احبك كحب الرسول لعائشه♥️✨(29)
بقلم يسرا محي الدين يونس 💙🖇️..
حسناتنا ياحلوين(اذا الشمس كورت🧡و اذا النجوم انكدرت🧡واذا الجبال سيرت🧡واذا العشار عطلت🧡واذا الوحوش حشرت🧡واذا البحار سجرت🧡واذا النفوس زوجت🧡).
بعد خلصت شيتي الفي يدي لبست عبايتي ومشيت بيت ناس ملاذ.. عيدته عليهم وخالتو حنان من شافتني قامت تزغرت قلته عشان العرس بتاع ملاذ😂قالت لي بري في احمد الاختارك يختي،،احمد دا من شده م عاجبني لو م كان اخو ملاذ كان عرستها ليهو والله😂💛.
حنان : ماتصدقي فرحته ليكم كيف لمن سمعت الكلام دا ملاذ لمن كملتني ماصدقتها الا لمن اتصل وكلمني هو،، المهم ربنا يتمم ليكم علي خير🤍..
انا : ان شاء الله يارب..
حنان : ونا اقول جياتك كتيره لملاذ كدا لي؟!..
انا : خالتو حنان يعني معناها اسي انا اقوم اطير ارجع بيتنا ولا شنو؟!..
حنان : لا م تطيري اصلا هو اسي ماف اقعدي ساي..
انا : الله يسامحكم والله انا زمان كنته بكرهو عديل لمن بجيكم😭😂💔.
جوني حسام وملاذ وخالتو حنان طلعت خلتنا قالت ماشه لامي..
حسام : امس قلتي لي غنجه بمزااااج بلجااابس ااااا وم فضلتي لاخوك ولا سيس..
انا : 🤣🤣🤣🤣🤣💔.
حسام : المره الجايه بشيل منها وريتكم بس..
ملاذ : هو شنو البتتكلمو عنو دا م فاهمه..
حسام : سر😒 يعني انتي اي شي الا يوروك..
ملاذ : سر في عينك كمان بقيتو تتساررو بره مني😭قوم زاتو م تقعد معانا احنا بنات..
حسام : ويعني شنو لو بنات؟!انا كمان بعدين ح اعرس بت واقعد معاها وين المشكله يعني..
انا : لازم تبهرنا بحاجه🤣🤣👋🏻.
ملاذ : لا انا استفيد شنو من كلامك دا؟!
حسام : يعني ممكن اقعد مع البنات في طريقه يعني، حتى لو ما اسي بعدين..
ملاذ : حسام بدون فلسفه منك طير من وشي😩💦.
انا : حسام مشى وقعدته اضحك في كلامه🤣..
ملاذ : انتي البتضحكي دي،سر شنو كمان..
انا : ماتتفعلي الموضوع بسيط شديد وحكيت ليها😂💔.
ملاذ : انتي عارفه انه احمد دا ماف يوم جاب لي ولا بسكويتايه ساي😭..
انا : م مشكله بكره ونا جايه من الجامعه ح اشتري ليك معاي البسكويتايه😂💔.
ملاذ : شكراً جزيلاً م عاوزه شي خليهو يصبر لي هو البعرف يشتري لمنو؟!
انا : انتي محمد مدينا فرقه نجيب ليك حاجه يابت،، عليك الله م تتكلمي ساي الكيس الجابو ليك انا الاستلمتو ف انتي شبعانه هدايه وحاجات زي دي ف قفلي يقفلو مخك..
ملاذ : زمان كنتي غاشاني ب انه م عندك حاجه لاحمد ليه؟!..
انا : عشان زمان م كان عندي ليو حاجه بجد.. مشاعري ماكانت تجاهو نهائي.
ملاذ : ومشاعرك حصل ليها شنو؟!..
انا : اتشقلبت وعملت هوبا فجأه🤣👋🏻.
ملاذ : يعني اسي بتحبي ؟!..
انا : بحب أُمه😤❤️،انتي عبيطه؟!..
ملاذ : خوفتيني🤣🔥ب المناسبه امه قبيل جاتنا😂..
انا : احنا كمان وصلتنا والله م قصرت💗..
ملاذ : عاجباني شديد عمتي دي لبسها حلو وهي زاتها ظريفه ياخ تقولي عمرها 20 سنه بس..
انا : والله ياملاذ بتحيرو انتو الناس م بحبو زوجات ابهاتهم م بعرف لي الا انتو الاسرتين متصالحين شديد..
ملاذ : م حصل شوفنا منها شي كعب، ولا يوم سمعتنا كلمه شينه ف انحنا م نحبها لي؟!..
انا : لا تحبوها والله اصلا "بتتحبا "هي وولدا..
ملاذ : ولدا؟!!!..واااي يايسرا لدرجه دي م مصدقه انا ومشاعرك حقت الطقه مشت وين؟!🤣👋🏻.
انا : قاعده بس ممكن تقولي أحمد جا ضايقها حبه كدا😂💦.
ملاذ : مضايقه لكن😂😂😂😂💔.
انا : دا كله م مهم بكرا زفافك بجد؟!!!.
ملاذ : لا رفعناهو لخامس يوم في العيد يعني بعد تلاته يوم المهم يوم الجمعه..
انا : يعني من يوم الجمعه تاني م ح اشوف وشك الشين دا😞.
ملاذ : للاسف الشديد🥲.
انا : ربنا يتم علي خير ان شاء الله❤️.
ملاذ : اها تجهيزاتك كيف وكيف؟!
انا : ولا شي يابت مبلوله بله السواد اول مره اتزنق كدا الكلاب لو شافوني ح يضحكو..
ملاذ : ومالك السبب شنو😂😂😂.
انا : سمستري دا كله قضيتو بمش متأخره يادكيت اليوم واسي بحصد في قله ادبي..
ملاذ : تستاهلي😂💔دقيقه في حاجه اجيبها ليك.. مشت وجات جابت لي كيس قالت لي هاك..
انا : دا شنو؟!..
ملاذ : شوفيهو براك..
انا : فتحتو لقيت جواهو في فستان لونو كحلي رهييييييب اول مره اشوف لي فستان ب الرهابه دي معمول ساندريلا بس بطريقه مختلفه ايوه فاري من تحت ومحزوم من النص بس بطريقه غير ومحترم يعني المهم الفستان درعه درعه شديد💙🔥.قلته ليها واااي دا جبتيهو من وين حلو كدا؟!..
ملاذ : جبتو من عيونك😍.
انا : هوي شغله السطاله دي ماتسويها فيني جبتي من وين سريع🤣👋🏻.
ملاذ : في السوق بس لقيتو عجبني واشتريتو ليك..
انا : مع اني يوم م شوفتا في اسواقنا دي حاجه زي دي ولا حتى دا م زوقك لكن صدقتك😂😭وحضنتها شديد❤️❤️❤️. انا : عان يامززز انا قلت الكلام دا عشان خالتو ريا ماعشانك يامحور الكون لو كنت فاكر كدا..
احمد : انا محور الكون دي حقيقه😂✅،اها ناس بيتكم شغلوها ليك طبعا..
انا : ما اديتهم فرصه مدسيه من الصباح قعد يضحك ياخي يحسسو الواحد انه عمل جريمه..
احمد : والضيوف اليله العيد يابت..
انا : احنا عيدناا هنا اصلا بايظ كدا بنتهي بعد الصلاه طوالي..
احمد : اها طمنيني اشتغلتي كيف في امتحاناتك العدت..
انا : انت شايف اني ح اشتغل كيف ونت مافي؟!..
احمد : كعب طبعا حتكوني شاغله بالك معاي..
انا : شاغله بالي معاك؟؟!! انا قلته كدا عشان ماف زول براجع لي؟! لكن شكلك كدا فاكر نفسك محور الكون جدجد..
احمد : مافاكر انا متأكد..
انا : من شنو؟!..
احمد : من اني محور كونك يايسرا♥️🔥.
انا : ثقه لكن؟!في كلام م حاصل🤣👋🏻.
احمد : اها ياخ من الآخر اشتغلتي كيف؟!..
انا : الحمدلله يعني م بطال..
احمد : طيب المره الجايه عاوز ممتاز تمام..
انا : حاضر ان شاء الله..
احمد : وحلاتي بتسمع الكلام..
انا : طيب يلا مع السلامه جعت زاتي..
احمد : اليله ابوك حيزنقك ف خليك معاي احسن🙂❤️.
انا : اخخ نسيت والله.. 😩🤣.
احمد : ماحتقعدي جعانه طبعا يلا امشي اصلا هم مشغلنها ليك ساي..
انا : م ماشه يخ اليله بثبت ليهم بس..
احمد : حتثبتي شنو يعني م فاهم..
انا : اني ممكن اقعد من دون غداء وما اموت يعني..
احمد :🤣🤣💔 المشكله خايف تموتي..
انا : طوالي قمت قفلت في وشو كمان التافه التاني..طلعت شيتاتي وبديت اقرا طبعا ناس بيتنا المحترمين ماف زول جا دعاني لاي وجبه من الوجبات😂😭 بعد شويه سمعت صوت ضيف برا وامي نادتني ف لبست توبي واضطريت اطلع.
حسام : مره ولددددددنا🔥..
انا : وين ياحسكو ياخ والله مشتاقين عديل..
حسام : بلله هو لمن لحقتي تشتاقي لي..
انا : كيف الكلام دا؟!..
حسام : ماشايفك مزحوووومه شي امتحانات وشي خطوبات وبتاع..
انا : اي والله في جوطه حاصله😂😂.
حسام :لا لا تتهني يارب ان شاء الله احلي خبر اسمعو والله ونتي تستاهلي كل خير❤️.."ياخ حسام دا زولي والله💛".
انا : ونت الخافيك شنو كمان؟! عرفت سببي انا..
حسام : والله لقيت الانتحار دا صعب عديل..
انا : ان شاء الله تتسهل عليك وبتجازفها انت دا ماخايفه عليك اصلو..
حسام : ان شاء الله تتجازف ياخ المهم هاك الكيس دا..
انا : عاينت ليهو بإستغراب حق شنو؟!..
حسام : اممممم بعد حك راسو كدا قال لي دي شيتات ملاذ قالت لي اجيبهم ليك وغمز لي..
انا : شيتات شنو كمان..
حسام : شيليهم شيليهم امش افتحيهم في غرفتك ح تعرفيهم وبضحك تاني غمز لي😉..
انا : قلت ياربي حسام مالو بغمز لي كمان مايكون جايب لي بنقو ابيعو🐸🍃 اصلاً الود دا بتاع فساد،المهم شلت الكيس وهو طوالي قال لينا في العافيه وطلع ونا مشيت علي غرفتي طوالي قفلت الباب وفتحت الكيس اصلا هو كبير لكن الجواهو شنو ماعارفه بس لقيت كرتونه ماشيتات طلعتها لقيتها بيتزا بتاعت خضار الانا بحبها وحاره كمان،ياخي عاوزه ابكي من الفرحه دا شنو دا😭😭😭❤️عيني لمحت ورقه صغيره في الكرتونه فتحتها لقيتها مكتوب فيها "اتغدى بيها عشان ماتموتي مابقدر اعيش بدونك❤️" وتحت موقعه ب احمد.
يداب فهمته لشنو حسام كان بغمز طقيتها بمزاااج بعديها رسلت ليو..
انا : محور كوني❤️.
احمد : اخيرا اعترفتي..
انا : بعد البيتزا دي لازم اعترف..
احمد : يعني الا ارشيك بعدين تعترفي؟!..
انا : بحبك اقسم بالله ماعارف كنته جعانه قدر شنو😭😭💟.
احمد : حاسي بيك❤🩹+كلمتك الاولي دي احلي حاجه اشوفها من الصباح بعد وشك❤️🤤.
انا : رسلت ليه استيكر😭😂💔🔪م محتاجين اشرح ليكم اعاقتي في الرد..
احمد : يلا امشي اقري ماف سبب نهائي بخليك تفشلي في الامتحان الجاي دا..
انا : ان شاء الله
احمد : ماعاوزه يشرحو ليك حاجه ياخ..
انا :عاوزني افشل شكلك؟!
احمد : لي انا علاقتي ب الفشل شنو😂💦؟!..
انا : احمد اقطع وشك خليني اقرا ب ادبي احسن..
احمد : ضحك وقفل..
🔘سَبِحو..........♥️🌸.
اها التلاته يوم جا عدو زي الصاروخ اصلا منتظرنهم بفارغ الصبر، بس انا كنت حزينه علي فراق ملاذ..
جا يوم الحفله والناس لبست واتجهزت كنت مع ملاذ في الكوفير بعد م اتمكيجنا ملاذ قالت لي حتسرحي شعرك كيف؟!..
انا : كيف يعني كيف؟!.. انا لابسه حجاب حجاااااب.
ملاذ : عارفه يعني بس اليله في مناسبه ممكن تقشري حبه..
انا : والله قشرتي ياها حجابي دا بس،،العجبو اهلا وسهلا الماعجبو هدي الحيطه قريبه ولا بعيده..
ملاذ : حتى وانا ماشه اخليك م حتخلي اسلوبك دا معاي😭😂💔💦.
انا : للاسف..
كنا انا وملاذ وصحباتها طبعا ماشاءالله صحبات ملاذ يسدو عين الشمس اي وحده ارهب من التانيه والشعور دي ماتديك الدرب، لو فكيت حقي ح انافسهم لكن انا م حابه اعمل كدا🐸🔪المهم امي وخالتو حنان جو لحقونا قال عاوزين يتصورو مع العروس😂😭خلاص قلنا حنمش الاستديو كلنا مع بعض امي لمن جات لقتني كنت شعري لاماهو وحده لسه م لبست حجابي..
امي : اها يايسرا حنقعد ننتظرك لمتين كمان انتي تسرحي شعرك دا؟!😒.
انا : ياماما ياحلوه نسيتي إني محجبه..
امي : انتي جاده يعني😳.
انا : وكيف ماجاده،امي انتي لسه م مركزه معاي كويس ولاشنو؟! انا من يوم لبستو م طلعتو تاني..
امي : عارفه داك لي الجامعه وكدا بس في الحفلات قايلاك حتقشري يعني اصلا هي مره مره..
انا : والله انا شايفه اني كدا قاشره عند ربنا هناك❤️ انتو منو؟!..
امي : بري خليناك يختي الله يثبتك😂.
ملاذ : والله قبل شويه حاولتها بس رفضت..
انا : يخوانا ماهو ماممكن انتو بتسألوني عن فرض اني ح اسويهو ولا لا كدا زي قاعدين تسألو فيني حتصلي الصبح ولا حتجليهو اكيد ح اصلي طبعا.. "الحجاب فرض لو ماعارفين".. طبعا بعد قلت كلامي دا البنات المعانا اتضايرو شديد وحسو نفسهم زي الكفار كفار كدا مع اني م قاصده زول والله😂😭🤣 حتى ملاذ العروس مع انها طلعت احلى عروس عيني تقع عليها في حياتي كلها كانت جميله شديد🤤❤️الفستان الابيض فيها كان حاجه م بتتوصف يابختو محمد❤️🔥. المهم مشينا اتصورنا ومن هناك علي الحفله احمد كان متابع معاي قربتو ولا لسه والحفله بدت ياخ ويجوط فيني كأنو انا المؤخراهم😭😂💦.
وصلنا قبل العرسان بعديها محمد وملاذ جو خاشين احلي كابلز فيك يا عاااالم ياخ حلوين مع بعض شديد ربنا يديمهم كدا طول العمر😭❤️.. في نص الحفله كدا احمد جا وقف لي في وشي كان لابس بدله كحليه ووووب علي الصلاه علي النبي🥵🔥 انا م لمحتو من بدايه الحفله لاني كنت مركزه مع الضيوف وملاذ، كنت وزيرتها الهبله دي😂المهم نرجع لاحمد الواقف في وشي كان حالق حلاقه كدا اول مره اشوفها شكلها م بتجي الا مع راسو هو حاجه كدا كشخه🔥والساعه الابسها حاجه كدا فنييطه وريحه عطرو ملت المكان،، ياخ انا مهما كتبت ليكم ما ح اقدر اوصف ليكم احمد دا كان هيبه قدر شنو؟!..
احمد :خلاص خلصتي تنيح فيني؟! عشان في حاجه ح ح اقولها لو لسه كلميني ح انتظرك..
انا : اتنح فيك لي؟! انت واقف قدامي اشوف وين يعني؟! اغمض عيوني؟!..
احمد : اي غمضي عيونك🤣.
انا :ابيت..
احمد : غمضيهم جادي معاك بعد خمس دقايق فتحيهم..
انا : ولشنو؟!..
🔘استغفرو........♥️🌸.
