🌸 *الأحداث الحالية* 🌸
عند ملاذ::
_ أخيراً قدرنا نجيب التصديق ،ميسون حتفرح شديد
_ اااي ، لكن بعد روحنا طلعت ياااخ
_ فعلاااااً المسافة تهد الحيل
_ "وقف فجأة قدام كفتيريا" ااا تشربي حاجة ؟
_ لأ الوقت اتأخر أحسن نمشي
_ جادة؟ احسن ليك ،المشوار كان طويل وبتكوني عطشتي
_ لالا عادي ،أرح
_ طيب
___مسااافة صمت___
_ قطعو قلبي الأطفال هناك
_ ربنا كريم عليهم
_ ااي
عدنان كان هادئ جداً ، وشكله إنسان طيب ،وحسيت بالأمان معاهو من كلام ميسون الكتير عنه ومدحها ليهُ، طول الطريق كنت بتكلم أنا وهو بيكتفي بإنه يجاوب على قدر السؤال وهو بيعاين في الأرض ، وصلني لحدي موقف المواصلات ،ركبت الحافلة ودفع لي رغم إني رفضت بس ما اشتغل بي كتير ، دفع للسواق ومدا لي أوراق التصديق قال لي : خليها مع ميسون، قلت ليه: طيب ،لوح لي بيده ومشى...
الجو كان حار والزحمة تخنق، تلفوني رنّ ، طلعته من الشنطة كان رقم غريب رديت :-
_ الو
_ لوُلا
_ علاء الدين كيفك ياااخ
_ كويس والله الحمد لله، انتي كيفِك والجامعة وياك
_ الحمدلله كلو تمام
_ الحمدلله
_ غيرت رقمك متين
_ أصلاً عندي رقمين
_ اهااا ،واتذكرتني من وين الليلة ؟ ومالك بقيت ما بتزورنا
_ بالنية بس مضغوط والله ، أسمعيني عايز منك خدمة يا زولتي
_ أصلاً بتعرفني لما تحتاج لي بسس😂
_ ياااخ معقولة؟ أسمعيني متذكرة البوسترات الكنتي بتعمليها لي زماان بخطِك السمح داك ؟!
_ ااي ،بتاعة البلاوي دي
_ عايزِك تعملي لي زيها تاني
_ علاء
_ ااي
_ خير ! بتفكر في شنو تاني؟ نحنا مش اتفقنا تنسى المُظاهرات والهبل دة
_ ياااخ أنا ما بكلم زول غيرك وثقت فيك إنتي بس وما عايزة تقيفي معاي؟ أنا لازم أنظم حركة ثورية جديدة سكوت الجبناء دة بحرق روحي ،حتساعديني ولا لأ؟
_ اممممم ، عاين يا سيد متهور أنا حالياً في المواصلات لما أصل البيت برجع ليك ونتفاهم طيب؟
