*لا تنسى أن تُحصن حياتكَ بـ ممحاة جريئة لا تبلى*
#لقائله
صحاني صوت الكباية اللي اتكسرت في الغرفة! فتحت عيوني بهلع شفت عادل قدامي ختيت يدي على قلبي قلته ليهو: بسم الله الرحمن الرحيم الاتكسر شنو؟..قال لي كباية ما انتبهت لوجودها في التربيزة ختيت يدي ورميتها آسف، ممكن ترجعي تكملي نومك .. قعدت في نص السرير وانا بتثآئب عاينت ليهو وقلته: علاء ما رجع ..قال لي: لسة قال حيتأخر، بعدين مش قلتي ملاذ جاية؟ليه اتأخرت كدة؟
ميسون: رجعت اتصلت في الرقم الكلمتني منو طلع تبع صاحبتها وهي ما معاها! ما عارفة احتمال تكون غيرت رايها ملاذ دي دايما مظوطاني..
عادل: "كانت مكشرة وبتتكلم قعدت جنبها "ما تقلبي خلقتك خلاص أرح أوديك ليها
ميسون: ماف داعي اصلا أمي قالت حيجو بعدين كلهم
عادل: حلو يصلو بالسلامة
ميسون: ملاذ دي انا الليلة بربيها، بكرهه الكذب أنا
عادل: بتكون طلعت متأخرة أو مشت تلاقي حبيبها ما تآخذيها 😂
ميسون: مستحيييل ياااخ ملاذ لسة صغيرة يا عادل، ما أظن يكون عندها حبيب 😂
عادل: وإذا كاان؟
ميسون: إنت البخليك واثق كدا شنو! إنت عارف حاجة عن ملاذ وما مكلمني؟
عادل: والله ما عارف حاجة بس دا العمر البتصدف فيهو الحاجات دي
ميسون: "سرحت مسااافة في كلمات عادل البدت تسرب الخوف لروحي " ياااخ ما أظن لو حصل معاها كدا بتحكي هي ما عندها غيري، ما بتخبي عني حاجة صدقني يا عادل
عادل: إنت متحسسة من الموضوع لشنو؟ما دمتي واثقة ف ماف داعي للخوف ..
ميسون: أسمعني، أنا بكرة ح أمشي الجامعة
عادل :شنوووو 🙄
ميسون: زي ما سمعت، أنا غبت كتير ياااخ وامتحانات الفاينل قربت
عادل: حتقدري وانتي بتعرجي في المشي كدا؟
"استندت علي قدرت تقيف وبقت تمشي وتجي في الغرفة يعني بتعرج على خفيف، جات ضربتني في كتفي "ميسون: ما تتكلم سااي اهو انا زي الفل 😌
عادل: طيب طيب ورح نتغدا وح نتكلم في موضوع الجامعة بعدين
ميسون: يلاا "مسكت ايدو ونزلنا، عارفاهو ما حيزح يدي رغم انه شبه متضايق،بس ما بقدر يجازف بي تاني، إحتمال أقع وأعمل ليهم موضوع 😂❤️...."
عند رزان::
- ياااخ ما بتقدري تتخيلي انا اتكسرت كيف لما شفتك قاعدة مع الأولاد وصوت ضحكتك عالي!....إنتي كسرتي ضهري يا رزان أنا زعلااااااان منك شديد شديد، رزان إنتي ما عارفة العين الكنت بشوفك بيها، والفخر البحس بيهو لما يقولو لي أخو الدكتورة! رزان أنا طول عمري كنت عايش وما بخاف عليك نهااائي من كلام الناس والسمعة، كنت واثق انك ما حتوطي راسي من الناحية دي، أنا دايما بعاملك على أساس إنك بنت كبيرة وعاقلة وحبيبة أخوها الما بتغلط، معقولة أجي أسوقك من جامعتك وانتي عارفاني جاييك القاااك بالمنظر دا؟!
