Uni
မနေ့က တစ်နေကုန် Prewedding Photoရိုက်ထားရတာကြောင့် တစ်ကိုယ်လုံး ညောင်းကိုက်နေပါတယ်
ဒီနေ့တော့ ဘယ်မှ မသွားဘဲ အိပ်မှာ နားနေမယ်လို့ တွေးလိုက်ပါတယ်
Ring Ring....
"ပြော"
"ဦး နိုးပြီလား
မလာသေးဘူးလား"
"ဘယ်ကို လာရမှာလဲ
ဘာကိစ္စရှိလို့လဲ"
"ဦးကလည်း....မီးတို့အိမ်ကိုပေါ့
ကိစ္စတော့ မရှိပါဘူး ဦးကို တွေ့ချင်လို့ပေါ့"
"မလာနိုင်ဘူး
တစ်ကိုယ်လုံး ညောင်းကိုက်နေတာ"
"ဟင်...ဦး နေမကောင်းဘူးလား"
"ဟုတ်တယ် နေမကောင်းဘူး
ဒါပဲမလား"
ပြောပြီးတာနဲ့ ဖုန်းချလိုက်ပါတယ်
မျက်လုံးမှိတ်ပြီး ခဏလောက် ပြန်မှိန်းလိုက်တာ အိပ်ပျော်သွားပါတယ်
ကျွန်တော် နိုးလာတော့ အောက်ထပ်မှာ ဟိုကလေးမအသံကြားပါတယ်
အောက်ထပ်ဆင်းလာတော့
"ဦး နိုးလာပြီလား
ခုနက မီး တက်လာကြည့်သေးတယ်
ဦး အိပ်ပျော်နေလို့"
"အင်း....ရောက်နေတာ ကြာပြီလား"
"ကြာပြီ
ဦး ဖုန်းချပြီးကတည်းက ထွက်လာတာ"
"ဘာလာလုပ်တာလဲ"
"သားကလည်း ဘယ်လိုပြောနေတာလဲ"
"မီးက ဦးအတွက် မုန့်ဝယ်ထားပြီး အိမ်မှာ စောင့်နေတာ
ဦး မလာလို့ လာပို့တာ"
ကျွန်တော် အော်လိုက်လို့ မီးလေး မျက်နှာပျက်သွားပြီး မျက်ရည်ဝဲနေပါတယ်
"မီး ပြန်တော့မယ်"
"သမီး ကားပြန်လွှတ်လိုက်ပြီမလား
သား ပြန်လိုက်ပို့ပေးလိုက်"
"ရပါတယ်
မီး ကိုယ့်ပါကိုယ် တက္ကစီငှားပြန်ပါ့မယ်"
"ပြန်လိုက်ပို့မယ်
အခန်းထဲ ခဏလိုက်ခဲ့"
"ရပါတယ် မီး ပြန်တော့မယ်"
"လာပါဆို"
ကျွန်တော် သူ့လက်ဆွဲပြီး အခန်းထဲကို ခေါ်လာလိုက်ပါတယ်
