" *حتي في سقوطي أو هزيمتي ستبهرك إبتسامتي وعدم اهتمامي للأمر مهما كنت أتألم، انا ياصديقي اعتدت القوة لدرجة نسيت معها الإنحناء*.."💙
#لكاتِبه
🌸( *بعد مرور ثلاث أشهر* )🌸
"أمام بوابة إحدى المدارس الثانوية بالعاصمة"
مآب كانت واقفة بتتكلم مع لين "اتذكرتوهم؟"
-وااي يا مآب ما مصدقة خلصنا، ايوووي آخر إمتحان زي العسل
- "مآب سرحت شوية وقالت ليها" :إمتحان يشبه ضحكته
-احيي من حذيفة
- ممكن ما تنطقي إسمه على لسانك
-معليش 😂
في الأثناء دي انا طلعت وسمعتهم كنت واقفة بعاين ليهم وشبه مبسوطة إنتبهو لوجودي...
لين : "جات حضنتني" ملاااذ إشتغلتي كيف طمنيني
ملاذ: الحمدلله، غايتو بمر وانتو
ماب: ههه حلوة بَمُر دي، "جات ختت يدها في كتفي" يا بت الامتحان ساهل ما مستاهل والله، إنتي ما بتذاكري ولا شنو؟
لين: إن شاء الله نجيب درجات حلوة كُلنا
ملاذ: "ما ركزت مع لين كتير، عاينت لمآب اصلاً كلامها طبيعي برفع ضغطي، هو من ناحية حقيقي بس ما بتعرف تقوله بطريقة ظريفة" بذاكر بس ما انا اشتغلت
لين: ورح يا بنات نطلع مشوار بمناسبة انتهاء العام الحافل بالإرهاق دا...
ملاذ: فكرة حلوة بس أكلم أمي
مآب: ما شافعة إنتي عشان تكلميها اذا طالعة ااي حتة، ما معقول يا بت متين حتبقي عندك شخصية وتبني قراراتك بنفسك؟!
ملاذ: " رفعت ليها حاجبي وقلت ليها" يااااخي، نظام الطلعة من غير علم الأهل بتخليك كبيرة ومكنة؟! غلطانة والله
مآب : ما قصدي كدة روقي يا بيبي، بس نحنا كبرنا على الحاجات دي صااح
ملاذ : يمكن دة عندك بس انا ما بقدر أطلع من غير علمهم
لين :" بتتغاظ من نقاشاتي أنا ومآب، وبتحاول تنسينا الموضوع،عشان ما يكبر وتنجبر تنحاز لطرف واحد " عاينو في حلواني جديد في شارع (..) رايكم شنو نمش نجرب باسطتهم، بعدين المكان قريب ما حياخد مننا وقت
ملاذ: ظابط، ممكن أتصل لأمي من جوالك؟
لين:" مدته لي" طواالي اتفضلي
مآب: طيب أمشو إنتو إذا متحمسين كدة
لين: وانتي ما ح تمشي ولا شنو؟
مآب: أنا عندي ديت 😌
لين:وزعينا كويييس، إن شاء الله يضوي ليك
