احبك كحب الرسول لعائشه ♥️ ✨ (10)
بقلم يسرا محي الدين يونس 💙 🖇️..
حسناتنا(الذين كفرو وصدو عن سبيل الله اضل اعمالهم💛والذين آمنوا وعملوا الصالحات وآمنوا بما نزل على محمد وهو الحق من ربهم كفر عنهم سيئاتهم واصلح بالهم💛ذلك بأن الذين كفرو اتبعو الباطل والذين امنو اتبعو الحق من ربهم كذلك يضرب الله للناس امثالهم💛).
قمت تاني يوم ابدر من اليوم القبليو وجهزت وقعدته حارسه بتاع الترحيل خلاص اتأدبته يخوانا وماشاء الله جا في زمنو طق طلعت لقيتو ود ظريف ولطيف وزوقو حلو ولبسو حلو وانيق شديد قربته اقهي فيهو بس وعيت ع نفسي قام فتح لي الباب قال لي حتفضلي واقفه كدا كتير؟! اتفضلي يادكتوره..
انا : ابتسمت وقلت ليه شكرا وخشيت..
الولد : والله ابوك وصاني ع أني اديك احساس اني زول صارم وكدا واخوفك من رقبتي بس مابعرف امثل فاشل جدا في التمثيل..😂
انا : وليه يعني تمثل والجوطه دي كلها في شنو؟!
الولد : عشان عمايلك😂.
انا : ماشاءالله انا خلاص اتأكدته تماما انه للصراصير حيكون عارفين فضايحي..
الولد : قلتي شنو ماسمعتك؟!
انا : لا م قلته حاجه🙂
الولد : المهم معاك بسام عمر خريج هندسه ميكاترونكس لسه مالقيت شغل بشهادتي بس اسي شغال أعمال خاصه..
انا : اتشرفنا والله
بسام : ماتقولي طيب ومسكين والله يوم القيتك ماجاهزه بفحط بخليك طوالي..
انا : ياولد ماشايفني اسي طالعه بدري كيف، دي انا عامله كدا..
بسام : لا يغرني جمال البدايات!!!! 🙂
انا : عساااال والله عسل😂🔥
بسام : اصلا انا عسل😂.
انا : يحليلو عمي امام كان بشاكلني الطريق كله😭😂💔.
بسام : انتي السبب..
انا : اي بعترف😩😂💔.
المهم وصلني واليوم ديك كنت طالعه بدري قلت ليه مايتأخر قال لي يازوله انا كائن punctual بجيك في الزمن ماتخافي..
المهم مشيت لقيت الشله قاعده راجياني بس قلت ليهم يومي فل الصباح نتلاقا المسا قامو كسرو حنكي اي زول ب المسا بقبل قبلتو م فاضين لي نهاي ومازن دا بقا زي البهرب مني كدا😭😂💔المهم قلت ليهم شكيتكم لي الله.
عبدالله : انتي يابت ماعندك x ولا اي حاجه تحلنا منك..
انا : م عندي للاسف😭😂
عبدالله : لا جادي معاك لو في ورينا النرجعوهو ليك..
انا : ياجنا اقسم بالله ماعندي..
حسن : حبيبك الفي الروضه خلاص
انا : كمان ماف 😭يخوانا م تضغطو علي ح ابكي..
حسن : وكأنو جديد عليك البكا 🤣😂😭💔.
عبدالله : انا بجد مافاهم!!
انا : شنو هو المافاهمو؟!
عبدالله : بعد قله ادبك دي كلها انتي سنجل كيف يعني؟!
انا : يعني معترفين انكم قليليلن ادب يامهزئين؟!😂
عبدالله : انحنا خلينا انتي مالك م مرتبطه او م عاوزه ترتبطي؟!
انا : والله يا استاذ انا مشاعري دي غاليه جدا جدا وثمينه شديد م بقعد بكشحها في الماشي والغاشي محتفظه بيها للاصلي المابصدي🤣👋.
عبدالله : ودا منو الاصلي المابصدي؟!😂💔.
انا : دا البدق الباب وبطلبني من ابوي♥️🔥. خلاص فهمته ولا اشرح لسه..
حسن : قام صفق لي وقال لي دا شنو بقيتي بتشبهي الواعين كدا.. 😂
انا : اصلا انا واعيه انتو بس ماعارفين،ومحاضرتي خلاص بدت ودعتهم ومشيت اخر الدوام جاني بسام ورجعني البيت لمن جيت انزل قال لي خليك قدر كلامك القبيل بلله عشان م نختلف قلته ليه لا والله قدرو ان شاء الله اصلا اتعودته اقوم بدري..وصلت البيت كدا جاتني مكالمه شفت التلفون لقيتو مسجل ب راجل ملاذ♥️🔥والهو محمد قلته مالو كمان😂💔ملاذ هببت شنو؟! ..
انا : الو محمد ازيك
محمد : بخير الحمد لله اسمعيني عاوزك في خدمه صغيره..
انا : طوالي ياصحبي الحاصل!؟..
محمد : صحبتك دي خاشه ليها في نفسيات كدا ونا عارف عشان ممتحنه ومضغوطه حتى مالاقيه زمن تتكلم معاي فيه، ف بس عندي حاجات جبتها عاوزاك تفاجئيها بيها..
انا : تمام م عندي مشكله
محمد : طيب انا تحت تعالي شيليهم م عاوز اظهر ليها عشان تركز في قرايتها..
انا : عليك الله هي بدون ماتشوفك ماقاعده تركز😂💦..
محمد : هووي دي مرتي اعملي حسابك ما برضى..
انا : اتكرمشت مشاعريا وكتمتها في حناني وقلت ليه حاضر طيب م ح اهبشا ليك.. 😂❤️.
نزلت اداني كيس قدر الفيل ماعرفت فيو شنو وماشفتهم بس مشيت كدا وجيتو راجعه قلت ليه وين العموله يا اصلي..
محمد : يعني الا بمقابل دي صحبتك يابت😂.
انا : هوي م بعرف زول انا ادوني قروشي كمان عاملني بتاع توصيل..
محمد : قعد يضحك قال لي يسرا انتي والله بتاعت حركات..
انا : خلاص بس عشان دي اول مره الجايات بقروش خليك عارف.. ومشيت جاني فضول اعرف فيهو شنو لكن تاني كسرت الحنك قلته دي خصوصيات ماليش دعوه.. حت استغريته اني زوق شديد🤣،مشيت دقيت الباب فتح لي حسام بعد ماشفته وشو حتى اتزكرت كلام أحمد اني اتكلم مع حسام وكدا غايتو ظهايمر شديد،قلته ليهو المنفسنه دي وين قال قافله غرفتها عليها..مشيت دقيت ليها الباب م فتحت كوركت ليها ملاذ لوذ لوذه ميمي يفتح الله البت مافتحت قلت ليها مره محمد♥️🔊،كشك جات فتحت الباب الواطيه.. انا : الفهم شنو يعني؟! وكنتي عاوزاني اتسمر في الباب يعني ولاشنو اصلو الواحد مايشيل فيك حسنه المهم بهدلتها زين ولسه داسه الكيس وراي قلت اصلي مابوريها طوالي😂💔الا بعد أشاكلها..
ملاذ : ردت لي وعيونها واقعه بجد شكلها مرهقه قالت لي يشهد الله كنت نايمه وما سامعاك..
انا : ولمن قلت مره محمد فجأه كدا النوم طار صح وجيتي مفحطه..
ملاذ : اسي عليك الله شكلي دا شكل زول بفحط المهم والله كنت نايمه لكن شكلها هي الصحتني.. 😂
انا : اهمممم طب عامله ازاي؟!
ملاذ : انتي ممكن تخشي وتتفضلي عشان انا اوريك عامله ازاي؟! مشت رقدت في السرير قالت لي عامله زي الزفت والزفت احسن..
انا : شلت الكيس وكبيتو في السرير التاني وقلته ليها وكدا عامله ازاي؟!
ملاذ : قامت مخلوعه وبقت تعاين بزهول وكأنها م مصدقه محمد جاب الحاجات البتحبهم ملاذ كللهم اي حاجه بتحبها ملاذ كانت جوه الكيس حرفيااا،بقت تشيل فيهم وحده وحده وتقول لي دا العطر الانا بحبو ودا الشبس الانا بحبو ودي شكلاتي البحبها وهاكذا لحد ماكملت الكيس جات حضنتني قالت لي انا بحبك شديد🥺..
انا : دي ما انا الجبتهم لكن..
ملاذ : اها ومنو؟!😳.
انا : قعدته اتبسم ليها وقلت ليها دا سيد ريدك محمد..
ملاذ : محممممد🥺انا محظوظه ياخي😩 محظوظه بيهو بجد😩❤️
انا : اي محظوظه بجد لانك تستاهليهو حبيبي.. خليتها مبسوطه ومحمد نجح في تغير مودها.. ونا زاتي اتبسطت لانها اتبسطت، رجعت البيت لقيت ياسر قاعد يقرا قلت ليهو ماتخلي حسام يجي تراجعو سوا قال لي حسام د زولي في الطقات والطلعات اما في القرايه هو م قاعد يحبها وبضايق مني لمن اعصر عليو فيها فخليتو..
انا : خلاص طيب انا بقنعو انو يجيك واراجع ليكم سوا..
ياسر : ياسلام ع حسام الخليت يسرا انها تفكر تراجع لي..
انا : انت م تستاهل نهاي لكن م حنك..
ياسر : والله ماعرفت اخوك منو فينا🤣💔.
انا : حسام طبعا..
ياسر : وانا اخو الكديسه مش؟!.
انا : بس الله ينور عليك..
اتصلت لحسام قلته ليه قافله معاي لمن بهناك ورح نطلع..
حسام : والله خطفتيها من خشمي..
انا : خلاص يلا بس ابقا مارق..
حسام : اتجنصص ولا اطلع ساي..
انا : اطلع ساي عليك الله جنصصه شنو؟!😂💦.
حسام : ماقلته بكون جايبه معاك مزه من صحباتك ديل..
انا : صحباتي اكبر منك ياجنا..
حسام :والغالطك منو اصلا انا بتاع خالات..🤣🔥.
انا : حسام الله يهديك اسي بكسر حنك الطلعه م ناقصه لي منحرفين في حياتي..
حسام : نزلته انا واسي بدور في العربيه انتي اطلعي..
مشيت قلته لامي اني طالعه جيت افتح الباب ياسر قال لي ونا قاعد مزهريه في البيت دا مش؟! قلته ليه الله اكبر عليك ماشاءالله دايما اجاباتك صحيحه🤣👋ونزلت لقيت حسام راجيني فجأه قلته ليهو نسيت الطرحه جريت جبتها وجيت..
حسام : سبحان الله من بتين بتهمك اخرتينا ساي..
انا : بقت بتهمني انت ماشغلتك..
لا حوله ولا قوه الا بلله.. ♥️🌸
