" *ليتَ الأحزان جميعها تزول وتختفي ، لقد مللنا أجواء الكآبة، هل مللتم* ؟!..."
عند ميسون::
أنا وملاذ دخلنا للدكتور وهو إستقبلنا بطريقة ظريفة ومحترمة،قعدنا وبديت أسأله عن وضع علاء الدين، كلمني إنه الإصابة عميقة شوية ،رغم نجاح العملية إلا إنو دخل في غيبوبة وما قدرنا نحدد السبب بالضبط، بس ساعيين في دكتور إسمه "حسين العركي" إتصلت عليه وحيجي يتابع حالته ما تخافو بس ودعواتكم ليهو..
انا حرفياً بديت أخاف ، شايلة هم عميييق حيال قومة علاء ورجوعو زي أول ويقيف قدامي ويهظر معاااي ،لازم يصحى لازم البيت ما بيتجازف بدونه ،وأمي أمش اقول ليها كيف ،وحالياً هي فاكرة إنه دي نومة خفيفة بعد العملية وراجياهو يصحى وتسمع صوته!.. وعادل ما باين ح أجن....
عند رزان::
شهد رجعت بدري كانت جايبة لي معاها شوكولاتة "كِت كات" فرحت شديد وبقيت أكل وانطط وانا خشمي ملان بقول ليها: وااي يا شهد عرفتي كيف إنو نفسي فيها ؟
_ بالإحساس يا بيبي
_ لأ دا منتهى الإحساس بقى
قالت وهي بتلم في شعرها لورا و بتتفحص البيت بنظراتها :متين لحقتو تظبطو البيت إنتي وبابا
_ "قلت ليها وانا جاراها من يدها داخلين على الغرفة" تصدقي سرحنا مع الونسة لقينا إننا خلصنا ،أبوك ظريف يا شهد وكلامه لطيف جداً
_صحييي؟ وانا أقول مامي متيمة بيهو ليه
_ حتى هو على فكرة بيحبها شديد، والحاجة دي واضحة من طريقة كلامه عنها ووصفه ليها
_ ااعيي عارفة ، تصدقي يا رزان حُبهم ماف زول ما بعلق عليه، نادراً يا قلبي ما تلقي ليك زول يشاركك نفس المشاعر وبنفس الحجم والطريقة والهوَس
_ يا الله أين نحن من هذا ، أصابني الجفاف يا أختاه
_ نحن؟ معليش لو سمممحححتتتي ، براك ما عندك البحبك ،أنا مغمورة مغمورة في الهوى حالياً
_ قصدك الهوى اللي بنتنفسه ولا غيرو
_ ياااخ التاني ياااخ
_ شهد ما تتعولقي، إتكلمي ،بالجد في زول في حياتك وانا ما عارفة؟
_ في والله
_ " رفعت حاجبي وعاينت ليها بنظرة مُعاتِب،نظام وانا ما عارفة!" اهاا
_ بحكي ليك تعالي
*قعدنا على سريري وبدت تتكلم:-
شهد: قبل كل شي أنا ما بحب الجامعة يا رزان وما طايقة ااي إنسان فيها غيرك إنتي وحسن وعلاء ومحمد بالرغم من إني إتعرفت عليكم بمشاكل اانننن ، في بداااية السمستر الخامس بعد خلصت دوام كُنت قاعدة في الصيدلية ووقتها ماما كانت في المستشفى كالعادة مع عمر عندها تغيير دم ، بتذكر يومها كان محمد واعدني يزوريني في الصيدلية عشان عندنا برنامج بنظبطه مع بعض
