رواية إبتدينها مزح وانتهينا عاشقين

البارت 40

خليفه : بس قبل لا اتيي تشلني طرش لي تمام علشان اجهز .
زايد : ان شاء الله ، اهم شي حط فونك عام .
خليفه : ههههههه تمام .
مكتوم : انزين شباب اخليكم انا ،بروح ارقد وياييه بعد نشه صباح .
زايد : كلنا بنروح نرقد هههه مب بس انت .
مكتوم : يلا عيـل تصبحوا على خير.
خليفه : نوم العوافي عليكم .
------------
بندوا الاتصال وكل واحد راح يرقد ..
ظبيه قبل لا ترقد قعدت تتذكر اشياء القديمه وقعدت تصيحح وبعدها قعدت تكتب ف النوت علشان تخفف من اللي فيها كتبت كلام وايد ومن ضمن الكلام اللي كتبته .
{ اخبريني يـا رُوح متى ستشفين من تلك الصراعات الداخليه اخبريني متى سيمُر يوماً لطيف على قلبي ؟ }
وعقبها رقدت ودموعها عع خدها .
مر اليوم وصبح اليوم الثاني والكل راح عع اشغاله .
نش زايد وراحح عع الصناعيه عع طول وتريق هناك ، عشان يلحق يخلص اموره لانه مب باقي شي عن السفره الا يومين .
ضي اليوم اخر اختبار لها وبرتاح وبيكون وياها اجازه طويله ، اول ما خلصت الاختبار طرشت حق ظبيه وسميه تخبرهم .
ردت عليها سميه بس .
-----------
سميه : مبروك حبيبيي هم وانزاح عنج ههههه.
ضي : الله يبارك فيج قلبي ، هيه والله صدقتي .
سميه : واحين انتي خلصتي امورج ولا بعدج ؟
ضي : لا بعدني وانتي ؟
سميه : باقي لي اشياء بسيطه وجي .
ضي : هيهه زين بتطلعين اليوم ولا ؟
سميه : انتي احين شو قاعده تسوي ؟؟
ضي : ولا شي قاعده جي ، مستانسه اني خلصت هههه.
سميه : هيهه ، عساج دوم مستانسه ، انزين طلعنا احين ونتغدى برا ؟؟
ضي : تمام خلاصص بنشش اسبح واجهز وجي .
سميه : زين قلبي حتى انا عيل ومن اخلص بطرش لج .
ضي : تمام ، بس ظبيوه ما بتسير ويانا طرشت لها وماردت .
سميه : هيه قالت مخلصه ، اتوقعها راقده .
ضي : يمكن بسس نحن بنطرش لها عشان ما تقول ما خبرنها .
سميه : هيهه زين بعد انطرش لها .
ضي : يلا بخليج بروح اسبح .
سميه : زين حبي نعيماً عليج .
ضي : الله ينعم عليج يارب .
سميه : يلا قلبي ويهج هههههه روحي خلصي .
ضي : هههههههه زيننن ، باي .
-----------
طرشوا حق ظبيه بس ما يوصل لها لانه مبنده الخدمه وكل شي .
روحت ضي تسبح وتتجهز وسميه بعد شراتها ...
خلصت سميه وطرشت لـ ضي انها احين بتطلع بتيي تشلها .