رواية إبتدينها مزح وانتهينا عاشقين

البارت 17

زايد : اها ، بس شكله تعبان اصلا من يوم كنا طالعين هاك اليوم .
مكتوم : هيه هو كان تعبان بس قالي انه مصدع ماقال شي ثاني .
زايد : يالله عسى كله خير ان شاء الله ويكون بخير ، من يطلع من العمليات خبرني كيف وضعه بحاول اريح شوي ومن انش بييي المستشفى عع طول تمام .
مكتوم : الله يسمع منك ، ان شاء الله .
دق خليفه : الوو مكتوممم كيف حمدد شو صار معاه ؟
مكتوم : حادث وهو راجع البيت ، احين ف غرفة العمليات ما نعرف حالته كيف .
خليفه : لا حول ولا قوه الا بالله ، عسى ان شاء الله بسس يكون بخير ، من يطلع طمني عنه ، انا ناشه واشوف الخبر وفزيت عع طول دقيت عليك.
مكتوم : ان شاء الله ، انا بعد نفسك داقلي اخوه يقولي .
خليفه : هيهه يالله عسى يكون بخير ، من يطلع طمني عنه وشوا بيقولوا .
مكتوم : تمام .
----------
مر الوقت وحمد طول ف العمليات .... والكل قاعد يترياه واحر من الجمر وعع توتر وايدهم عع قلبهم ، لانه وصلهم خبر حالة حمد ما اطمن وايد ..
نشت ظبيه الصباح وكالعاده عع روتينها اليومي ، لبست عباتها وراحت عع المركز الشرطه علشان القضيه اللي قدمتها من ورا اهلها ، وصلت المركز وتكلمت ف امور القضيه ... وقالوا لها انه راح ينسجن لمدة سنتين او اكثر لانه فيه قضيه ثانيه عليه بعد ، هني شعور ظبيه بين فرحه وحزن ومشاعرها متلخبطه .
ل اول مره ظبيه تسوي مثل جي للناس لانه دايما قلبها طيب وتسامح بكثير وما ترضى تدمر مستقبل حد عع رغم كل شي، طلعت من المركز وقعدت ف الباركنات ودقت عع البنات وخبرتهم الخبر واستانسوا وايد ...
------------
ضي : يستاهل احسن علشان يتوب ويودر ها الخ... قاهرني وها اقل من يزاتهه .
سميه : هيه والله يستاهل علشان يعرف انه كل واحد يتحمل نهاية افعاله وين توديه يعععع ينرفزواا .
ظبيه : هوو صح يستاهل بس انصدمت انه سنتين او اكثر لانه عنده قضيه ثانيه وبيودوه المحكة علشان الجلسه الاول للحكم بيشوفوا .
ضي : بيي ادوسجج لو روحتي سحبتي القضيه ، ترا الطيبه الزايده مب منها فايده ومحد يستاهلها تمام يعني لا تمشى دايما عع نياتج الطيبه .
ظبيه : ياخيييي ..
ضي : جبجبب انا اعرفجج ترا متضايقه انج ل اول مره تتخذي ها القرار . .