احبك كحب الرسول لعائشه ♥️✨(27)
بقلم يسرا محي الدين يونس 💙🖇️..
حسناتنا(عم يتسائلون💜عن النبأ العظيم💜الذي هم فيه مختلفون💜كلا سيعملون💜ثم كلا سيعلمون💜الم نجعل الارض مهادا💜والجبال اوتادا💜).
ابوي جا مبسوط شديد ناداني قال لي لاقيت احمد قبل شويه♥️، احمد الهنا والسرور الود خلقه واخلاق، شده م عجبني قربته اعقد ليك عليو في الضرا..😂❤️اكتفيت ب الابتسامه لاني كنت شايله منو لي مايوريني يعني بلا مفاجأة معاو😭،،قلته ليه يا ابوي على فكره يعني انا لازم اخلص جامعتي اول،،
ابوي : على شنو يعني؟!..
انا : علي اي خطوه حتخطوها انتو..
ابوي : يازوله خير اي شي حيتم برضاك انتي عمري م ح اجبرك علي شي يابتي.. ♥️🌸.
انا : حضنتو قلته ليه بس الله يخليك لي انت دا..
ابوي : عاين لي كدا قال لي واحمد؟!..
انا : ضحكته قلته لي كمان الله يخليهو لي😂❤️.
ابوي : من زمان قاداني أحمد أحمد اسألك تقولي لي اخوان اااااااا..
انا : والله ماكده اصلا دي تطورات متأخره يعني..
ابوي : انتي بس الله يخليك في استهبالك دا..
مشيت فتحت شيتااتي للاسف كان عندي امتحانات الفتره ديك حتى في رمضان كنت بمتحن وفضل لي وحدات تانيات بعد العيد ناس جامعتنا لا يعرفون الرحمه ابدا قريت شويه بس وقفلته من القرايه م كان عندي نفس فتحت النت لقيت احمد مرسل لي..
احمد : بكره حتشوفي مفاجأه الصباح💕..
انا : مش وشك دا م عاوزه اشوفو..
احمد : اي م خلاص عرفتي م كنت عارف اني ح الاقي ابوك في الفطور🤣.
انا : وعامل فيها بتفاجئ منو انت؟!..
احمد : ناس بيتكم..
انا :😂😂😂مفاجئاتك دي فاشله جدا..
احمد : انا ح ارجع بعد شويه عاوز اشوفك..
انا : ترجع وين؟!..
احمد : قاعد مع امي انا م مع ناس حسام..
انا : اهمممممم..
احمد : وامي نزلت السودان عشانك، وقالت حابه تتعرف عليك💕..
انا : حمد الله على سلامتها+حابه تتعرف علي متين؟!..
احمد : ح تجيكم بكره بعد الصلاه ان شاء الله واسي اتزفتي اطلعي لي وبطلي كلامك الكتير دا..
انا : ابيت..
احمد : يسرا؟!😤
انا : مالك..
احمد : بجي بكفتك انزلي..
انا : تتزكر لمن ضربت محمد عشان لقيتو مع ملاذ..
احمد : اي متزكر وما بنسا لانهم كانو غانجين ومعاهم زول كدا نسيت اسمه😏المهم ديك كانت غنجه عديل وماف زول عارفها مشت وين سألت منها قالو لي مشت الصيدليه دخلت المطعم اشيل معاي للشباب حاجه لقيتها قاعده وآخر اندياحه وقله ادب ومعاها وحده كدا استغفر الله البكا كملتو مع انها جات رفق بس🤣ب المناسبه انا اليوم ديك كنت مركز معاك اكتر من ملاذ لو شوفتي شكلك ونتي خايفه وبترجفي funny جدا🤣وهو بضحك طبعا..
انا : خلاص خلصت شماته؟!.. يلا م نازله🦦.
احمد : طيب عشان تبرئي زمتك من دور الشرف العظيم الخشيتي في دا كلمي امك وانزلي وسوقي معاك ياسر وتعالي المهم عاوز اشوفك ياخ اشتقت ليك بجد😞😞.
انا : هئم انت م علمتني كدا م نازله..
احمد : تباً لليوم العلمتك في ياخي..طيب اقعدي لي في عوارتك دي اهو داك عمي عمران ح امش اعقد عليك واطلع اخمك واتخارج تاني م يلمو فيك زاتو..
انا :🤣🤣🤣.
احمد : بلا سنون خلاص انا ح ارجع البيت يلا مع السلامه..
احمد قفل مني وامي نادتني عشان اخبز معاها وارتب معاها البيت وكدا نظام للعيد وهي ماعارفه انه عيدي انا ابوي دا♥️المهم ساعدتها قبل ما انوم اتصلو علي الشله الكريمه في مكالمه جماعيه.. عبدالله قالينا بكره حنوزع فرحه العيد من القروش الكنا لامنهم،،وهو اصلا كان احنا كل اسبوع عندنا علبه بنجمع فيها قروش لمن تتم شهر بنشتري حاجات للمساكين الفي الشارع ونوزعها ودي كانت فكره عبدالله طبعا بقول لينا الرسول قال تصدقو ولو بتمره💚"طبعا عبدالله لمن يركب فينا مكنه الشيخ مافاضي🤣👋🏻.المهم اتفقنا اننا حنتلاقا بعد الصلاه طوالي لانه اصلا مفروض كان تتوزع اليله بس مالقينا فرقه تاني يوم صحيت بتكبيرات العيد..
الله اكبر💕الله اكبر💕لا إله إلا الله 💕الله اكبر💕الله اكبر ولله الحمد💕.
تلفوني رن مع الصباح داك لمن اتخلعت عاينت ليه لقيتو"احمد".. قال لي عاوز اعيد ليك اول كائن.
"كل سنه ونتي معاي ❤️كل سنه ونتي القريبه لقلبي شديييييد ❤️كل سنه ونتي البحبها وحتفضلي كدا❤️ كل سنه ونتي مجنونتي وحقتي❤️ والبقرب منك بقطع راسو، كل سنه ونتي هديه و رضيه❤️وعقبال اشوفك حلالي قريب يارب♥️✨.
انا : طبعا كنت نعسانه شديد ف قاعده اقول ليه آمين بس وماقلت اي حاجه تاني😭😂❤️وريتو ب اني عندي شغل بتاع توزيع فرحه العيد للمساكين بعد الصلاه قال لي حاجه حلوه شديد اصحابك ديل حلوين والله.. اتزكرت لمن مؤتمن قال لي اخليهم عشانو وضحكت قلته لي اي محظوظه بيهم انا.
احمد : ونا محظوظ بيك انتي♥️. انا : جهجه باكاتي طبعا والحمدلله هو عارفني بليده وم بعرف ارد ع الكلامات الزي دي ف ما انتظر رد..
احمد : يلا بطلي كسلك دا وقومي جهزي وساعدي امك..
انا : تمام بس انوم شويه حبه بث..
احمد : يسرااا😩.
انا : خلاص تمام قمته قمته..
احمد : اي خليك شاطره🌚..
فعلا قمته وصليت وساعدت امي، ابوي جا طالع لينا ب الجلابيه والعمه وريحه العطر دي تقول ياليل اصلا هو ابوي بقول ياليل من يومو🤤❤️الجمال يخلو ليهو انا طلعت بشبهو طبعا خليكم عارفين..المهم عيد علينا انا وامي ونا عيدته ليهم الاتنين الدعوات الجاتني منهم في اللحظات ديك كفيله ب انها تبسطني العمر كله والله💛،، ابوي سألنا من ياسر قلنا ليه لسه نايم.. مشا جاط معاو وصحاهو عشان يلحقو الصلاه، ناس امي جهزو ونا قررته اقعد في البيت لاني كنته م جاهزه وعندي حاجات لسه م عملتهم، فتحت تلفوني لقيت احمد مرسل لي"عارفك ح تتكاسلي من الصلاه لكن ثوابها عظيم مايفوتك💚" ضحكت وقلت انا غايتو كاميرا المراقبه المركبها احمد عندي هنا دي الا القاها واكسرها😭😂💔 طلعت لي عبايه من العبايات الجابها لي ابوي معاو ولبست حجابي م عملت ميكاب ابدا صلحت حواجبي بلفرشه وعملت فازلين في شفايفي ناس امي ندهو علي قالو لي اخرتينا ونزلو..نزلت ليهم سرعه ولحقتهم، ابوي قبل علي قال لي والله كنت ناوي اشاكلك لو م حلاوتك دي وقفتني،حصنيها ياندى مايسحروها لينا،قعدت اتكشم واتبسم ابوي دا بخجلني ياخ،ياسر قال لي ابوي ويعني انا الغول ياكلني صح يا ابوي..ابوي قال ليهو انت شدييييد علي روحك زول بسحرك ماف قعدنا نضحك💕💕💕💕اتمنيت نكون مع بعض دايما كدا لانه زمان ضحكتنا بدون ابوي ناقصه م تامه ضحكه،،مشينا الجامع التهليلات وقفت والناس اصطفت للصلاه،بعد الصلاه الشباب جوني عشان نمش نوزع الاكياس وناس ابوي رجعو البيت،،كان يوم حلو شديد واحلي حاجه فيهو فرحه الأطفال المساكين لمن اديناهم الاكياس🥺💓انا ببكي طبعا كل مانمش علي مجموعه من الأطفال ونكسيهم واشوف فرحتهم دي،،حسن قال لي يسرا احنا تاني حنقفلك جوه العربيه وما حتنزلي معانا بدموعك الشلال دي ،،عبدوش قال ليه المشكله يسو دي قلبها حنين ياخ يابختو راجلا حمرت ليه قلته ليه اسي راجلي الدخلو شنو؟! قال لي حبيت احسسك انه ممكن يوم يكون عندك راجل وكدا لانه شايف البوره طولت معاك🐸😂💔قلته ليه زفتين مره قلت ليك م شغلتك بي المهم كلعاده قعدنا نتشاكل انا وعبدوش وكان الاكياس خلاص خلصت الحمدلله، عبدالله وحسن كانو سايقين انا كنت مع عبدالله ومعاي رنا،، ومازن ورنيم مع حسن،، عبدالله قال لي يسرا انتي ح اوصلك طيش زول عشان لماضتك دي رنيم قالت ليه لاااا م ينفع يسرا اول زول قرصتني قالت لي انتي ناسيه جاينك منو؟!.. اتزكرت احمد وامو والله نسيتهم من بالي،، عبدالله قعد يتساغل قال الا نوريهو جايني منو عشان يوديني اول المهم بعد ممرمطه وجر هوا من عبدالله وصلنا نزلت وقلت ليه المره الجايه لو ما اشتريت لي عربيه م بوزع معاكم،،شوفت عربيه احمد بره عرفتهم وصلو صلحت حجابي وطلعت فوق ضربت الباب فتح لي احمد بس عيني وقعت عليو كدا لمن جاتني رعشه كنت متوقعه ياسر او امي يفتحو لي ماهو المهم اول مره اشوف في تفاصيلو زمان م كنت بركز فيو نهائي "كان لابس جلابيه طبعا (وتاني ماف زول يلبس جلابيه بلله) طويل وعريض لحيتو مرتبه اكتر من حياتي عندو غمازه في خدو الشمال لمن يضحك شديد بتظهر" هو كان بتكلم معاي ونا م عارفه بقول في شنو سرحانه فيو عديل طقطق لي قي وشي قال لي يابتتت قلته ليك ماعندنا شغله امش قدام ربنا يفتح ليك.. بعديها وعيت هو بقول في شنو قمته ضحكته هو كمان ضحك وغمازتو ظهرت يااااااالطيف ح اسيح ح اسيح ح اسيح،،قلته ليه ممكن تزح من الباب عشان عاوزه اخش قال لي جدا اجي بجاي يقيف لي في وشي كمان امش ب الإتجاه التاني برضو بقيف لي في وشي غياظ شديد احمد،، في صوت مره من جوه ندهت ليو زح للبت من الطريق وخلي حركاتك دي شايفاك انا..
ما تنسو تعملو تصويت ومتابعة
🔘حوقِلو...............♥️🌸
