Unicode
ချန်ဖေးဇာတ်လမ်းကို ညနေ (8)နာရီမှာ စတင်ထုတ်လွှင််ခဲ့တယ်။ လုယွင်ချန်းရဲ့ပရိသတ်တွေကတော့ (7)နာရီလောက်ကတည်းက TVရှေ့မှာထိုင်ပြီး ရှန်ယန်းကိုပံ့ပိုးပေးနေခဲ့ကြပြီး ရှန်ယန်းရဲ့ပရိသတ်တွေကလည်း အားလျော့ခြင်းမရှိလေဘူး။ ဒီတော့ ချန်ဖေးရဲ့ ထုတ်လွှင့်ပြသမှုကိုကြည့်ရှုရာနေရာမှာ မှတ်ချက်တွေအများကြီးနဲ့ စည်ကားနေခဲ့တယ်။ ဒါပေမယ့် black fanတွေကလည်း ရှိနေတုန်းပဲ။
[အား အား အား အား ငါတော့ ရှန်ယန်းရဲ့ အွန်လိုင်းဒရမ်မာကို စောင့်မျှော်နေပြီ]
ဘာမှမသိဘဲဝင်ရောက်လာတဲ့လူတွေကတော့ ရှန်ယန်းကို နံပါတ်တစ် အမျိုးသမီးဇာတ်လိုက်လို့တောင် ထင်နေကြတယ်။
ရှန်ယန်းက အမျိုးသမီးဇာတ်လိုက်ဖြစ်ဖြစ် မဖြစ်ဖြစ် သူတို့က ဒီအွန်လိုင်းဒရာမာကိုတော့ ကြည့်ရှုနေကြဦးမှာပဲလေ။
[ အိုင်းယား လုယွင်ချန်းက ရှန်ယန်းနဲ့ပူးပေါင်းလိုက်ပြီး ကော်ဖီနေရာနားလောက်ထိကို အဆင့်တွေလျှော့ချထားတာပဲ ..ရှန်ယန်းက အွန်လိုင်းဒရာမာထဲမှာတောင် ဇာတ်လိုက်မအဖြစ် မရိုက်ကူးနိုင်သေးဘူးလေ]
(T/n_ coffee position ဆိုတာက အင်တာတိန်းမန့်လောကထဲက အဆင့်နိမ့်နဲ့နေရာကိုပြောချင်တာပါ အဆင့်ဆယ့်ရှစ်လောက်နီးနီးဖြစ်မယ်ထင်တယ်)
[အွန်လိုင်းဒရာမာက ဘာတွေများဖြစ်နေလို့လဲ]
[ဇာတ်ကားနမူနာကိုကြည့်ရတာ ကောင်းမယ်လို့တော့မထင်ဘူး ဒါပေမယ့် ဘယ်လောက်တောင် ဆိုးရွားနေမလဲဆိုတာသိရအောင် စောင့်ကြည့်ဦးမယ်]
အနုပညာလောကထဲက လူအများစုကတော့ ရှန်ယန်းကို ဒီအွန်လိုင်းဒရာမာမရိုက်ကူးလိုက်သင့်ဘူးလို့တွေးတောနေကြတယ်။ မဟုတ်ရင် တစ်ချိန်ချိန်မှာ ဒီကိစ္စက ရှန်ယန်းကို ခေါင်းစဥ်တပ်လာစရာ ကိစ္စတစ်ခုအဖြစ် ရှိလာနိုင်တယ်လေ။
ချန်ဖေး ထုတ်လွှင့်မပြသမီ ဆယ်မိနစ်အလိုမှာတော့ လုယွင်ချန်းက ချန်ဖေးဒရာမာရဲ့ ဝေ့ပေါ်စာမျက်နှာကို သူ့ရဲ့အကောင့်ထဲမှာ မျှဝေလိုက်တော့တယ်။ ဒါက အင်တာနက်အသုံးပြုသူတွေကို အတော်ကြီးအံ့အားသင့်စေတယ်လေ။ လုယွင်ချန်းရဲ့ပရိသတ်တွေကတော့ ချက်ချင်းဆိုသလို ချန်ဖေးအွန်လိုင်းဒရာမာကို ထောက်ခံပေးလာကြတယ်။
YOU ARE READING
ပြန်လည်မွေးဖွားလာသော ဗီလိန်ရဲ့ရည်းစားဟောင်း (Myanmar translation)
RomanceThis novel is not mine. Just a fan translation. Unicode +Zawgyi Author - 桃花引