*من أين لكَ كل تلك السِعة حينما أن كل الأرض لا تسعني وأنت تكفيني ؟ * 🖤.
" *عودة إلى الحاضر* "
___دق دق دق"صوت الباب صحاني من سفر الأفكار العميق دا مسحت دموعي وطلعت فتحت الباب لقيتهم أمي وملاذ،عاينت ليهم وجريت ضميت امي بقوة" __
-أميييي
- حبيبتي كيفك،ان شاء الله بقيتي كويسة
-شكلها كويسة يا أمي ااه ياااني على الكشخة يختيي " بقت تعاين لي وتتعاور، قرصتها في خدها وجريتها على حضني"
- اااخ منكم يا مواسير تاني ما بصدقكم أنا ،وحاليا ما مصدقة انكم جيتو ...
- بطلي كلام كتير ما نفسك تفضلينا على بيتك
- معليش نسيت، اتفضلو نورتوني 😂"دخلنا"....
عند علاء الدين::
الدوام خلص اتصلت لميسون قالت لي: انا خلصت بدري ورجعت البيت... قفلت منها اتصلت لعادل تلفونه مقفول، قلت خلاص امش بالمواصلات.
وانا طالع في البوابة لاقوني محمد وحسن ،محمد قال لي: ورح نشرب قهوة وبعدها أوصلك
علاء الدين: ما أعمل ليك جر هوا سااي يا زول انت طريقك بعيد مني
محمد:ااي بعيد بس اصلا انا ماشي على حلتكم الليلة امي مرسلاني لخالتي ساكنة جنبكم
علاء الدين: يا زول ظااابط "ارح"
(قعدنا في الجبنة اتونسنا ومحمد وعدني يجي يقرا معاي نسبة لانو أهملنا شديد الفترة الماضية وإمتحانات الفاينل قربت وانا حاسي نفسي بقيت ببعد من كلمة بروف يمكن بسبب الأزمة النفسية الماري بيها، حسن دا اصلا مهمل وما عندو للقراية حاجة بس بفآجأنا بمعدلات عالية، ومحمد وصحبته المصرية حفارين حتى في البريك تلقاهم بقرو...المهم حسن مشى بيتهم وانا ومحمد قعدنا شوية وبعدها وصلني البيت ومشى ...
" *مهلا أين رزان من كل هذا* "
" بعد موقف العربية الحصل ! مشيت الجامعة تاني يوم وفكرت أسأل رزان_دا منو اللي على صوته عليها بالطريقة دي؟وعلاقته بيها شنووو ووو اسئلة كتيرة خلتني شارد اليوم كلو وما فاهم شي أنا ليه بعمل في نفسي كدا؟ أو بالاصح علاقتي بيها شنو؟ حاااارق دمي ليه؟ اتشجعت وقلت حأسألها عشان بس أرتاح، لقيت شهد وشيماء سلمت عليهم وسألتهم عن رزان قالو ما جات وتلفونها مقفول من أمبارح ومن هنا أنا خلاااص قربت أجن من التفكير والخوف ،مشاعر ملخبطة شديد، رجعت البيت طوالي اليوم داك وما حضرت باقي المحاضرات "إهمااال"📌...وما أكلت شي لحدي اليوم انتهى اليوم التاني جاتني لفة راس ما بقدر اقوم من السرير المهم فحصت طلعت ملاريا، حمى تسد النفس من أي شي،وما قادر اتصل لرزان رغم إني مشتاق ليها وصليبي طالع زعلان منها شديد وما فاهم لشنو؟وبعدين هي لشنو ما فقدتني ولا اتصلت تسأل عن سبب غيابي!... متسطح على السرير وأمي وميسون ميتين من الخوف، تاني باقي الأسبوع كلو ما مشيت الجامعة لحدي بقيت كويس الليلة ف محمد حيجي يشرح لي الفاتني...
