رواية إبتدينها مزح وانتهينا عاشقين

البارت 65

مكتوم : تمام ظبيه سمعيني عدل ابيج تحطين في بالج شي واحد بس انه كل ها اللي صار فعل ماضي صار في الماضي خلاص ابيج تفرين كل شي ورا ظهرج و تبدين من يديد و تفتحين صفحه يديده مع نفسج عشان ترومين تتخطين كل اللي صار وياج و الأهم من كل ها تحاولين تتقربين من ربج اكثر و شوفي حياتج كيف راح تتعدل و تصير احسن من قبل ابيج تسوين اشياء انتي تحبينها تطورين من مهاراتج تقعدين مع اهلج و ربيعاتج تطلعين تستانسين تسوين اشياء انتي تحبينها و ابيج تعرفين عدل انه مب كل الناس نفس بعض اصابع ايدنا مب كلها نفس الشي و هالشي نفسه ينطبق ع الناس مب كلهم شرات بعض انتي اللي عليج بس تعرفين تفرقين بين اللي يبا لج الخير و بين اللي يبا لج الشر و اهمم شي انج تتقربين من ربج و صدقيني كل هذا بيطوف ولا جنه صار شي و بتبدين حياتج من يديد و بتستانسين و حياتج بتصير احسن من قبل و لو تبيني اوعدج بهالشي تآمرين امر لاني واثق من هالشي بس اهم شي انتي يكون عندج اراده انج تبين تتغيرين للأحسن .
ظبيه : ان شاء الله مكتوم بحاول انفذ رمستك و بحاول اتغير للأحسن لا تحاتي ان شاء الله خير و لو ربي كاتب بيصير .
مكتوم : لا ظبيه لا تحاولين انا واثق فيج و اعرف انج ترومين و متأكد من هالشي انتي تقدرين بس اللي عليج خلي عندج اراده انج بتتغيرين للأحسن لا تخيبين ظني و ظن ربيعاتج اللي يحاولون بكل الطرق انهم يساعدونج و يوقفون يمج لا تخيبين ظن اهلج اللي يتمنون يشوفج بخير و مستانسه بدنياج ترا كل ها واقف عليج انتي كل ها بأيدج انتي ، و كل هالرمسه لمصلحتج ظبيه محد يروم يجبرج ع شي انتي ما تبينه لو انتي تبين تتغيرين للأحسن بأذن الله بتتغيرين لو انتي ما تبين هالشي ماشي فايده من كلامي و من اي شي نسويه لان انتي ما عندج اراده .
ظبيه : لا ان شاء الله وعد راح اتغير و راح اتقرب من ربي و بكون ظبيه يديده بأذن الله
مكتوم : هذا المطلوب والله و انتي قدها و قدود و كلنا واثقين .
ظبيه : ان شاء الله بكون قد ثقتكم لا تحاتون ، و مشكور والله مكتوم ما تعرف كيف رمستك اثرت فيني و عطتني طاقه ايجابيه ما تقصر والله .
مكتوم : لا حشى ما سويت شي ها شغلي ، يلا شوفي البنات وينهم خ اوديج لهم و ارد حق الشباب .
ظبيه : ان شاء الله .. زخت فونها و دقت ع سميه . .