رواية إبتدينها مزح وانتهينا عاشقين

البارت 68

مكتوم : والله يسرك حالي شكثر مستانس بارك لولد عمك ان شاء الله خطبتي بعد يومين
حمد : توه الوالده تقول لي ، مبروكك استانست لك ، منو بنت الحلال اللي قدرت تاخذ قلبك ؟
مكتوم ضحك : ظبيه ، هاييج اللي شفتني وياها بالكوفي يوم كنا بالمول
حمد ع طول عرفها و تضايق شوي : ايوااا ، ربي يتمملكم ع خير يارب
مكتوم : امينن يارب ، يلا عيل بخاطرك شي ؟
حمد : سلامتك ، مع السلامه .. و سكر .
.
حمد بعد ما سكر من مكتوم ما حس انه تضايق وايد و صدق استانس لولد عمه و ع طول عرف انه اللي فقلبه مجرد اعجاب بس ، و قرر انه ينساها و يتمنى لهم الخير .
.
ضي : ظبيوه شرايج في هالدرس احسه سمبل جي حلو حق الخطبه يعني
سميه : لا ضيوه شو جي يوم خطبتها و تبين تلبسينها غامق بعد
ضي : مادري حسيته حلو
سميه : ظبيوه ها يجننننن والله العظيم و احسه بيطلع طررر عليج
ضي : صدق والله ظبوي وايد حلو
ظبيه : هيه وايد عيبني شو تحسون خلاص اخذه ؟
سميه : احسه وايددد حلو ظبوي و لونه بيبي بنك يجنن والله
ظبيه : خلاص باخذه ، انزين شو تحسون اللبس كعب ؟ يعني اي لون ؟
ضي : احس الابيض بيطلع واااايد مرتب مع البنك
سميه : هيه انا بعد احس خ ناخذ كعب ابيض
ظبيه : تممم بناخذ كعب ابيض خ نحاسب ع الدرس و بنسير ندور كعب .. و يلسوا يتمشون بالمول و يتشرون و يجهزون حق الخطبه .
.
" يوم الخميس يوم الخطبه الساعه ٤ العصر " :
ظبيه : يمه بنات احس متوتره يمكن ما اعيب اهله
سميه : بصفعج ظبوي شو ما بتعيبينهم شحلاتج بعدين وين يحصلون شراتج
ضي : ما عليج منها وايد تحاتي اصلاً بيشوفونها بتطير عقلهم و بتشوفون بعد
ظبيه : اوف جب بنات استحي
سميه : هههههههه انزين خلاص بنسكت
.
و يلسوا البنات يسولفون و يهدون ظبيه و و يجهزونها لين المغرب و وصلوا الضيوف ، نزلت لهم ظبيه و شافوها اهل مكتوم و وايددد حبوها و اتفقواا على كل شي و تمت الخطبه و اتفقوا العرس يكون بعد ٣ شهور .
.
في هالفتره غايه قررت تبتعد عن مكتوم عسبت ما يقول لأبوها او اخوها شي حتى عرسه قررت ما تحضره لأنها للحين تحبه و ما تقدر تشوفه ينزف لوحده غيرها .
.
علاقة سميه في خليفه تطورت اكثر و اكثر ، خليفه قدر يخلي سميه تحبه من كل قلبها و هو بعد كان يحبها و وعدها اول ما يحصل وظيفه و يكون عمره بأذن الله بيي و بيخطبها .
.

طبعاً في هالثلاث شهور كانوا العايلتين مشغولين في امور الزواج و التحضير و الترتيب و امور القاعه و المعازيم ، و ظبيه كانت دوم مع البنات تجهز للزواج و كان عليها ضغط مب طبيعي من تجهيزات العرس .