احبك كحب الرسول لعائشه ♥️✨( 18)
بقلم يسرا محي الدين يونس 💙🖇️..
جرعتنا(والسماء ذات البروج🖤واليوم الموعود🖤وشاهد ومشهود🖤قتل اصحاب الاخدود🖤النار ذات الوقود🖤اذ هم عليها قعود🖤وهم علي مايفعلون بلمؤمنين شهود🖤)..
الرجاء التصويت والمتابعة
مشينا المسجد وصلينا ماكان زمن صلاه،،الضحى زاتها لسه بس هي كانت محتاجه لربنا عشان كدا طرحت ليها الفكره دي وصلينا الحمدلله بعديها رفعت يديها لربنا وبقت تبكي حننتني قلت ليها ربنا كفيل ب انه يجبرك بس انتي لازم تنسيهو..
رنا : م قادره😞عاوزاني ادعي اقول يارب انساو م بقدر😞 انا من قبيل بدقس في كل سجده وبقول يارب اجعله من نصيبي،، ماعشان انا لسه عاوزاه بس عشان اتعودته كدا دا دعائي الثابت في كل صلاه..
انا : فتره وتتجاوزي يارنا والله الموضوع بسيط بس انتي مكبراهو..
رنا : رفعت يدينها تاني بس برضو بقت تبكي وتقول لي م بقدر ادعي ب اني انساهو م قادره اتقبل الفكره😭💔.
انا : رنا لا اله الا الله عشان انتي مجروحه بس انا لهسي ماسكه نفسي وماكفتك،، اوعي لروحك يابت اقول لييك ما من نصيبك،، خلاص ربنا رايد كدا..
رنا : طيب اذا هم ما من نصيبنا بظهرو في حياتنا ليه؟!💔.
انا : رساله من ربنا ليك،، بظهرو رساله فتشي الرساله وين؟!..
رنا : زي مثلا😕..
انا : زي مثلا م تسلمي قلبك لزول سريع قبل م تعرفي انه هو بحبك ولا لا وماتتعلقي سريع ماتثقي سرعه دي كلها رسايل،،رنا انا بكفتك بس بعد دا..
رنا : يارب اقدر ادعي كويس وما اضعف واطلب من ربي انساهو😔😔.
انا : قولي الدعاء دا "اللهم دبر لي امري ف إني لا احسن التدبير" و "اللهم لاتعلق قلبي بما ليس لي" كرري الدعائين ديل كتير وخليهم دايما معاك حتبعدي من الاختيارات الغلط صدقيني..
رنا : طيب تمام..
انا : نمش؟!،، المحاضره فاضل ليها عشره دقايق..
رنا : امشي انتي انا مانفسي..
انا : طوالي جيت عليها وقلته ليها ياهو دا زمن الكفيت الجد جد وكنته عاوزه اكفتها😑.
رنا : قامت تضحك وقالت لي خلاص والله ماشه ماشه😄..
انا : ونحنا ماشين كدا بقيت اعاين في وشها واضحك قالت لي في شنو؟! قلته ليها بتخوفي الشفع😂💔.
رنا : ورح طيب اغسل وشي واصلح ميكبي🥲..
انا : وهو اساسا منو الحيباريك كدا يلا قوام🌚💦.
رنا : بعد ماغسلت وشها قالت لي ونتي بتنصحي فيني حسيتك زي البتحبي كدا..
انا : بري والله🤣🖐🏻.
رنا : طيب بتعرفي الحاجات دي من وين؟!
انا : يلا انتي قايله شنو؟!.. الناس الما مرتبطة دي هي اكتر ناس بتعرف تحب💓♥️.
رنا : مافهمته..
انا : هو انتي في يوم فهمتي،، وانجزي سرعه بلله الراجل دا صعب ماحيدخلنا بعد كدا..
اليوم عدا وكنت حاسه بيها مهزوزه من جوا بس ماحبيت افتح ليها الموضوع تاني وشايفاها بتفتش بعيونها عليو وهو ماظهر نهاي اليوم ديك نهايه اليوم اتلمينا كلنا حت مازن وعبدالله لقيناهم قاعدين(اشتقنا ليكم😂🔥) رنيم سالت رنا مالك متغيره سكتت ساي ماجاوبتها بعديها قالت لي وريهم..انا م قصرت نهائي د حدث سعيد ب النسبه لينا🤣🤝🏻حسن قالينا دقيقه خليكم في حتتكم دي امشي اجيب خروف واجي لازم نوزع كرامه لازم..ضحكنا ضحك😂💔 شفتها بتضحك بس كانت ضحكتها مزيفه انا قدرت اقراها💔،، بسام جاني وطلعت وحنا راجعين بسام شايفاهو بضحك ساااي.. قلته ليه م ح أسألك،، قال لي والله ماعارف اجيبها ليك كيف لكن في زول طلب يدك مني😂😭🤣💔ونا عارفك ست بيت فاشله لكن سكته..
انا : ياجماعه انتو بتهظرو ولا شنو،، دا شنو يومي عريس جديد والله انا م بقدر ليكم كدا🦦💔.
بسام : انتي المجنونه دي لمن في زول قال عاوزك كمان عاوزه تزعلي🤣💔.
انا : ومنو ان شاء الله مايكون صحبك القبيل..
بسام : عليك الله منو الوراك!؟..
انا : احساسي قال لي😂💔لانه نظرته ديك كانت حقت اعجاب القال لي فيها ربنا يوفقك طبعا شكله أعجب ب الهدوء الكان فيني والروقه ديك يحليلو🤣🤣🔥.
بسام :للاسف كله تمثيل🤣💦.
انا : واها قلته ليه شنو انت..
بسام : خارجتك وقلته ليه مخطوبه..
انا : وليه بس اسي لو بقيت عاوزاهو🦦🔥.
بسام : متزوج هو عشان كدا خارجتك ياهطله..
انا : متزوووووج؟؟؟! عان راجل المره دا عليك الله الوداهو يعاين لي شنو🐤؟!
بسام :😂😂😂 الشرع حلل اربعه ع فكره بس عشان انا عارفك ماحتقبلي بعرض زي دا قلت ما اكسفه وكزبته الله يغفر لي كله بسببك🌞..
انا : والله يابسام من يوم لفيت الطرحه دي اتكسرت فيني ماسوره حقت عرسان م عارفه اوقفها كيف عديل🤣🖐🏻.
بسام : شي طبيعي يحصل ليك،، انتي عارفه يايسرا نادر في الزمن دا تلقى بت لافه طرحتها.. والابساها بتكون في نص الراس زي انتي قبل يومين كدا🌚💦المهم ديل كللهم لتقضيه الزمن ليس الا الواحد لمن يجي ياخد قرار مصيري بشوف لي بت ناس وبت حلال بعرسها🤍🔐مابعرس من الفاكات ديد عرفتي.. انا : اهممم اسي خطيبتك يسرا محجبه🌚؟!..
بسام : شوفتيها براك يومتا شنو السؤال؟!..
انا : لا م عشان عادي البنات بلبسو طرحهم مرات ومرات بطلعوها اذا عندهم عرس وكلام زي دا يعني..
بسام : يطلعو راسك من رقبتك،،انا ام بناتي محجبه💓ويوم ماشفت سبيبه من شعرها للان لحد ماتبقى حلالي.. وماف يوم حتطلعو ماف كلام زي دا انتي ناويه تطلعي حقك ولا شنو؟!
انا : مستحيل طبعا لو كنت ناويه كدا م كان اتحجبت اصلا،،،سكته شويه كدا بعديها بقيت اضحك قلته ليه عليك الله اسي راجل المره دا قال عاوزني هو انا راجلي م بخليهو يعرس لمن اقوم اعرس راجل مره..🦦.
بسام : الشافك يقول عندك راجل مع الناس🤣،،ويلا خلاص انزلي ياحجه وصافه وصلنا😂👋🏻 فعلا كان وصلنا نزلت وماشه قلته اليله بعاين قدامي كويس ومابطقش لي اي زول كفايه قصص وأفلام خشيت البيت ماكان في زول حتى امي شكلها ماجات لسه رتبت البيت ونظفته وصليت ولعت بخور في الهول شغلته قرآن ونمته كنت مطمئنه جدا صحيت ع صوت امي وهي ب تصحيني اقوم للصلاه طبعا زمان كنت بكمل نومتي ولا علي متى ماقمت بصلي او بجليها بصلي الصلاه البعديها بس اسي بقيت م بقدر ف استغفرت وقمت طوالي صليت ومسكت مصحفي قربت ليه شويه قران اتزكرت أحمد لمن كان بقول لي انتي بس قربي من ربنا وهو بساعدك قلته سبحان الله كلامو حقيقه♥️🌸قبل ما انوم فتحت الشات لقيت رسايل كتيره من مؤتمن رديت عليهو وكان اونلاين رسل لي طوالي فضلنا ندردش لساعه 2ص قلته ليه بكره وراي جامعه م فاضيه انا،، رد لي ب احساس انا الفاضي بس الونسه معاك لا تقاوم😂♥️قفلته الشات ونمته..اليوم التاني صحيت متأخره شويه وبسام جا وقعد يضرب في البوري لمن الله غفر ليو في الاخير ضرب لي اصلا صحتني مكالمتو رديت قال لي انا تحت عشره دقايق بس جيتي جيتي ماجيتي الله يوفقك في المواصلات.. قلته اووف خلاص الجوطه بدت😩اصلا عشره دقايق م حتسوي لي اي حاجه هو انا صلاه م صليت ولا اشتغلته بيهو قمت صليت علي راحتي وجهزت ونزلت لقيتو ماف طبعا اتصلت ليو..
انا : بسام انت وين انا عندي لاب مهم والله😭؟!
بسام : قايلاني انا عمك امام؟! انا بسام الخطير يازوله ومن اول يوم وريتك اني زولpunctual وكدا وريتك اي حاجه عليك الله كدا اقفلي مني.. وتيت الخط قطع،، قلت لنفسي اها يايسرا مرحبا ب المحنه والله يوفقني في المواصلات زي ماقال بسام بس قلته هو الشارع وينو حق المواصلات وبمشو بي ياتا فيهن زاتا🥲💔يوم م مشيت بيها متزكره طريق الرجعه يوم رجعت مع عبدالله بس المشيه دي كان ربنا دايما بلطف علي اسي احمد الشرير زاتو ماف قلته كدا اتصل لملاذ قالت لي انا طلعته لكن كدا اكلم احمد يشوف ليك طريقه قلته ليها أحمد شنو يابت خليني بمش ب المواصلات قالت لي عليك الله ماتضحكيني😭😂💔،كنت واقفه في الشارع حرفيا م عارفه اعمل شنو اذا طلعت كلمت امي حتشاكلني ونا م ناقصه والله واذا قعدته كدا الاب حيفوتني،، لكن للاسف قعدته كدا 🦦💔بعد شويه احمد اتصل علي..
احمد: تاني يايسرا تااااني انتي م بتتعظي خالص🤣💦.
انا : عندك حل مفيد قولو، عاوز تطعمج م فاضيه ليك..
احمد : اتصل ليك مكالمه دوليه عشان اطعمج؟! +تفضي لي كيف من النوم انتي..
انا : اها حلك شنو سريع عندي لاب صباحي مهم شديد😭😭.
احمد : احساس بهمك وكدا لمن صاحيه ليه بدري المهم اسي في واحد من اصحابي حيجي يسوقك..
انا : خلاص خلي يجي سريع😭.
احمد: ح اقول ليه مايجي👋🏻.
انا : خلاص خلي يجي براحه🙂.
احمد : اي خليك محترمه كدا عشان م اكنسل المساعده..🤝🏻.
انا : مساعده شنو عليك الله وماسح بي الارض..
احمد : م عارف اقول ليك شنو انتي الجبتيهو لنفسك😂💔.
فضلته واقفه لحد ماجات عربيه خطيره قدامي م عرفتها شنو زاتي المهم دمااااار لمن بتتشاف طياره طياره ولا صاروخ م بعرف الباب فتح وجاتني نفس ريحه العطر الكان شرقتني لمن طقشت مؤتمن بس كزبت انفي وقلت م حيكون هو لحد ماطلع وأكد لي كنت عاوزه اجري قلت احمد مالقا ليهو زول يفضحني معاو غير دا؟؟! نزل كان لابس اسود في اسود عاكس مع لونو الفاتح ومع قوامو العجيب داك انا لمن اتلخبط،،وقف واتكا ع العربيه كدا وربع يدينو وقال لي اتوقعتك ح تتأخري اليله لكن ما للدرجه دي ومعاها ضحكه احييييي من الضحكه قربت اتمرمغ في التراب ونسيت الاب ونسيت اي حاجه،،،قال لي واقفه متسمره كدا مالك ع اساسا انك مستعجله،، كنت عاوزه اقول ليه واقفه بشوف في قدره الخالق في انه بجيب ناس ب السماحه دي لكن قلته ليه هو كله بسببك ماتقعد تتضاحك لي،، ما تتخلعو انا اكتر زول بعرف يمثل انه تقيل😹🔥
مؤتمن : طيب خلاص يلا اطلعي ورح عشان الزمن..
🔘حوقلو.. ♥️🌸..
