" *إنَّه الشيءُ المُتجددُ يوميًا داخلي ،الخليّةُ الأعمقُ فيَّ ،عُذري الوحيدُ في هذا العالمِ البائس ،بعضُه بعضي و كلِّي إليه* "💙
-يا بنت الناس إنتي هبلة بقول ليك وربي الإحساس البحس بيه اتجاهك بعييد عدييل
- ياااخ بطل كذب
- كذب؟!.. لا ما اتخيلت دي تطلع منك إنتي بالذات وانتي أكتر واحدة بتفهميني
- كُنتَ
- ولسة، خلينا ننسى الفات كلو ونبدا من جديد الحياة بدونك صعبة صعبة عديييل، أول بنت تدخل حياتي وتجبرني أغيّر حاجات كتيرة فيها ..
- ما قلت لي، خليتني أعرف براي وبطريقة سخيفة، خليتني أحس إني بدهس في كرامتي
- "وقفتَ قدامها وأنا بعاين في عيونها، وهي بتتهرب من نظراتي " تعالي هنا منو القال ليك إعترافك بمشاعرِك بكون دهس لكرامتك؟! الحصل بينا كان سوء تفاهم وخلاص ميسون حلتها
- أنا حذرتها ما تكلمك ياااخ، إحنا أصحاب بس وخلينا كدة
- "مسحت وشي بيدي وقلت ليها" : يا بت خلااص ، أنا وانتي يا رزان أصلا عمرنا ما كُنا أصحاب ولا حنكون، نحنا من ما اتخلقنا كان مكتوب لينا نتلاقى هنا وتكوني عُمُر جميل بالنسبة لي فااااهمة
- ياااخ ما عارفة
- لسة زعلانة مني؟عايزاني أراضيك كيف طيب؟
- في حاجات لما تتكسر جوانا يا علاء الكلام ما بكون كفيل يجبرها...
- أنا آسف على الحصل، وأصلاً ما كان ساهل علي على فكرة
- في النهاية ماف زول أجبرك إنت اخترت كدة بإرادتك صااح؟!
-بس أنا ندمت وكنت آخد موقف برضو وهسي وضَحت ليك ااي شي وانا ما بقدر أعيش بدونِك
-علاء أنااا ما عايزة اتكلم في الموضوع دا حالياً
- "اتأففت وقلت ليها ": رزان ما بتحبيني؟
-......
- دي آخر مرة حأسألك فيها، ما تسكتي أنا حأمشي وتاني ماف زول حيزعجك "عاينت ليها كانت لافة وشها مني بتعاين في الأرض وبتضرب الأرض براحة برجلها، زهجت وبإنكسااار قلت ليها :تمام، ومشيت من جنبها قبل أكمل خطوتين لقداام جات جاارية جرت يدي من معصمي وقفتَ والتفت عليها بغضب قلت ليها :مالِك مُش إنتي عايزاني أمشي خلاص فكي يدي ،بقت تضرب فيني ودموعها سايلة: إنتَ غبي يا علاء حتى لو ما اتكلمتَ مفروض تفهمني، هسي عيوني دي ما مكلماك ااي شي؟!
-ما بقرا عيون الناس انا افتحي خشمِك دا وقوليها
- بقولها بس ما هسي
- فطرتي إنتي الليلة؟
-لالا
- وراجية شنو؟
