" *فلتضحكي يا حُبي أنا حتماً أتعافى بسعادة حضرتِك يا مالِكة قلبي* " ❤️
عند عادل::
كان قاعد في المكتب لابس بنطلون أسود وقميص أبيض، ومعلق الجاكت على الكرسي وبلف بيه،لابس ساعة فضية خاتي ايدو على خده،كان شارد بعيييد،،، بتذكر تفاصيل الصباح في البيت، صحى بدري صلى الصبح وصحى ميسون تصلي بس كانت بتجر البطانية ورافضة تقوم،وهو يجر طرف البطانية ويكورك ،بس ما صحت، مشى استحمى وجهز نفسه عشان يطلع للشغل، الشمس طلعت وميسون ما صحت، عاين ليها بغضب هزّ راسه ومشى فتح الشباك وربط الستار خلى اشعة الشمس تصل لوشها وقال ليها: نومي بعد كدة، شالت المخدة ختتها في وشها بس من غير فايدة خلاص النوم طار، قامت قعدت في نص السرير عاينت ليه كان واقف وراجيها تقوم، كشرت ليه وشها
- "عاين ليها وكان مدخل يديه في جيوب البنطلون"بسم الله الرحمن الرحيم، ياااخ الدنيا صباح افردي وشك
- عايز تشوف ابتسامتي يعني
- ما قلت كدة انا
- هسي طيرت النوم من عيني استفدت شنو
- بطلي نضمي ياااخ، قومي زمن الصلاة راح
- قايمة ياااخ دا شنو دا " قامت عاينت تحت السرير بتفتش شبشبها وقفت لبسته ولسة مكشرة جات ماشة جنبي حمرت لي وانا زاتي بادلتها بنفس النظرة مشت من جنبي خطوتين لفيت وجريتها من معصمها وقفَت وغمضت عيونها ،قلت ليها: " صباح الخير
- طوالي فصلت وخلتني اشوف ابتسامتها الجميلة الممزوجة بالخجل، ما عاينت في عيوني تاني، فكت يدها مني وقالت لي: ما حا ارد عليييك "دخلت الحمام وقفلت الباب بقوة، اتخلعت وقلت :الحمدلله بس، ربنا يصبرني عايش مع طفلة أنا، وانا بلبس في الساعة وخلاص طالع فتحت الباب وفرشة الأسنان في يدها قالت لي: عادل صباح النوووور، بقيت بعاين ليها لا عرفت اضحك ولا اعمل حاجة، ابتسمت لي بطريقة غريبة وهي مغمضة عيونها لوحت لي بيدها وقالت لي: خلاص امش انت اتأخرت وخلي لي بالك من نفسك ورجعت قفلت الباب تاني، طلعت ومن الحماس الشاي ما شربته، سلمت على أبوي وبست امي في راسها وطلعت طوالي، طول الطريق كان وش ميسون بترسم قدامي وضحكتها ،انا سايق وبضحك براي زي المجنون، انتبهت على نفسي ، اتسائلت. :
(عادل قول بسم الله، مالك يا زول، الحاصل ليك شنوو؟ معقولة انا بفكر فيها للدرجة دي! هسي كنت معاها طيب معقولة مشتاق ليها،لالا ياااخ دا شنو البحصل معاي دا،،،،،،وصلت المكتب علقت الجاكت على الكرسي، وقعدت الف بالكرسي، الحاصل شنو؟ انا عندي اجتماع مهم ولازم اركز انا لازم اربح العقد مع شركة(...)،اذا نجحت في المشروع دا حياتنا حتتغير شديد، وعندي احلام كتيرة احققها، اولها افتش اسرة حسام، وأملكهم البيت المسجل باسمه واخلي ليهم اسهم في الشركة برضو، في النهاية دا حق ولدهم، وربنا بسالني، تاني حأبني روضة اطفال ، واسجلها باسم ميسون، عشان شغل حسام وتعبه، كله كان عشانها هي وعشان يسعدها ،انا من ناحيتي واثق ما ح اقصر معاها بس إذا في يوم بقيت ماف، أو اتخلت عني لالا ياااخ ما بقدر اتحمل الفكرة بتخوف
