" *لاترحل حين أُخبِرك بأنني أُحبك، أزرع بي قلباً آخر يُنبِت مِن الفَرحة، قُلها مرة ولو كذباً بأنك تحبني ولا حياة لك من دوني* "
عند ميسون::
الأيام بتمر وعلاقتنا أنا وعادل مشوشة وما مفهومة، مرة حلوة ومرة لأ، أنا كنت بمثابة ممثلة في فيلم، يعرضو علي السيناريو ، وما علي غير اواصل تمثيل في حكاية نهايتها مجهولة!...
كنت بتكلم مع أبوي "حاج عثمان" عن موضوع في الجريدة وبدا يسألني عن الجامعة ومتين ح أنزل، قلت ليهو مفروض بعد يومين، قالي طيب وعادل! عارف؟ قلت ليه كلمته من إسبوع بس شكله ما متذكر قال لي خلي الحكاية دي علي قلت ليه طيب،،، قمت مشيت لأمي في المطبخ لقيتها عاملة كيك وأكلات كتيييرة سألتها وأنا بضمها من ورا: الله الله المناسبة شنو يا أمي؟
- ناسية الليلة في شنوو؟؟
-في شنو ؟?
- "قالت لي وهي بتمسح العرق من جبينها " عيد ميلاد علاء أخوك معقولة نسيتي ?
- لالا ياااخ اول مرة أنسى عيد ميلاده
- ما مشكلة، يلا أنا عملت الطبخات البحبها، والكيكة، إنتي امشي جيبي التورتة او اضربي لعادل يجيبها معاهو
- طيييب
-بس اسمعيني، علاء ما يعرف إني ناسية حيزعلل مني
-ااي ما بكلمه
-امي تعالي "جريتها من يدها، طلعتها من المطبخ " إنتي اقعدي هنا كفاية تعبتي ،انا ح أزيين البيت واعمل بقية الحاجات
-سمح ، جيبي لي القطرة عيوني واجعاني
-ااي لأنك بتنسيها، بطلي الإهمال يا أمي " مشيت جبت ليها القطرة، كبيتها ليها خليتها تنوم ومشيت اكمل شغلي،،،عملت عصير جوافة ختيته في التلاجة "عصير علاء الدين المُفضل"...
__تلفوني كان بيرن__
مشيت ناحيته وانا بربط شعري اللي كان نازل في وشي و ومزهجني،،كان إتصال من عدنان "واحد من أعضاء المُبادرة" رديت.....
-الو
- السلام عليكم، كيفِك
- وعليكم السلام الحمدلله بخير الحاصل شنو وعملتو شنو جديد
- والله راجينك يااخ، المبادرة محتاجة تصديق، عايزة دعم،انا شايف الأعضاء بدو ينسحبو وحسو بالموضوع ضارب، وانا زاتي بديت أفقد الأمل
- "كلماته زعلتني، غمضت عيوني وانا خاتة يدي في وشي" عاين يا منوو؟
- عدنان طه، إسمي عدنان
- ااي يا عدنان، أنا عارفة إني مقصرة معاكم وما كلمتكم مفروض نعمل شنو ونبدا من وين،ولا جبت الأدمن اللي واعداكم بيه 💔عندي مشاكل وظروف أنا مضغوطة، بس محتاجة شوية وقت، أنا متمسكة بالمبادرة ما تكسلو ياااخ، انا واثقة اننا حننجز ونقدر نغير حاجة
