك م بتردي من قبيل الصباح كنت عاوزه اكلمك اننا جاينك اشتقنا لجاسر والله😩❤️عاينته لاحمد قلته ليه سمعت ولا انا سمعت براي اشتقنا لجاسر دي؟!..ياسر قال لي اي والله اسبوع م شفناهو اسي جينا نسوقو معانا عديل البيت م اتقعد لينا..
انا : لا دقيقه يخوانا عاوزه افهم حاجه انتو بجد م اشتقتو لي يعني؟!..
ياسر : ابدا 😂🔥عاينته ليو ونا صاره قال لي يعني الواحد الا يقولها ليك خلاص اشتقنا ليك يايسرا😩😂💦..
امي : والله اسي امشي افتحي تلفونك حتلقي مكالماتي قلته ليها لقيتهم يا ماما بس جاسركم المشتاقين ليهو دا هو كسر لي تلفوني للاسف يعني وحماني ارد ليك كمان لانو حضرتو كان بلعب ونتي ضربتي في الزمن الغلط م كان تقاطعيهو اسي انا تلفون م عندي..
امي : سجمي ولدي م بعمل كدا د بس عشان فارقتنا اسبوع بقيت كدا..
انا : اصلا يا امي دي عمايلكم انتو والله مدلعنو شديد خربتو الشافع..
ياسر : ياجماعه براحه ولدي د انا م برضا فيهو ولا كلمه زياده ح اقوم اتشاكل معاكم.. طبعا جاسر من شاف ياسر نط فيهو وبقا متشعلق فيه..
انا : اي اقعد سمي ولدك د بياع ساي اسي باع ابوهو ومشى ليك قايلو م ح يبيعك انت..
ياسر : جاني عشان مشتاق لي انتو مالكم خلو الولد وخالو في حالهم..
قلته ليه خليناكم امي جابت معاها عمود قلته ليها م بعرف اطبخ انا ولا شنو؟!قالت بري كدا النشوفك اليله يامبدعه قلته ليها وما ببدع الا انا اعملي حسابك لصوابعك بس م تاكليهم..احمد سالني اذا محتاجه شي قلته ليه جيب معاك بارد بس م ظنيت محتاجه شي اذا احتجت بكلمك كنت عامله سماحه قراصه بملاح تقليه اصلا لمن اكون فايقه ببدع امي لمن بدت تاكل قالت لي م عرفتك والله اتعلمتي الحاجات دي كلها متين.. عملته ليها حركه الناس الراسطات..(طبعا دي انتو م بتعرفوها بس اي زول بعرفني شخصياً ح يعرفها🤣🤝)..
امي عاينت لي ساي قالت لي جاسر د الا اشيلو اربيهو انا قلته ليها يكون م قصرتي والله.. احمد وياسر مشو الصلاه بعد جو طوالي ناس امي قالو راجعين قدر م حنستهم يقعدو م رضو وجاسر علق فيهم قال الا حيمش معاهم احمد قال ليهم احنا اصلا م عندنا مشكله لكن بس بعدين الساعه تلاته صباحا م ح نفتح ليكم الباب والله..امي ضحكت قالت ليه بنجيبو ليكم بكرا ان شاءالله د ولدي م بعمل لحبوبتو حركات انا كنت عاوزه اقول ليهم م تجيبو تاني زاتو😩😂💦مشو احمد قال لي البسي عبايتك ورح قلته ليهو وين؟!قال لي مشوار صغير شكلك ناسياو لكن حتتزكريهو اسي لبست عبايتي بس م اتزكرت اي حاجه احمد جا طالع وشايل ليهو كرتونه اتزكرت لمن عيني وقعت فيها انو دي القروش القلنا حنتدق بيها لروح ابوي وابو أحمد لبست الحجاب واحمد لف لي الطرحه❤️"..قال لي حلاتك بسحروك لي تعالي احصنك قلته ليهو عليك الله احنا ماشين مستشفى ولناس مريضه ماف زول فاضي ليك يسحرني فيهم ضحك وقال لي عيون الناس الفي الشارع..
مشينا مستشفى امراض الكلى للناس البتعمل غسيل مشينا قسم الاطفال لقينا كميه من الاسر عندهم اطفال مفروض تتعمل ليهم عمليات غسيل بس لسه قروشهم م اتجمعت وفي وحدين راجين ناس تجي تتبرع ليهم م عندهم قروش💔انا دموعي م وقفت نهائي وبقيت اتزكر احمد لمن بقول لي هو ربنا مقصر منك في شنو؟!لقيت بجد انحنا جاحدين نعم في الحياه الواحد بياكل ويشرب ويلبس ويتهنا وبعدا يرجع يقصر في حق ربنا💔ومن جانب تاني في واحد عاوز يغسل كلى وحق الغسيل مالاقيهو💔..(ياربي اشفي كل مريض واقض حوجه كل محتاج يارب😞🤍)طوالي شغلته لساني بالحمد لله اظن لحد م رجعنا م فكيتها اتبرعنا ل15طفل كانو في حوجه شديده للقروش واعتبرناها صدقه لروح ابوي وابو احمد💚"..
لمن كنا راجعين انا لسه كنت ببكي طبعا قلته ليهو لشنو البلد م بتعالجهم مجان ديل مفروض م يشيلو منهم قروش أحمد قال لي مفروض والله بس الله غالب وعارفه حال بلدك انتي.. قلته ليه ربنا يشفيهم ويجبر اهاليهم.. قال لي آمين يارب..صحبو اتصل ليهو سامعه احمد بقول ليه والله نسيت عديل كدا الاسبوع الجاي دا صح خلاص ابششر وربنا يتمم ليك علي خير ان شاء الله.. سمعته صحبو قال ليه عقبالك ب اضاني دي.. بس احمد رد ليهو ب معليش مكتفي انا مكتفي شديد♥️"..احييي قربت اسيح وعملته رايحه وم سامعه..بعديها أحمد قال لي د صحبي تبيدي اخيرا ح يعرس كره بنات السودان كلهم اسى اخيرا الله هداهو لبت حلال😂..قال لي عامل حنتو في البلد وحالف امش احضرها اما باقي عرسو هنا قلته ليه وحتمش تخلينا انا وجاسر برانا كدا؟!قال لي البعضيكم شنو؟!.قلته ليهو احمد م بنعرف نبيت برانا قال لي م مشكله طيب تبيتو مع ناس خالتي اصلها يوم واحد وح اجي قلته ليه نشوف..وصلنا البيت قال لي اعملي لي قهوه زابطه توزن لي راسي دا قلته ليه راسك د كبير م بتوزنو قهوه.. قال لي واها؟!..قلته ليه اها شنو د الا حشيش ولفوق قال لي ايوااا يعني انتي براك عاوزه تلزيني لشارع دا انتي مروجه ولا شنو ؟! اسي اضرب لشرطه تجي تخمك..
قعدته اضحك قلته ليهو ياحليل ياسر اسي كان تم معاي الناقصه وقلبناها ونسه مافيات.. قال لي طلعتي مبوظه اخوك معاك قلته ليه بايظ من يومو قال لي الشال ولدي دا ولا غيرو امشي جيبيهو لي😩قلته ليه براك اديتو ليهم😂💔..
عملته القهوه خالتو ريا اتصلت علينا فيديو اتونست معانا قالت عاوزه جاسر قلنا ليها بري م معانا اضربي لحبوبتو بتلقيهو هناك قالت لينا م بسالكم نهاي وقفلت مننا😂🔥..عاينته لاحمد كدا كان شغال في تلفونو قلته ليهو م ح تتحنن علي فكره خليك عارف..
احمد : يعني خلاص د الطلع معاك فجأه كدا🤣💦..
انا : اي حتمش تحضر الحنه واي حاجة لو عاوز تحنن صحبك زاتو حننو لكن انت م حتخت حنه في يدك..
أحمد : ليه بس يعني في شنو؟!..
انا : ماف حاجه..
أحمد : اهااااا غيرانه🔥..
انا : غيره دي شنو؟!
احمد :خلاص أنا فهمت كدا🤣🤣🤣..قال لي طيب ختيها لي انتي من هنا اذا خايفه بت تختها لي يعني..
انا : بت دي شنو؟!احمد انت م ح تتحنن اصلا شكلك م فهمت لسه..
أحمد : م فهمت اي مالك مع الحنه😂💔.
انا : الحنه م حتسويها بس كلام مختصر🙂..
أحمد : إنتي اعترفي انك غيرانه ونا ح اخليها..
انا : م غيرانه ولا حاجه بس اذا اتحننت يا احمد اعرف انك طالق.. وشلت قهوتي وقمت طالعه هو كان واقف في الباب واتشرط بضحك في كلمتي الاخيره دي..
انا : ازحف لي كدا ولا كدا طالعه وكانت ملامحي جاده جداً ايوا مستهبله من جوا بس برا بمثل اني جاده يعني..
احمد : لي المكان د م بشيلك؟!
انا : اي م بشيلني انت سمين..
احمد :😂😂وزنك 80كيلو وجايه تقولي لي انا سمين اسي خايف يكون وصل 90 زاتو..
انا : اول حاجة وزني م 80 زابط ولا جاي جنب ال90 زاتو انت معمش؟!+زح لي سريع عشان لو عاندته م ح يحصل طيب🙂..
احمد : كنت واقفه جنب الحيطه جا علي وقال لي ارح مايحصل طيب..
انا : متأكد من كلامك دا؟!..
احمد : ختا يدينو في الحيطه وهو محاوطني يعني دبسني عديل كدا قال لي اي ارح وريني دايره تعملي شنو؟!وعينو في عيني..
انا : قلبي طار طبعا دا شنو😭😭هو اصلاً اطول مني وعضلاتو الوحده قدر الهجمه ونا عامله فيها صنديده وشجاعه ومابخاف ف قلت لنفسي م حتفوزي نهائي مع السومو القدامك دا لكن امرق كيف؟!قمت اتجهت علي الحيطه ويدي في وشي قلته للحيطه براحه في سري عليك الله اتشقي اخش فيك لانو ماف طريقه..
أحمد : اها سلاحك الوحيد عاوزه تبكي مش؟!..
أنا : رديت ليو ونا علي نفس هيأتي ديك وماقبلت عليهو قلت ليهو م عاوزه ابكي عاوزه اخش في الحيطه..
احمد : خلاص طيب استعجلي خشي سريع قبل ما اتصرف أنا..
أنا : كنت عاوزه اقول ليهو اتصرف انت لكن سكته اصلا لساني دا هو سبب المصايب دي كلها😩😂💔..
احمد : من دون مقدمات شالني وقال لي ارح اليله قله ادبك دي انا بتمها ليك كلها وقاعد يضحك وخلاص ياحلوين السناريو دا انتها لحد هنا الباقي م قدركم معليش🤣👋🏻..
في نفس اليوم قمت بليل مخلوعه حتی كنت بصرخ أحمد قام مخلوع معاي يابت بسم الله الجاك شنو؟!..لسه كنت ببكي💔
أحمد :حبيبتي مالك بسم الله🙁؟! وضماني عليو قلته ليه شوفتو اسي 😭قال لي منو؟!قلته ليهو ابوي💔..
أنا : شوفتو اسي يا احمد كان بلعب مع جاسر.. ابوي جاني اسي😭..
احمد : طيب ادعي ليهو..
انا : اشتقت ليهو يا احمد💔أنا عاوزاهو اشتقت ليهو بجد هو مشى مننا لي😭😭لي مشى بدري كدا لي م شاف جاسر ولعب معاهو حقيقي..
احمد : معليش حبيبي دا قضاء ربنا والحمدلله..ممكن تدعي ليهو اسى
انا : اي ح ادعي ليهو ومن قبيل بدعي ليهو في سري بس أنا اشتقت ليهو بجد اشتقت ليو شديييد💔💔💔اول مره اشتاق لزول م ح يجي تاني وقعدته أبكي بحرقه وكأنو مات اسي..
أحمد : هشششش خلاص حبيبي ماتَزَّعِلي بابا قلنا ح ندعي ليهو بس من دون بكا..
انا : حاولته اسكت بس دموعي م وقفت وبقيت اتزكرلحظاتي الحلوه مع ابوي كلها واتمنيت في الزمن دا انه م كان يكون في حاجة اسمها "موت💔" والناس البنحبهم بفضلو معانا لآخر عمرنا😞❤️..
أحمد شافني ببكي بقا يقرا لي قرآن جاتني غفوه لمن صحيت شايفه الواطه اصبحت ولسه احمد في قعدتو ديك وضاميني ولسه قاعد يقرا..قلته ليهو م نمت يعني..
احمد : صدق الله العظيم..قال لي المهم انتي نومتي ولو شويه❤️"..
خجلت منو وحسيت ب الزنب قلته ليه معليش شلت زنبك اليله😞قال لي ولا يهمك بس الله يرضا عليك تاني م تخوفيني كدا واقري الاذكار قبل م تنومي قلت ليه طيب..
احمد سافر اليوم التاني ياهو يوم الحنه ونا مشيت لناس امي جاسر لمن شافني فرح شديد وكأنو ليهو سنه م شافني قلته ليهو بلله بتعرف تشتاق لي امي وياسر الاتنين قالو لي ولدك بكاي وتاني م يبيت معانا اسي شيليهو وديهو قلته ليهم اوديهو وين اساسا بايتين معاكم اليله🤣💔شايفاهم حزنو شديد والنهار كله نايمين امي وياسر ماف واحد فيهم بتفاهم ف عرفت انه الاصلي جاسر دا امس قدم ليهم عروضو البايخه ديك وحالف م ينزل مني قايلني ح امش اخليهو ولا شنو بعرف..المهم لحد المسا احمد رسل لي الصور ورسل لي صوره فيها يدينو بس قال لي شايفه ليك حنه حايمه هنا؟!..
قلت ليهو الله يقدرك بس كان تعملها قال لي حاجه بتزعلك م بعملها❤️"..زي ما انتي بتبعدي من الحاجات البتزعلني وبتتحاشيها..عندو صوره زابطه شديد عجبتني قمت ختيتها استوري وكتبت فيها..
"مهم جداً وجودك في تفاصيلي♥️🎶"..
اتردمته شدييييد والبنات البايخات الكرهوني راجلك سمح وبتاع لمن الغيره قامت فيني مع اني براي ختيتها😂😭💔ياسر رسل لي اتلمي يامرا قلته ليه د راجلي ع فكره..يعني لو طبعت صورو في تيابي ماف زول فيكم يسألني..
ياسر : اعوذ بلله يعني الفكره في راسك اصلاً..
انا : استنو بس..
ياسر : اللهم لاتخوزقنا ولاتعولقنا..
انا : ب المناسبه انت وين والله عامله شاي زي وش ريم تعال الحق ريم دي حبيبتو طبعا..
ياسر : والله لمن عاوز اقوم كدا بس شفت وش ريم دي اسي م قادر أتحرك مالك علي ياخ..
انا : الله يهديك🤣🔥..
ياسر جا قال لي ولدك دا تاني م عاوزين نشوف وشو.. قلته ليهم الجاكم شنو مش امبارح كنتو معشقين فيه😂😂💔قعدنا شربنا الشاي مع امي واتونسنا بعديها ياسر شال جاسر وطلع بيهو قلته ليه م بتتوب انت..قال لي اسوي شنو البريدك بعزبك😩😂💔قلته ليهو عاين ليهو كويس د جاسر م ريم ااااااا.. قال اي اي افضحيني مع امي ،، لسه جيبي ليك مكرفون وتعالي عليك الله..
لمن جيت انوم لقيت مكالمات كتيره من أحمد ورسايل لقيتو مرسل لي في الصوره الختيتها م راضى كدا عاوز أسمع الغنيه كلها😩❤️..كتبت ليهو لمن تجي بغنيها ليك.. كان اونلاين اتصل علي طوالي.. قال لي جاي اسي في الشارع قلته ليه الشفقه التطير..قال لي كيف لمن اجي؟!عاوز اسمعها اسي بس.. جاسر بدا يبكي قلته ليهو اهو حيغنيها ليك بدلي احمد قال لي شيلي منو السماعه دي اضاني اتشرطت.. ضحكت فيه قلته ليه الناس عاوزه تنوم د زمن تضرب فيهو اسي قال لي عشان من الصباح م سمعت صوتك😞.. قلت ليه طيب اسي سمعتو قال لي والغنيه؟!..قلته ليه بقروش ماف حاجه ساي قال لي خلاص اصبري لي بس إنتي لمن اجيك..
انا : احمم احم"مهم جداً وجودك في تفاصيلي♥️🎶مهم جداً بأغانيي ومواويلي♥️🎶وغيرك ياحبيبي مو مهم عادي♥️🎶وتفز الروح لك لما تناديلي♥️🎶توصني عليك وقلبي متوصي♥️🎶ياماخذ كلي مني سيب لي نصي♥️🎶الخ..
بعد خلصت قال لي تاني غنيها لي عشره مرات😩😩😩❤️..ومالو صوتك د حلو كدا😩♥️..تاني يومي ح تغني لي.. قلته ليه خلاص يلا اتخمد نوم بلا صوتك حلو بلا بتاع خلي التطبيل حقك دا..قال لي ماتطبيل ولا اي حاجه بجد صوتك ساحر عديل ونتي بتغني😔💓 قلته ليه مشكور وخلاص يلا تصبح ع خير قال لي اشتقت ليكم م عارف لي؟!انتي والقليل ادب داك.. قلته ليهو القليل ادب نام باقي انت تنوم وتريحني لاني نعسانه..ضحك وقال لي تصبحي ع خير وقفل..
احمد جا وبعديهو بيومين كان العرس احمد قال لي ح اسوقك معاي عندي توب أسود رهيب لبستو أحمد جاني طالع لابس علي الله سودا قلته ليه سريع طلعها م بتطقم معاي قال لي العرس حق صحبي وهو الجابها لي كمان ولا بمرقها،، مالني ومال توبك السمح دا أنا ..كنت عاوزه البس جاسر اسود معاي لكن قلت م حنسودها كلنا عندو بدله شاي لبن ابوهو كان اشتراها ليو جديده م حصل لبسها لبستها ليو عملت ميكاب خفيف شديد ولبست حجابي أحمد قعد يعاين لي ساي اصلا كنت عامله حمام مغربي وراسمه مخصوص للعرس احمد يمش ويجي يعاين لي قال لي اي هو انتي سمحه بس اليله سمحه شديد قال لي شويه كدا وح اخلي العرس دا قلته ليهو وماتخلي صحبك ولاصحبي؟!..قال لي بس لسانك شين😩💦😂..
شال جاسر وطلع وطلعت وراهو احمد كل شويه يلتفت ورا يعاين لي قلته ليه شوف قدامك عشان ح تقع وترمي معاگ الشافع دا..
جينا خاشين الصاله احمد كان شايل جاسر وماسكني من يدي بيدو التانيه م عارفه انا ح اقوم أجرى فجأه ولا شنو؟!المهم م عارفه الملفت كان فينا شنو اي زول خلى شغلتو وبقا مركز معانا حرفياً الناس الفي الصاله كلها كانت عيونها علينا وكأننا العرسان احمد قرب مني وقال لي في اضاني اتحصني م ناقص عوارض انا ابتسمت وقلت ليه البحفظ رب العالمين قال لي طيب اقري عشان يحفظك قلته ليه راجياك تسكت..پ
الحفله بدت م كنت بعرف زول احمد خلى لي جاسر ومشى بعد شويتين شايفه زول بشبه حسام جاي علي وفعلاً طلع دا حسام قلته ليه الجابك شنو؟!والله مع القشره دي م عرفتك قال لي ونتي العرفك منو؟!والله لو م جاسر دا م كان جيتك..ضحكته فيه قلته ليهو يعني العريس صحبك برضو قال لي تبيدي دا ود حلتنا انتي مسطحه ولاشنو؟! قلته ليه بري م عرفتو قال لي اها يامدام أحمد انكرينا بعدا😂🔥..العرسان جو خاشين عاينت ليه اتزكرتو قلته ليه بلله دا تبيدي القليل ادب كان بعاكسنا لمن نجي ماشين المدرسه قال لي اي خلي احمد يسمعك عشان يقوم يحرق فينا الصاله دي هسي.. ياسر فجأه ظهر لي قال لي اديني ولدي ماشي ارقص معاو طبعا ماشاء الله قاشر شديد قلته لحسام ريم جايه الحفله دي ولاشنو 🤣💔..ياسر قال لي يوم اسود يوم الوريتك فيهو بريم..قلته ليهو ماما جات؟!
ياسر: امي البجيبها حفله تبيدي شنو؟!😂💔..
حسام : انتي بتقولي ماما الشايلاهو د حيقوم يقول شنو؟!..
انا : د لمن يتكلم حيناديني ب اسمي..
حسام : ليه🤣
انا : عشان تربيتكم انت وياسر..
ياسر : شي طبيعي ترمي فشلك في غيرك م حنستغرب..شالو مني جاسر ومشو طبعا البنات درعااات اي وحده ادرع من التانيه.. وفاكين الشعور دي والجسم دا كله برا قعدته اعاين ليهم ساي احمد جاني قال لي بلله انتي قاعده هنا قعد جنبي انا كنت بعاين في البنات طبعا في وحدات اوڤر عديل..
احمد :باسني في راسي قال لي فخور بيك♥️"..
انا : عاينته ليه ب استغراب قلته ليه فجأه ساي كدا من دون سبب..
احمد : اي من دون سبب.. صلح لي حجابي قالي كونو تكون مرتي مصونه كدا في الزمن دا دي حاجه بتخليني اكون فخور شديد ومن جواي اصلا دي امنيتي من زمان اسي اعرفي انك أمنيه اتحققت لي❤️🦋..
انا : ابتسمت ليهو بس جهجه باكاتي م عرفت اقول ليه شنو..
احمد : شايفك من قبيل بتعايني للبنات وبتشوفي في عيوني متابعك.. بس خليك عارفه انه عيني م عندها مكان غيرك اصلا مكتفيه بيك هي عيوني♥️".. انا : ومالني ومال عيونك انا؟!..
احمد : لازم تنكري طبعا😩😂🔪..قال لي ورح نرقص الحفله سخنت كان قلته ليهو جيب لي ولدي بس وامشي ارقص انت جراني من يدي قال لي حترقصي بس اليله..كنت م عاوزه ارقص في الاول بس بعديها حتيتو معاو للنهاية حسام جا شايل جاسر احمد ختاهو في رقبتو وبقا يرقص فيهو الحفله كانت حلوه شديد وفي الاخير تبيدي وعروستو المزه جرتقوهم ومشو..
الايام عدت وجيسو كبر وكبرت مصايبو قلت كل مايكبر حيعقل بس حاصل العكس تماماً.. وكمان احمد جاب ليهو كديسه معزبني بيها وللأسف عارفني اني بخاف منها وبهددني بيها عادي..في يوم الصباح ماشي الروضه كنت بعمل ليهو في الفطور عملت ليهو بيض قال لي م عاوزو عاوز جبنه اديتو الجبنه قال لي عاوز فلافل قلته ليه جاسر بيض ولا جبنه؟!قال لي ولا واحد قلته ليه طيب يلا ديل اربع حيطان اختار عاوز تطق راسك بياتو وحده؟!!..بكا فيني قال لي بجيب ليك التديسه بس..(الكديسه) انا طبعا بخاف منها حقيقي 😩😭💦قفلت باب المطبخ واتصلت لاحمد قلته ليه انت وولدك يا انا يا الكديسه في البيت دا..
احمد : اشرحي عشان م عرفتك هايجه مالك قمت وريتو ضحك قال لي جاسر د مستهبل اصلا انا راجع عندي حاجه نسيتها فخليني بحل الموضوع دا..جا لقا جاسر ماسك الكديسه وقاعد لي قدام المطبخ ونا قافله الباب من جوا احمد قال ليهو ورح انا بشتري ليك الفلافل من الشارع ساقو ومشى بيهو بعديها انا اتحررته😩😂😭..
في يوم ابوهو اشتري ليهو ردا جديد جابو لي قال لي ياماما الردا حقي دا زت الزتت.. م فهمتو طبعا احمد قال لي زط الزطط🤣
انا : لي كدا دي الفاظ شنو؟! انا اقطع علاقه ياسر وجاسر دي كيف يخوانا😭احمد اجيب ليك سوط؟!..
احمد : كان قاعد يضحك قال لي خليو مستمتع منو🤣🤝..
انا : حسبي الله ونعم الوكيل 😩خلاص أنا م لي دخل ابداً..
في يوم جاسر جا خش الغرفه ولعب بحاجات ابوهو وكسر العطور كللهم أحمد عندو دولابو د خط احمر ماف زول بقرب عليه بس جاسر قليل ادب طلعت برا لقيت وحده كدا اسمها سعاد احمد بشمها وقاعد يقول لي م اتعامل معاها جات قالت لي عاوزه فناجين قلته ليها م عندي وكنته عاوزاها متين تطلع قبل م احمد يجي يلقاها عشان حيقوم فينا القيامه بعد عمايل جاسر العملها اليله دي وياحلاوه حظي رفعت راسي لقيت احمد في وشي عاين لي ساي وعاين للمرا حتى م سلم علينا وما من عوايدو شكله اصلا قافله معاهو اليوم ديك ف كتمت فينا انا وجاسر ونا م عرفت ابرر ليهو كيف قدامها طبعا انو جات سالت من شي وقلته ليها م عندي ولصقت قعدت.. لمن شافت نظرات احمد قامت مشت بيتهم احمد خش جوا وياريتو م خش لقا عمايل جاسر كلها خلاص اعصابو تلفت قام طوالي نزل شنطه وستف ففيها ملابسو وقام طالع ..
انا : یا احمد ماشی وین؟!ومشیت وراهو..
احمد :فکونی ماشی لاومی وطلع..جاسر لحقو
جاسر : بابا آشي(ماشي) وين؟!😩..
احمد : ارجع لامك م تباريني..
جاسر : آشي معاك..
انا : لفحت توبي وحصلتهم..
احمد : هرول طبعاً بقا مفحط شديد لحد م وصل العربيه وشايل معاهو الشنطه..
جاسر : لحقو قبليني م عارفه عملها كيف؟!..
انا : حصلت العربيه فتحت الباب الورا وقعدت وجاسر كان تحت قاعد يبكي ليهو عشان يفتح ليهو الباب القدام..
احمد : ابيت م بفتحو ليك وانزلي يايسرا..
انا : افهم انك هارب من مسؤليتك مثلاً..
أحمد : افهمي العاوزه تفهميهو المهم انزلي وشيلي جناك دا وخشو جوه..
انا : ابينا برضو🙂..
جاسر : شويه وحيلم الشارع بكواريك احمد حن عليه وشالو دخلو جوه..
احمد : دا بس الشاطر فيه انت كمان صريخ ايڤر وير انا خلاص م قادر قبل علي قال لي اي هارب منكم د شنو د دي م مسؤليه دي فارغه..
انا : برضو فارغتك انت وانت المسؤل منها..
احمد : شال ليهو نفس عميق وطلعو احساس الزول المقهور داك..
انا : علي فكره انا من جواي عاوزه اضحك من الدراما دي بس ملامح احمد كانت جاده شديد قلته ليه وماشي وين يعنى؟!..
احمد : ماشي "لاووومي"الكلام دا واضح راجع من حيث ما اتيت وانتو اسكنو براكم..
انا: ضحكت اقسم بلله م قدرت اسكت😂😂.
جاسر : آشي معاك.
احمد : انزلو.......... نزل وقفل الباب بقوه"يخوانا لو شوفتو ملامح احمد ح تخافو كلكم😩"
جاسر : ماما انا آشي معاو😭 وقعد يبكي فيني..
انا : اسكت مني د كله من قله ادبك..
جاسر : حمر لي وقال لي انتي بلدو(برضو)..
انا : اتصدمت صدمه عمري😳💔..
احمد : قال لينا بنهره انزلووو عاوز أأمن الزفت دا،،نزلنا بكل هدوء احمد قالينا قدامي..
انا وجاسر مشينا قدامو متكركرين زي الرهائن وجاسر يقشقش في دموعوا وانا اقسم بلله عاوزه اضحك..
بعد ما دخلنا احمد مشى جاب لينا كرسيين قال لينا اقعدو في حاجات اذا اتفقنا عليها اهلا وسهلا ا م اتفقتو بمش وم عندي فيكم شغله..
انا : اوك قعدت وشلت جاسر ختيتو في الكرسي التاني لانو م بلحقو😂😂..
احمد : ماشي وجاي فينا زي الحاصله ليهو مصيبه فتحه خشمو قال جاسر انت خليك بعيد من حاجاتي وماح تبكي فينا من دون سبب..
جاسر : كان قاعد زي الزول وبعاين لابوهو بعيونو الكبار ديلك بكل خوف اومأ راسو ب نعم يعني حاضر..
أحمد : ماتبكي لمن اكون عاوز انوم ماتبكي فيني ياولدي انا اليوم كله شغال عشانك..
انا : ابتسمت وقلت ليه احساس ح يفهمك..
جاسر : حادل يابابا م ببكي..
احمد : هو د بفهم احسن منك انتي..
انا : اها ونا زنبي شنو اسي احضر المحاضره دي..
احمد : استني جاييك،،ماتباري لي الناس الانا بحزرك منهم وبطلي عناد في اي كلام انا اقولو ليك..
انا : اوك تمام تاني في حاجة؟!.
أحمد : اخدي المواضيع بجديه وبطلي استهتارك دا والله بمشي..
انا : وقفت ابتاساماتي وخليت ملامحي جاده وقلته ليه بوعدك..
احمد : تصلو صلواتكم في زمنها لاني فترت منكم..
جاسر : حادل😔..
انا : ضحكت وعاينت لجاسر لانو هو م المعني ب الكلام دا🤣..
احمد : جاسر انت ما ح تبكي فينا من دون سبب طبعا ااحمد كل شويتين برجع بعيد ليهو الجمله دي..
جاسر : وبسلي (بصلي) بلدو انت بس ماتمشي تحلينا😞😭.
احمد : ياحبيب بابا🥹 فك ربطه وشو ديك وفتح لينا يدينو قالينا تعالو يامعفنين افوت منكم وين انا؟؟؟!!!🫂❣️.
*الـنــــــــــــــ♥️🦋هـــــــــاية..*
*الحلال يخوانا😞❤الحرام دا ️ربنا بضلل بيهو اهل النار والبتعود علي الحرام تاني م برضي نفسو الا ب الحرام وحيشوف انه الحرام دا شي عادي جداً ودي اكعب حاجه يلا💔"وتحسبونه هيناً وهو عند الله عظيم"..*
*باب التوبه مفتوح وربنا غفور ورحيم بعد عمايلك السيئه دي ربنا مستعد يتقبلك في اي زمن انت وتوبتك.."النفس تميل للهوى والقلب يحن للتوبه وبين هاذا وذاك يأتي الموت غفله ف اللهم ارزقنا حسن الخاتمه💚"..*
*اصلحو بعض💛 اهدو بعض💛 غيرو في بعض💛 الدنيا دي زايله وم دايمه لزول والله💛"..*
*..تم بحمد الله..*
*ممكن تدعو لي معاكم ربنا يسهل أموري❤️وادعو لناس بیتنا ولاي زول انا بحبو😔 ادعو ليهم انه ربنا يديهم السعاده المفرطه ويديهم لمن يرضيهم..وليك انت يا البتقرا ان شاء الله عينك دي ماتشوف الا السمح وان شاء الله الهم الفي قلبك ينزاح وربنا ينزل مكانو سكينه واطمئنان🫂♥️..*
*كسره:-*
واتمنى منكم تتابعو رواية خضراء الدمن رواية حلوة شديد
في أمان الله
*كـــــــــــــــــــــــــــــل الـــــــــــــــــــــــــــــود*
*خـــــــــــــــــــــــــــــالد بــــــيـــــــــجـــــــــــــه*
