احبك كحب الرسول لعائشه ♥️ ✨ (5)
بقلم يسرا محي الدين يونس 💙 🖇️..
جرعتنا(ان هاذا القران يهدي للتي هي اقوم ويبشر المؤمنين الذين يعملون الصالحات ان لهم اجرا كبيرا💙وان الذين لا يؤمنو بالاخره اعتدنا لهم عذابا اليما💙ويدع الانسان بالشر دعاءه بالخير وكان الانسان عجولا💙).
خلصنا انا ومازن وقال لي بعدا هو حيطلع من الجامعه وعمو امام م جاني وم برد علي قلت ليه خلاص شكلو م حيجيني جد جد سجمي اليله.. ضحك فيني قال لي تستاهلي قلت ليه م بعرف ارجع براي😭😭.
مازن : عان البرلومه البكايه دي انحنا زاتو م عارف مصاحبنك لشنو؟!..
انا : حاربني هسي ماف زول جابرك🙂.
مازن : د بعد راجعت ليك مش ياوسخه😂💦.
انا : مازن بجد انا م بعرف ارجع البيت براي..
مازن : اتصل لعبدوش وقال ليه تعال سوق بت الروضه دي وديها معاك اليله السواق م حيجيها طبعا عارف عمايلها انت.
عبدالله : خلاص عندي موضوع اخلصو وبجي عليها زابط.
مازن : زابط بس م تتأخر لانها قاعده تبكي هسي😂💔.
انا : لويت لي خشمي وقلت ليه انقلع،م خايفه ابدا وحت لو عبدوش م جاني بعرف امش براي اقصد م بعرف لكن ح اطقش واعاافر لمن اصل ابدا م خايفه..
مازن : فديت المحاربه انا قرصني في جضومي وقال لي خليك هنا اسي عبدوش حيجيك ويلا معاك سلام،طبعا بعاملوني زي بتهم الصغيره😭😂💔ونا مبسوطه شديد بس مرات تنمرهم دا بكتلني🥲.
مازن مشا ونا قعدته فتحت فوني قلت انشغل حبه ع بال يجي التاني د كمان م طلعت مع مازن لانه عبدوش قريب مننا يعني بمش بنفس طريقي ومازن لا، المهم شغاله في تلفوني كدا في اَمان الله احس بزول جنبي رفعت راسي لقيتو الولد القيتو في الكافتريا تاني.. ووب قلبي طار من محلو، بقيت اعاين لي ب استغراب وعلامات الدهشه كلها نكرتها ومسحتها من وشي فضلت علامات انت مالك وبتعمل هنا شنو؟!
الولد : شايفك قاعده براك قلت اجي اونسك..
انا : اهممم، اتفضل..
الولد : انا الثياب مصطفى بقرا معمار م قاعد اجي بجاي كتير بس اليله جيت ولمحتك عجبتيني قلت اجي اتعرف عليك..
انا : شفت عبدوش جاي قلت ليه خلاص مع السلامه يلا انا حمش البيت..
الثياب : استغرب وقال لي خلاص هاك د رقمي خليو معاك واذا م فيها ازعاج ممكن ترني لي عشان اسيف رقمك.
انا : شلت الرقم ومشيت لعبدوش كنت متوتره اساسا من الموقف كله ومن عبدوش الفي وشي😂.
عبدالله : اها خلللط تقيل قلتي لي..
انا : م قلت ليك ودقيقه بشرح ليك بس نطلع..
عبدالله : ع فكره انا اليله م جيت بعربيه الحاج لانها عطلانه يعني حنمش ب المواصلات🕺🏻💔.
انا : لا ياخ احلللف..
عبدالله : معليش تكبري تنسي وقعد يضحك قال لي يوم م ركبتي مواصلات صح..
انا : م لدرجه دي بركب عادي بس م في الشمس دي كدا م بتتجازف والله كدا دقيقه اتصل لعمو امام دا تاني حلف لو يرد الراجل وبعديها تلفونو بقا يجيني مغلق.. 🥲🥲
عبدالله : اتوكلي ارح بس.
طبعا اتعولقته عولاق قلت نهاي م حقيف في الشمس وننتظر في الضل بس لحدي م المواصلات تجي وهي الناس في الشمس بتكابس حت بتلقا عبدوش قال لي بمش بخليك ونتي بيتي هنا زابط..ومشا قطع الزلط
عبدالله : يابت اجري يلا يلا.. عشان اقطع الزلط طبعا
انا : مشيت وقفت في نص الزلط قلت ليه ونت تطير تمش قدامي كدا وتقول لي (يلا يلا) م جاياك.. في عربيه جات دايره تطقشني عبدوش جا جاري جراني من شنتطي وقطعني الزلط..
عبدالله : يسرا لا اله الا الله حركات الشفع دي د م مكانها اصلا يابت انتي جنيتيشي دايره تفوتي بروحك لا حوله ولا قوه الا بلله انتي مصيبه مصيييييبه..
انا : عاوزه اتكلم.. قاطعني
عبدالله : هس ولا كلمه وامشي قدامي.. تمشي في الشمس تمشي في جهنم المهم تمشي ونتي ساكته..
انا : 🥲🥲🥲
عبدالله : القبيل لقيتو مترزع جنبك داك مالو؟!..
انا : بلعته الهرشه في حناني وحكيت ليو ب النص..
عبدالله : مش د المكسرك الصباح طلعتي قادره وجبتيو، ناس رنا بدو يأثرو فيك شكلو😂👋
انا : بلا قادره معاك والله من جا قعد جنبي م ارتحت ليو وزاتو طلع م سمح شديد يعني🐸💦
عبدالله : م ارتحتي ليو لي ضايقك؟!!!!!!..
انا : ابدا بس ساي كدا حت ملامح وشو بقت لي عاديه م زي الكنت شايفاها من بعيد..
عبدالله : اصلا الكراش م بقربو منو بس انتو م بتسمعو الكلام😂😂💔.
انا : يعني انت شايف انه اسي عادي ممكن ارسل ليو؟! انا مشيتو ساي بس..
عبدالله : والله يايسرا م عارف لاني اصلا م بعرفو بعدين والله حقيقه اقولها ليك الاولاد الشايفاهم عيني اسي ديل م منهم ضمان انا م بضمن ليك نفسي الا معاك انتي واخواتي بس🤣👋
انا : انت اصلا تافهه شديد م جبنا سيرتك هنا انجز لي في موضوعي..
عبدالله : طيب ممكن ترسلي ليو انتي اصلا لحد م تتخرجي حتتعرفي على ناس كتير أشكال والوان فيهم الكعب وفيهم الكويس بس انتي كيف تقدري تحافظي علي نفسك، تحافظي علي نفسك في انك تتعاملي معاهم بحدود وماتخلي زول يتجاوز حدودو عرفتي انتي البتحددي انه الناس تتعامل معاك كيف وب اي اسلوب انا اسي اي بت خاته حدودها م بتجاوزهم وبحترمها جدا والعايزه بتمو معاها..
انا : الله يهديك انت😂💦
لقينا مواصلات بتجي قريبه مننا وفيها مقعد واحد قال لي اركبي ومشا دفع لي جا قال لي دخلي تلفونك جوه وامسكي شنتطك كويس لمن تصلي اديني تلفون يلا مع السلامه..
انا : طيب مع السلامه..
وصلت ونزلت خشيت البيت مرهقه شديد وحاسه اني خضته معركه بدر المهم مشيت ادوشت ونمت للمسا كدا مشيت ع ناس ملاذ اقصد بيت العرس😂❤️
جيت خاشه لقيتها قاعده هي واحمد احمد براجع ليها
انا : شكلي جيت في الزمن الغلط..
ملاذ : غلط شنو يابت بختك معلومات مجان تعالي اقعدي معاي الاخ دكتور..
انا : ياحرام ياخ عروس وبتقرا قربت عليهم لقيتو انتومي ودي ابيخ حاجه في الحياه يلا.. قلت ليها معليش يقلبي.
أحمد : ومالو العرس بمنع القرايه يعني😂..
انا : لا م كده بس عشان م ممكن مع وشها الحلو دا ومفرهد كدا تقوم تهريها انتومي..
احمد : هي الطلبت مني ع فكره تحنس فيني من امس اراجع ليها.
انا : اديتها عين😒
ملاذ : ممتحناو يبت وم ناقشه شي اسبوعي الفات كله تميتو عرس وتفاهه.
انا : يلا خلاص م اقاطعكم وين حسكو ود قلبي..
ملاذ : حسام قاعد هناك مع امي امشي ليهم مع اني شايفه انك تقعدي تستفيدي احسن..
انا :عاينت لاحمد وقلت ليها معليش اصحابي م مقصرين مني والله..
ملاذ : امشي أن شاء الله تجي بروف الدفعه ياكوزه ياوسخه..
انا : ماشتغلت بيها ومشيت لناس حسام😂😂💔
أحمد : صحبتك دي مجنونه ع فكره.
ملاذ : هاك الذره🕺🏻اصلا م نصيحه الله يصبرني عليها.
حسام :البيت نوررر البيت ولعععع
انا : مولع بي ناسو ياسيدا😎🔥..
سلمت ع خالتو حنان وسالتني من امي وكدا..
حنان : طبعا يسرا وحسام من اتلميتو كدا حترمو البيت دا فوق راسنا اليله.. طبعا حسام د صحبي شديد فردتي لمن بهناك يادوبو ممتحن شهاده لكن زول اصلي خلاص مصاحباو اكتر من ملاذ.. 😂
حسام : استني في حاجه زابطه في التلاجه اديك تزبطيها لينا اصلك زباطه من ولدوك..
انا : الحنك واضح جدا لكن م دام طقه ح افصل وازبطها ليكم بس هي شنو😂💦
حسام : طلع لي منقه خدرا من التلاجه قال لي هاك قطعي المنقه دي..
انا : اصلا انا مقطعه المنقه انت بتقول في شنو🤣👋
حسام : هاك ياخ قطعيها ونا بزبط الدكوه بشطه..
انا : قدااااام.. بقولها بحماس انا، اها يامنتحر الحفر ماشي كيف!؟
حسام : خلينا في المنقه بشطه عليك الله مالك ومال الحفر انتي..
انا : دغته الدكوه قلت كب شطه تاني..
حسام : شطه شطه
انا : ياناس الخرطوم شطه شطه..
حسام :شطه شطه شطه
انا :ياناس امدر شطه شطه (والتحيه لامدر بعظمتها من هنا🔥)
حسام : شطه شطه شطه
انا:يا ناس الشهاده..
حسام : شطه شطه وبرقص طبعا😂🔥
انا :ياناس التخدير
حسام : شطه شطه..
ملاذ كوركت لينا من بره يسرا وحسام احمد قاليكم خفضو صوتكم م ممكن معاكم م قادرين نركز د شنو د ..
انا : د صوتنا الطبيعي ف معليش يقلبي م بتخفض الماعاجبو يطلع بره..
حسام : خووفتا والله خوفتا..🤭خايف اطلع بره انا زاتي..بعديها قال لي احمد د م نصيح اسي حيجي يلفها معاك
انا : يلا انت قايل شنو!؟ اصلا انا عاوزه الفها معاو🤣🔥.
طقينا ب مزااااج وخالتو حنان طلعت اصلا فضلت شويه كدا قلت ليهو نفضلها ليهم.
حسام : تفضلي شنو انتي عويره.. لكن دقيقه بس اجيب تلفوني اصورها عشان احاشي ملاذ وياسر بعدين.
انا : ياسر حيموت لانه بحب المنقه الخدرا..
حسام :حت لو بحبها يازوله ماف ليو
انا : والجماعه الطيبين واشرته ليهو ع جهه ناس ملاذ وأحمد
حسام : شوفي اي زول ماشاركنا في الحفله حقت الشي دا م معانا وبزات الازعجونا ديل الا يلحسو الصحن..
انا : 😂😂😂
بعد خلصنا غسلته الصحن ونضفنا المكان حسام قال لي اي اي نخفي أثار الجريمه 😂💔.
قلت لحسام هوي انا بعدا ماشه بيتنا..
حسام : اصبري لسه برضو في وسكي في التلاجه
انا : خلاص بس خليو للمره الجايه ياصحبي🤣👋
وجيت طالعه..
أحمد : انا شايف تمشي تقري اداب الزياره بكون احسن معاك🙂.
انا : الزياره دي لمن امشي بيت ناس لكن د بيتنا🙂وطلعت وقفلت الباب..
ملاذ : 😂😂😂😂😂
احمد : س اكتفي ب الصمت، انتي ياملاذ لو د م بيتنا وريني😂😭💔.
لاحوله ولاقوه الا بالله.. ♥️🌸
