*كيف لكل تلك الأشياء البائسة أنْ تتلاشى بمُجرد أنْ يأتي منك،مرحبا؟🌻ثُمّ إني أحب أن أحيطك علمًا بإن:ضحكتك محفوظة بأقصى تجاويف قلبي
و إني أحافظ عليها كأعز تذكار لدي منك* ."🌻
#*لقائله*
شلت التلفون وضربت ليه وضربات قلبي كانت زاايدة مع كل رنة....
-الو
- ملاذ محمد خير
- مغالطنك في الإسم ولا شنو
- لأ بس مسجلك كدة
- بالجد؟ !
- ااي
- أممممم
- مشتاقين يا بت مشتاق ليك شديد
- كضاااب كضااااب
- والله العظيم
-اهاا لشنو قبيل ما قلت لي في وشي بتخجل ولا حاجة لا سمح الله
-هههه لالا هاا خفت عليك إنتي تخجلي وما تصدقي وتدوخي تجي واقعة من طولك
- ليه دا كلو
- ياااخ يا ملاذ لاقية ليك زول سمح كدة يشتاق ليك بكرة صومي عليك الله شكر لربنا
- ياااخي
- والله، أسمعيني
- اهاا
-قافلة التلفون لشنو؟ ياااخ أقسم بالله خفت تكون حاصلة معاكم حاجة لمن خليت أمي تضرب لأمك بس قالت كويسين
- دا مؤيد الكريه دا شالو مني ، قال إنتي ممتحنة والتلفون بضيع زمنك ووو هسي سارقاهو منو عشان أتصل ليك شفت بعاني كيف عشانك
- صااح كلامه داير مصلحتك، والله مؤيد دا أنا متكييف منه
- يعني من حقه يشيل تلفوني 🙄
- ااي
- يعني كدا كويس معاك؟ انت أصلا ما صدقت داير تتخلص مني ارتحت صااح
-ااي ارتحت، ياااخ إنتي هبلة أنا بقول ليك الدنيا اتقلبت في وشي لما لقيت تلفونك مقفول
- كضاب
- والله والله العظيم، أكذب لشنو
- امممم
-أخبار ميسون شنو بلاي
- يا الله أنا نسيت ما ضربت ليها، تتخيل يا حذيفة وقعت من السلم وكانت حتكسر رجلها
- ألف سلامة ياااخ كيف هي حاليا؟
-ما عارفة والله ، بس مفكرة أمش ليها بكرة
- طيب، حاليا تمشي ترجعي التلفون دا قبل ما يجي مؤيد ويزعل منك وحاولي تقري شوية وإذا نعسانة ما تضغطي على روحك نومي طوالي، بكرة بعد تطلعي من المدرسة حأجي أوديك لميسون ، تمام
