احبك كحب الرسول لعائشه ♥️ ✨ (6)
بقلم يسرا محي الدين يونس 💙 🖇️..
حسناتنا(اذا جاء نصر الله والفتح🤍ورأيت الناس يدخلون في دين الله افواجا🤍فسبح بحمد ربك واستغفره انه كان توابا🤍)
رجعت البيت وحاشيت ياسر اننا أكلنا من دونو😹💦قالي خلي حسام الكلبه دا يصبر لي..عبدوش اتصل لي شفت مكالمتو بعدين اتزكرت انه قال لي ارجع ليهو رديت..
عبدالله : طمنيني ان شاء الله بس خطفوك ورتحنا منك..
انا : بكلمك من جوه بيتنا اسي وزول خطفني ماف هاك الاطمئنان دا🤣👋
عبدالله : طيب انا قلت شنو!؟
انا : والله نسيت ياعبدالله وعليك الله خلاص م تقعد تهرش فيني اليوم كله 😩😭.
عبدالله :😂😂😂انتي عشان م بتسمعي الكلام ف تستاهلي اي هرشه جاتك..
انا : سمح تاني بسمع الكلام..
عبدالله : بتتكلمي ساي لكن م بتسمعي انا عارفك ويلا اقطعي وشك عشان رصيدي وفي مزز راجني وكدا..
انا : يحليلهم المغشوشات😂💔.
عبدالله : ماعليك بيهم انتي كدا اعرفي اقطعي الزلط وقفل الخط قعدته اضحك بعديها ابوي اتصل لي انا م عرفت اقبل وين..
انا : ابوي السمح ازيك ياخي شوق من هنا للامارات
ابوي : بلا ابوك السمح بلا بتاع اصلا انا جاي اتشاكل معاك.(ابوي صحبي بطريقه رهيبه مابتصدقو بس انا خايفه ساي عشان غلطانه وكسلانه مفروض اطلع بدري) 😭😹💔.
انا : اي عارفه بس بغض النظر عن المشاكل الحاصله بيناتنا دي عاوزه اقوليك في نصها والله مشتاقين.
ابوي : حنكك بيش وع فكره امام م حيجيك تاني وحتمشي من البيت لحد الجامعه برجلينك.
انا : ابوي حنكك بيش دي جبتها من وين😂🤣💔.
ابوي : اي دي بس السمعتيها من كلامي كله صح.
انا : اي للأسف ونا اصلا اضاني واجعاني اليومين دي😔.
ابوي : ح اعيدو ليك تاني بس يعني المشكله وين..؟!
انا : ابوووي والله انا م بقدر علي المواصلات دي صعبه😭.
ابوي : الجاب سيره مواصلات منو اسي ود منو الح يديك قروش مواصلات اصلا.. قلته برجلينك يعني برجلينك وقفل الخط.
قلت خلاص شكلي كدا ح اخلي الجامعه لانها اصلا سفر عديل من البيت د شنو حنك رجلينك الشابكني بيهو دا..بعديها اتزكرت المرمطه البسويها لعمو امام والمشاكل الكتيره البتجيهو من وراي م قدرت اقول لنفسي تستاهلي لكن قلت ليها حاولي اتغيري بليييز وامرقينا من المحن دي😭قلته ياربي اسي اجهز لبسه لبكره ولا ماف داعي،تاني قمته جهزتها قلت ابطل بياخه كسل وعدم قرايه برضو امي نادتني مشيت ساعدتها وقلت ليها عليك الله حنكي لي الحاج في موضوع الترحيل طبعا ابوي م برفض ليها طلب فقلت استغل الفرصه دي.
امي : بره انا بره خالص من مواضيعك دي حليها براك..
انا : شكرا يا أمي..
امي : العفو وانجزي لي الشي القدامك دا سريع الحله حتحرق.
لحد المسا كدا اتصل على حسن سالني اها ابوك قاليك شنو حكيت ليهو قعد اطعمج فيني وقفل الخط ونا بقيت ممحنه قلت لصباح بتتحل اصلا د استهبال منهم وكلام م منطقي خالص..
الصباح قمت اول زول اظن في الدنيا دي كلها 😂🔥ادوشت ولبست وقعدته اقرا كمان، لمن الشمس فتحت حبه طلعت الشارع كان معاي شويه قروش م عارفاها بتوصلني ولا لا امي م سالتني وابوي م اتصل قلت م بسألهم كفايه اهانه كرامه لحد هنا..ونا واقفه كدا جات عربيه فيها ملاذ وأحمد شكله موديها الجامعه..
ملاذ : ما اتعرفنا يختي لاحقه شنو اليله بدري كدا عمو امام زاتو حيتخلع ويقسم بلح..
انا : بدري من عمرك، بس عمو امام م حيجي اصلا وقف مني هو، انا ماشه ب المواصلات..
ملاذ : ماشه بشنوووو🤣🔥.
انا : اظن كلامي كان واضح
احمد : تعالي ورح نوصلك اذا ماشه ب المواصلات
ملاذ : فتحت لي الباب وقالت لي تعالي يخوانا الله لاوراكم شماته ملاذ وضحكها وطعمجتها فيني لحد ما وصلنا😭🔥 أحمد زاتو شفته كان بضحك لكن مازي ملاذ..
ملاذ : ووين طرحتك يا السمحه 😂👏
انا :جوه الشنطه..
ملاذ : طلعيها والبسيها دي شنو حركات شفع الروضه دي يابت بطلي هبل.
انا : فتحت الشنطه عاوزه اطلعها (طبعا انا عادي بمش بدون طرحه).
أحمد : لا خليها هي كدا مرتاحه..
انا : اتغظته منه وقلت ليه ب الزبط كدا👍🏻.. وقفلت الشنطه ومشيت تاني جيت راجعه قلت ليه شكرا ليكم، ملاذ لسه بتضحك فيني م اشتغلت بيها خشيت الكلاس وكان فاضي اصلا ياجامعه مافيك الا انا الزمن بدري شديد، طلعت شيتاتي قلت اقرا حسيت راسي ضارب ف كسرت الحنك قلته لنفسي مالك في شنو؟! عارفاك عاوزه تبكي بس السبب شنو وريني؟! م لقيت اجابه قمت طلعت تلفوني رسلت لملاذ..
انا : اخوك د حيطول معاكم؟!
ملاذ : اي لانه نزل شغل هنا+اسي قاعدين نقطع فيك🤣👋
انا : اوف اوف مستحملنه كيف؟!.. وبلله م توقفو خليكم مواصلين محتاجه الحسنات دي انا.
ملاذ : يازوله مالك علي اخوي دا اسي احنا متصافين مع بعض وامورنا واضحه لكن حسام شاميهو ممكن تمشي تتفقي معاو😂💔
انا : المهم تاني م بجيكم لمن يسافر
ملاذ : ولي!؟.
انا : ماشوفتيهو امس طردني ولاشنو😒.
ملاذ : وع اساس انتي حتطردي من بيتكم🤣خوفتينا كلنا😂💔.
انا : ماحنك..
قفلت الشات جا الدكتور الامبارح يشيل حاجه من الكلاس قال لي ماشاءالله الهرش بجيب فايده..
انا : شكله كدا😂😂😂الدكتور طلع بعديها جاتني رنا مخلوعه..
رنا : يسرا م بصدقك ماشاءالله اظن اول يوم تجي بدري في حياتك، اها حنكتي ابوك طبعا وماسألك😂💔.
انا : اسكتي انا بتمرمط من اول امس في المشيه والجيه اهانه شديده شي ب مواصلات وشي بركب في عربيه الناس وغايتو الحمد لله 😔💔.
رنا : الناس منو🤣💔.
انا :ناس ملاذ..
رنا : اجي يا الزعلانه وناس ملاذ ديل مازي ناس بيتكم مافيها عوجه يعني..
انا : اي بس اخوهم الجديد دا ما كيوت😔💔.
رنا : 😂😂😂😂كيوت دي شنو هو بت لمن تقولي عليه كدا..
انا : المهم اسلوبو مستفز م قاعده احبو..
رنا : زي مثلا قاليك شنو؟!
انا : زي مثلا امس مشيت ليهم لمن جيت طالعه قال لي اتعلمي اداب الزياره شايف احسن ونا اصلا بعتبر الحاله وحده يعني ولايكون عشان اكلت في بيتهم 😩😭💔.
رنا : 😂😂م عشان اكلتي انتي اعترفي عملتي شنو؟!
انا : ولاشي🙁
رنا : يسررررررا😏وجرتها لي طويل😂💦.
انا : م خلاص يخ كنا بس بنهظر انا وحسام وهو كان براجع لملاذ وصوتنا كان عالي شويه كدا بس..😔
رنا : عرفته اصلك تافهه، ومشاغبه وصوتك عالي🤣🤣🤣💦.
انا : دي م مشكلتي اسي مشكلتي الحيرجعني بعدين منو؟!.. عبدوش زاتو اليله م شغال
رنا : يحليلك اسي لو كان عندك حمودي كان رجعك البيت😍(حمودي دا حبيبها طبعا)بس انتي اقعدي لي في عوارتك دي..
انا : ما شاء الله اديتني حل حلو وم ح احتار ابدا اني ارجع كيف بعدين😊😒.
رنا : خلاص حنوصلك لحد مكان المواصلات بس لازم تتعودي حبي..
لحد م دوامي خلص وبلملم في شتاتي عشان امش جاتني مكالمه من رقم غريب رديت الصوت م كان غريب علي قال لي اطلعي بره سريع استعجلي..
انا :هو انت منو اصلا..
أحمد :اطلعي سريع يابت مافاضي ليك انا والله،اي هو زاتو احمد علي اتعرفته ع صوتو اخيرا بعد الهرشه
انا : عايني يارنا الاسلوب ونا كنت مخلوعه اساسا سبب بخلي يجيني ماف لكن قلت اطلع اشوفو عاوز شنو؟!
رنا : مالك ودا منو م فاهمه..
انا : اخو ناس ملاذ المستفز🙂.
رنا :المصارع ابو عضلات🤣🔥ورح بمش معاك عاوزه اشوفو.
انا : اي خلي حمودي يعرف 😒💦مشيت وكلمه م فاضي ليك واقفه في حلقي الحنسو منو هو الله😤.
رنا:يسرا امشي براحه قومتي فينا الغبار
مشيت لقيتو قاعد بره مستنيني..
انا : م فاضي ليك دي قلتها انت ولا بتاع الكشك الجنبك دا.
أحمد :عاين لاتجاه بتاع الكشك ورجع عيونو لي وابتسم ب ببرود وقال لي انا القلتها..
انا : م بتزكر اني طلبته منك تجي..
احمد : م انتي طلبتي بس ملاذ معزباني ليها ساعه قالت الا قبل م امش ليها اغشاك بجاي لانه م عندك زول برجعك وأساسا انا م فاضي ليكم انتو الاتنين وراي شغل ف بلله اطلعي سرعه وخارجينا.. طلعت ورا وقفلت الباب عاينت ب الشباك لقيت رنا عامله كدا 🤤،تافهه جدا البت دي
انا : زفرت بضيق بعديها شلت نفس تاني..
أحمد : ماتطلعي الطرحه عشان ترتاحي
انا : م ممكن معاك واسلوبك الوقح دا..
احمد : وقح؟!
انا : ايوه شديد كمان..
احمد : م كدا والله بس انا بستغرب لمن اشوف زول برتاح وهو بعصي في ربنا..
انا : كلماتو دي وقعت ع قلبي زي الرصاص طرحتي كانت مرخيه شديتها وسكت بس حسيت بدموع في خدودي..
استغفر الله العظيم وأتوب إليه.. ♥️🌸
