" *دائماً هناك لغة مفقودة ، علاقات ناقصة ، أشخاص مهمّشين ،أحداث مكررة ، دائماً هناك فراغ رغم إزدحام كل شيء*" !....
#لكاتبه
🌸 *بعد شهر* 🌸
طلعت من قاعة الإمتحان كان آخر إمتحان وأسهل من القبلو كلهم، كنت مبسوطة ااي زول يسألني بقول ليهو ساهل شديد، شابكني يا حفارة واصلك بتحفري حفر جد جد شكلك حتيتي الشيتات ورجعتي للمراجع ووو تعليقات زي دي، بس ماف زول عارف العامل الأساسي الكان بمثابة محرك ومشجع بالنسبة لي !..
عاادل ❤️
بالجد وقفتو معاي ما كانت بتستحق أكافيها بأقل من +A
حتى معاملته إتغيرت شديد، الدلع والمفاجئآت ،أصحى القى السرير ملاااان ورود *الياسمين* رغم إنها بتخليني أعطس بس بحبها شدييييييييد،والبسكويت البحبه بلقى كم كيس منه في الشنطة،والأوراق الملونة، البلاقيها معللقة في كل زاوية من الغرفة ومكتوب عليها كلام حلووووو، طبعا عادل ما ليهو نهااائي في مجال الأشعار والكتابة والحاجات دي بس الكلمات البكتبها كان ليها أثر كبير على روحي😅،آخر ورقة كتبها أمبارح كان محتواها:-
" سأعتني بِكِ جيدا، رُبما لا تعلمين ولكنكِ وصيِة أحدِهم، سأحرص على بقائكِ بخير ومكتفيةٌ من كل النواحي، ستفهمين كل شيئ ذات يوم ليس بعيداً،فقط أعيريني الصبر "....
الكلام غريب حبتين بس كيفني، لكن مُحير صااح؟! خلاص خلاص ما ادقق شديد ياااخ بسألو بعدين لما أرجع البيت...
" زول بطقطق لي في وشي عشان أصحى من السرحة"
دي كانت رزان صاحبة علاء بتذكر شفتهم مع بعض كذا مرة بس ما لحقنا نتعرف على بعض كويس، سلمت علي وقعدت جنبي سألتني من الإمتحان قلته ليها:-اشتغلت كويس الحمدلله، وانتو امتحانكم كان كيف؟...
قالت لي: يعني ما كعب، إن شاء الله بنجز في الجاي
قلت ليها: - ان شاء الله.
إبتسمت وكانت حتمشي بس وقفتها: - رزان ما شفتي لي علاء؟بتصل ليهو من قبيل وما برد علي!..
ملامحها اتغيرت سكتت مساافة وقالت لي: لأ، قلت ليها: حيوان الود دا بقى ما بقرا كويس ،نفسي أعرف الحاصل معاه شنوو! ليهو فترة ما تمام
...(قلت كدة متعمدة أفهم حاجة;وأصلا بعد ربكة رزان،ولما سألتها وقالت ما عارفة مكانه، حسيت إنه الموضوع بتعلق بيها)...
رزان:"التفتت علي وشكلها برضو عايزة تفهم مني حاجة" كيييف الكلام دا؟ فهميني أكتر يا ميسون
ميسون: ياااخ الشهر المضى دا كلو يا رزان، علاء اتغير توتلي، أكتر شي صادمني القراية بقت ما فارقة معاهو! وبقى يطلع من البيت ويتأخر شديد لما بدينا نخاف عليه،حتى أكله بقى ما منتظم شكله حاصلة معاهو مشكلة
