احبك كحب الرسول لعائشه ♥️✨( 31)
بقلم يسرا محي الدين يونس💙🖇️..
جرعتنا(تبت يدا ابي لهب وتب🤎ما اغنى عنه ماله وماكسب🤎سيصلي نارا ذات لهب🤎وامرأته حماله الحطب🤎في جيدها حبل من مسد🤎).
انا : ماشغلتك يازوله يعقد ولا يخطب + ورح نشوف ديل وين؟!..
رنا : شغلتي والله عشان تاني نمش ليهو بكل عين قويه نقول ليهو راجل صحبتنا اشرح لينا😭😂..
انا : حتلمو فيهو وين؟!
رنا : انتي حتودينا ليو🐸..
انا : رنا بطلي استهبالك دا وارح الشباب ديل بكون راجننا قبل شويه حسن رسل لي..
رنا : والله عبدالله ناوي عليك شديد قال من صحيتيهو انتي مانام تاني🤣.
انا : كله بسببك م بتعرفي تصبري ابدا خليتيني اطر اعمل الحركه دي😒..
رنا :والله شمار نار م بقدر اقعد ساي😂😂😂.
انا : خلاص اتعلمي تقعدي ساي..
المهم مشينا من بعيد كدا قبل ما نحصل شايفه حسن في يدو في بوكي ورد ومازن شايل ليهو كيس كدا م عرفت فيهو شنو وعبدالله شايل ليهو حديده في يدو🤣🔥،قلته لرنا الحديده دي شنو؟! قالت لي بري🤣👋🏻.
مشيت سلمت عليهم باركو لي وكانت الفرحه طاغيه علي وشوشهم واضح انهم مبسوطين لي بجد حسن اداني البوكيه قال لي هديه خطوبتك ومازن جاب لي كيس فيهو دفاتر واقلام ملونه عارفني بحبهم، رنيم قالت لي مفلسه اسي بس ح اجيبها ليك قلته ليها م تجيبي اي شي فرحتك دي براها هديه بلنسبه لي مع انه بالغتو الموضوع م محتاج كلام بشكل د تعبتو روحكم ساي..
حسن : يابت دي فرحه مننا عشان بورتك اتفكت ما اكتر بعد شويه لو اتشاكلنا ترجعي لي ورودي😂.
انا : كمان لمن عامل فيها راقي وكدا ورود وبتاع والله م اتعرفنا🤣👋🏻.
مازن : انا جبتها ليك عشان فرحان انه سمعت زولك دكتور وكدا.. ويعني بكدا انا اتحليت الحمدالله ،، ياخ كان بتخوفي الواحد يجي الجامعه زاتو..
انا : مازن الله يسامحك..
طبعا في ونستنا دي كلها عبدالله كان ماسك حديتو وبحمر فيني قلته ح امش لي آخر واحد ياخ شكلو لمن بخوف..
انا : عبدالله خير،، م يكون جايبها لي هديه الشي دي🤣💔.
عبدالله : هديه اي بس لراسك م ليك.. تعالي جيبي راسك الكبير دا..
انا : عبدوش يامكنه،،والله قلته افرحك بس مع باقي الشباب، حرام عليك اسي م شايف رده الفعل حقتهم حلوه كيف زيهم كدا، الا انت وشك الواحد دا..
عبدالله : يازوله انا متين قاعد افرح كمان لمن افرحك وبتاع.. انتي شكلك م بتعرفيني،، لكن عبدوش لو نام معناها القيامه لو قامت بره ماف زول يصحيهو تجي انتي ترني لي الساعه تلاته صباحا ياخ خافي ربك..
انا : عبدوش خلاص معليش خلي العواره😭😂💦.
عبدالله : والله ولا بسامحك الا بشرط..
انا : كمان لمن جابت ليها شروط؟! اها قول وخلصنا طيب..
عبدالله : في فاره ميته ورا الشجره ديك واشر لي عليها تشيليها وتمش تجدعيها بره الجامعه..
انا : فاره ميته😐😐.
عبدالله : اي امشي سرعه ياخ عشان انا م فاضي ليك..
انا : عبدالله🤣🤣.
عبدالله : ولاتضحكي لي بعد لحد تلاته م مشيتي الحديده دي في راسك..
انا : 😭😭😭ساعدوني ياناس..
كللهم قعدو يضحكو فيني وعبدالله مصر اعمل كدا مشيت ودموعي خلاص قربت تجي واكتشفت اني بخاف من عبدالله دا جد جد😭😭😂لاني مستحيل انفذ طلب زي دا لاي كائن..اتوكلت ومشيت شلته الحديده حقتو زاتها عشان ارفع بيها الفاره🥲😭💔.
وصلت الشجره اتردت ميه مره اني اشوف وراها لاني لو شفت منظر الفاره ميته ساي اظن يغمى علي خلي لمن ارفعها كمان 😭😭، اتشجعت ولفيت بوراها ومالقيت اي فاره.. لقيت كيس كدا ملان شيبس كل أنواع الشيبس البحبهم انا😩❤️".وااي م صدقت😭قمته كوركت ليه شلته الحديده قلته ليه اليله انا الح اجي اكسرها ليك في راسك.. رجعت ليهم وعاوزه ادق عبدالله في راسو ب الحديده عشان كزب علي..
عبدالله : اسي بشيل منك حاجاتي🐸💦.
انا : ولشنو الدراما دي يعني😩😭+تعالو هنا انتو اي واحد فيكم شابكني بشيل حاجاتي بشيل حاجاتي مديني ليهم لي؟!..
عبدالله : الدراما دي عشان تستاهليها بعد عمليتك الامبارح دي، اما بنقول نشيل حاجاتنا عشان م بتستاهليهم🌞🔥.
انا : يعني م استاهل مش😭،هاك شيل حاجاتك ياريتها لو كان طلعت فاره ميته كان احسن..
عبدالله : بهظر معاك ياعويره🤣🤣💔.
انا : ☹️☹️☹️.
رنا : هديتي دخلتها ليك في الشنطه قبيل..
انا : فتحتها لقيتها عطر راقي كدا حبيتو💜".. قلته ليهم والله م عارفه اقول ليكم شنو عديل رغم قله ادبكم دي انتو احلي ناس اتعرف عليهم في حياتي كلها😩😩♥️.
عبدالله : يعني عجبتك هديتي..
انا : شديد ياخ..
حسن : علي فكره يعني يسرا م فرحت بهديتك الجبتها قدر مافرحت علي انها طلعت م فاره🤣..
ضحكنا كلنا كلامو حقيقه ياخ😭😂💔..
مازن : اها يخوانا برنامجكم شنو اليله؟!..
حسن : اقاشي كيف وكيف؟!
انا : الله ينصر دينك ياحسون🤣🤝🏻..
مشينا طقينا تماااام كانت طقه زابطه ياخ طولنا م اتلمينا كلنا مع بعض..في نص قعدتنا كدا جاتني رساله من احمد فتحتها لقيت مكتوب فيها " هو انتي حلوه كدا لي♥️؟!".. عاينت ليها وبقيت اتبسم واتكشم بعد دقيقه كدا قفلت تلفوني ورفعت راسي لقيتهم كللهم بعاينو لي..
عبدالله : حتبسطينا معاك ولا كيف؟!!..
انا : استغفرالله رساله جاتني في تلفوني انا انتو الدخلكم شنو؟!..
حسن : كللنا واحد..
انا : م مكتوب فيها شوفي اصحابك معاك..
عبدالله : اجيب حديتي ولا كيف؟!
انا : جيب حديتك وامها زاتها ياخ م خايفه منك عديل اليله😩😂💔.
عبدالله : اسي لو جبتها تقعدي تجعري فينا🤣🤣، يلا انا زاتي ماشي لاحق محاضره قوم ياحسن مابتندس ليك ولاشي..
حسن وعبدالله مشو يلحقو محاضرتهم رنا قالت ماشه السوق ساقت معاها رنيم وخلوني عشان انا مرتبطه بالترحيل(دا عيب الترحيل الوحيد في الدنيا😤).
فضلنا انا ومازن بس..
مازن : مادام اليله م ح اشرح ليك ورح نتعرف😂.
انا : تتعرف علي شنو؟!..
مازن : عليك انتي دي وحياتك يعني، م بعرف شي عنك غير شيتاتك المافاهماهم وبلادتك..
انا : ولا شرف لي تعرف بعد اهانتك دي..😩🌞💦.
مازن : معلش🤣🤣اها زولك دكتور شنو؟!..
انا : مابعرف والله😂 لكن م ظنيت اتخصص لسه..
مازن : سبحان الله😂😂البوديك م تعرفي شنو بتتونسو بتقولو شنو..
انا : م حصل سألتو بس😂+ م اعتقد دا شي بخصك يعني..
مازن : بما انك خنتي عهد السنجله البيناتنا احكي لي عن الارتباط دا شويه..
انا : مع اني لسه حاسه نفسي زي المامرتبطه كدا لكن ح احكي ليك🤣.
مازن : طبعا انتي لازم تكوني فرق من الناس دايما عكس التيار😂😂🤝🏻،في زول لابس دبله في يدو بقول هو حاسي انه م مرتبط دي خيانه عديل للدبله دي..
انا : ماهو شنو م عارفه اشرح ليك كيف لكن المهم احمد د قبل م افكر اني في يوم ح ارتبط بيه كان صحبي واخوي م كنت عندي ليهو اكتر من كدا لحد ماشويه شويه لقيت نفسي بغير عليه وشويه زاد اهتمامنا لبعض وفجأه لقيت نفسي حبيتو💕..
مازن : تباً لليوم السألتك في ياخ خلاص قفلي😩😂🔥كرمشتي ام ابو مشاعري ..
انا :سألتني وجاوبتك اسوي ليك شنو🤣👋🏻..
مازن : ربنا يديمكم لبعض ان شاء الله..♥️🌸.
انا : اللهم آمين❤️+ ح يجي يوم يامازن وترتبط ب البت الاختارها ليك ربنا🤍🔐 بعديها ح تفهم معنى الارتباط، اسي مني كدا م حتفهم اي شي.. والمعنى الحقيقي للارتباط "هو مع الزول الصح☑️" .. اما التفاهه الحاصله دي قله ادب ساي ناس تقضيه الزمن ديل..
مازن : قصدك جماعه ناس رنيم وعبدالله🤣.
انا : الله اكبر عليك🤣🤝🏻.
قعدنا اتونسنا انا ومازن ولقيتو شخصيه ظريفه بدون مصالح كان شامي المصلحجيه حقتي ديك شديد ومعاهو حق والله😂💔بسام جا طلعت ليهو قبل ما اخش العربيه جيتو ب الشباك عملته ليهو حركه جونسينا ب يدي الفيها دبله..
بسام :😯😯😯 دا منو الامو ما راضيه عنه دا..
انا : قصدك د منو الامو راضيه عنه☑️..
بسام : لا نفس كلامي الأول ياخ انتي زمن م بتعرفي تلتزمي بيهو حتمسكي مسؤليه كيف؟!..
انا : هو قال عاوزني كدا انت مالك😎..
بسام :😂😂 بجد يايسرا اتخطبتي ولا د مقلب منك..
انا : اقسم بالله اكذب عليك لي؟!..
بسام : عشان انتي بتاعت حركات..
انا : خليت الحركات بقيت بتاعت امور💃🏻😂🔥.
بسام : خطيبك د شكلو م قعد اتونس معاك لانه ياهو د كلامك ودي ردودك م نصيحه ابدا انتي🤣👋🏻.
انا : نفسي اعرف انت مقهور لي😒🌞💦.
بسام : م مقهور والله حزنان على ود الناس يحليلو..
🔘صلو على الحبيب.... ♥️🌸
