احبك كحب الرسول لعائشه ♥️ ✨ (9)
بقلم يسرا محي الدين يونس 💙 🖇️..
جرعتنا(والنجم اذا هوى💗 ماضل صاحبكم وماغوى💗 وماينطق عن الهوي💗 ان هو الا وحي يوحى💗 علمه شديد القوى💗 ذو مرةٍ فاستوى💗).
احمد : انتي اتكلمتي عن النوايا اسي صح؟! والنيه دي بعرفها ربنا انتي م حتقدري تحكمي عادي يجي زول يصلي قدامكم لفتره طويله ونتو تحسوهو زي البقول ليكم شوفوني وهو في الحقيقه ماشغال بيكم اصلا وبالو مع ربه وبس في اللحظه ديك، النيه لازمه سيدا يايسرا انا في موضوع زي دا م بمسك في نوايا الناس انا هنا بشوف انا المفروض اعمل شنو المطلوب مني شنو زي مثلا ربنا سبحانه وتعالي قال في سوره النساء الايه 14(ومن يعص الله ورسوله ويتعد حدوده يدخله نارا خالدا فيها وله عذاب مهين).. ورسولنا قال في حديث رواه البخاري.."كل امتي يدخلون الجنة الا من أبى،قالو: يارسول الله ومن يأبى؟!قال:من اطاعني دخل الجنه ومن عصاني فقد أبي".
احمد : الكلام د واضح وما محتاج تفسير ع مااعتقد..
انا : طيب بحاول..
احمد : لي احاول دي!؟ وكأنو حاسه انك حتفشلي ايوه هو صعب انه زول يكون عندو روتين معين ماشي بيهو ويجي يكسرو فجأه،حتنجحي في الموضوع د ع حسب قوه نيتك كل ماكانت قويه كل ما توبتك كانت نصوحه طبعا التوبه النصوحه معناها انك ماترجع لذنب دا تاني..
انا : اوك ان شاء الله..
احمد : ابدي حبه حبه زي مثلا ختي الطرحة في راسك وغطي لينا شعرك الفرحانه بيهو دا بلله..
انا : اساسا اسي انا جوه العربيه ماف زول شايفني..
احمد : انا شايفك لفي الطرحه شالها..
انا : م بعرف اتكوز صراحه والله.. شالها كوزها لي بعديها بقا سرحان فيني شديد قال لي لو تعرفي نفسك قدر شنو حلوه ب الحجاب 😔♥️حتلصقي الطرحه دي في وشك للابد😂.
انا : يعني عاوزني اتحجب مثلا..
احمد : لا والله انا مالي دخل خالص انتي وربك، شوفي انتي عاوزه تعملي شنو واعمليهو وعمرك م تعملي حاجه عشان زول اعملي الحاجه عشان ربنا فرضها عليك او عشان خايفه منه مثلا لكن م تقولي ح اعمل كدا عشان فلان او لانك خايفه من فلان كدا حيروح هبائا منثورا وكأنك م عملتي ولا شي وخليك في عولاقك الاول..
انا : يعني اسي انا عولاق🌚؟!
احمد :😂😂عارفاني زول نصيحه طبعا.. الصراحه عولاق، طبعا انتي قايله نفسك اسي شفته ومقطعه المنقه ع قول حسام🤣💔ببناطلينك دي، بس والله لو تعرفي انه الشفت الجد جد دا هو الزول البضمن اخرتو قبل دنيتو لانو الدنيا زايله.. جري ميه خط تحت زايله دي وافهميها تمام بعديها اتخذي قراراتك في الحياه وامشي عليها دي كلها فتره بتاعت امتحان بس يايسرا..
انا : ح انوي طيب ب اذن الله..
احمد : اي انوي بس اهم شي تكون صافيه ومن جواك ربنا كمان ح يساعدك ويبعدك من المعاصي كلها..
انا : زي الاتأخرنا كدا..
احمد : اي مع انه الونسه معاك حلوه لكن نمشي..
انا : ونسه شنو؟!! دي كانت حصه ولا درس ماعارفه🤣 بس اجمل درس ان شاء الله ح استفيد منه💙.
احمد : ان شاء الله، اها خلاص كدا اتصاحبنا..
انا : لا لسه انت متقلب عادي بكره ترجع تشاكلني تاني..
احمد : اشاكلك كيف يعني والسبب شنو!؟
انا : بعرف ليك انا؟!
احمد : المشكله انك مانصيحه😂💔.
انا : طيب ح اصاحبك لكن تراجع لي الحاجات المابعرفهم كلهم.
احمد : عيوني ليك ع الاقل تشجعي معاك ملاذ..
انا : لا لا عيونك خليهم معاك راجع لي بس انت+انا م بفهم سرعه بعدين م تتراجع عن كلامك وخليك قدرو زابط..
احمد : زابط🤣💔.
رجعنا في الشارع لقينا بنات لابسين كيف كيف كدا ولا يسرا في الشفاعه🤣💦التعليقات كانت ماحلوه وهم فرحانات شديد احمد ماعاين ليهم لمن اتخطيناهم..
انا : بست بست.. (بشاغل في احمد😂)
احمد : م قبل علي وكان مركز في الطريق قال لي كمان بتشاغليني..
انا : بضحك فيك عشان في حاجه فاتتك🤣💦.
احمد : شنو هي..
انا : المكنات الاسي ديل
احمد : ومالي بيهم انا؟!
انا : اوبس نسيت انك شيخ زايد👳🏻♂️📿،😂💔.
احمد : م شيخ زايد ولا حاجه انا بس بعمل الحاجات الربنا امرني بيها وبمتنع عن المنعني عنها او بحاول يعني بقدر الامكان..
انا : ربنا يثبتك..
احمد : اللهم امين، وتاني حاجه لمن زول بنصحني م قاعد ازعل برضو وبتقبل النصيحه طوالي عشان بتفيدني..
انا : خلاص ياخ شيل طرف الصوت دا من ضهري فهمت انا.
احمد :😂😂😂💔
خلاص وصلنا قلت لاحمد ابوي دا لو مابقا طلاس بكره بتاع الترحيل ح يجيني وشكرا ليك ع اليومين ديل ماقصرت معاي.
احمد : العفو ياخ ولو دا الواجب.
رجعت البيت اتدوشت وصليت بعديها مسكت المصحف قلت اقرا سوره البقره بنيه التوبه وانه ربنا يهديني اتحجب وكدا واقلل زنوب من قطيعه ونميمه والحاجات دي كلها،اثناء ما انا بقرا جاتني مسج فتحتها لقيت فيها "الصلاه يا تائبه💙" انتبهت لقيت الاذان ب اذن بس استغربت هو عرف كيف اني قررته التوبه دي ولي في الزمن دا بزات قمت سألتو..
انا : عرفت كيف اني تائبه اسي لو كلامك داك م اثر فيني!!؟..
احمد : اثر فيك.. لأني قريت التوبه في عيونك قبيل..
انا : غريب يا احمد..
احمد : ماغريب الا الشيطان.
انا : والله نويت بجد، بس حاسه انه في حاجات م ح اقدر اخليها..
احمد : لي زي شنو مثلا..
انا : لبسي😔انا م بحب الفساتين والاسكيرتات دي نهاي😭.
احمد : علي فكره يعني الدين ماحدد ليك لبسه وحده الدين بقول انه الحاجه الابساها تكون واسعه وساتره اهم شي ماتظهر مفاصلك او مفاتنك معليش يعني بس لازم اقولها ليك..
انا : طيب يعني عادي البس بناطلين واسعه وما ضروري اشتري الاسكيراتات ولا الشي دي..
احمد : شوفي يايسرا البسه اذا لبستيها ووقفتي في المصلايه لقيتيها بتصليك اطلعي بيها طوالي لقيتيها م ينفع تصلي بيها طوالي اكسري حنكها وماتمشي بيها حتجيب ليك زنوب بس، والاسكيرتات دي ماهي خلاص الايمان🤣انا في وجهه نظري في اسكيرتات بشوف انه افضل منها البناطلين الواسعه،طبيعي مع ملاذ في شكله بموضوع الاسكيرتات والفساتين الضيقه والله ماحلوه زاتها انا ماعارف حاسين بشنو بتعجبكم؟!..
انا :اصلا م بحبهم ضيقين ولا واسعين..
احمد : لي انوثتك مشت وين🤣👋.
انا : م بعرف😹💔.
احمد : ب المناسبه يعني احنا عاوزنك في موضوع..
انا : عاوزني؟! وانتو ديل منو اصلا😂😂.
احمد : ناس البيت، ماناس بيتكم خلاص عاوزه تنكرينا.
انا : اها مالكم ان شاء الله خير😂.
احمد : والله يايسرا حسام م بقرا نهاي يعني ماشغال ب القرايه دي عديل وهو زول ممتحن المشكله راسو يابس م بسمع كلام زول وماعندو اخلاق لزول اصلا، ف فكرنا فيك انك تتكلمي معاو لانو الوحيده الفردتو وكدا.. احنا غلبنا بجد.
انا : حسكو يامغلبهم🤣عان لمن بشتكوك لي زي الحاجه الخطيره ياوزير الخارجيه🤣💔.
احمد : واي من جنك، عان انا بقول ليك في شنو ونتي في شنو!؟..
انا : خلاص سمح سمح ح اتكلم معاو😂👍🏻.
احمد : اوع تجيبي سيره زول مننا كلمك عشان حيقفلها منك انتي زاتك بقا كعب الولد دا..
انا : قربته اقول ليهو تربيتي🤣لكن قلته ليه لا لا بعرف اتسايس معاو ان شاء الله..
احمد : يعني ح تحاولي معاو.
انا : بِن هلدريم ميراكتمه.. (دع الامر لي ب التركي🤣).
احمد : خلاص زابط😂🤝🏻
انا : كنت م بطيقك لكن اسي زي البديت اتصالح معاك كدا..
احمد : وبتقوليها لي في وشي..
انا : اي م بعرف ادس زيك كدا🤣.
احمد : اها بكره بتاع الترحيل ح يجيك!؟...
انا : اي ابوي قال لي كدا امبارح بس م عارفه بجد حيجي ولا لا؟!!..
احمد : طيب عليك الله يابت الناس لو طلع ماجاييك بجد كلمينا من بدري عشان نستناك انا وملاذ وتمشي معانا بدل الدراما اليومي قاعدين تعملوها لي في الشارع دي..
انا : خلاص طيب🥲ومن جواي بقول ابوي الله وعملك..😭😂.
ابوي اتصل قلت بس لو كان طريت لي عشره مليار كان لقيتها..
ابوي : يابت يايسرا
انا : ياهلا ب الغلا..
ابوي : رايقه شكلك اليله.
انا : كيف ما اروق بعد شحطه المواصلات، لمن ماعندي حيل اشاكل.
ابوي : لا انتِ دايره تشاكلي منو؟!..
انا : مابتاع الترحيل دا🦦
ابوي : 😂😂😂.
ابوي : اسي كنت بتكلم معاو هاك سجلي رقمو وحددي ليهو الزمن الانتي بتطلعي فيهو حت لو الساعه ميه لكن تاني م تتلومي لي مع بتاع ترحيل والا ح اكون جادي في قراراتي معاك، قالها لي بصوره صارمه جدا خاليه من الضحك والهظار لمن خفته
استغفرالله العظيم واتوب اليه.. ♥️🌸
م تنسو تعملو فوت لأنو بيشجعني اكمل الرواية
