حمد : هلا هلا علومك ؟ وين ها الغيبه كلها ؟!
زايد : يا ريال موجود بخير وانت علومك شو دنياك ؟
حمد : بخير وعافيه ، ها كيف جدولك اليوم عع وين ؟
زايد : والله ف البيت مب رايح مكان ماشي جدول .
حمد : دام جي نشش البسس وتعال بنروح السينما ويا الربع قوم خلوف ومكتوم ، بنترياك .
زايد : يلا زينن جي يبالي مال نص ساعه واكون عندكم .
حمد : ترتيب .
مكتوم : ها شو قالك زيود ؟
حمد : قالي نص ساعه وبيكون عندنا .
مكتوم : هههههههه ادريبه زيود ما يطوف الطلعات .
حمد: هههههه تراهه شراتك بعد شو ، الا اقولك خلوف وينه احين ؟
مكتوم : صدق انك حاسد يي ولد العم ، قالي جي دقايق ويكون موجود ،
حمد : حاسد انا صرت احين هههههه ، هييه زين .
-----
وصلوا زايد وخليفه بنفس الوقت ، قعدوا يدورون باركنات ، طافت نص ساعه وهم يدورون و الباركنات فل زحمه ، وبالغصب حصلوا وبركنوا ، سلموا عع بعض ...
حمد : يزقر عليهم من بعيد مابغيتوا توصلون .
خلوف : يعني شايف امة محمد كلها اليوم هني كيف تبينا نحصل باركنات عع طول ؟
حمد : هههههههههههه امزح وياكم ، زين شفناكم متى اخر مره طلعنا ويا بعض الاسبوع الي طاف اتوقع . .
أنت تقرأ
رواية إبتدينها مزح وانتهينا عاشقين
Actionرواية مستوحاه من احداث واقعيه ، ب اللهجه العاميه (الاماراتيه)
