احبک کحب الرسول لعائشه♥️✨(39)
بقلم يسرا محي الدين يونس💙🖇️..
حسناتنا(إن الذين قالو ربنا الله ثم استقاموا تتنزل عليهم الملائكه الاتخافوا ولا تحزنوا وابشروا بالجنه التي كنتم توعدون💛نحن اولياؤكم في الحياه الدنيا وفي الآخره ولكم فيها ماتشتهى انفسكم ولكم فيها ماتدعون💛نزلاً من غفور رحيم💛).
انا : والله م قصدي نسيت العين فاتحه كيف؟! وهي ولعت كيف اصلا؟!م كان جنبها في حاجه عشان تشبك فيها النار دي😭😭💔.
احمد : انا كنت بقول ملاذ بتاعت دراما لكن انتي كوين عديل..
انا : طلعت مكعب تلج من التلاجه وقلته ليه جيب يدك مشيت التلجه في الحته الحرقتو هي صغيره بس انا عارفه حرقه النار حاره.. رفعت راسي لقيت احمد بعاين لي وبتبسم..قلته ليه المفرح شنو؟!..
احمد : المفرح الخوف الشايفو في عيونك عشاني دا❤️.
انا : م تستاهل لكن اسوي شنو انت م عاوز تسعف نفسك ومسوي نفسك م اتحرقت..
احمد :😂😂انتي خايفه علي بس.. اصلا حرقه زي دي ولابركز معاها بعد شويتين ح تروح..وارح بعد كدا نجهز ونمش المطار عشان المسافه طويله لحد مانصل..
انا : يعني م حتوريني حنمش وين؟!..
أحمد : للاسف..
انا : حنك مفاجئاتك البيش دا..
احمد :😂😂😂😂😂.
احمد جهز الشنط ولحد بعد المغرب كدا طلعنا شايفاهو اتصل لصحبو قال لي تجي تستلم العربيه من المطار..
بعد عولاق مني وحنيس بعديها وراني اننا حنمش تايلاند💛🔥الرحله نصها كنت نايمه حتى الكونيكشن في اي دوله م كنت مجمعه واول م نركب الطياره برقد في كتف احمد وبنوم وصلنا جزيره في تايلاند اسمها فوكيت الجزيره اقل مايقال عنها جميله وجوها حلو شديد وصلنا الفندق حقنا الحاجزين فيهو ونا زي الهبله اول مره اشوف لي اماكن بالجمال دا والتنسيق والترتيب والنظام دا طبعا كل جناح فيهو كل مميزاتو وحاجاتو الخاصه حتى المسبح.. بعد وصلنا احمد قال لي حمد لله ع السلامه..
انا : ربنا يقبل حمدك ياداب الواحد يرتاح😩..
احمد : ترتاحي من شنو انتي اصلا نايمه الرحله كلها😂.
المهم برضو رقدت نمت صحيت الصباح ب اشعه الشمس طبعا عاد الحيطه من قزاز🤣💔،،بعد ان تخللت اشعه الشمس الي غرفتنا النرجسية ولامست اشعه الشمس جفوني الذهبيه استيقظت..(كيف بلله🤣👋🏻)اول مره اصحى قبليهو طبعا واشوف منظرو وهو نايم كان لافي يدو حولين رقبتي ف كنت قريبه منه شديد حواجبو الغزيره ولحيتو المرتبه وشعرو المفلفل كنت عاوزه امشي يدي في لحيتو كدا قام قال لي قولي ماشاء الله..
انا : هي بسم الله🤣💔..
احمد : فتح عيونو ولسه بين مغمضهم ومفتحهم شداني عليو قال لي صباح الخير..
انا : صباح النور..
أحمد : كنتي بتعملي في شنو؟!..
انا : كنت نايمه زي زيك..
احمد : كزابه كنتي سرحانه في وشي الشين د قبضتك..+في زول ماصلي الصبح اليله للان..
انا : اي والله نسيت لي م صحيتني..
احمد : صحيتك بس كنتي في غيبوبه عديل كدا..
انا : طيب ح اقوم اصلي اسي قمت اتوضيت وصليت بعديها الباب ضرب السيرفر جاب لينا الفطور.. احمد قال لي دي ازبط حاجه هنا عشان م نقعد نتشاكل الح يعمل الاكل فينا منو😂💔قلته ليه بلله طلعت دي مشكله يعني..قال لي ابدا انا بستمتع لمن اكون قاعد اطبخ ممكن تقولي من هواياتي الطبيخ لكن انتي اي حاجه اعملها بتقولي عاوزه تعملي زيها وكمان عاوزاها تكون نفس حقتي كمان🤣قلته ليه استناني شويه بس وح افوز عليك م تفرح كتير..قال لي صراحه بتتعلمي سرعه شايفك ماشاء الله..
قال لي ح نطلع بره نتفرج ع الحاجه الزابطه دي جهزي ملابسك وطلعي ليك ملابس ساتره بلله ماتشوفي لي الهنا المخشلعين ديل وتشيلك الهاشميه تتخشلعي أنتي زاتك..
انا :😂😂😂 م ح اتخشلع اطمن..
ملاذ اتصلت علي فيديو كول لمن رديت انفصمت فيني بكله قالت لي لمن سجلتك ب المفتريه الكعبه.. قلته ليها والله التلفون انا م شغاله بيه اساسا قالت لي م عشان م فاضيه اي اي وقعدت تغمز لي مشيت بعيد من احمد وقلته ليها كدا اهدئي ولمي عيونك ديل عليك اصلاً م حصلت اي حاجه..
ملاذ : نطرت لي عيونها كبااار قالت لي كيف.. يعني؟!..
انا : كدا🙂..
ملاذ : لا بجد انتي بتتكلمي جد يعني؟!والسبب شنو؟!منك ولا من احمد..
انا : مني انا🙂..
ملاذ : اي اصلاً انتي زفته م بستبعدها فيك اسي انا اقوم انط ليك بهناك ولا اعمل شنو ياربي..
انا : نطي والله مشتاقه ليك عديل😩..
ملاذ : كمان التافهه.. عايني د م موضوعي معاك م تشتاقي لي زاتو البشتاق بسأل.. موضوعي انك زمن انتي م قدر العرس م كان تعرسي واسي م بتشحتفي لي اخوي اكتر من كدا اسي خلي يرجعك بيتكم ساي ونعرس ليه وحده تانيه قادره علي العرس..
انا : لو هو برضى يعمل كدا طوالي😩م رافضه انا.. المهم ملاذ هرشتني جد جد وحشتني وصايا وسوي داك واعملي داك وتعملي الريحه الفلانيه وتلبسي الشي الفلاني قلته ليها الشافك يقول معرسه ليك عشره سنه بقيتي معلمه كدا متين🌚🔥😂💦قالت لي م شغلتك بي انتي وامشي اعملي القلتو ليك دا..مشيتها وقلته ليها خلاص تمام ياخ وتاني م تضربي لي عليك الله وشك الواحد دا تفت لي في الشاشه وقفلت😂💔اصلا هي م نصيحه..
مشيت لقيت احمد جاهز ومستنيني قال لي قربت امشي براي..قلته ليه ومالك م مشيت..
احمد : اسي ح اقوم امش وبحيرك خلي لماضتك دي واجهزي سرعه..
انا : لبست لي بنطلون واسع لونو سماوي معاه بلوزه لونها "دارك بلو"حلوه كدا وجايه مع البنطلون وكوزت طرحتي وطلعت..
أحمد : لازم بنطلون يعني..
انا : احسن من الردا حقك دا...
احمد : انا م محاسب لكن🤣💔بتقارني نفسك معاي ليه..طلعنا الجو كان مغيم وحلو والشوارع نابضه ب الحياه في ناس قاعدين يرقصو قلته ليه د شنو قال لي دي رقصه اسمها تانقو بعدين بعلمك ليها قلته ليه بتعرف قال لي آي المهم كان برقصوها بصوره حلوه الساحه فيها زي عشره كابلز وكل اتنين برقصو فيها.. احمد قال لي لو كنتي بتعرفي اسي کان رقصنا قلت ليه مستحيل برضو م كنت ح افضح نفسي دي رقصه ناس شفوت😂💔قال لي يعني كويس عارفه نفسك فاره ساي.. صريت ليو وشي ضحك فيني لمن يضحك انا بضحك طوالي طبعا لانه ضحكتو بتضحك😂💦😩قال لي خلاص نرجع بعد كدا نتم باقي الف دا بكره قلته ليه طيب..
رجعنا بعد ما اتغدينا قال لي ورح اعلمك الرقصه قلته لي سمح اغير ملابسي والبس ليها لبسه مريحه.. عندي ردا صغير كدا لبستو معاه قميص قصير عندو ربطه تحت،، طبعا القميص فوق شديد الصره م واصلها المهم ماعلينا قلت اكسر الحواجز حبه وابدا اتجدع.. اتعطرت ورفعت شعري فوق كعكه..طلعت بره الغرفه وجيت ماشه فيهو زي عارضات الازياء كدا🧚🏻♂️..
احمد : لا اله الا الله..
انا : مالك في شنو😂💦.
أحمد : انا م مسؤول من اي تصرف ح اتصرفو معاك بعد شويه وريتك من اسي..
انا : م بنكر اني كنت متوتره شويه لانه أصلا شكلي كان تافهه ومغري شديد.. قلته لي متفقين ع انك حتعلمني التانقو ولا التانغو دي..
أحمد : جا قريب مني وسحب البروش العامله بيهو الكعكه وشعري اتفك جا نازل ع وشي قال لي بلا تانقو ولاتانغو فلتذهب الي الجحيم..
انا : م تخرخر قلت ح تعلمني😩..
احمد : طيب ح اعلمك بطريقتي الخاصه كان واقف وراي جر الربطه بتاعت القميص واتفكت ونا بقيت في السهله وبعديها احمد بقا يتحرش بي عديل ياجماعه 😩قلته ليه د اسمه تحرش..
أحمد : سمي زي ماتسمي انا م مسؤول قلت ليك..
انا : م قدرت اقاومو قلت م ح اكون جبانه المره دي بس هو بقا يتحرش بصوره كعبه عديل😩😩..شالني مشي بي الغرفه و*جزء من النص مفقود*...اي مفقود أنا زاتي م لقيتو م تعاينو لي🦦🔥..
أحمد : حبيبي قومي الصلاه.. فتحت عيوني قال لي يا البكايه صباح الخير وبتبسم..
انا : لسه م استوعبت كويس بعديها اتزكرت امس حصل شنو ورجعت دخلت راسي تحت الفرش تاني..
احمد : قال لي قومي قومي ورح اتحمي واتوضي عشان زمن الصلاه مايفوت..
انا : طلعت راسي قلت ليه خلاص ممكن تطلع برا؟!..
احمد : ولشنو؟!وكدا دقيقه انتي منو ب ممكن دي؟!دي م يسرا نهاي.. مشى فتش ورا الستار وجا فتش تحت السرير رفع المخده شاف تحتها..
انا : بتفتش ع شنو انت؟!..
احمد : في وحده لميضه كدا اسمها يسرا لانه دي ماهي😂💔.
انا : ممكن تبطل ظرافه وتوريني عرض كتافك..
احمد : م محتاج اني اطلع انتي داسه شنو انا خلاص شفت اي حاجه..
انا : احمد ياخ😩😭..
احمد : ولا مالك م قادره تمشي؟!!..اشيلك؟!..لو م قادره ح اشيلك عادي..
انا : ياخ انت ماشغلتك بي امشي ولا احبى ولا اتدردق ح اصل الحمام بس انت اتكشح بره يخ😩😤.
أحمد : حمدلله ع السلامه اهو يسرا جات😂..
انا : احمد اطلع بره😭😭😭.
احمد : خلاص برضو قررتي تبكي طيب حاضر طالع طالع😂💔..
🔘سبحووووو..... ♥️🌸
