احبك كحب الرسول لعائشه ♥️ ✨ (16)
بقلم يسرا محي الدين يونس 💙 🖇️..
جرعتنا(الله لا اله الا هو الحي القيوم لا تأخذه سنه ولا نوم له مافي السماوات ومافي الارض من ذا الذي يشفع عنده الا بإذنه يعلم مابين ايديهم وماخلفهم ولا يحيطون بشئ من علمه الا بما شاء وسع كرسيه السماوات والارض ولايؤده حفظهما وهو العلي العظيم❤️).
انا : قمت قفلت الشبكه واتصلت لملاذ سريع سريع وقلته ليها مؤتمن قال عاوز رقمي..
ملاذ : اها ونا اعمل ليك شنو في اللحظه دي يايسرا؟! اجي اقطع راسك دا مالك م حافظه رقمك ولاشنو؟!..
انا : يعني اديهو ليه..
ملاذ : يدوك الكف ياخي م اساسا ح تديهو دا صاحب أحمد وليهم زمن يعني دا م شماسي في الشارع.. +اصلا م قعد يعاين للبنات م عارفه طلب رقمك كيف؟!..
انا : خلاص طيب يلا اقطعي..
فتحت النت ورديت لاحمد بخلاص طيب م عندي مشكله..
احمد : اها خلاص استخرتي؟! 🤣💔كان تردي الصباح..
انا : احمد يامسيخ..
احمد : مسيخه انتي دي اسمعي هنا ح اديهو الرقم لكن اوعك تجيبي سيره لي حرف قلته ليك عنه الفت الفتيتو ليك دا م يصلو عشان مؤتمن حيفتفتني انا زاتي.. 🤣👋🏻.
انا : الوداك تفت صحبك شنو؟!.. 🌞💦.
احمد : ياريتني ماشلت فيك حسنه وخليتك كافره م بتصلي..
انا : خلاص مابوريهو😂😂💔.
احمد : حقيقي نفسي اعرف الاقنعك ب الحجاب منو؟!.
انا : براي اقتنعته الحمدلله..
قعد شويتين كدا في رقم رسل لي مسج في الواتس مكتوب فيها" زات الحجاب🤍🌸".
قلته دي شنو الخفه دي مايصبر حبه اليله مابرد ليهو😂 ..قفلت النت وطلعت لانه العصر كان ازن صليت وسمعت ضيفه بره مع امي طلعت ضيفتها سلمت علي سمح شديد مع اني م بعرفها المهم ماقعدت اتونست معاهم لاني م بعرف لونسه الناس الكبار دي،رجعت غرفتي مسكت تلفوني لقيت مكالمه فائته عاوزه اشوفها من منو تاني رنه مع انه رقم غريب لكن رديت اصلا ماف زول قاعد يضرب لي غير ابوي😭😩💔 مسفوهه خالص...بس ابوي مكفيني والله❤️.
قلت الو جاني صوت رجولي خشن وماغريب علي سمعته قبل كدا بس الشي البعرفو انه دا ماحق ابوي😩😂..
الزول : كيفك يابت
انا : انت منو اول حاجه!؟ عشان اوريك كيفي..
الزول : انتي دايما في وضع اللماضه دا...
انا : حسيتو مؤتمن بس قلته ليه ماشايفه انت منو في جملتك دي..
الزول : معاك مؤتمن صاحب احمد..
انا : كان نفسي اقول ليه اي ياخ ماتقعد تجرجر لكن قلته ليه اهاااااا الطقشتني قبيل..
مؤتمن : اسمها اتطاقشنا، انا والله ماشفتك ياها دي انتي ووزنت عليك كدا وجيت طقشتك..
انا : وزنت عليك دي شنو مسدس انت🤣👋🏻.
مؤتمن : ما انتي اديتيني الاحساس دا..
انا : طب معليش انا كمان كان اسلوبي رف شويه..
مؤتمن : شويه؟؟؟!.. دا انتي هرشتيني عديل يابتت..
انا : ونت قصرت؟! ماهرشتني لكن اسلوبك كان ماحلو ابدا لمن فيهو نوع من الغرابه انا كفيف وبتاع..
مؤتمن : ماعلينا انسي😂بس انتي عارفه انا ممتن ليها جدا جدا الطقشه دي..
انا : ولي يعني🤣💔.
مؤتمن : عشان لو ماهي ماكنت قاعد اتكلم معاك اسي..
انا : ماعرفته طبعا ارد بشنو؟! لكن قلته ليه مستحيل امتن لي لطقشه😭😂💦.
مؤتمن : بتقري وين..
وريتو اني بقرا وين بقا يسألني بتقري شنو وكدا وتخصصك شنو بعديها قال لي ربنا يوفقك والله مجالك جميل شبهك..برضو ماعرفت ارد بشنو قلته خلاص الزمن دا بكون عرف اني م بعرف ارد للكلام السمح وتاني م حيقولو لي الحمدلله.. قال لي مانفسك تعرفي عني حاجه.. كنت عاوزه اقول ليهو بس سؤال واحد انت سمح كدا ليه؟؟؟؟ لكن نعلت الشيطان وقلته ليه لا م عاوزه اعرف حاجه😂😩💦.
مؤتمن : براحتك اصلا تحبي تصدي الناس.. المهم جر معاي في الونسه والاذان اذن قام قال لي معليش ماصح نتكلم والاذان شغال ف ح اقفل قلت ليه تمام وقفلت.. قلت ياربي يكون هو مهذب كدا ولا دي مكنه شيخ عاوز يركبها لي ويسوقني بيها🤣قلته ح اسأل منه احمد بس مشيت صليت اول حاجه وقعدته قريت لي شويه قران رنا اتصلت لي مع اني شاماها لكن رديت..
رنا : يسو جايه استشيرك حمودي..قاطعتها
انا : قبل ماتتم كلامها قلته ليها ماتطريهو لي..
رنا : يسرا انا محتاجاك بجد دا مازمن زعلك منو..
انا : اها خير عاوز يخطفك مش؟!..
رنا :😂😂💔، لا لا عازمني في اليخت بكره امش معاو ولا لا يخت في البحر..
انا : ياها خطفك زاتها م بعيده منها..
رنا : اها وريني؟!
انا : اوريك شنو يارنا؟!..
رنا : امش ولا لا😤.
انا : والله نفسي اقول ليك انتي ادرى زي حسن مع انه حركاتك دي كلها م عاجباني..
رنا : ماشاءالله اديتيني اجابه حلوه..
انا : حلوه انا يارنا.. بجد انتي اسي شايفه محمد دا زول كويس ب النسبه ليك..
رنا : بحبو يايسرا😔😔.
انا : اهمممم وعشان بتحبي ح تعملي كل البقولو ليك.. رنا : لا هو مديني الحريه الكافيه في اني ارفض او اقبل في اي حاجه بقولها لي..
انا : انا بس خوفي يطلع مابحبك.. معليش يعني بس دا خوفي الوحيد..
رنا : حرام عليك لي بتقولي كدا..
انا : عايني يارنا انا والله بقرا الناس من شوفتي ليهم محمدك دا زول علاقاتو سطحيه شديد حتى كان مرتبط مع كم بت في الجامعه دي عرفتي.. ف هو زول بقضي في زمنو وعاوز يستمتع بس دا مازول تحبي من اسي وريتك اقعدي مع نفسك وفكري..
رنا :انا ممكن اتفق معاك انه زول ماكويس عديل بس والله للاسف am stuck with him💔.
انا : يارنا حتى اذا هو زول ماكويس وحباك انا هنا ممكن شويه اقيف معاك ونخلي يصل بيتكم وتكملو ب الحلال بس وريتك انا خايفه من شنو؟! والحاجه دي م بعيده نهاي انا بعرف الاولاد ديل..
رنا : لي بتقولي كدا واذا طلع شاريني طيب..
انا : ح اقول ليك تلاته جمل وما ح ازيدهم.. (الشاريك بصل بيتكم).. فهمتي ولا اعيدها ليك..
رنا : يعني اسي اطرح ليه انه يجي البيت؟!..
انا : لا طبعا انتي غبيه!؟.
رنا : اها طيب اعمل شنو ياخ..
انا : تعرفي انه بحبك ولا لا دا المفروض تعمليهو..
رنا : ونا اعرف كيف؟!..
انا : م عارفه يارنا الحاجه دي مفتاحها عندك انتي م عندي.. اول شي لو بت بحبها وشاريها بجد م بطلب منها تمش معاو يخت ولا الزفت دا..
رنا : يعني م امشي..
انا : طوالي قفلته في وشها هي عويره ولاشنو.. جني وجن الاراقيز ديل💦💦.
فتحت الشات لقيت مؤتمن مرسل لي استفهامات؟؟!!!..
شايفه احمد متصل قلته كدا اسألو منو رسلت ليه..
انا : احكي لي عن صحبك دا..
احمد : افتكر اديتو رقمك خلي هو يحكي ليك..
انا : ح امش اقول ليه احمد قال انت بكاي..
احمد : الواحد مايتزفت يفتح خشمو يوريك اي حاجه..
انا : حتحكي لي عنه ولا كيف؟!..
احمد : يلا شوفتي اسلوبك التهديدي دا خلي ينفعك ونا مؤتمن زاتو ولاصحبي ولا اي حاجه مابعرفو انا..
انا : احمممد😭😭.
احمد : اي ابكي انتي برضو🤣👋🏻.
انا : 🥲🥲🥲💔.
احمد : عاوزه تعرفي شنو؟!
انا : زي مثلا ايمانياتو كيف؟! علاقته مع ربنا..
احمد : لي بديتي بدي😂😂.
انا : عشان قبيل مثل لي فيها انه شيخ وبتاع..
احمد : لا هنا دقستي مؤتمن دا اكتر واحد زول الله فينا يمكن شكله وحركاتو توحي ليك غير كدا بس هو زول دغري شديد والله بعدين لو مابخاف ربنا فاكراني ح اديهو رقمك؟!انتي كمان غاليه عندي زي ملاذ..
انا : م بعرف ارد على الكلام السمح..
احمد : ماف زول قال ليك تردي😂😂😂..
انا : يعني اسي هو زول كويس؟!
احمد : انتي عاوزه تصلي لشنو؟!..
انا : م بعرف عنه حاجه يخ..
احمد : مؤتمن عبد الناصر، خريج معمار، ماسك اعمال ابوه كلها ربنا يرحمو، زول بحب الشغل مازول عطله عشان كدا ابو استند عليه، عنده اخوان اتنين مؤمن و سحر وامه حيه ترزق ربنا يمد في عمرها..
انا : اتزكرته لمن هو سألني بكل ادب في الدنيا اذا عاوزه اعرف حاجه عنه ونا ابيت واسي احمد بوريني بعد زله طبعا..قلته ليه قرا معاك في نفس الجامعه؟!
احمد : اييك مع بعض من الثانوي وسبحان الله قرينا الجامعه برضو سوا، بعدين حاجه مؤتمن دا اكتر زول خاتي الرسول قدوتو في الحياه بقدس السنن جدا وبطبقها وحده وحده في اي حاجه بقول ليك الرسول كان بعمل كدا أو الرسول ماكان بعمل كدا يعني مؤتمن دا زول صح بلنسبه ليك اذا عاوزه تصاحبيهو يعني حينشلك من الفساد للصلح في ابهى صوره..
انا : شايفني فاسده اسي؟!..
احمد : لا والله ماشاءالله لمن محجبه😂🤝🏻لفتو حجابك ع فكره بس ماعارف باقي قله ادبك دي اتجاوزها ولا شنو؟!..
انا : احمد behave your selfلو سمحت🌞🔥.
استغفرالله العظيم واتوب اليه.. ♥️🌸
