" *بعضٌ من اللامبالاة ستكفي لأنساك وأدفن جميع ذكرياتك وأمضي، صدقاً لن يصعب علي وضعك أسفل قائمة الغُرباء إن أذيتني* "
*مُكالمة*
- لالا يااخ كدة موعد السفر قرب شديد ،كنت قايلة في طريقة أنزل جامعة وكدة
- ماف طريقة والله خلاص ، طيارتكم حتتحرك بعد إسبوع يوم الأحد
- طيب تمام
_قفلت لقيت شهد بتعاين لي بحُزن_
رزان :"حضنتها" يا حبيبي يا شهد ما تزعلي خلاص حصل خير
شهد :"زحت مني ودموعها مالية وشها" يا رزان ما تمشي ياااخ والله ما حأقدر أستحمل،البلد دي ما بتتجازف بدونك
رزان : انا زاتي ما نفسي أمشي بس أبوي يا شهد ،مشتاقة ليه والله ،ما مشكلة حأزورِك كتييير كتييير
شهد: طيب تمام، كلمي علاء الدين..
رزان : خليه يرد أول
شهد : معقول يكون متعمد ما يرد عليك؟! ما أظن يااخ حاولي تاني
رزان:"عاينت ليها مسااافة،وشلت التلفون إتصلت.. "مغلق!..
شهد: اهاا ما ردا؟!
رزان : مغلق
شهد: ح أتصل لحسن أسأله
رزان: ااه أكسري الحنك
شهد: دقايق
رزان: يااخ
شهد:اسكتي دقايق بس "اتصلت ...
_ الو
_ازيك يا حسن
_شهد يا شهد ،تمام إنتي كيفك
_كويسة ، ااا أسمعني ،علاء الدين معاك؟!
_ ااا لالا ليه؟
_ ماف شي بس تلفونه مقفول
_رزان معاك؟!...
_ااي انت عرفت كيف؟
_ عشان هي بس البتسأل عن علاء ما من عوايدك إنتي
_ اهاا ،طيب ما عارف أخباره
_ ااا والله كويس يا شهد قبل شوية كنت معاهو
_بالجد
_والله
_طيب تمام
_سلمي عليها ، رزااان
_طيب بااي
( طبعاً حسن ما قدر يكلم شهد إنو علاء الدين اتصاب في المُظاهرات ،وحالياً في المُستشفى ووضعه كعب، وهي ورزان أكيد حيفكرو إنو علاء ما بيرد قصداً....)
شهد: اااممم ،عايني يا رزان، أكيد هو مشغول أو حاصلة معاهو مشكلة اووو
رزان :سمعت المكالمة ،يا شهد العايزك دا وااضح وبصلك يا شهد،الظروف دي عذر بايخ...
