احبك كحب الرسول لعائشه♥️✨(44)
بقلم يسرا محي الدين يونس💙🖇️..
حسناتنا(انا فتحنا لك فتحا مبينا🤎ليغفر لك الله ماتقدم من ذنبك وماتأخر ويتم نعمته عليك ويهديك صراطا مستقيما🤎وينصرك الله نصرا عزيزا🤎).
انا : لا انت جايب خبر الحاجات دي كدا لشنو؟!..
ياسر : انا بحب امي وبسمع كلامها ف م ح اشتغل بيك..
امي : اي يا ياسر انت خليك اعقل..
ياسر : اصلا انا اعقل ربنا يحفظني بس..
انا : عاينت ليهم ساي قلت اصلي م حاسألهم عشان م اجلط امي..جيت اقوم عشان عاوزه ارتب البيت بمزاجي اليله بس جاتني دوخه الا ثبت في الصفره لمن الكبابي الفيها اتكشحت..
امي : يابتت بسم الله مالك؟!..
انا : بري والله من امس كدا..
امي : خلاص كدا امشي ارتاحي ووب علي شكلك هالكه نفسك مع الجامعه وشغل البيت بري م بخليك ترجعي بيتك لمن تبقي كويسه..
انا : يا امي كويسه مافيني شي واحمد م مقصر معاي والله مدلعني عديل ماف اي هلاك م بظلمو معاك..
امي : سمح اسي قومي ارتاحي خليني بنضف بيتي براي خلي قال ماسكه ليك ممسحه وسياكه القال ليك نضفي منو هو..
انا : يمه بساعد فيك..
امي : لا عفيتك اليله التعب ظاهر في وشك..
مشيت غرفتي ورقدته نوممممته..بعد حكايه تلاته ساعه كدا صحيت لقيت ترليون مكالمه من احمد رجعت ليو..
احمد : قدر دا لكن؟!..
انا : شنو هو..
احمد : السفهه دي..
انا : م سفهتك والله كنت نايمه..
أحمد : وصوتك مالو!؟..
انا : كنت نايمه ياشيخ د صوت نعسان لسه..
أحمد : لا بعيد من صوتك النعسان انا حافظ نبرتو انتي مالك فيك حاجه؟!وبعدين م من عوايدك تنومي الساعه دي..
انا : مافيني حاجه بس حاسه لي بحمى بعيده كدا..
احمد : اجيك؟؟..
انا : لا م محتاج
احمد : طيب لحد بعدين اذا حسيتي نفسك م كويسه كلميني طيب..
انا : طيب..
حقيقي كنت حاسه بفترررر رغم اني كنت نايمه،،رجعت نمت تاني.. امي صحتني للفطور قلت ليها م عندي نفس..عصرت علي شديد مشيت غصب عني اكلت لي لقمتين وطوالي الحمام فضيت اي حاجه في بطني..
امي : بري يختي د بقا كلام تاني اضربي لاحمد يجي يوديك المستشفى..
انا : ماف داعي اصلا هو ح يجيني بكرا الصباح..
امي : ح تقعدي لبكرا بحالتك دي؟!اديني انا ح اتكلم معاو..
انا : طيب اسي حيكون ماشي الصلاه اتصلي عليو بعديها..
امي : شالت تلفونها ومشت المطبخ عملت لي عصير ليمون جابتو لي وقالت لي احمد جاي في الشارع..
انا : امي انتي م فاهمه انه انا م طايقه اي شي..
امي : فاهمه اسندي بيهو روحك لحد ماتمشو المستشفى بطنك فاضيه..
انا : لا م عاوزه..ارحميني منو والله م نفسي ياماما😭.
سمعنا الجرس ضرب..
امي : اهو راجلك جا الحمد لله فترت من الحنيس انا..
احمد وياسر جو خاشين..
احمد : جا ووشو مخطوف قعد جنبي قال لي سلامتك حبيبي..
انا : الله يسلمك..
احمد : عاين لامي قاليها اكلت حاجه؟..
امي : اكلت ورجعت..
احمد : اهمممم.. خت يدو في جبهتي قال لي ماف حمى شديده..قال لي امي قلتي رجعت صح؟!..امي قالت ليو اي..قال لي حسيتي بدوخه ولا لفه راس كدا؟!..
انا : اي دايخه من امس..
احمد : ابتسم وقال لي خير كدا قومي ارح..
امي : امش معاكم؟!.
احمد : لا م بحتاج يمه انتي خليك❤️..
طلعنا أحمد في الشارع بركن العربيه جنب صيدليه كدا وجاني قلته ليه حنمش المستشفى قال لي لا حنمش البيت ح اديك الحاجه دي بوريك تستعمليها وتوريني النتيجة قلته ليه سمح..
بعد مشينا البيت اداني الحاجه وهي عباره عن شريط كدا المهم احمد مستنيني بره الحمام وماشي وجاي زي المزنوق وراجيني اطلع😩😂💦.
طلعت قال لي اها خط ولا خطين؟!..
انا : خطين..
احمد : طوالي قبل ع اتجاه القبلة وسجد❤️..بعديها رفع راسو عيونو مدمعه وما قادر يقفل خشمو من الضحك والبسمات العريضه..
انا : فهمني حاجه..
احمد : ح ابقا ابو❤️وحتبقي ام❤️..جا علي قال لي م مصدق وحضني شديد..
انا : قمت بكيت طوالي قلت ليه الخطه م كدا لكن.. امتحاناتي لسه م بدت..
أحمد : لي لي ؟!لي الدموع دي قولي لي كمان عاوزه تزعلي؟؟يابت د ربنا اراد كدا واراده الله فوق كل شي❤️".
انا : معاناها ح افشل يا اجمد السنه دي..
أحمد : لا حتفشلي ولاح تجمدي ونا معاك وجنبك وامورك كلها ح تزبط وح تجي البروف كمان.. بس اسي افردي وشك دا وماتخربي علينا فرحتنا ..
انا : قمت ابتسمت وقلت ليه ح ابقا ام كيف يعني م فاهمه..
احمد : قش لي دموعي السه كانت تحت جفوني وقال لي اي ياها يسرا العويره المابتفهم دي😂❤️اشرح ليك كيف؟!المهم بس يعني بدل م كان عندي شافع واحد ح يبقا عندي شافعين انا ك احمد اما انتي م ظنيت ح تبقي ام😂..
انا : يعني جواي روح اسي..
احمد : ايوه جواك روح تانيه ولازم تحافظي عليها لحد ماتطلع..
انا : ختيت يدي في بطني وبديت اتخيل انه جواها بت حلوه كدا..
انا : ح اسميها تالين..
احمد : الوراك انها بت منو؟!😂💔..
انا : احساسي بقول كدا..
احمد : ماشاء الله ع احساسك😂😂😂.
انا : انت عاوزو يكون شنو؟!..
احمد : البجي من ربنا كلو حلو❤️..بس ح اطلب منك طلب صغير..
انا : اها شنو؟..
أحمد : م تعملي موجات عشان تعرفي نوع الجنين خليها لينا مفاجئه نتبسط بيها بعدين..
انا : احمد مفاجئات😂💦.
احمد : اها اتفقنا؟!..
انا : اي اتفقنا لكن انا عارفاها سلفاً بتي الحلوه❤️.. آخ ح اقعد اسرح ليها شعراتها الحلوين والبسها تمشي الروضه..
احمد : انتي زاتك اساسا كنت ماشي اسجلك في الروضه خليها تجي عشان اوديكم الاتنين مع بعض😭😂..
انا : ونا لي؟!..
احمد : عشان حركاتك كلها حقت شفع..
انا : نننننننن😒💦..
احمد : اهو شوفي براك د شنو د اسي..قال لي بالمناسبه يعني بطنك فاضيه وم اكلتي ليك حاجه..
انا : م نفسي..
احمد : م علي كيفك لكن..
انا : علي كيفي😩💦.
احمد : أعمل ليك اندومي..
انا : م عاوزه اي حاجه ولا حتى اندومي م عاوزه..
احمد : يابت الناس م عشان خاطرك هو عشان خاطر جناي..
انا : انت اصلا م بتحبني😭😭😭.
احمد : طبعا الهرمونات لادين لها🤦🏻♂️..خلاص عشان خاطرك انتي..
انا : طيب ورح نطلع عاوزه اكل من برا..
أحمد : جداً مع انه م صحي معاك لكن عيوني ليك ورح بعمل ليك اي حاجه عاوزاها..
طلعنا قال لي اها نمش وين؟! ح تاكلي شنو؟!.
انا : ايسكريم..
أحمد : ايسكريم د شنو؟😩 يابت قولي حاجه بياكلوها فيها فايده..
انا : ايسكريم بس..
أحمد : ح تبكيني انتي.. شويه كدا وح اقعد ابكي زيك كدا..ومشينا مكان الايسكريم طلب اتنين اكلت حقي لمن خلصتو قلت ليه حقك د اذا م عاوزو ح اشيلو انا قال لي بعافيتك انا م مصدق انك اكلتي هاك ليو..
انا :شلتو وقعدته آكل قلته ليه انت بتشوف فيني كدا لي؟!..
احمد : هي مرتي م اعاين ليها!؟😂❤️+شكلك مضحك عان وسختي ملابسك كيف..
انا : الايسكريم حلو شديد..
احمد : زي عيونك♥️..
أنا : انا بحبك ع فكره😔..
احمد : م سامع..
انا : بحبببببببببك❤️..
احمد : خلاص خلاص م تفضحينا مع الخلق🌚😂..اها نرجع ولا عندك وجهه تانيه..
انا : خلاص نرجع.. احمد مشي اشترى لي اتنين كيلو ايسكريم قال لي تعالي اختاري النكهه العاوزاها شلناهم وطلعنا في الطريق كنت نعسانه ف نمت احمد صحاني قال لي وصلنا..
بليل قبل م انوم جيت اجهز حاجات الجامعه اتزكرت عندي presentation مفروض اقدمو بكره ونا نسيتو وطار من بالي طوالي قعدته ابكي لاحمد😭😭.
احمد : يعني انا بس نفسي اعرف انتي دموعك دي هينات عليك كدا ليه؟!..
انا : الدكتور صعب شديد حيخصم مني الدرجات طوالي..
احمد : م مشكله اديني العنوان انا ببحث ليك عنه انتي بس الله يرضا عليك م تشوفيني دموعك ديل م قاعد احبهم والله..احمد بحث لي عنه وجهزناو حتى قمت قدمتو ليهو قعد يصفق لي قال لي ياهو شاطره بس بكايه..تاني يوم احمد من الجامعه وداني لدكتوره كدا قال لي ح تتابعي معاها شاطره شديد واشتكاني ليها قال ليها بتاكل ايسكريم بس هرشتني قالت لي لازم تنوعي وشنو م بعرف ليك وكتبت لي ادويه استعملهم وقالت لي حاولي م ترهقي روحك شديد..عملت ب القالتو لي كله مرات بنسى الحبه م ببلعها أحمد شالهم مني ولمن يجي زمنها بخلي شغله وبجيني في الجامعه بديني ليها..غايتو بشتنتو شديد م ظنيت يجيب مني ولد تاني😂😭😩💔..
مرت الايام والشهور خلصت السمستر الاول وخشيت في السمستر التاني كنت في الشهر السابع وعندي امتحان الصباح واحمد موديني الجامعه قلته ليه متوتره شديد من امتحان اليله دا.. كتبت في الاستوري ادعو لي نازله امتحان محتاجه دعواتكم😭أحمد شاف الاستوري ضحك فيني قال لي بدل تشحدي الناس يدعو ليك ادعي انتي..
انا : اي بدعي بس دعواتي م كفايه😭.
احمد : تدعي للناس انا قصدي م تدعي لروحك..عايني في حاجه جميله مدسوسه م كل الناس عارفنها ح اديك ليها..
انا : شنو هي؟!..
احمد : الدعاء "بظهر الغيب💚"..
انا : ويعني شنو الدعاء بظهر الغيب..
احمد : يعني تدعي لناس أنتي م بتعرفيها ولا بيناتكم صله اصلاً تدعي ليهم دعا ساي في الله كدا بدون مصلحه..
انا : انت اسي بتدعي لي لمصلحه يعني..
احمد : انا بدعي ليك عشان بحبك+اصلا انا قره عينك يعني🌚❤️..في صله اقوى من الحجر انا بقصد ليك ناس م بتعرفيهم.. كنا ماشين في الظلط قال لي عايني لست الطعميه ديك الحاجه الكبيره دي شوفتيها..قلته لي اي شفتها قال لي م بتعرفيها ولا بتعرفك صح..
انا : اي صح..
احمد : يلا بس اشبكيها دعوات ع قدر م عاوزه ربنا يسهل عليك ادعي ليها..
انا : لي السر شنو في اني م بعرفها..
احمد : حبيبنا صلي الله عليه وسلم..قلت ليه عليه افضل الصلاه والسلام💛قال لي قال في حديث شريف(مامن مسلم يدعو لاخيه بظهر الغيب الا قال الملك ولك بمثل)..وفي حديث تاني بقول(من دعا لاخيه بظهر غيب قال الملك الموكل به آمين ولك بمثل)..ظهر غيب يعني زول م بتعرفو ولا عندك بيه صلاه ولمن تدعي لي هو زاتو بكون ماعارف..
يلا لمن تدعي لزول أنتي م بتعرفي وووتدعي ليه بنيه صافيه من جواك في ملك موكل ب الدعاء دا بقول ليك ولكى ب المثل والدعوه تسعين في الميه بتستجاب..عشان كدا حاولي ادعي لاي زول عينك تقع عليه في الشارع مجنون ادعي لي ب الشفاء فقير ادعي لي ب الغناء شماسي ادعي لي ب الهدايه طفل صغير ادعي ليه انه يكون صالح وبار لوالدينه وهكذا انتي فاهماني..
انا : فاهماك اي..شوفته لي عمو كبير كدا بشحد دعيت ليه في سري انه تجيهو قروش من حيث لايحتسب لمن جينا مارين ب جنبو أحمد وقف العربيه بعيد شويه ونزل مشى غمت ليو قروش كتيره انا اتخلعتتته لاني م وريت احمد اصلاً وكانت الدعوه في سري ف اتأكدته انه دعوه ظهر الغيب دي بتستجاب ميه في الميه ماتسعين زي ماقال احمد.. وبقيت ادعي لاي زول في وشي عشان الدعوات السمحه تتراكم علي لانه الملك بدعي لي ب المثل🤍"وكدا ربنا برضو ح يسلط ناس تدعي لي من ظهر الغيب انجح واتوفق زي ما انا بدعي بنيه خالصه من جواي لناس م بعرفها..
🔘صلو علي الحبيب المصطفى♥️🌸.
