Uni
နောက်တစ်ရက်ကြာတော့ ကျွန်တော်တို့ ခရီးစထွက်လာကြပါတယ်
ကျွန်တော်နဲ့ ဦးမင်းဆက် ကားတစ်ယောက်တလဲ မောင်းရမှာမို့ သိပ်ဝေးဝေး မသွားဘဲ ငွေဆောင်ကိုပဲ ထွက်လာကြပါတယ်
"ဖေဖေကလည်း ညဘက် သွားရအောင်ပါဆို
အခုတော့ တစ်နေ့လုံးကားစီးရတာနဲ့ပဲ အချိန်ကုန်နေပြီ"
"သမီးကလည်း ညဘက်တောင်တက်လမ်းတွေ မောင်းရတာ အန္တရာယ်များတယ်
နေ့ဘက်သွားတာပဲ ကောင်းတယ်"
"ကလေးကလည်း နေ့လည်တော့ ရောက်မှာပဲဟာ
အိပ်လိုက် နိုးလာရင် ရောက်သွားလိမ့်မယ်"
"အင်း.....အဲဒါဆိုလည်း ပြီးရော
အိပ်ပြီးတော့လိုက်မယ်"
"သူများတွေက မယားပြောရင် တစ်ညတဲ့
ငါ့သမီးကတော့ ယောကျ်ားပြောရင် ခဏ ဖြစ်နေပြီ"
"ဖေဖေပဲ ဦးစကားနားထောင်ရမယ်ဆို....😁"
"အဲ့လောက်ဆို ဖေဖေ စိတ်ချပြီ သမီးရေ"
ကျွန်တော်တို့ နေ့လည် ထမင်းစားချိန်လောက် ရောက်ကြပါတယ်
ထမင်း အရင်စားပြီးမှ ဘန်ဂလိုမှာ ဝင်နားကြပါတယ်
ကလေးနှစ်ယောက်ကတော့ ရောက်တာနဲ့ ရေထဲ တန်းဆင်းချင် နေကြပါတယ်
"ကလေးတို့ ရေထဲဆင်းလို့ မရသေးဘူး
နေပူပူကြီး အပူလျှပ်လိမ့်မယ်
ညနေနေအေးမှ ဆင်းရမယ်"
"အဲဒါဆို ဘာလုပ်ရမှာလဲ ဖေဖေ"
"အရုပ်တွေနဲ့ ကစားပေါ့
အခန်းထဲမှာ"
"ဖေဖေနဲ့ မေမေကလေးကို သားသား ပုံပြောပြမယ်"
သားက အရုပ်လေးတွေ ချပြီး ကျွန်တော်တို့ကို စိတ်ရှည်လက်ရှည် ပုံပြောပြနေပါတယ်
ကျွန်တော်လည်း သားပြောတာ နားထောင်ရင်း ခဏကြာတော့ ပင်ပန်းနေတာနဲ့ အိပ်ပျော်သွားပါတယ်
"ဖေဖေ...."
"ဦး.....ထတော့
ရေထဲဆင်းမယ်"
"အင်း....ထမယ် ထမယ်"
ကျွန်တော် ရေထဲမှာ ကလေးနှစ်ယောက် ဘောကွင်းစီးတာကို လိုက်ထိန်းရပါတယ်
ရေကစားတာ တော်တော်ကြာတော့ ဘန်ဂလိုပြန်လာပြီး အဝတ်အစားလဲကြပါတယ်
ဦးမင်းဆက် ဖုန်းဆက်ခေါ်လို့ ကျွန်တော်တို့ ညစာသွားစားကြပါတယ်
