رواية إبتدينها مزح وانتهينا عاشقين

البارت 21

مكتوم : انا وديي اشله مستشفى خاص بس حالته قالي ما تساعد ننقله من مكان ل مكان ثاني .
زايد : معليه باذن الله بيكون بخير وكلها ايام وبتعدي بسرعه .
مكتوم : ان شاء الله .
خليفه : انزين الا اقولك مكتوم انت بروحك ف المستشفى ؟
مكتوم : هيه ليش ؟
خليفه : اسال علشان انت ترجع ترتاح من امس مب راقد .
مكتوم: لا عادي الامور طيبه .
خليفه : يا ولد الحلال ترا مب زين بيي لك صداع والله روح ارتاح وانا بيي بدالك اقعد هناك .
مكتوم : لا وين مخلي عمي يرجع البيت والاهل علشان اتم .
خليفه : تمام اللي يناسبك .
------------
بندوا الاتصال، وقعد مكتوم يتريا خبر يفرحه من الدكتور
وهو قاعد يتريا ف الانتظار يات غايه وشافت مكتوم وعع طول روحت صوبه وابتسمت ، مكتوم تفاجآ انها كيف يات وليش ياييه اساسا دون عمي وفل ميكب ، قعد يطالعها بنظرات وهو مغصوص من داخله ، يقول فخاطره ما الوم حمد لما كان يتضايق منها وايد ومن تصرفاته احين صدق شفت الشي قدام عيني ، الله يعنيهه عليها مادري شو مسويه بنفسها هذي البنت جي ...
------------
غايه : هلا مكتوم شحالك ؟
مكتوم : بخير .
غايه : دوم يارب ، شو الاخبار اليديده عن حمد؟
مكتوم : بعدهم ما عطوني خبر .
غايه : اها عيل بسير اسال الدكتور .
مكتوم : الدكتور مب موجود طالع ، وما يحتايي تسالينه لو فيه شي كان خبرني .
غايه : زين بلاك معصب هدي شوي وبتاكلني .
مكتوم : انتي شو يايبنج هني ؟؟ ويا منو ياييه !
------------
غايه احين قعدت تفكر ف عالم ثاني انه مكتوم يحبها ويغار عليها وما يبيها ترمس غيره ، وما تدري ب الواقع انه مب قادر يتقلبها ....
------------
غايه : بعد ليش ياييه ؟؟
مكتوم : ترا اسالج وجاوبي .
غايه : ياييه اشوف اخوي كيف صار ، ويا منو ياييه مايخصك .
مكتوم: ماشاءالله ، عليج لسان بنت العم .
غايه : هيه توك تدري .
مكتوم : ستغفرالله بسس ، احين بدق حق عميي بساله ولا بقوله ايي يشلج من هني .
غايه : اوهه شو فيك جي ؟
مكتوم : مافيني شي ، من يايبنج ؟
غايه : الدريول ارتحت .
مكتوم : تمام احين اطمنت عع حمد وتوكلي البيت ، هني زحمه وربعه بيكونوا موجودين وما عدنا بنات يقعدوا بنص شباب .
غايه : زينن زينن حتى انت نسخهه من حمد.
مكتوم : والله ما الومهه يوم يرتفع ضغطه .
غايه : شووو قصدك ؟
مكتوم : ماشي سلامتج ، الله يحفظج .