" *ما رأيكم لو أسكب بعضاً من الألم على هذه الحلقة، إقرأو، وحاولو أن تغفرو;..! أأبكيتُكُم؟... لم استطع لكن فتحتُ جِراحكم، عُذراً،رجاءاً إغفرو أو حاوِلو*" .......💙
عند ميسون::
-وترتيني يا بت الناس،في شنو؟
-"ربعت يدي وبقيت اعاين ليه، رفع لي حاجبه بمعنى ; اها"
_ حُسام كان بيحبني يا عادل..
-....
- اهاا جاوب، ما قلت ليك تتحنط وتقيف لي زي الصنم كدة.!
-"كان ساكت وبعاين لي".......
- عاادل ما تسكت كدة، رد علي، سكوتك بخليني امش بعيد، إنت كنت عارف صاااح؟
- "مسح العرق من جبينه " دقيقة دقيقة إنتي بتقولي في شنو؟
- دقايق بس عشان ما تتحجج لي "قلت كدة وانا ماشة ناحية الدرج شلت منه الورقة وجيت باندفاع جريت ليه إيدو وختيت فيها الورقة،ووقفت راجية ردة فعل من حضرته ..
عادل::
بالجد ميسون ختتني في موقف صعب جداً، أنا ما محتاج أقرا الورقة لأني سلفاً عارف بتحوي شنو ، ميسون بتفتش في الماضي لشنو؟هي ما عارفة أنا بديت اتعلق بيها! أنا ما بتحمل أخسرها في الفترة دي،أنا ما جاهز أطلعها من حياتي بعد ما بقت هي حياتي! ... اصلاً كترت المكالمات ما مُطمنة خليت ااي شي في المكتب وراي ورجعت البيت اشوفها مالا،أول ما طلع الموضوع ليه علاقة بحُسام قلبي اتقبض وما قدرت أرد ليها تاني، ما قريت الورقة المدتها لي غمضت عيوني، كرمشتها وعصرتها بيدي شديد، وعروقي بقت ظاااهرة:-
" *شريط الذكريات*" 🍂..........
-يا عادل هي تلفونها ما معاها حالياً! ف أنا حأكتب ليها على ورقة،وبالمناسبة هي بتحب الأوراق الصغيرة الملونة العليها كلام حلو ، أنا كل ما أجيب ليها هدية بخت معاها ورقة عليها كلام عادي يعني، بمدحها وبتغزل فيها بشوية عبارات، بس المرة دي الورقة حتكون مختلفة..! "وقف وكان بعاين بالشباك سرحان في حتة بعيييدة،وواصل" المرة دي الورقة حتشيل ليها مشاعري
-مُلاحظ إنك بتصرف عربي كتير 😂
- أنا بقول في شنو وانت بتستهر مالك ياااا عادل
- "جريته من يدو وقعدتو في السرير، وانا قعدت قصاده في الأرض بعاين ليه" أسمعني يا فردة، القصة بدت متين؟ وإنت ما عايز تواجهها وتكشح ليها الحنك في وشها ليه؟
- ههه " ضحك ضحكة خفيفة وقام يتحاوم في الغرفة وهو مدخل ايديهو في جيوب البنطلون" اااخ أنا ما حأجاوب على الأسئلة دي، بس عايز أقول ليك حاجة واحدة، أنا ح أعرس ميسون، أنا بحبها يا عادل بحبها، ما عايز غيرها، حتى مؤيد ما عندو مشكلة فتحت معاهو الموضوع وهو شبه وافق
