رواية إبتدينها مزح وانتهينا عاشقين

البارت 16

حمد خذله اكل وقعد ف الباركنات ياكل ويفكر باجر كيف ياخذ اجازه مرضيه لانه ما ودهه يداوم وقعد يفكر .... خلص اكل وروح العياده ياخذله اجازه ، قال لدكتور انه تعبان وجسمه مرهق ويحتايي اجازه يوم ثاني ، وافق الدكتور وعطاه الاجازه، استانس حمد ودق حق مكتوم يساله وين هو ..
----------
حمد : الو ولد العم شحالك وين دارك ؟
مكتوم : بخير ربي يعافيك وانت علومك ؟ والله داري احوط صوب المبزره وجي ، ليش امرني ؟
حمد : دوم يارب ، بخير انا بس صداع هالاكني ، هيهه زينن حلو عيل احرك من العياده وايي صوبك نلتقي .
مكتوم : عسى ماشر ؟ تمام اترياك .
حمد : الشر مايك هههههه ماشي بس ماخذ اجازهه مافيني اداوم باجر داقلي ها المدير الزفت اونه يباني اداوم باجر .
مكتوم : هيهه جيي سالفه وخذيتها اجازه مرضيه عن داوم والله انك مب هين ههههههههه .
حمد : هيه والله يكدنا كد يعله شو اقول .
مكتوم : يلا معليه ، نلتقي بتحصلني صوب النافوره .
حمد : تمام .
-----------
زيود وخليفه وربعهم الباقين مستانسين عع العب والسوالف خلصوا لعب وطلعوا من صالة البلياردو ، روحوا يتعشوا
... من خلصوا عشى وصلهم خليفه كل واحد عع بيتهم ورجع البيت هو وسبح ورقد عع طول لانه حاس بتعب ...
وصل حمد عند مكتوم وقعدوا يسولفوا وياخذوا ويعطوا علوم بعض ويخططوا علشان باجر وين بيروحوا ....
ومر الوقت ويات س وحده فليل ورجعوا بيوتهم ...
وهم وراجعين حمد صار معاه حادث ...
ومحد درا عنه وكان الشارع فاضي بعد ساعتين ،مر عليع ريال وبلغ الشرطه انه في حادث ، حاول يطمن اذا هو عايش او لا!
وصلوا الشرطه والاسعاف ونقلوه للمستشفى ، طلعوا بياناته واتصلوا عع اهله وخبروهم الخبر .
وصل الخبر لمكتوم وربعهم الباقين ، فزز مكتوم من مكانه وعع طول راح المستشفى يطمن عع حمد ...
اول ما وصل لقى عمه قاعد يصيح مكتوم زاد الخوف وتوتر داخله يسال عمه وين حمد شوووو قالوا لكم طمنيي عنه كيفهههه ، عمه وهو يتنهد من صياح ، مدخلينه غرفة العمليات ...
مكتوم مب قادر يهدي اعصابه يحاتيي حمد وايد لانه اكثر شخص قريب منه .
زايد دق عع مكتوم يريد يطمن عع حمد .
----------
زايد : الوو مكتوممم ها طمنيي عن حمد وينه كيف امورهه .
مكتوم ونبزة صوته متغيره : والله ماعرف شي لحد الحين يا اخوي مدخلينه غرفة العمليات وماقالوا لنا شي .
زايد : كيف صار الحادث ،ومب كنت انت وياه طالعين؟؟
مكتوم : هيه كنا مع بعض ، بس هو بموتره وانا بموتري...